Subscribe Our YouTube channel

எங்கள் செய்திகளை உடனுக்குடன் தெரிந்துகொள்ள எங்களுடைய அப்ப்ளிகேஷனை கீழேயே உள்ள இமேஜை கிளிக் செய்து google playstore இல் டவுன்லோட் செய்து கொள்ளுங்கள் நன்றி...!!!

Saturday, 6 June 2015

கல்வி செய்திகள்


அரசு சேவை இல்லப் பள்ளியில் சேர விண்ணப்பிக்கலாம்.
Posted: 05 Jun 2015 11:47 AM PDT
தஞ்சாவூர் அரசு சேவை இல்ல மேல்நிலைப் பள்ளியில் விதவைகள், ஆதரவற்றோர் உள்ளிட்டோர் விண்ணப்பிக்கலாம்.இதுகுறித்து மாவட்ட ஆட்சியர் என். சுப்பையன் தெரிவித்திருப்பது:சமூக நலத் துறையின் கீழ் செயல்பட்டு வரும் தஞ்சாவூர் அரசு சேவை இல்ல மேல்நிலைப்பள்ளியில் 14 வயது முதல் 45 வயது வரையுள்ள மற்றும் ஆண்டு வருமானம் ரூ. 24,000-க்குள் உள்ள விதவைகள்,
கணவனால் கைவிடப்பட்டவர்கள், ஆதரவற்ற மகளிர், வறுமைக் கோட்டுக்குக் கீழ் வாழும் மகளிர் ஆகியோருக்குப் பொதுக் கல்வி (6 முதல் 12-ம் வகுப்பு வரை) தட்டச்சு, சுருக்கெழுத்துப் பயிற்சி, கணினி பயிற்சி ஆகியவை அளிக்கப்பட்டு வருகின்றன.
இந்தப் பள்ளியில் சேரும் மாணவிகளுக்கு உணவு, உடை, உறைவிடம், பாடப்புத்தகங்கள், நோட்டுப் புத்தகங்கள், தேர்வுக் கட்டணம் ஆகியவை அரசு இலவசமாக வழங்குகிறது. ஜூன் மாதத்தில் தொடங்கவுள்ள 6, 9, 11-ம் வகுப்புகளில் சேர விண்ணப்பங்கள் வரவேற்கப்படுகின்றன. மேலும், விவரங்களுக்கு 04362 - 255287. 258501 ஆகிய எண்களில் தொடர்பு கொள்ளலாம்.

முதுநிலை மருத்துவப் படிப்பு: புதிய கலந்தாய்வு அட்டவணை வெளியீடு
Posted: 05 Jun 2015 11:48 AM PDT
தமிழகத்தில் முதுநிலை மருத்துவப் படிப்புகளில் மாணவர்களைச் சேர்க்க புதிய கலந்தாய்வு அட்டவணையை சென்னை கீழ்ப்பாக்கம் மருத்துவக் கல்வி தேர்வுக் குழு வெளியிட்டுள்ளது.
புதிய கலந்தாய்வு அட்டவணை சுகாதாரத் துறையின் இணையதளத்தில்  வெள்ளிக்கிழமை வெளியிடப்பட்டுள்ளது. அரசு மருத்துவக் கல்லூரிகள், சுயநிதி மருத்துவக் கல்லூரிகள் (அரசு ஒதுக்கீடு) ஆகியவற்றில் முதுநிலை மருத்துவப் படிப்புகளின காலியிடங்களும் இணையதளத்தில் வெளியிடப்பட்டுள்ளன.
இன்று முதல் மீண்டும் கலந்தாய்வு: 
முதுநிலை மருத்துவப் படிப்புகள், முதுநிலை மருத்துவ பட்டயப் படிப்பு, ஆறு ஆண்டு நரம்பியல் அறுவைச் சிகிச்சை படிப்பு (எம்.சிஎச்.-நியூரோசர்ஜரி) ஆகியவற்றுக்கு சென்னை கீழ்ப்பாக்கம் அரசு மருத்துவக் கல்லூரி அரங்கில் மீண்டும் புதிய 3-ஆம் கட்ட கலந்தாய்வு சனிக்கிழமை (ஜூன் 6), ஞாயிற்றுக்கிழமை (ஜூன் 7) நடைபெற உள்ளது.சென்னை கீழ்ப்பாக்கம் அரசு மருத்துவக் கல்லூரி அரங்கில் மேலே குறிப்பிட்ட முதுநிலை மருத்துவப் படிப்புகளுக்கு கடந்த ஜூன் 2-ஆம் தேதி முதல் ஜூன் 4-ஆம் தேதி வரை மூன்றாம் கட்ட கலந்தாய்வு நடைபெற்றது. மருத்துவப் படிப்பு இடங்களை ஒதுக்கீடு செய்வதில் நிர்வாக ரீதியாக பிரச்னை ஏற்பட்டதையடுத்து, அது முழுமையாக ரத்து செய்யப்பட்டு சனிக்கிழமை முதல் மீண்டும் கலந்தாய்வு நடைபெறுகிறது.
எம்.டி.எஸ். கலந்தாய்வு செல்லும்:
எனினும் எம்.டி.எஸ். படிப்பில் மாணவர்களைச் சேர்க்க ஏற்கெனவே நடத்தப்பட்ட கல்ந்தாய்வு செல்லுóம் என்றும் எம்.டி.எஸ். படிப்புக்கு மீண்டும கலந்தாயவு நடத்தப்பட மாட்டாது எóன்றும் மருத்துவக் கல்வி தேர்வுக் குழு அறிவித்துள்ளது.

‘நெட்’ தகுதித்தேர்வுக்கு அனுமதிச்சீட்டு: சிஎஸ்ஐஆர் அறிவிப்பு
Posted: 05 Jun 2015 11:48 AM PDT
அறிவியல், கணிதம் தொழில்நுட்பம் உள்ளிட்ட பாடங்களுக்கான ‘நெட்’ தகுதித்தேர்வினை அறிவியல் மற்றும் தொழில் ஆராய்ச்சிக் கவுன்சில் (சிஎஸ்ஐஆர்) ஆண்டுக்கு இரண்டு முறை (ஜூன், டிசம்பர்) நடத்தி வருகிறது.
இந்த ஆண்டுக்கான முதலாவது நெட் தேர்வு ஜூன் 21-ம் தேதி சென்னை, காரைக்குடி உட்பட நாடு முழுவதும் முக்கிய நகரங்களில் நடைபெற உள்ளது.
தேர்வுக்கு விண்ணப்பித்தவர்களுக்கு ஆன்லைனில் தேர்வுக்கூட அனுமதிச்சீட்டு பதிவேற்றம் செய்யப்பட்டுள்ளது.
சிஎஸ்ஐஆர் இணையதளத்தில் (www.csirhrdg.res.in) விண்ணப்ப எண் மற்றும் பிறந்த தேதியைக் குறிப்பிட்டு இதை பதிவிறக்கம் செய்துகொள்ளலாம்.தேர்வுக்கூட அனுமதிச்சீட்டில் உள்ள புகைப்படம் தெளிவாக இல்லாத பட்சத்தில் இரு புகைப்படங்களையும், ஏதேனும் ஒரு அங்கீகரிக்கப்பட்ட அடையாள அட்டையையும்தேர்வு மையத்துக்கு கொண்டுவர வேண்டும் என்று சிஎஸ்ஐஆர் முதுநிலை தேர்வு கட்டுப்பாட்டு அதிகாரி தெரிவித்துள்ளார்.

