Subscribe Our YouTube channel

எங்கள் செய்திகளை உடனுக்குடன் தெரிந்துகொள்ள எங்களுடைய அப்ப்ளிகேஷனை கீழேயே உள்ள இமேஜை கிளிக் செய்து google playstore இல் டவுன்லோட் செய்து கொள்ளுங்கள் நன்றி...!!!

Friday, 12 September 2014

ஆதார் அடையாள அட்டை திட்டத்துக்கு ரூ.1200 கோடி நிதி

ஆதார் அடையாள அட்டை திட்டத்துக்கு ரூ.1200 கோடி நிதி ஒதுக்க மத்திய அமைச்சரவை நேற்று ஒப்புதல் அளித்துள்ளது.
                இந்திய குடிமகன்கள் அனைவருக்கும் நாடு முழுவதும் செல்லக்கூடிய அடையாள அட்டை வழங்க கடந்த ஐக்கிய முற்போக்கு கூட்டணி அரசு ஆதார் திட்டத்தை கொண்டு வந்தது. ஆதார் அட்டைக்காக ஒருவரது கைரேகை மற்றும் கருவிழிகள் பதிவு செய்யப்பட்டன.

        இதற்குபல்வேறு மனித உரிமை அமைப்புகள் எதிர்ப்பு தெரிவித்தன. குடிமகன்களின் சுதந்திரம் பறிக்கப்படுவதாக குற்றச்சாட்டு எழுந்தது. இந்நிலையில் மத்தியில் ஆட்சி மாற்றம் ஏற்பட்டு பாஜ தலைமையில் புதிய அரசு அமைந்தது. இதனால் ஆதார் திட்டம் தொடருமா என கேள்வி எழுந்தது.இந்நிலையில் ஆதார் திட்டம் தொடரும் என மத்திய அரசு அறிவித்தது. இதற்காக கடந்த பட்ஜெட்டியில் நிதியும் ஒதுக்கப்பட்டது.இந்நிலையில் ஆதார் திட்டம் எந்த நிலையில் இருக்கிறது என்பது குறித்து கடந்த சனிக்கிழமை உயர் அதிகாரிகளுடன் பிரதமர் மோடி ஆலோசனை நடத்தினார்.

         இதன்பின்னர் நேற்று அவரது தலைமையில் நடைபெற்ற அமைச்சரவை கூட்டத்தில் ஆதார் திட்டத்துக்காக ரூ. 1200 கோடி நிதி ஒதுக்க ஒப்புதல் அளிக்கப்பட்டது.ஆதார் திட்டத்தின் கீழ் இதுவரை நாடு முழுவதும் 67 கோடி பேருக்கு அடையாள அட்டை வழங்கப்பட்டுள்ளது. 2015ம் ஆண்டுக்குள் 100 கோடி பேருக்கு அட்டை வழங்க திட்டமிடப்பட்டுள்ளது.இந்தியாவின் மிகப்பெரிய மாநிலமாக கருதப்படும் உ.பி.யில் மொத்தமுள்ள 20 கோடி பேரில் 4.6 கோடி பேருக்கு மட்டுமே ஆதார் அட்டை கிடைத்துள்ளது. இதே போல் 10.38 கோடி மக்கள் தொகை கொண்ட பீகாரில் 1.4 கோடி பேருக்கு மட்டுமே ஆதார் எண் வழங்கப்பட்டுள்ளது. தற்போது வழங்கப்பட்டுள்ள நிதி உ.பி., பீகார் போன்ற ஆதார் பின்தங்கிய மாநிலங்களில் பயன்படுத்தப்படும் என தெரிகிறது.

வாக்காளர் பட்டியலில் பெயர் சேர்க்க சிறப்பு முகாம்: 18 வயதுநிரம்பியவர்கள் விண்ணப்பிக்கலாம்.

