Subscribe Our YouTube channel

எங்கள் செய்திகளை உடனுக்குடன் தெரிந்துகொள்ள எங்களுடைய அப்ப்ளிகேஷனை கீழேயே உள்ள இமேஜை கிளிக் செய்து google playstore இல் டவுன்லோட் செய்து கொள்ளுங்கள் நன்றி...!!!

Thursday, 13 November 2014

பள்ளி கல்லூரிகளுக்கு மழையினால் இன்று விடுமுறை...

பள்ளி கல்லூரிகளுக்கு மழையினால் இன்று விடுமுறை...
சென்னை, காஞ்சிபுரம், திருவாரூர் பள்ளி கல்லூரிகளுக்கு இன்று மழையின் காரணமாக இன்று விடுமுறை  மாவட்ட ஆட்சியர் அறிவிப்பு

பகுதிநேர சிறப்பாசிரியர்கள் அனைவரின் கவனத்திற்கு முக்கியச் செய்தி(

பகுதிநேர சிறப்பாசிரியர்கள் அனைவரின் கவனத்திற்கு முக்கியச் செய்தி(10/11/2014)...

சென்னையில் சென்ற திங்கள்(10/11/2014) அன்று தமிழக பகுதிநேர சிறப்பாசிரியர்கள் சங்கத்தின் சேர்மன் திரு. சோலை M ராஜா அவர்கள் தலைமையில் சங்கத்தின் முக்கிய நிர்வாகிகள், கல்வி அமைச்சர் உள்ளிட்ட முக்கிய அதிகாரிகளைச் சந்தித்து பகுதிநேர சிறப்பாசிரியர்களின் நிலை குறித்து கேள்வி எழுப்பினர்.
நமது கேள்விகளுக்கு விரைவில் 'ஊதிய உயர்வு'(தேதி குறிப்பிடாமல்)வழங்கப்படும் என்று பதிலளித்தனர். பணி நிரந்தரம், பணி மாறுதல் முதலான மற்ற கோரிக்கைகளையும் கேட்டறிந்து கொண்டனர். உடனடியாக தீர்வு காண்பதற்கான சூழல் அமையவில்லை.

எனினும், இச்சந்திப்பின் முக்கிய அம்சமாக, வரும் திங்கள் கிழமை மாலை 4.00 மணிக்கு கல்வித்துறை அமைச்சர் முதலாக மற்ற கல்வித்துறை அதிகாரிகளுடன் பகுதிநேர ஆசிரியர்களின் நிலைகுறித்து நமது குழுவினருடன் பேச்சுவார்த்தை நடத்திடஒப்புதல் கிடைத்துள்ளது. அதன் பின்னரே பகுதிநேர சிறப்பாசிரியர்களின் சிறப்புநிலை(?) தெளிவுபடும்.

இறுதி வாக்காளர் பட்டியல்ஜன., 5ல் ?வளியீடு

இறுதி வாக்காளர் பட்டியல்ஜன., 5ல் ?வளியீடு
தமிழகத்தில், வாக்காளர் பட்டியலில் பெயர் சேர்க்க விண்ணப்பித்தோர், திருத்தம் கோரி விண்ணப்பித்தோர் பட்டியல் சரி பார்க்கும் பணி நடக்கிறது. ஜன., 5ல், புது பட்டியல் வெளியிடப்படும்' என, தமிழக தலைமை தேர்தல் அதிகாரி சந்தீப் சக்சேனா கூறியுள்ளார்.

இது தொடர்பாக, அவர் விடுத்து உள்ள அறிக்கையில், '15.66 லட்சம் பேர், வாக்காளர் திருத்தம் கோரி விண்ணப்பித்து உள்ளனர்; 62 ஆயிரம் பேர், புதிதாக பெயர் சேர்க்க விண்ணப்பித்து உள்ளனர். ஜன., 5ம் தேதி, இறுதி வாக்காளர் பட்டியல் வெளியிடப்படும்' என கூறியுள்ளார்.