அரசு பள்ளி ஆய்வக உதவியாளர் தேர்வுக்கு மாவட்ட வாரியாக கட் ஆப் மதிப்பெண் நிர்ணயம்
Posted: 05 Jun 2015 03:11 AM PDT
அரசுப் பள்ளி ஆய்வக உதவியாளர் தேர்வுக்கு மாவட்ட வாரியாக கட் ஆப் மதிப்பெண் நிர்ணயிக்கப்பட உள்ளது.
4,362 காலியிடங்கள்
அரசு மேல்நிலை மற்றும் உயர் நிலைப் பள்ளிகளில் காலியாகவுள்ள 4,362 ஆய்வக உதவியாளர் பணியிடங்களை நிரப்பும் வகையில் மே 31-ம் தேதி எழுத்துத் தேர்வு நடத்தப்பட்டது.
அரசு தேர்வுத்துறை நடத்திய இந்தத் தேர்வை7 லட்சத்து 32 ஆயிரம் பேர் எழுதியுள்ளனர். விடைத்தாள் மதிப்பீட்டுக்கான ஆரம்பநிலைப் பணிகள் தற்போது நடைபெற்று வருகின்றன.முதல்கட்டமாக எழுத்துத் தேர்வு அடிப்படையில் ஒரு காலியிடத்துக்கு 5 பேர் என்ற விகிதாச்சாரத்தில் நேர்காணலுக்கு விண்ணப்பதாரர்கள் தேர்வுசெய்யப்படுவார்கள். காலியிடங்கள் பற்றிய அறிவிப்பு மாவட்ட வாரியாக அறிவிக்கப்பட்ட நிலையில், மேற்கண்ட விகிதாச்சார முறை மாவட்ட அளவில் இருக்குமா? அல்லது மாநில அளவில் இருக்குமா? என்ற சந்தேகம் தேர்வெழுதியவர்கள் இடையே நிலவுகிறது.
இதுகுறித்து தேர்வுத்துறை அதிகாரிகள்கூறிய தாவது:
ஆய்வக உதவியாளர் பணிக் கான காலியிடங்கள் மாவட்ட அளவில்தான் நிரப்பப்படும்.எனவே, விடைத்தாள் மதிப்பீட்டு பணியை மாவட்ட வாரியாக மேற்கொள்ள வேண்டியுள்ளது. குறிப்பிட்ட மாவட்டத்தில் அறிவிக்கப்பட்டுள்ள காலியிடங்களுக்கு ஏற்ப ஒரு காலியிடத்துக்கு 5 பேர் என்ற விகிதாச் சார அடிப்படையில் விண்ணப்ப தாரர்கள் நேர்காணலுக்கு அனுமதிக் கப்படுவார்கள்.எனவே, கட் ஆப் மதிப்பெண் மாவட்ட அளவில்தான் நிர்ணயிக்கப் படும். இதனால், கட் ஆப் மதிப் பெண் மாவட்டத்துக்கு மாவட்டம் வேறுபடும். குறிப்பிட்ட மாவட்டத்தில் உள்ள காலியிடங்களின் எண் ணிக்கை, அந்த மாவட்டத்தில் தேர்வெழுதியவர்களின் மதிப்பெண் நிலை ஆகியவற்றுக்கு ஏற்ப கட் ஆப் மதிப்பெண்அமைந்திருக்கும்.இவ்வாறு அவர்கள் கூறினர்.
கட் ஆப் மதிப்பெண் மாவட்ட அளவில் நிர்ணயிக்கப்படுவதால் ஒரு மாவட்டத்தில் குறிப்பிட்ட மதிப்பெண் எடுத்த ஒரு விண் ணப்பதாரர் நேர்காணலுக்கு தேர்வு செய்யப்பட்டிருப்பார். வேறு மாவட் டத்தில் இதே மதிப்பெண் பெற்ற தேர்வருக்கு நேர்காணல் வாய்ப்பு வராமல் போகலாம் என்பது குறிப் பிடத்தக்கது.ஆய்வக உதவியாளர் தேர்வுக்கு தனியார் பயிற்சி மையங்கள் சார்பில் உத்தேச விடைகள் (கீ ஆன்சர்) வெளியிடப்பட்டு வரும் நிலையில், அரசு தேர்வுத்துறை சார்பில் அதுபோன்று கீ ஆன்சர் ஏதும் வெளியிடப்படுமா? என்று தேர்வுத் துறையினரிடம் கேட்டபோது, “ஆய்வக உதவியாளர் தேர்வுக்கு கீ ஆன்சர் எதுவும் வெளியிடப்படாது” என்று பதிலளித்தனர்.
இதற்கிடையே, எழுத்துத் தேர்வு மதிப்பெண்ணை கணக்கில் கொள்ளாமல் நேர்காணல் அடிப் படையிலேயே ஆய்வக உதவி யாளர்களை தேர்வு செய்யும் பள்ளிக் கல்வித் துறையின் முடிவை எதிர்த்து சென்னை உயர் நீதிமன்றத்தில் வழக்கு தொடரப்பட்டுள்ளது. இது தொடர்பாக விளக்கம் அளிக்குமாறு பள்ளிக்கல்வித் துறைக்கு உயர் நீதிமன்றம் உத்தரவிட்டுள்ளது என்பது குறிப்பிடத்தக்கது.

TNTET:ஆதிதிராவிடர் பள்ளிகளில் பணி நியமனம் பள்ளிக்கல்விச் செயலாளரிடம், இடைநிலை ஆசிரியர்கள் மனு
Posted: 05 Jun 2015 05:51 AM PDT
பள்ளிக் கல்வித்துறை செயலாளர் அலுவலகத்தில், 2013-ம் ஆண்டு ஆசிரியர்தகுதி தேர்வில் தேர்ச்சிபெற்ற இடைநிலை ஆசிரியர்கள் (எஸ்.சி. மற்றும் எஸ்.சி.ஏ.) சென்னை தலைமைச் செயலகத்தில் கொடுத்த மனுவில் கூறப்பட்டு இருப்பதாவது:-
ஆசிரியர் தேர்வு வாரியத்தால் அறிவிக்கப்பட்ட ஆதிதிராவிட நலப்பள்ளிகளுக்கான669 இடைநிலை ஆசிரியர்களின் பணி நியமனம் தொடர்பாக ஐகோர்ட்டு மதுரை கிளையில் தீர்ப்பு வழங்கப்பட்டுள்ளது.
ஆனாலும், இதுவரை பணிநியமனம் வழங்கப்படவில்லை. ஐகோர்ட்டு தீர்ப்பின் அடிப்படையில், இதுவரை ஆதிதிராவிட நலப்பள்ளிகளில் இடைநிலை ஆசிரியர் பணிநியமனத்தில் கடைப்பிடிக்கப்பட்டுவந்த விதிகளின்படி, ஆசிரியர் தகுதி தேர்வில் தேர்ச்சிபெற்ற ஆதிதிராவிட ஆசிரியர்களுக்கு முன்னுரிமை அளித்து. உடனடியாக தேர்வுப்பட்டியலை வெளியிடவேண்டும்.
இவ்வாறு அதில் கூறப்பட்டுள்ளது.