வாக்காளர் பட்டியலில் பெயர் சேர்க்க சிறப்பு முகாம்: 18 வயதுநிரம்பியவர்கள் விண்ணப்பிக்கலாம்.

தமிழகத்தில் 2015ம் ஆண்டுக்கான புதிய வாக்காளர் பட்டியலில் பெயர் சேர்க்க அக்டோபர் 15ம் தேதி முதல் நவம்பர் 10ம் தேதி வரை சிறப்பு முகாம் நடைபெறுகிறது.
புதிய வாக்காளர் (2015) பட்டியல் தயாரிப் பது குறித்தும், தற்போதுள்ள பட்டியலை சரிபார்ப்பது குறித்தும் அனைத்து மாவட்ட தேர்தல் அதிகாரிகளுடனான ஆலோசனை சென்னை கலெக்டர் அலுவலகத்தில் நேற்று நடந்தது. கூட்டத்துக்கு, தமிழக தலைமை தேர்தல் அதிகாரி பிரவீன்குமார் தலைமை தாங்கினார். இந்த ஆலோசனை கூட்டத்தில் மாவட்ட தேர்தல் வட்டாட்சியர்கள் மற்றும் மாவட்டத்துக்கு ஒரு மாஸ்டர் பயிற்சியாளர்கள் என மொத்தம் 64 பேர் கலந்து கொண்டனர். அவர்களுக்கு வாக்காளர் பட்டியல் தயாரிப்பது குறித்து பயிற்சி அளிக்கப்பட்டது. இதையடுத்து செப்டம் பர் 16, 17 மற்றும் 20 ஆகிய தேதிகளில் தேர்தல் நடத்தும் அதிகாரிகள் மற்றும் உதவி தேர்தல் அதிகாரி களுக்கான பயிற்சி முகாம் அந்தந்த மாவட்டங்களில் நடைபெற உள்ளது. ஆலோசனை கூட்டம் முடிந்ததும் தலைமை தேர்தல் அதிகாரி பிரவீன்குமார் நிருபர்களிடம் கூறியதாவது: 2015ம் ஆண்டுக்கான புதிய வாக்காளர் பட்டிய லில் பெயர் சேர்ப்பதற்கான சிறப்பு முகாம் தமிழகத்தில், வருகிற அக்டோபர் மாதம் 15ம் தேதி முதல் நவம்பர் 10 வரை நடைபெற உள்ளது. இந்த முகாமில் 2015ம் ஆண்டு ஜனவரி 1ம் தேதியுடன்18 வயது நிரம்பியவர்கள் அனைவரும் பெயர் சேர்க்க விண்ணப்பிக்கலாம்.அதேபோன்று, இதுவரை வாக்காளர் பட்டிய லில் பெயர் இல்லாதவர்கள், முகவரி மாற்றம், திருத்தம் செய்யவும் விண்ணப்பிக்கலாம். இதற்கான சிறப்பு முகாம் தமிழகத்தில் உள்ள சுமார் 65 ஆயிரம் வாக்குச்சாவடி மையங்களில் நடைபெறும். 2015ம் ஆண்டுக்கான புதிய வாக்காளர் பட்டியல் ஜனவரி 5ம் தேதி வெளியிடப்படும்.

புதிய வாக்காளர்களுக்கு தேசிய வாக்காளர் தினமான ஜனவரி 25ம் தேதி புகைப்படத்துடன் கூடிய வண்ண அடையாள அட்டை வழங்கப்படும். மேலும், கடந்த மே மாதம் சுமார் 12 லட்சம் பேர் புதிய வாக்காளர் அடையாள அட்டை கேட்டு விண்ணப்பம் செய்திருந்தனர். இவர்களுக்கு புகைப்படத்துடன் கூடிய வண்ண அடையாள அட்டை இந்த மாத இறுதிக்குள் வழங்கப்படும். கறுப்பு, வெள்ளையுடன் தற்போது இருக்கும் அடையாள அட்டைக்கு பதில் வண்ண அட்டை கொடுக்கும் திட்டம் இப்போது இல்லை. பின்னர் இதுகுறித்து பரிசீலிக்கப்படும். இவ்வாறு பிரவீன்குமார் கூறினார்.