அரசு போக்குவரத்து கழக பணி : 80 ஆயிரம் பேர் விண்ணப்பம்

அரசு போக்குவரத்து கழக பணி : 80 ஆயிரம் பேர் விண்ணப்பம்
அரசு போக்குவரத்து கழகங்களில், ஓட்டுனர், நடத்துனர் உள்ளிட்ட பணிகளில் சேர, 80 ஆயிரம் பேர் விண்ணப்பித்துள்ளனர்.
தமிழகத்தில் உள்ள, எட்டு அரசு போக்குவரத்து கழகங்களில், ஓட்டுனர், நடத்துனர், இளநிலை தொழில்நுட்ப உதவியாளர், உதவி பொறியாளர், இளநிலை பொறியாளர் என, 7,500 காலி பணியிடங்கள் உள்ளன. இந்த பணிகளில் சேர விரும்புபவர்கள், போக்குவரத்து கழக அலுவலகங்களில், நவ., 20ம் தேதிக்குள் விண்ணப்பங்களை பெற வேண்டும்; பூர்த்தி செய்யப்பட்ட விண்ணப்பத்தை அந்தந்த மண்டல அலுவலகங்களில் டிச., 8ம் தேதிக்குள் சமர்பிக்க வேண்டும் என, அறிவிக்கப்பட்டது. கடந்த, 12 நாட்களாக, போக்குவரத்து கழக அலுவலகங்களில் விண்ணப்பதாரர்கள் கூட்டம் நிரம்பி வழிகிறது.

இதுகுறித்து, போக்குவரத்து கழக அதிகாரி ஒருவர் கூறுகையில், 'எட்டு போக்குவரத்து கழகங்களுக்கும், நேற்றைய நிலவரப்படி, 80 ஆயிரம் விண்ணப்பங்கள் வந்துள்ளன. வரும், 21ம் தேதி தான், மொத்த விண்ணப்பங்கள் எண்ணிக்கை தெரிய வரும். அதன் பின், தேர்வு செய்யும் பணி துவங்கும் ' என்றார்.

திருவள்ளுவரே உண்மையான தேசப் பிதா: தருண் விஜய்

திருவள்ளுவரே உண்மையான தேசப் பிதா: தருண் விஜய்

சென்னைப் பல்கலைக்கழகத்தில் புதன்கிழமை நடைபெற்ற "திருக்குறளின் தொடர்பியல் பரிமாணங்கள்' என்ற தலைப்பிலான கருத்தரங்கு தொடக்க நிகழ்வில் திறந்து வைக்கப்பட்ட திருவள்ளுவர் படம், அதை வரைந்த ஓவியர் வேணுகோபால் சர்மா படத்துடன் (இடமிருந்து)பல்கலைக்கழக இதழியல், தகவல் தொடர்பியல் துறைத் தலைவர் ரவீந்திரன், மத்திய கலால், சேவை வரித் துறை ஆணையர் சி.ராஜேந்திரன், பல்கலைக்கழகத் துணைவேந்தர் தாண்டவன்,மாநிலங்களவை உறுப்பினர் தருண் விஜய் அவருடைய மனைவி வந்தனா, ஓவியர் வேணுகோபால் சர்மாவின் மகன் ஸ்ரீராம் சர்மா தம்பதி.

ஆயிரம் ஆண்டுகளுக்கு முன்பே மக்களின் மனங்களும், ஆன்மாவும் விடுதலை பெற வழி வகுத்த திருவள்ளுவர்தான் உண்மையான தேசப் பிதா என்று மாநிலங்களவை உறுப்பினர் தருண் விஜய் கூறினார்.

சென்னைப் பல்கலைக்கழக இதழியல், தகவல் தொடர்பியல் துறை சார்பில் "திருக்குறளின் தொடர்பியல் பரிமாணங்கள்' என்ற தலைப்பிலான கருத்தரங்கு புதன்கிழமை நடைபெற்றது.