மதுரை மாவட்டத்தில் 07.06.2015 ஞாயிறு அன்று IE தொடர்பான கோரிக்கைகளை வலியுறுத்தி மாபெரும் மாநிலம் தழுவிய ஆர்பாட்டம்
Posted: 05 Jun 2015 05:49 AM PDT
அன்பார்ந்த சிறப்பு பயிற்றுனர்களே !! நம்ம வீரம் விளைஞ்ச மண் மதுரை மாவட்டத்தில் 07/06/2015 ஞாயிறு அன்று நம்முடைய IE தொடர்பான கோரிக்கைகளை வலியுறுத்தி மாபெரும் மாநிலம் தழுவிய ஆர்பாட்டம்
நடைபெற இருப்பதால் 32 மாவட்டங்களில் உள்ள SSA-IE திட்டத்தில் பணியாற்றும் ( Spl.Educator / Physio / OT / Speech thetapist ) அனைவரையும் குடும்பம் குடும்பமாக பங்கு பெறச் செய்வீர். இது நம் அனைவரின் தலையாய கடமை. ✅அனைவரையும் இருகரம் கூப்பி அன்புடன் வரவேற்கிறோம்.அனைவரும் தவறாது கலந்து கொள்ளும்படி வேண்டி விரும்பி கேட்டுக்கொள்கிறோம். முக்கியமாக சங்கம் வேறுபாடுன்றி. உட்பூசல்களை மறந்து..,
ஒற்றுமை உணர்வுடன் பங்கு பெறுவோம். நமது வலிமையை அனைவருக்கும் உணர்த்துவோம். வாருங்கள் ! ஒன்று படுவீர் !! வெற்றி நிச்சயம் !!!
✌ஒற்றுமையே வலிமை
✌ பாலமுருகன்-பாண்டிS

பள்ளிக்கல்வித்துறையில் இணை இயக்குனர்கள் மாற்றம்
Posted: 05 Jun 2015 05:46 AM PDT
பள்ளிக்கல்வித்துறையில் உள்ள இணை இயக்குனர்கள் மாற்றம் செய்து அரசு உத்தரவு பிறப்பித்துள்ளது. மாநில ஆசிரியர் கல்வி மற்றும் ஆராய்ச்சி துறையில் இணை இயக்குனராக பணிபுரிந்த திருமதி.அமுதவள்ளி அவர்களை இணை இயக்குனர் அரசு தேர்வுகள் இயக்ககத்திற்கு மாற்றப்பட்டுள்ளார்.

அதேபோல் அனைவருக்கும் கல்வி  இயக்ககத்தில் இணை இயக்குனராக பணிபுரிந்த திரு.குப்புசாமி அவர்களை மாநில ஆசிரியர் கல்வி மற்றும் ஆராய்ச்சி துறையில்இணை இயக்குனராக மாற்றப்பட்டுள்ளார்.

‘வனவர்’ எழுத்துத்தேர்வு முடிவுகள் எப்போது?
Posted: 05 Jun 2015 03:11 AM PDT
தமிழகத்தில், முதன்முறையாக, வனத்துறைநடத்திய, ’வனவர்’ எழுத்துத் தேர்வுகளுக்கான முடிவுகள், எப்போது வெளியாகும் என்ற எதிர்பார்ப்பு எழுந்துள்ளது.தமிழகத்தில், வனத்துறையில்,
வனவர்களாக பணியில் சேருவதற்கு, தமிழ்நாடு அரசுப் பணியாளர் தேர்வாணையம், தேர்வுகளை நடத்தி வந்தது. ’தங்களது துறைக்குத் தேவையான வனவர்களை, தாங்களே தேர்வு செய்து கொள்ள அனுமதிக்க வேண்டும்’ என, மாநில அரசை, வனத்துறை வலியுறுத்தியது.அதைத் தொடர்ந்து, அதற்கான அனுமதியை, தமிழக அரசு வழங்கியது.
அறிவியல் பாடப்பிரிவில் பட்டம் பெற்றவர்கள் மட்டுமே, தேர்வை எழுத அனுமதிப்பது என, முடிவு செய்யப்பட்டது.
அதன்பின், கடந்த பிப்., 22ல், தமிழகத்தில் பல்வேறு இடங்களில்,’வனவர்’ பணிக்கான எழுத்துத் தேர்வு நடந்தது; 35 ஆயிரம் மாணவர்கள் பங்கேற்றனர்.ஆனால், தேர்வு நடந்து, மூன்று மாதங்களுக்கு மேலாகியும், முடிவுகள் வெளிவராததால்,தேர்வெழுதிய மாணவர்கள் ஏமாற்றம் அடைந்துள்ளனர். இதுகுறித்து, வனத்துறை அதிகாரிகள் கூறுகையில், ’தேர்வு முடிவுகள் அடுத்த மாதம் வெளியாகும்’ என்றனர்.

இந்தியன் வங்கி 0.3% வட்டி குறைப்பு
Posted: 05 Jun 2015 02:56 AM PDT
இந்தியன் வங்கி தனது கடனுக்கான வட்டியினை 0.3% குறைத்துள்ளது.

பள்ளி மாணவ, மாணவிகளுக்கு ரத்தசோகை ஏற்படாமல் தடுப்பது எப்படி? 2 லட்சம் ஆசிரியர்களுக்குப் பயிற்சி அளிக்க அரசு முடிவு
Posted: 04 Jun 2015 09:44 PM PDT
பள்ளி மாணவர்களுக்கு ரத்த சோகை ஏற்படாமல் தடுப்பது எப்படி?என்பது குறித்து சுமார் 2 லட்சம் ஆசிரியர்களுக்குப் பயிற்சி அளிக்க தமிழக அரசு முடிவுசெய்துள்ளது.
இது தொடர்பாக மாநில கல்வி யியல் ஆராய்ச்சி மற்றும் பயிற்சி நிறுவன இயக்குநர் வி.சி.ராமேஸ் வரமுருகன் நேற்று வெளி யிட்ட செய்திக்குறிப்பு:
வளர் இளம் பருவ மாணவ-மாணவிகளுக்கு ரத்தசோகை ஏற்படாமல் தடுக்கும் வகையில் அனைத்து மாவட்டங்களிலும் அரசு மற்றும் அரசு உதவி பெறும்பள்ளிகளில் 6-ம் வகுப்பு முதல் பிளஸ் 2 வரை படிப்பவர்களுக்கு போலிக் அமிலம் அடங்கிய இரும்புச்சத்து மாத்திரைகள் வாரந் தோறும் வியாழக்கிழமை அன்று வழங்கப்பட்டு வருகின்றன. இதனால், மாணவர்களின் நினை வுத்திறனும், சிந்திக்கும் ஆற்ற லும் கற்றல் திறனும் வளரும்.
அவர் களின் உடல்நலன் மேம்படும். மேலும், ஆரம்ப சுகாதார மையங்கள் 6 மாதங்களுக்கு ஒரு முறை மாணவர்களுக்கு குடற்புழு நீக்க மாத்திரைகளையும் வழங்கி வருகின்றன. இந்த திட்டத்தின் மூலம் 16,385 பள்ளிகளைச் சேர்ந்த 66 லட்சத்து 22 ஆயிரம் மாணவ-மாணவிகள் பயன்பெற்று வருகின்றனர். யுனிசெப் நிறுவன நிதி உதவியுடன் கடந்த ஆண்டு முதல்கட்டமாக 15,642 ஆசிரியர் களுக்கும் தலைமை ஆசிரியர் களுக்கும் சிறப்புப் பயிற்சி அளிக்கப்பட்டது.
இந்த ஆண்டும்யுனிசெப் நிதி உதவியுடன் தமிழகம் முழுவதும் 10,465 பள்ளிகளைச் சேர்ந்த ஒரு லட்சத்து 95 ஆயிரத்து 360 ஆசிரியர்களுக்கும் தலைமை ஆசிரியர்களுக்கும் பயிற்சி அளிக்க முடிவுசெய்யப்பட்டுள்ளது.