சிறந்த ஆரம்ப பள்ளிகளை அரசால் அமைக்க முடியாதது ஏன்?

சிறந்த ஆரம்ப பள்ளிகளை அரசால் அமைக்க முடியாதது ஏன்?

சிறந்த மருத்துவக் கல்லூரிகளை நடத்தும் அரசால், சிறந்த ஆரம்ப பள்ளிகளை அமைக்க முடியாதது ஏன்? என உச்சநீதிமன்றம் கேள்வி எழுப்பியுள்ளது.

கல்வி உரிமை சட்டப்படி பிற்படுத்தப்பட்ட வகுப்பினருக்கு 25 சதவீத இடங்களை ஒதுக்கும்படி சிறுபான்மையினர் அமைப்பும் நடத்தும் சில பள்ளிகளுக்கு கர்நாடக உயர்நீதிமன்றம் உத்தரவிட்டிருந்தது. இதை எதிர்த்து உச்சநீதிமன்றத்தில் சிறுபான்மையினர் பள்ளிகள் வழக்கு தொடர்ந்தன.

இந்த மனு நீதிபதிகள் ஏ.ஆர்.டாவே, லலித் ஆகியோர் முன்னிலையில் நேற்று விசாரணைக்கு வந்தது. கல்வி உரிமை சட்ட வரம்புக்குள் சிறுபான்மையினர் பள்ளிகள் வராது என்றும், தங்களிடம் சிறுபான்மையினர் தேசிய கமிஷன் சான்றிதழ் இல்லாததால் பிற்படுத்தப்பட்டமாணவர்கள் சேர்க்கும்படி உயர்நீதிமன்றம் உத்தரவிட்டுள்ளது.இதற்கு தடை விதிக்க வேண்டும் என சிறுபான்மையினர் பள்ளிகள் சார்பில் வாதிடப்பட்டது. இதற்கு தடை விதித்த நீதிபதிகள், வழக்கு விசாரணையை நவம்பர் 10ம் தேதிக்கு ஒத்தி வைத்தனர்.

அப்போது நீதிபதிகள் கூறியதாவது: அரசு பள்ளிகள்தரமானதாக இல்லாததால், சிறுபான்மையினர் நடத்தும் பள்ளிகளில் மாணர் களை சேர்க்க போட்டி நிலவுகிறது. மருத்துவக் கல்லூரிகள் விஷயத்தில், தனியாரை விட, அரசு கல்லூரிகள்தான் சிறந்தவை என தேர்வு செய்யப்படுகிறது. அப்படியிருக்கும்போது அரசால் ஏன் தரமான ஆரம்ப பள்ளிகளை அமைக்க முடியவில்லை? தரமான ஆரம்ப பள்ளிகளை அதிகம் அமைக்க வேண்டியது அரசின் கடமை.

இவ்வாறு அவர்கள் கூறினர்.

தனி தேர்வுக்கு 'ஹால் டிக்கெட்'

தனி தேர்வுக்கு 'ஹால் டிக்கெட்'

பத்தாம் வகுப்பு மற்றும் பிளஸ் 2 தனி தேர்வுக்கு, 'தத்கல்' முறையில் விண்ணப்பித்த மாணவ, மாணவியர், தேர்வுத் துறை இணைய தளத்தில் இருந்து, இன்று, 'ஹால் டிக்கெட்'டை, பதிவிறக்கம் செய்து கொள்ளலாம்.
மாணவர்கள், www.tndge.in என்ற இணையதளத்தில், விண்ணப்ப எண் மற்றும் பிறந்த தேதியை பதிவு செய்து, 'ஹால் டிக்கெட்'டை, பதிவிறக்கம் செய்து கொள்ளலாம். 'ஹால் டிக்கெட்' இல்லாதவர்கள், தேர்வுக்கு அனுமதிக்கப்பட மாட்டர். இத்தகவலை, தேர்வுத் துறை தெரிவித்துள்ளது