தொடக்க நிகழ்வாக, ஓவியர் கே.ஆர். வேணுகோபால் ஷர்மாவால் வரையப்பட்ட திருவள்ளுவர் உருவப் படம் மத்திய, மாநில அரசுகளால் அங்கீகரிக்கப்பட்டு 50 ஆண்டுகள் நிறைவுற்றதைக் குறிக்கும் வகையில் திருவள்ளுவர், ஓவியர் வேணுகோபாலின் படங்கள் திறந்து வைக்கப்பட்டன.

விழாவில், பங்கேற்று படங்களைத் திறந்து வைத்து மாநிலங்களவை உறுப்பினர் தருண் விஜய் பேசியது:

திருவள்ளுவர் எனும் மிகப் பெரிய ஆன்மிகப் புலவரை இந்தியா இந்த உலகுக்குத் தந்துள்ளது. இதற்காக ஒவ்வொரு இந்தியரும் பெருமை கொள்ள வேண்டும். திருக்குறள் என்பது சாதாரணத் தத்துவப் புத்தகமல்ல, மனிதாபிமானத்தைப் போதிக்கும் இந்தியாவின் புத்தகமாகும். இந்தியாவுக்கான சிறந்த அறிமுகம் திருக்குறள் என்று கூறுவதும் மிகையாகாது. ஏனெனில், தனது திருக்குறள்கள் மூலம் தமிழகத்தின் பழைமைவாய்ந்த கலாசாரத்துக்கு மட்டுமின்றி, தொன்மையும் பழைமையும் வாய்ந்த இந்திய நாகரீகத்துக்கு சிறந்த தூதராக திருவள்ளுவர் விளங்கி வருகிறார்.

சுதந்திரப் போராட்டத்தை வழி நடத்திச் சென்று, 1947-இல் இந்தியாவுக்குச் சுதந்திரம் பெற்றுத் தந்த மகாத்மா காந்தியை தேசப் பிதா என போற்றுகின்றபோது, ஆயிரம் ஆண்டுகளுக்கு முன்பே மக்களின் மனங்களும், ஆன்மாவும் விடுதலை பெற வழி வகுத்த திருவள்ளுவரை ஏன் தேசப் பிதாவாக நாம் போற்றக்கூடாது. அப்படிப் பார்க்கும்போது திருவள்ளுவர்தான் உண்மையான தேசப் பிதா.

"ஜெய் ஹிந்த்' எனக் கூறும்போதும், மூவர்ண தேசியக் கொடிக்கு வணக்கம் செலுத்துகிறபோதும், மகாத்மா காந்திக்கு மரியாதை செலுத்துகிறபோதும் திருவள்ளுவரை நாம் கௌரவிக்கிறோம். துரதிருஷ்டவசமாக இந்தியாவின் பிற பகுதிகளுக்கு குறிப்பாக வட இந்தியாவுக்கு திருக்குறள் குறித்தும், திருவள்ளுவர் குறித்தும் பரப்பப்படாமல் கைவிடப்பட்டுள்ளது.

இனியாவது இந்தியா முழுவதும் உள்ள ஒவ்வொரு பள்ளிகளிலும் திருக்குறள் கற்றுத்தரப்பட வேண்டும். மனித வாழ்வின் ஒவ்வொரு படி நிலைகளையும் விளக்கமாகவும், முழுமையாகவும் திருக்குறள் விளக்குகிறது.