முதன்மைக்கல்வி அலுவலர் இடமாற்றத்துக்கு தடை
Posted: 04 Jun 2015 10:01 PM PDT
குமரி மாவட்ட முதன்மை கல்வி அலுவலர் ராதாகிருஷ்ணனை சென்னை பெற்றோர் ஆசிரியர் கழக செயலராக இடமாற்றம் செய்ததற்கு மதுரை ஐகோர்ட் கிளை இடைக்கால தடை விதித்துள்ளது.
குமரி மாவட்ட முதன்மை கல்வி அலுவலர் ராதாகிருஷ்ணன் உட்பட 13 முதன்மை கல்வி அலுவலர்களை இடமாற்றம் செய்து பள்ளி கல்வித்துறை செயலாளர் சபீதா அண்மையில் உத்தரவு பிறப்பித்திருந்தார்
.ராதாகிருஷ்ணன் சென்னையில் பெற்றோர் ஆசிரியர் கழக செயலராக மாற்றப்பட்டு உத்தரவு பிறப்பிக்கப்பட்டது.விருதுநகர் மாவட்ட முதன்மை கல்வி அலுவலர் ஜெயக்குமார், குமரி மாவட்ட முதன்மை கல்வி அலுவலராக மாற்றப்பட்டார். நேற்று நாகர்கோவிலில் உள்ள மாவட்டமுதன்மை கல்வி அலுவலகத்தில் புதிய முதன்மை கல்வி அலுவலர் பொறுப்பேற்கும் நிகழ்ச்சி நடந்தது. அப்போது புதிய அதிகாரி, விடைபெற்று செல்லும் அதிகாரிக்கு ஆசிரியர் அமைப்பினர் சால்வை அணிவித்துக்கொண்டிருந்தனர். சிறிதுநேரத்தில் குமரி மாவட்ட முதன்மை கல்வி அலுவலரை இடமாற்றம் செய்த உத்தரவுக்கு மதுரை ஐகோர்ட் கிளை இடைக்கால தடை விதித்து உத்தரவிட்டுள்ளதாக தகவல் வெளியானது.இந்த விவகாரம் கல்வித்துறை வட்டாரத்தில் பரபரப்பை ஏற்படுத்தியது.
இதனிடையே,குமரி மாவட்ட முதன்மை கல்வி அலுவலராக ஜெயக்குமார் நியமிக்கப்பட்டது செல்லுமா, அல்லது ராதாகிருஷ்ணனே முதன்மை கல்வி அலுவலராக தொடர்வாரா என்ற கேள்வி கல்வித்துறை வட்டாரத்தில் எழுந்துள்ளது.

இணை இயக்குனர்கள் மாற்றம் !!
Posted: 04 Jun 2015 09:47 PM PDT
JD(SCERT)MRS.AMUTHAVALLI TRANSFERRED TO JD EXAMINATIONS

AND JD MR.KUPPUSAMY TRANSFERRED TO JD SCERT

TNPSC குரூப்-1 மெயின் தேர்வு இன்று தொடங்குகிறது: 4,382 பேர் எழுதுகின்றனர்
Posted: 04 Jun 2015 09:43 PM PDT
துணை ஆட்சியர், டிஎஸ்பி, வணிகவரி உதவி ஆணையர், ஊரக வளர்ச்சி உதவி இயக்குநர்ஆகிய பதவிகளில் 79 காலியிடங்களை நிரப்புவதற்கான குரூப்-1 மெயின் தேர்வு சென்னையில் இன்று (வெள்ளிக்கிழமை) தொடங்குகிறது. 7-ந் தேதி வரை 3 நாட்கள் நடைபெறும் இத்தேர்வில்
4,382 பேர் கலந்துகொள்வதாக டிஎன்பிஎஸ்சி தேர்வு கட்டுப்பாட்டு அதிகாரி வே.ஷோபனா தெரிவித்தார். எழும்பூர் மாநில பெண்கள் மேல்நிலைப்பள்ளி, சூளை செயின்ட் ஜோசப் பெண்கள் மேல்நிலைப்பள்ளி உள்பட 42 மையங்களில் தேர்வு நடக்கிறது.

பொறியாளர் பணிக்கான டிஎன்பிஎஸ்சி தேர்வு முடிவு எப்போது வெளியாகும்? - 10 மாதங்களாக காத்திருக்கும் இளைஞர்கள்
Posted: 04 Jun 2015 09:42 PM PDT
பொறியாளர் பணிக்கான தேர்வு முடிவுகள் எப்போது வெளியாகும் என்று டிஎன்பிஎஸ்சி தேர்வு எழுதிய பொறியியல் பட்டதாரிகள் 10 மாதங்களாக காத்திருக்கின்றனர்.
சிவகங்கை மாவட்டம், காரைக் குடியை சேர்ந்தவர் சதீஷ்குமார். பொறியியல் பட்டதாரியான இவர் ‘தி இந்து’ உங்கள் குரல் பகுதியை தொடர்புகொண்டு ஒரு தகவலை பதிவு செய்துள்ளார்.
“தமிழ்நாடு அரசுப் பணியாளர் தேர்வாணையம் சார்பில், அரசுப் பணிக்கு பொறியாளர்கள் தேர்வு செய்யப்பட உள்ளதாக கடந்த 23.4.2014-ம் தேதிஅறிவிப்பு வெளியிடப்பட்டது. இதன்படி பொதுப்பணித் துறை நீர்வள ஆதார அமைப்பு, பொதுப்பணித் துறை கட்டுமானப் பிரிவு மற்றும் தொழில் பாதுகாப்புத்துறை ஆகியவற்றில் மொத்தம் 98 உதவி பொறியாளர்கள் தேர்வு செய்யப்படுவார்கள் என்று தெரிவிக்கப்பட்டிருந்தது.இதற்கான எழுத்துத் தேர்வு 27.7.2014-ம் தேதி நடைபெற்றது. 10 மாதங்களுக்கு மேலாகியும் இதுவரையில் அந்த தேர்வுக்கான முடிவுகள் வெளியிடப்படவில்லை. ஆனால், அதற்கு 5 மாதங்களுக்குப் பிறகு (டிசம்பரில்) நடத்தப்பட்ட குரூப் 4 தேர்வுக்கான முடிவுகள் வெளியிடப்பட்டு, தேர்வானவர் களுக்கு பணியிடம் ஒதுக்கும் கலந்தாய்வு நடைபெற்றுக் கொண் டிருக்கிறது. இத்தனைக்கும் உதவிப் பொறியாளர் பணிக்கு வெறுமனே 54 ஆயிரம் பேர்தான் தேர்வெழுதினோம். பல லட்சம் பேர் தேர்வெழுதிய குரூப் 4 தேர்வு முடிவுகள் விரைவில் வெளியாகிவிட்ட நிலையில், குறை வான நபர்கள் தேர்வெழுதிய பொறியாளர்பணிக்கான முடிவு களை வெளியிடாமல் இருப்பது வருத்தமளிக்கிறது
.டி.என்.பி.எஸ்.சி. தேர்வுகள் குறித்து 18004251002 என்ற இலவச தொலைபேசி எண்ணில் எப்போது வேண்டுமானாலும் சந்தேகம் கேட்கலாம் என்று அதிகாரப் பூர்வ இணைய தளத்தில் கூறப் பட்டுள்ளது. ஆனால் அந்த எண்ணும் இயங்கவில்லை. எனவே, இதுகுறித்து விசாரித்து உண்மை நிலையை வெளிப்படுத்த வேண்டும்” என்றார்.போட்டித் தேர்வுக்கு பயிற்சி அளிக்கும் ஓய்வுபெற்ற பேராசி ரியர் ஒருவர் கூறியபோது, “மற்ற அரசுப் பணிக்கான தேர்வுகளைப்போல இல்லாமல், பொதுப்பணித்துறை பொறியாளர் பணிக்கான தேர்வில் அரசியல் தலையீடு இருப்பதாகக்கூறப்படுகிறது. முன்பு இதே பணிக்கான தேர்வு நடத்தப்பட்டபோது, தேர்வு முடிவுகளை வெளியிடுவதில் குளறுபடி ஏற்பட்டது.
ஒரு தேர்வுக்கு 3 முறை முடிவுகளை வெளியிட்டனர். இந்த முறையும் அவ்வாறு நடந்தால், தேர் வாணையம் மீது இளைஞர்கள் நம்பிக்கை இழந்துவிடுவார்கள்” என்றார். இதுகுறித்து தேர்வு கட்டுப் பாட்டு அதிகாரி சோபனாவிடம் கேட்டபோது, “வெகுவிரையில் தேர்வு முடிவுகள் வெளியிடப்பட உள்ளது. அதற்கான பணிகள் துரிதமாக நடைபெற்று வரு கின்றன” என்றார்.