பள்ளிகளில் நன்னெறிக் கல்வி கற்பிக்க வழக்கு : ஐகோர்ட் நோட்டீஸ்

பள்ளிகளில் நன்னெறிக் கல்வி கற்பிக்க வழக்கு : ஐகோர்ட் நோட்டீஸ்

பள்ளி, கல்லூரிகளில் நன்னெறிக் கல்வி கற்பித்தலை துவக்கி, மாணவர்களுக்கு ஆலோசனை மையங்கள் அமைக்கக் கோரிய வழக்கில், தமிழக அரசுக்கு நோட்டீஸ் அனுப்ப, மதுரை ஐகோர்ட் கிளை உத்தரவிட்டது.

மதுரை அண்ணாநகர் ராஜேந்திரன் தாக்கல் செய்த பொது நல மனு: பள்ளிகளில் முன்பு நாட்டுப்பற்று, கலாசாரம், நீதி, நேர்மையை கற்பிப்பது வழக்கம். துவக்கத்திலிருந்து கடமை, சகிப்புத் தன்மை, பெண்களை மதிப்பது பற்றி கற்பிக்க வேண்டும். தற்போது நன்னெறிக் கல்விக்கு (நீதி போதனை) முக்கியத்துவம்தருவதில்லை. பாடத்திட்டத்தில் உள்ளவற்றை கற்பிப்பதில் மட்டும் கவனம் செலுத்துகின்றனர். இதனால், சமூக முன்னேற்றம் தடைபட்டுள்ளது.நன்னெறிக் கல்வி இல்லாததால் மாணவர்கள் மத்தியில் அனைத் திலும் குற்றம், குறை காணும் தன்மை அதிகரித்துள்ளது. மேற்கத்திய கலாசாரம் நம் சமூகத்தில் ஊடுருவியுள்ளது.

இதனால், சமூகத்தில் குற்றங்கள் அதிகரித்துள்ளன. திருமணங்கள் விவாகரத்தில் முடிகின்றன. எத்திசையில் பயணிப்பது என மாணவர்கள் விழிபிதுங்குகின் றனர். சகிப்புத் தன்மை, சமத்துவம் ஏற்பட வேண்டுமெனில் சமூக மாற்றத்திற்கான கமிஷன் அமைக்க வேண்டும். பள்ளிகள், கல்லூரிகள், மருத்துவமனைகள்,கலெக்டர் அலுவலகங்கள், தாலுகா அலுவலகங்களில் ஆலோசனை மையங்கள் உருவாக்க வேண்டும். மேற்கு வங்கத்தில் பள்ளி, கல்லூரிகளில் நன்னெறிக் கல்வியை, மாநில அரசு அமல்படுத்தியுள்ளது. தமிழகத்தில் நன்னெறிக் கல்வி பெயரளவில் உள்ளது. சமூகமாற்றத்திற்கான கமிஷன் அமைத்து, பள்ளி, கல்லூரிகளில் நன்னெறிக் கல்வி கற்பிக்கும் பணியை துவக்க வேண்டும். ஆலோசனை மையங்கள் அமைக்க உத்தரவிட வேண்டும், என குறிப்பிட்டார்.

நீதிபதிகள் எம்.ஜெய்சந்திரன், ஆர்.மகாதேவன் பெஞ்ச் முன் விசாரணைக்கு வந்தது. மனுதாரர் தரப்பில் வக்கீல் சாமிதுரை ஆஜ ரானார். உயர்கல்வித்துறை செயலாளர், சமூக நலத்துறை செயலா ளருக்கு நோட்டீஸ் அனுப்ப நீதிபதிகள் உத்தர விட்டனர்.