இந்திய ஆட்சிப் பணியில் இடம்பெறும் ஐ.ஏ.எஸ்., ஐ.பி.எஸ். அதிகாரிகள் திறமையான நிர்வாகம், மக்களுக்கு பாகுபாடற்ற முறையான சேவையைச் செய்வதற்கு கற்றுக்கொள்ள முதலில் திருக்குறளைப் படிக்க வேண்டும். இதற்கு உத்தரகண்டிலுள்ள லால்பகதூர் சாஸ்திரி குடிமைப் பணிகள் அகாதெமியில் திருக்குறளும் பாடமாகச் சேர்க்கப்பட்டு கற்றுத்தரப்பட வேண்டும். அதோடு, அரசால் அங்கீகரிக்கப்பட்ட திருவள்ளுவர் படம் வரையப்பட்டு 50 ஆண்டுகள் (பொன் விழா) நிறைவுற்றதை நாடு முழுவதும் அனுசரிக்க வேண்டும் எனவும், உலகம் முழுவதும் உள்ள இந்தியத் தூதரகங்களில் திருவள்ளுவர் படம் வைக்கப்பட வேண்டும் எனவும் மத்திய கலாசாரத் துறை அமைச்சரிடம் வலியுறுத்தப்படும்.

மேலும், பல மொழி, கலாசாரங்களைக் கொண்டும் ஒன்றுபட்டு இருப்பதுதான் இந்திய நாடு. இதுதான் இந்தியாவின் அடையாளம். இந்த அடையாளம் அழிந்துவிடாமல் காக்க, அனைவரும் அவரவர் தாய்மொழியை மதிக்க வேண்டும். பெற்றோர் தங்களுடைய குழந்தைகளுடன் தாய்மொழியில்தான் உரையாட வேண்டும் என்றார்.

குரூப் 4 தேர்வு: 10 லட்சம் பேர் விண்ணப்பம்

குரூப் 4 தேர்வு: 10 லட்சம் பேர் விண்ணப்பம்
தட்டச்சர், இளநிலை உதவியாளர் உள்ளிட்ட குரூப் 4 பிரிவில் காலியாகவுள்ள 4 ஆயிரத்து 963 பணியிடங்களுக்கான எழுத்துத் தேர்வுக்கு விண்ணப்பிக்க புதன்கிழமையுடன் காலக்கெடு முடிந்தது.

இந்தத் தேர்வை எழுத 10 லட்சத்துக்கும் மேற்பட்டோர் விண்ணப்பித்துள்ளதாக தமிழ்நாடு அரசுப் பணியாளர் தேர்வாணைய வட்டாரங்கள் தெரிவித்தன. இந்தத் தேர்வுக்கான அறிவிக்கை, கடந்த மாதம் 14-ஆம் தேதி வெளியிடப்பட்டது. தேர்வுக்கு இணையதளம் மூலம் விண்ணப்பிக்க நவம்பர் 12-ஆம் தேதி கடைசி நாள் என அறிவிக்கப்பட்டது. அதன்படி, புதன்கிழமையுடன் காலக்கெடு முடிந்தது. தேர்வுக் கட்டணத்தைச் செலுத்த வரும் வெள்ளிக்கிழமை கடைசி நாள். தேர்வுக் கட்டணத்தை அஞ்சல் நிலையங்கள் அல்லது வங்கிகள் மூலமாகச் செலுத்தலாம். எழுத்துத் தேர்வு டிசம்பர் 21-ஆம் தேதி நடைபெறவுள்ளது.

விண்ணப்பிக்க ஆர்வம்: குரூப் 4 தேர்வுக்கு விண்ணப்பிக்க இளைஞர்களிடையே ஆர்வம் அதிகளவில் காணப்பட்டது. சுமார் 10 லட்சத்துக்கும் மேற்பட்டோர் விண்ணப்பித்துள்ளதாக தேர்வாணைய வட்டாரங்கள் தெரிவிக்கின்றன. ஆனாலும், இறுதியான விவரங்கள் வியாழன் அல்லது வெள்ளிக்கிழமை தெரிய வரும் என அதிகாரிகள் கூறினர்.

தேர்வுக்கு விண்ணப்பிக்க புதன்கிழமை கடைசி நாள் என்பதால், அனைவரும் ஒரே நேரத்தில் தேர்வாணைய இணையதளத்தைப் பயன்படுத்தினர். இதனால், இணையதளம் அவ்வப்போது முடங்கியதாக தேர்வுக்கு விண்ணப்பிக்க காத்திருந்தவர்கள் புகார் தெரிவித்தனர்.