Subscribe Our YouTube channel

எங்கள் செய்திகளை உடனுக்குடன் தெரிந்துகொள்ள எங்களுடைய அப்ப்ளிகேஷனை கீழேயே உள்ள இமேஜை கிளிக் செய்து google playstore இல் டவுன்லோட் செய்து கொள்ளுங்கள் நன்றி...!!!

Saturday, 27 December 2014

சிறுநீர்ப் பாதை தொற்றை தவிர்க்க அருமருந்தாகும் தண்ணீர்!

சிறுநீர்ப் பாதை தொற்றை தவிர்க்க அருமருந்தாகும் தண்ணீர்!
              சிறுநீரக தொற்று குறித்து விளக்கும், பெண்கள் சிறப்பு மருத்துவர் டாக்டர் கலைவாணி ராமலிங்கம்: 'இகோலை' என்ற கிருமிகள், எப்போதுமே குடலில் இருக்கும். சிறுநீர்ப் பாதையில் சுத்தமின்மை, தண்ணீர் போதிய அளவு குடிக்கவில்லை என்றால், அந்தக் கிருமிகள், கிட்னிக்கு உள்ளே போகிற அளவுக்கு பாதிப்பை ஏற்படுத்தும். சுகாதாரம் சரியில்லாத காரணத்தால், பெண்கள், சிறுமியர் சிறுநீர் கழிப்பதை தவிர்ப்பதால், 'யூரின் இன்பெக்ஷன்' ஏற்படுகிறது.

             உடல் ரீதியாக, ஆண்களின் சிறுநீர் பைக்கும், அது வெளியேறுகிற துவாரத்திற்குமான இடைவெளி, 15 செ.மீ., என்றால், பெண்களுக்கு அது வெறும், 4 செ.மீ., மட்டுமே.

     அதனால், மிகச் சுலபமாக கிருமிகள், பெண்களின் சிறுநீர் பையைத் தாக்குகின்றன. நம் உடலில் மிக முக்கியமான பகுதி சிறுநீரகம். ரத்தத்திலுள்ள, 'டாக்சின்' என்ற கெட்ட 'சப்ஸ்டசன்ஸ்' யூரின் வழியாக வெளியேற்றும் பணியைச் செய்கிறது. அதற்கு, நம் உடம்பில் இருக்கக் கூடிய ரத்தத்தில், 25 சதவீதம் ரத்தம் கிட்னிக்குள் செல்கிறது. கிட்னியில் இன்பெக்ஷன் ஏற்படும்போது, அது உடனடியாக ரத்தத்தில் பரவி, 'செப்டிசீமியா' என்ற கடுமையான பாதிப்பை ஏற்படுத்துகிறது. சிறுநீரகக்கல் இருந்தாலும், யூரினரி இன்பெக்ஷன் வரலாம். போதிய தண்ணீர் குடிக்காதது தான், யூரினரி இன்பெக்?ஷன் வர முக்கிய காரணம். முதல் கட்டமாக, ஒரு நாளைக்கு, 2 லிட்டர் தண்ணீர், அதாவது, 8-10 டம்ளர் தண்ணீர் குடிக்க வேண்டும். வெறுமனே தண்ணீர் குடிக்க கஷ்டமாக இருந்தால், பாலாக அல்லது மோராக, நீராகாரமாகக் குடிக்கலாம். அதுமட்டுமின்றி, இன்று பெரும்பாலானோர், தண்ணீர் குறைவான, 'ட்ரை' உணவுகள், பாக்கெட்டில் அடைக்கப்பட்ட உணவுகளை சாப்பிடுவதால், உணவிலிருந்து கிடைக்கும் தண்ணீர் மிகவும் குறைந்துவிட்டது. எனவே, நேரடியாகத் தண்ணீர் அருந்தினால் தான், இந்த யூரினரி இன்பெக்ஷனை தவிர்க்கலாம். அடிக்கடி தண்ணீர் குடித்தால், சிறுநீர்ப்பையில் இருக்கும் கிருமிகள் வெளியேறிவிடும்; தொற்று ஏற்படாது. அடிக்கடி சிறுநீர் கழித்தல், எரிச்சல், அடக்க முடியாத நிலை போன்றவையே, யூரினரி இன்பெக்ஷனுக்கான அறிகுறிகள். உடனே மருத்துவரைப் பார்த்து, எத்தனை நாட்கள் மருந்து, மாத்திரை கொடுக்கின்றனரோ, அதை முழுமையாகச் சாப்பிட்டால் தான், அந்தக் கிருமி முழுமையாக உடம்பிலிருந்து போகும். மருந்து, மாத்திரைகளைப் பாதியில் நிறுத்தினால், திரும்பத் திரும்ப யூரினரி இன்பெக்ஷன் வந்துவிடும். இன்பெக்ஷன், 'பிளாடர் யூரிஸ்ரா' என்ற கீழ்நீர்ப்பாதை மட்டுமல்லாமல், மேல்நீர்ப்பாதையிலும் பாதித்து, அங்கிருந்து நீரை எடுத்து வரும், 'யூரிடர்' என்ற 'டியூப்' மூலம், சிறுநீரகத்துக்கும் போய்விடும்.