‘பிளஸ் 2 சிறப்பு துணைத் தேர்வுக்கு தட்கலில் விண்ணப்பிக்கலாம்’
Posted: 05 Jun 2015 03:10 AM PDT
‘மேல்நிலை சிறப்பு துணைத்தேர்வுக்கு தட்கல் திட்டத்தில்விண்ணப்பிக்கலாம்’ என, அரசுத்தேர்வுகள் இயக்குனர் தேவராஜன் தெரிவித்துள்ளார்.
இதுகுறித்த செய்திக்குறிப்பு:
இந்த ஆண்டு ஜூன், ஜூலை 2015 மேல்நிலைச் சிறப்புத் துணைத் தேர்வெழுத தற்போதுவிண்ணப்பிக்க விரும்பும் தனித்தேர்வர்களிடமிருந்து சிறப்பு அனுமதி திட்டத்தின் கீழ் (தட்கல்) விண்ணப்பங்கள் வரவேற்கப்படுகின்றன.
மார்ச் 2015 மேல்நிலைத் தேர்வினை பள்ளி மாணாக்கராகவோ அல்லது தனித் தேர்வர்களாகவோ தேர்வெழுதியிருக்க வேண்டும். மேல்நிலைத் தேர்வில் தேர்ச்சி பெறாத வருகை புரியாத அனைத்துப் பாடங்களையும் உடனடித் தேர்வில் தேர்வெழுத விண்ணப்பிக்கலாம்.
தட்கலில் விண்ணப்பிக்கும் தேர்வர்கள் சென்னையில் மட்டும் தேர்வெழுத இயலும். சிறப்பு அனுமதித் திட்டத்தின் கீழ் தேர்வெழுத விரும்பும் தனித் தேர்வர்கள் தங்களது மாவட்டத்திற்குரிய முதன்மைக் கல்வி அலுவலர் அலுவலகத்தில் இன்று (5ம் தேதி) தங்களை பதிவு செய்து கொள்ள வேண்டும்.மார்ச் 2015ல் மேல்நிலைத் தேர்வெழுதிப் பெற்ற தற்காலிக மதிப்பெண் சான்றிதழ் நகலினை விண்ணப்பத்தினை பதிவு செய்யும் அலுவலரிடம் கண்டிப்பாக காண்பிக்க வேண்டும்.
ஒரு பாடத்திற்கு 50 ரூபாய் மற்றும் இதர கட்டணமாக 35 ரூபாயும் கூடுதலாக சிறப்பு அனுமதி கட்டணமாக ஆயிரம் ரூபாய் மற்றும் பதிவு கட்டணம் 50 ரூபாய் சேர்த்து முதன்மைக் கல்வி அலுவலகத்திற்கு பணமாக செலுத்த வேண்டும். இவ்வாறு செய்திக்குறிப்பில் கூறப்பட்டுள்ளது.

ஆசிரியர் பயிற்சி படிப்புக்கு ஜூன் 22-ந் தேதி தரவரிசைப் பட்டியல் கலந்தாய்வு ஜூலை 1-ந் தேதி தொடங்குகிறது
Posted: 04 Jun 2015 06:53 PM PDT
இடைநிலை ஆசிரியர் பயிற்சி படிப்புக்கு ஜூன் 22-ந் தேதி தரவரிசைப் பட்டியல்வெளியிடப்படுகிறது. கலந்தாய்வு ஜூலை 1-ந் தேதி தொடங்குகிறது.

மாவட்ட ஆசிரியர் கல்வி பயிற்சி நிறுவனங்கள், அரசு மற்றும் அரசு உதவி பெறும்ஆசிரியர் பயிற்சி பள்ளிகள் மற்றும் தனியார் பயிற்சி பள்ளிகளில் அரசு ஒதுக்கீடு என இடைநிலை ஆசிரியர் பட்டயப் படிப்பில் 15 ஆயிரம் இடங்கள் பொது கலந்தாய்வு மூலமாக நிரப்பப்பட உள்ளன. இதற்கு 3,300-க்கும் மேற் பட்டவர்கள் விண்ணப்பித் துள்ளனர். அவர்களின் தரவரிசைப் பட்டியல் ஜூன் 22-ந் தேதி வெளியிடப்பட்டு கலந்தாய்வு ஜூலை 1-ந் தேதி தொடங்கி 10-ந் தேதி வரை நடைபெறும் என்று மாநில கல்வியியல் ஆராய்ச்சி மற்றும் பயிற்சி நிறுவன இயக்குநர் வி.சி.ராமேஸ்வரமுருகன் தெரிவித்தார்.
பிரிவு வாரியாக கலந்தாய்வு நாள் விவரம் வருமாறு:-
ஜூலை 1-ந் தேதி (புதன்கிழமை) - சிறப்புப் பிரிவினர் (மாற்றுத்திறனாளிகள், சுதந்திரப் போராட்ட தியாகிகளின் பேரன், பேத்தி, முன்னாள் ராணுவத்தினரின் மகன், மகள்.
ஜூலை 2-ந் தேதி (வியாழக்கிழமை) - ஆங்கில மொழி மற்றும் சிறுபான்மை மொழியில் படிக்க விண்ணப்பித்துள்ள மாணவ-மாணவிகள்.
ஜூலை 3-ந் தேதி (வெள்ளிக்கிழமை) - தொழிற்கல்வி பிரிவு மாணவ-மாணவிகள்.
ஜூலை 4 மற்றும் 6-ந் தேதி (சனி, திங்கள்கிழமை) - கலைப்பிரிவு மாணவ-மாணவிகள்.
ஜூலை 7 முதல் 10-ந் தேதி வரை - அறிவியல் பிரிவு மாணவ-மாணவிகள்.

அஞ்சல் துறையில் 105 பணிகள் .
Posted: 04 Jun 2015 06:54 PM PDT
இந்திய அஞ்சல் துறையின் ஆந்திர அஞ்சல் வட்டத்தில் நிரப்பப்பட உள்ள 105 தபால் உதவியாளர், தபால்காரர் மற்றும் எம்டிஎஸ் பணியிடங்களுக்கு தகுதியும் விருப்பமும் உள்ளவர்கலிடமிருந்து விண்ணப்பங்கள் வரவேற்கப்படுகின்றன.
மொத்த காலியிடங்கள்: 105

பணி மற்றும் காலியிடங்கள் விவரம்:
1. Postal Assistant/Sorting Assistant 57
2. Postman - 38
3. Multi Tasking Staff - 10
தகுதி: பத்தாம் வகுப்பு, பிளஸ் 2, ஐடிஐ முடித்தவர்கள் விண்ணப்பிக்க தகுதியானவர்கள்.
வயதுவரம்பு: 21.06.2015 தேதியின்படி 18 - 27க்குள் இருக்க வேண்டும்.
சம்பளம்: மாதம் ரூ.5,200 - 20,200 + தர ஊதியம் ரூ.1800/2400 வழங்கப்படும்.
தேர்வு செய்யப்படும் முறை: எழுத்துத் தேர்வு மற்றும் நேர்முகத் தேர்வின் அடிப்படையில் தகுதியானவர்கள் தேர்வு செய்யப்படுவார்கள்.
விண்ணப்பக் கட்டணம்: ரூ.100.
விண்ணப்பிக்கும் முறை: விருப்பமுள்ளவர்கள் http://www.appost.in என்ற அதிகாரப்பூர்வ இணையதளத்தில் கொடுக்கப்பட்டுள்ள விண்ணப்பத்தை பதிவிறக்கம் செய்து பூர்த்தி செய்து தேவையான சான்றிதழ்கள் இணைத்து விண்ணப்பிக்க வேண்டும்.
பூர்த்தி செய்யப்பட்ட விண்ணப்பங்கள் சென்று சேர கடைசி தேதி: 21.06.2015 மேலும் முழுமையான விவரங்கள் அறிய http://www.appost.in/downloads/Sports%20Notification/sports%20notification_1.PDF என்ற இணையதளத்தை பார்க்கவும்.

ஆனர்ஸ் சட்டப் படிப்புகளுக்கு இன்று முதல் விண்ணப்பம் தமிழ்நாடு சட்டப் பல்கலைக்கழகம் அறிவிப்பு
Posted: 04 Jun 2015 06:54 PM PDT
ஆனர்ஸ் சட்டப் படிப்புகளுக்கு இன்று (வெள்ளிக்கிழமை) முதல் விண்ணப்பம்வழங்கப்படும் என்று தமிழ்நாடு சட்டப் பல்கலைக்கழகம் அறிவித்துள்ளது.

சென்னையில் உள்ள டாக்டர் அம்பேத்கர் சட்டப் பல்கலைக்கழகத்தில் இயங்கி வரும் சீர்மிகு சிறப்பு சட்டக் கல்லூரியில் நடத்தப்படும் ஐந்தாண்டு கால ஆனர்ஸ் சட்டப் படிப்புகளுக்கு (பிஏ.எல்எல்பி, பிகாம்.எல்எல்பி, பிசிஏ.எல்எல்பி) இன்று முதல் விண்ணப்பங்கள் வழங்கப்பட உள்ளன. விண்ணப்பக் கட்டணம் ரூ.1,000. எஸ்சி, எஸ்டி வகுப்பினருக்கு ரூ.500. பூர்த்தி செய்யப்பட்ட விண்ணப்பங்களை ஜூன் 22-ம் தேதிக்குள்சமர்ப்பிக்க வேண்டும். இதற்கான தரவரிசைப்பட்டியல் ஜூன் 25-ந் தேதி அன்று வெளியிடப்படும். இதேபோல், ஐந்தாண்டு கால எல்எல்பி ஆனர்ஸ் படிப்புக்குஇன்று முதல் 30-ம் தேதி வரை விண்ணப்பம் வழங்கப்படும். தரவரிசைப்பட்டியல் ஜூலை 10-ம் தேதி வெளியாகும். சென்னை, மதுரை, திருநெல்வேலி உள்ளிட்ட இடங்களில் உள்ள அரசு சட்டக் கல்லூரிகளில் ஐந்தாண்டுஎல்எல்பி படிப்பில் சேருவதற்கான விண்ணப்பங்கள் ஜூன் 8-ம் தேதி தொடங்கி 29-ம் தேதி வரை விநியோகிக்கப்படும். விண்ணப்பக் கட்டணம் ரூ.500. எஸ்சி, எஸ்டி வகுப்பினருக்கு ரூ.250. பூர்த்தி செய்த விண்ணப்பங்களை ஜூன் 29-ந்தேதிக்குள் சமர்ப்பிக்க வேண்டும்.
இதற்கான தரவரிசைப் பட்டியல் ஜூலை 13-ந் தேதி அன்று வெளியிடப்படும். மேலும், அரசு சட்டக் கல்லூரிகளில் 3 ஆண்டு கால எல்எல்பி படிப்புக்கு ஜூன் 12 முதல் ஜூலை 17-ந் தேதி வரை விண்ணப்பங்களைப் பெற்றுக்கொள்ளலாம். விண்ணப்பிக்க கடைசிநாள் ஜூலை 17-ந் தேதி ஆகும். இதற்கான தரவரிசைப் பட்டியல் ஜூலை 31-ந்தேதி வெளியிடப்படும் என்று சட்டப் பல்கலைக்கழகம் அறிவித்துள்ளது.

மாநகராட்சி பள்ளிகளில் மாடித் தோட்டம்! மற்ற பள்ளிகளிலும் அமைக்க வேண்டும்
Posted: 04 Jun 2015 06:54 PM PDT
கடந்தாண்டு மதுரை மாநகராட்சி காக்கை பாடினியார் உட்பட நான்கு பள்ளிகளில் மாதிரி மாடித் தோட்டம் அமைக்கப்பட்டது. இந்தாண்டு மற்ற பள்ளிகளிலும் இத்திட்டத்தை விரிவுபடுத்த அரசும், மாநகராட்சியும் முன்வர வேண்டும்.மதுரையில் பல அரசு, மாநகராட்சி பள்ளிகளில் மைதானம் இல்லை.

இச்சூழலில் மாணவர்களை உற்சாகப்படுத்த மாடித் தோட்டம் அமைக்கலாம். முறை வைத்து, ஒவ்வொரு வகுப்பாக தண்ணீர் ஊற்றச் செய்யலாம். காய்கறிகளின் வளர்ச்சியை தினமும் பார்ப்பதன் மூலம் வீட்டிலும் காய்கறி செடிகள் வளர்க்க ஆசைப்படுவர்.மாடித் தோட்டம் அமைத்துள்ள, காக்கை பாடினியார் மாநகராட்சி மேல்நிலைப்பள்ளி தலைமையாசிரியை எழிலரசி கூறியதாவது: கடந்தாண்டு கத்தரி, வெண்டை, தக்காளி, கொத்தவரை, அவரை, தக்காளி, பச்சை மிளகாய், அரைக்கீரை நட்டோம். கத்தரியில் மட்டும் பத்து கிலோ வரை காய்கள் பறித்தோம். ஆறாம் வகுப்பு மாணவிகள், என்.எஸ்.எஸ்., மாணவிகள் மூலம் செடிகளுக்கு தண்ணீர் ஊற்றுகிறோம். காய்கள் பறிப்பதும் மாணவிகள் தான்.இயற்கையாகவே நெல்லை விளைவித்து பயிற்சி அளிக்கிறோம். விளையும் நெல்லை மாணவிகள் பார்த்து சந்தோஷப்படுகின்றனர். தற்போது தான் பள்ளி துவங்கியுள்ளது.
இன்னும் ஒருவாரத்தில் விதைகள் வாங்கி மறுபடியும் தோட்டம் அமைப்போம் என்றார்.