நடைப்பயிற்சியின் போது கவனிக்க வேண்டியவை

நடைப்பயிற்சியின் போது கவனிக்க வேண்டியவை
        நமது உடம்பை ஆரோகியமாக வைத்திருக்க நடைப்பயிற்சி முக்கியம். இந்த நடை பயிற்சியை எவ்வாறு மேற்கொள்ள வேண்டும் என்று சிலருக்கு கேள்விகள் எழும்பும். அவர்கள் கவனிக்க வேண்டியவை:

நடப்பதற்கு முன் ஏதாவது சாப்பிடலாமா?
நிச்சயம் சாப்பிடலாம் கீழே கொடுத்துள்ளபடி முறையாகச் சாப்பிட்டு விட்டு நடக்கலாம். முழு கோதுமை பிரட், வாழைப்பழம். சாப்பிடுவது வயிற்றை நிரப்புவதாக இல்லாமல் குறைந்த அளவாக இருக்க வேண்டும். கொழுப்பு நிறைந்ததாக இருக்கக் கூடாது. நடப்பதற்கு 1 மணி நேரம் முன்னதாக சாப்பிட வேண்டும். சாப்பிட்டால் நீரும் அருந்த வேண்டும்.
நடையில் வேகம் எப்படி இருக்க வேண்டும்?
நடையை மெதுவாக ஆரம்பிக்க வேண்டும். இதனால் நமது தசையும், மூட்டுக்களும் நடைக்குத் தயாராகும். அதேபோல் நமது இதயத்தின் செயல்பாடும், ரத்த ஓட்டமும் மெதுவாக, சீராக அதிகரிக்கும். இதுவே உடலுக்கு நல்லது. நடையின் முடிவில் 10 நிமிடம் வேகத்தை சீராகக் குறைத்து வந்து மெதுவாக அமர்ந்து இருந்தால் இதயமும், இரத்த ஓட்டமும் சீராகக் குறைந்து பழைய நிலைக்கு வரும். இதனால், அதிக களைப்பு, மயக்கம் ஆகியவற்றைத் தவிர்க்கலாம்.
நல்ல நடைப்பயிற்சி தூரம் எவ்வளவு?
பொதுவாக நல்ல உடல்நிலையிலுள்ளோர் 10 நிமிட நடையில் 1 கிலோ மீட்டர் தூரம் நடக்கலாம். ஆனால் இது ஒவ்வொருவரின் உடல் நலம், நடக்கும் விதம், நடக்கும் நில அமைப்பு ஆகியவற்றினால் மாறும்.
நடக்கும்போது கைகளில் எடை வைத்துக் கொள்ளலாமா?
பளு இல்லா நடையே சிறந்தது. கைகளில் எடையுடன் நடந்தால் நடப்பதில் சிரமம் ஏற்படும். ரத்த அழுத்தம் கூடும். மூட்டுகளில் உள்ள ஜவ்வுகள் சேதமாகலாம். தனியாக எடை தூக்கும் பயிற்சி வைத்துக் கொள்வதே சிறந்தது