அண்ணாமலைப் பல்கலை.யில் பொறியியல் படிப்புக்கு விண்ணப்பிக்க ஜூன் 12 வரை அவகாசம் நீட்டிப்பு
Posted: 04 Jun 2015 06:55 PM PDT
சிதம்பரம் அண்ணாமலைப் பல்கலைக்கழகத்தில், பொறியியல் படிப்புக்கு விண்ணப்பிக்ககால அவகாசம் ஜூன் 12-ஆம் தேதி வரை நீட்டிக்கப்பட்டுள்ளது.

இங்கு கடந்த மே 6-ஆம் தேதி முதல் பொறியியல் படிப்புக்கான விண்ணப்பங்கள் விற்பனை செய்யப்பட்டு வருகின்றன. பொறியியல் புலத்தில் 10 படிப்புகளுக்கான அனுமதி சேர்க்கை நடைபெறவுள்ளது. பூர்த்தி செய்யப்பட்ட விண்ணப்பங்களை அனுப்ப வேண்டிய கடைசி தேதி ஜூன் 5 என அறிவிக்கப்பட்டிருந்தது.இந்நிலையில், விண்ணப்பங்கள் விற்பனை மற்றும் பூர்த்தி செய்யப்பட்ட விண்ணப்பங்களை அனுப்புவதற்கான கால அவகாசம் ஜூன் 12-ஆம் தேதி வரை நீட்டிக்கப்பட்டுள்ளதாக பல்கலைக்கழக நிர்வாகம் தெரிவித்துள்ளது. அனைத்துப் படிப்பு மையங்களிலும் ரூ.800 கட்டணம் (எஸ்சி, எஸ்டி பிரிவினருக்கு ரூ.400) செலுத்தி விண்ணப்பங்களைப் பெற்றுக்கொள்ளலாம்.
மேலும் ஆன்-லைனில்விண்ணப்பத்தை பதிவிறக்கம் செய்து, பூர்த்தி செய்து, அதற்கான தொகையை வரைவோலையாக இணைத்தும் விண்ணப்பிக்கலாம்.கூடுதல் விவரங்களை www.annamalaiuniversity.ac.in என்ற இணையதளம் மூலம் அறிந்து கொள்ளலாம்.

பி.இ., - பி.டெக்., படிப்புக்கு 'ஆன் - லைன்' அனுமதியில்லை
Posted: 04 Jun 2015 06:56 PM PDT
இன்ஜி., மற்றும் பி.டெக்., படிப்பில், எந்த பல்கலைக்கும் திறந்தவெளி மற்றும்,'ஆன் - லைன்' கல்லுாரி நடத்த அனுமதிக்கவில்லை என்று, பல்கலை மானியக் குழுவான,யு.ஜி.சி., அறிவித்துள்ளது. போலி விளம்பரங்கள் மூலம் மக்களை ஏமாற்றக் கூடாது என்றும் எச்சரித்து உள்ளது.பல கல்லுாரிகள் மற்றும் பல்கலைகள், பி.இ., மற்றும் பி.டெக்., படிப்புகளை,
தொலைதுாரக் கல்வியில் கற்றுத் தருவதாகவும், சில நிறுவனங்கள், 'ஆன் - லைனில்',கற்றுத் தருவதாகவும் விளம்பரப்படுத்துவதாக, யு.ஜி.சி.,க்கு புகார்கள் வந்துள்ளன.
இதை விசாரித்து, போலி கல்லுாரி மற்றும் பல்கலைகளில் சேர வேண்டாம் என்றும், போலி விளம்பரங்கள் மூலம், மக்களை ஏமாற்ற வேண்டாம் என்றும், யு.ஜி.சி., எச்சரித்து உள்ளது.யு.ஜி.சி., வெளியிட்டு உள்ள எச்சரிக்கை:மாநிலங்களில் செயல்படும், அரசு மற்றும் தனியார் பல்கலைகளுக்கு, தங்கள் மாநிலங்களில் இல்லாமல், வெளிமாநிலங்களில் பயிற்சி மையங்கள் அமைக்க முடியாது; அப்படி அமைக்க, யு.ஜி.சி., விதிகளைப் பின்பற்றி அனுமதி பெற வேண்டும். இதேபோல், நிகர்நிலைப் பல்கலைகளும், வேறு மாநிலங்களில் படிப்பு மையங்கள் அமைக்க, அனுமதிபெற வேண்டும்.இதேபோல், எந்த பல்கலைக்கும், கல்லுாரிக்கும், பி.இ., மற்றும் பி.டெக்., பாடப்பிரிவுகளை, பட்டப் படிப்பாகவோ, டிப்ளமோ படிப்பாகவோ அல்லது முதுகலையாகவோ,திறந்தவெளிப் படிப்பாகவோ நடத்த அனுமதி அளிக்கவில்லை.
இதேபோல், எந்தவொரு பல்கலைக்கும், 'ஆன் - லைன்' படிப்பை நடத்தவும் அனுமதிக்கவில்லை. எனவே, போலி விளம்பரங்களைக் கண்டு, பொதுமக்கள் ஏமாற வேண்டாம்.இவ்வாறு, அதில் கூறப்பட்டு உள்ளது.

'குரூப் - 1' தேர்வில் மாற்றுத் திறனாளிக்கு கூடுதல் நேரம்வழங்க உத்தரவு
Posted: 04 Jun 2015 06:56 PM PDT
குரூப் - 1' பிரதான தேர்வில், மாற்றுத்திறனாளிக்கு, கூடுதலாக ஒரு மணி நேரம்வழங்க வேண்டும் என, டி.என்.பி.எஸ்.சி.,க்கு, சென்னை உயர் நீதிமன்றம் உத்தரவிட்டுள்ளது.
சென்னை, திருமங்கலத்தைச் சேர்ந்தவர் ரமேஷ்; மாற்றுத்திறனாளி
. அருந்ததியினர் சமூகத்தைச் சேர்ந்த இவர், எம்.எஸ்சி., முடித்துள்ளார். குரூப் - 1 தேர்வுக்கு, 2013ல் விண்ணப்பித்தார்; முதற்கட்ட தேர்வில் தேர்ச்சி பெற்றார்.கூடுதல் நேரம் :பிரதான தேர்வு, ஜூன், 5 முதல், 7ம் தேதி வரை நடக்கிறது. இந்த தேர்வில், கூடுதல் நேரம் ஒதுக்கக் கோரி, சென்னை உயர் நீதிமன்றத்தில், ரமேஷ் தாக்கல் செய்த மனு:குரூப் - 1 பிரதான தேர்வில், ஆறு பாடங்கள் எழுத வேண்டும். ஒவ்வொன்றுக்கும்,மூன்று மணி நேரம் ஒதுக்கப்படும்.
என்னால், மூன்று மணி நேரத்தில் தேர்வை எழுதிமுடிக்க முடியாது; கூடுதல் நேரம் வேண்டும்.கடந்த, 1993ல், சமூகநலத் துறை பிறப்பித்த அரசாணையில், மாற்றுத்திறனாளிகளுக்கு, எழுத்துத் தேர்வில், ஒரு மணி நேரம் வரை கூடுதலாக பெறஉரிமை உள்ளது.கூடுதல் நேரம் ஒதுக்கக் கோரி, டி.என்.பி.எஸ்.சி.,க்கு, கடந்த ஏப்ரலில் மனு அனுப்பினேன்; எந்த நடவடிக்கையும் இல்லை. எனவே, பிரதான தேர்வில் கூடுதல் நேரம்ஒதுக்க, டி.என்.பி.எஸ்.சி.,க்கு உத்தரவிட வேண்டும்.இவ்வாறு, மனுவில் கூறப்பட்டுள்ளது.இம்மனு, நீதிபதி அரிபரந்தாமன் முன், விசாரணைக்கு வந்தது. மனுதாரர் சார்பில் வழக்கறிஞர் கே.முருகேசன், டி.என்.பி.எஸ்.சி., சார்பில் வழக்கறிஞர் நிறைமதி ஆகியோர் ஆஜராகினர்.மனுவை விசாரித்த, நீதிபதி அரிபரந்தாமன் பிறப்பித்த உத்தரவு:கடந்த 1993ல், சமூகநலத் துறை பிறப்பித்த உத்தரவில், மாற்றுத் திறனாளிகளுக்கு, ஒரு மணி நேரத்திற்கு மிகாமல், கூடுதல் நேரம் வழங்க வேண்டும் எனக் கூறப்பட்டுள்ளது.
எதிர்பார்க்கவில்லை அவ்வாறு இருக்கும்போது கூடுதலாக, 30 நிமிடங்கள் வழங்கப்படும் என, டி.என்.பி.எஸ்.சி., கூறுவதை எதிர்பார்க்கவில்லை.எனவே, சமூகநலத் துறை பிறப்பித்த அரசாணையின்படி, மாற்றுத்திறனாளியான மனுதாரருக்கு, குரூப் - 1 தேர்வு எழுத, கூடுதலாக ஒரு மணி நேரம் வழங்க வேண்டும்.இவ்வாறு, நீதிபதி அரிபரந்தாமன் உத்தரவிட்டுள்ளார்.

தனியார் பள்ளி விவகாரம்: சிறப்பு அதிகாரி விசாரணை : பள்ளி செயலர் ரமண பிரசாத் ஆஜராகாமல் 'எஸ்கேப்'
Posted: 04 Jun 2015 06:57 PM PDT
அடையாறு பால வித்யா மந்திர் பள்ளி விவகாரம் குறித்து, சிறப்பு விசாரணை அதிகாரி, நேற்று விசாரணையைத் துவக்கினார். பள்ளியின் செயலர் ஆஜராகவில்லை. அவரை நேரில் ஆஜராகச் சொல்லி, சிறப்பு அதிகாரி உத்தரவிட்டுள்ளார்.
அதிக கட்டணம்:

சென்னை, அடையாறில் செயல்படும் பால வித்யா மந்திர் என்ற தனியார், சி.பி.எஸ்.இ., பள்ளியில், அதிக கட்டணம் வசூலிப்பதாக, பெற்றோர், கடந்த நான்கு நாட்களாக போராட்டம் நடத்துகின்றனர்.முதல்வரின் குறை தீர்க்கும் தனிப்பிரிவு அதிகாரி, இன்னசன்ட் திவ்யா, ஓய்வுபெற்ற நீதிபதி சிங்காரவேலு கமிட்டி அதிகாரிகள், சி.பி.எஸ்.இ., தென் மண்டல இயக்குனர் (பொறுப்பு) சீனிவாசன் ஆகியோரிடம், பெற்றோர் மனு அளித்தனர்.இந்நிலையில், நீதிபதி சிங்காரவேலு பரிந்துரைப்படி, பால வித்யா மந்திர் விவகாரத்தை விசாரிக்க, இடை நிலைக் கல்வி இணை இயக்குனர் கார்மேகம் நியமிக்கப்பட்டார்.பின், விசாரணைக்கு ஆஜராகுமாறு, பால வித்யா மந்திர் நிர்வாக செயலர் ரமண பிரசாத், தலைமை செயல் அதிகாரி எஸ்.எஸ்.நாதன், கல்லுாரி முதல்வர் ஸ்ரீனிவாச ராகவன் மற்றும் பெற்றோரின் பிரதிநிதிகளான வழக்கறிஞர்கள் நாகஷீலா, கவுதமன் மற்றும் சுரேஷ் ஆகியோருக்கு, பள்ளிக் கல்வித் துறை சம்மன் அனுப்பியது.இதன்படி, நேற்று காலை, 10:30 மணிக்கு, பள்ளிக் கல்வித் துறை அலுவலகத்தில், அதிகாரி கார்மேகம் விசாரணையைத் துவங்கினார். இதில், பள்ளி செயலர் ரமண பிரசாத் ஆஜராகவில்லை. அவருக்குப் பதில், வழக்கறிஞர் ஆனந்த சசிதரன்ஆஜரானார்.
வாக்குமூலம்:
முதற்கட்டமாக வழக்கறிஞர்கள் நாகஷீலா, கவுதமன் ஆகியோரிடமும், பின், பள்ளி முதல்வர் ஸ்ரீனிவாச ராகவனிடமும், விசாரணை நடந்தது.அதிகக் கட்டணம் வசூலிக்கப்படுவதை, ஆதாரத்துடன் பெற்றோர் தரப்பில் அளித்தனர். முதல்வர் ஸ்ரீனிவாச ராகவன், நிர்வாகம் சொல்வதை தான் அமல்படுத்தி வருவதாக தெரிவித்தார். இதை வாக்குமூலமாக, அதிகாரி கார்மேகம் பதிவு செய்து கொண்டார்.மீண்டும், வரும் 11ம் தேதி, மாலை, 4:00 மணிக்கு, பள்ளியில் நேரடி விசாரணை நடத்த சிறப்பு அதிகாரி முடிவு செய்துள்ளார். விசாரணைக்கு, செயலர் நேரில் ஆஜராகவும் உத்தரவிடப்பட்டுள்ளது.பள்ளி சி.இ.ஓ., - முதல்வர் நீக்கம்:பள்ளியின் நிர்வாக ரகசியங்களை, சி.இ.ஓ., எஸ்.எஸ்.நாதன் மற்றும் முதல்வர் ஸ்ரீனிவாச ராகவன் தான், பெற்றோர் தரப்பில் கூறிவிட்டதாகக் குற்றம் சாட்டி, பள்ளி நிர்வாகம் அவர்களை நீக்கியுள்ளது. சி.இ.ஓ., எஸ்.எஸ்.நாதன், 'டிஸ்மிஸ்' செய்யப்பட்டார். பள்ளியின் ஒன்பது துறைத் தலைவர்களிடமும் அடையாள அட்டை பறிமுதல் செய்யப்பட்டுள்ளது. புதிய முதல்வராக சுஜாதா நியமிக்கப்பட்டுள்ளார்.
யாரையும் பணிநீக்கம் செய்யவில்லை:
பள்ளி புதிய முதல்வர் சுஜாதா, பத்திகையாளர்களுக்கு அளித்த பேட்டியில் கூறியதாவது:சிங்காரவேலு கமிட்டி நிர்ணயித்த கட்டணம் தான் வசூலிக்கப்படும். கூடுதலாக வசூலித்த கட்டணம், பள்ளி நாட்களில் பெற்றோரிடம் திருப்பி அளிக்கப்படும்.வித்தியாச கட்டண அடிப்படையில், மாணவர்களை தனித்தனியாக அமர வைத்து வகுப்பு நடத்துவது போன்ற நடவடிக்கைகளில், இனிமேல் பள்ளி நிர்வாகம் ஈடுபடாது.பல்வேறு புகார்களின் அடிப்படையில் தான், சி.இ.ஓ., நாதன், நீக்கப்பட்டுள்ளார்