Subscribe Our YouTube channel

எங்கள் செய்திகளை உடனுக்குடன் தெரிந்துகொள்ள எங்களுடைய அப்ப்ளிகேஷனை கீழேயே உள்ள இமேஜை கிளிக் செய்து google playstore இல் டவுன்லோட் செய்து கொள்ளுங்கள் நன்றி...!!!

Monday, 23 November 2015

உயர் தொடக்க நிலை ஆசிரியர்களுக்கு டிச 09, 10 11 ஆகிய நாட்களில் .. "படைப்பாற்றல் கல்வி முறையில் கணிதம் கற்பித்தல்" என்ற தலைப்பில் மூன்று நாட்கள் பயிற்சி நடைபெறும் - செயல்முறைகள்


செல்ஃபோன் டேட்டா கட்டணங்கள் குறையும்: ஃபிட்ச் தகவல்

இந்தியாவில் செல்ஃபோன் data கட்டணங்கள் 15 முதல் 20 சதவிகிதம் வரை குறைய வாய்ப்புள்ளதாக பிரபல மதிப்பீட்டு நிறுவனமான ஃபிட்ச் தெரிவித்துள்ளது.இந்திய செல்ஃபோன் சந்தையில் முகேஷ் அம்பானியின் ரிலையன்ஸ் ஜியோ நிறுவனம் கால் பதிக்க உள்ளதன் விளைவாக நிறுவனங்களுக்கு இடையே கடும் போட்டி உருவாகும் என்றும் இதன் மூலம் கட்டணம் குறைக்க வேண்டிய கட்டாயம் ஏற்படும் என்றும் ஃபிட்ச் தனது அறிக்கையில் தெரிவித்துள்ளது.

முன்னணி 4 தொலைத்தொடர்பு நிறுவனங்களுக்கு இடையே ஏற்படும் கடும் போட்டியால் அவற்றின் லாப விகிதங்கள் குறையும் என்றும் ஃபிட்ச் கூறியுள்ளது.2015ம் ஆண்டில் ஒவ்வொரு வாடிக்கையாளரிடம் இருந்து சராசரியாக 170 ரூபாய் வருமானம் கிடைத்து வருவதாகவும் வரும் ஆண்டில் இது 160 ஆக குறையும் என்றும் அதன் ஆய்வறிக்கையில் தெரிவிக்கப்பட்டுள்ளது.இது போன்ற காரணங்களால் இந்திய தொலைத் தொடர்பு சந்தைக்கான மதிப்பீட்டை குறைத்துள்ளதாகவும் ஃபி்ட்ச் தெரிவித்துள்ளது.

அஞ்சல் ஊழியர்கள் நாளை ஆர்ப்பாட்டம்

மத்திய அரசின் 7-வது ஊதியக் குழுவின் பரிந்துரைகளைக் கண்டித்து மத்திய அரசு ஊழியர்கள் மற்றும் தேசிய அஞ்சல் ஊழியர்கள் கூட்டமைப்பு சார்பில் சென்னையில் நாளை (24-ம் தேதி) ஆர்ப்பாட்டம் நடக்கிறது.இது தொடர்பாக மத்திய அரசு ஊழியர்கள் மற்றும் தேசிய அஞ்சல் ஊழியர்கள் கூட்டமைப்பு வெளியிட்டுள்ள அறிக்கையில் கூறியிருப்பதாவது:

7-வது ஊதியக் குழுவின் பரிந்துரைகள் ஏற்புடையதல்ல. அஞ்சல் துறையின் கடைநிலைஊழியர்களுக்கு கடந்த 10 ஆண்டுகள் கழித்து வழங்கப்படும் ஊதிய உயர்வுவெறும் 14.29 சதவீதம் அளவில்தான் உள்ளது. இது ஏற்க முடியாத ஒன்று.இதனைக் கண்டித்து தமிழக மத்திய அரசு ஊழியர் மகா சம்மேளனம் மற்றும் தேசிய அஞ்சல் ஊழியர்கள் கூட்டமைப்பு சார்பில் சென்னை அண்ணா சாலையில் உள்ள தமிழக வட்ட தலைமை அஞ்சலக வளாகத்தில் வரும் 24-ம் தேதி (நாளை) கண்டன ஆர்பாட்டம் நடத்தப்படவுள்ளது. மேலும், தமிழகத்தின் தலைமை மற்றும் கோட்ட அஞ்சலகங்களின் வாயிலில் வரும் 27-ம் தேதி மாலையில் கண்டன ஆர்ப்பாட்டம் நடத்தவும் திட்டமிடப்பட்டுள்ளது.இவ்வாறு அறிக்கையில் கூறப்பட்டுள்ளது.

பொறியியல், பாலிடெக்னிக் கல்லூரிகளில் பதவி, சம்பள உயர்வு இல்லாமல் ஆசிரியர்கள் 10 ஆண்டுகளாக தவிப்பு

அரசு பாலிடெக்னிக், பொறியியல் கல்லூரிகளில் பணியாற்றும் ஆசிரியர்கள் கடந்த 10 ஆண்டுகளாக ஊதிய உயர்வு, பதவி உயர்வு இல்லாமல் தவிக்கின்றனர். இதனால், ஒவ்வொருவருக்கும் கடந்த 5 ஆண்டுகளில் ரூ.1.5 லட்சம் ஊதிய இழப்பு ஏற்பட்டுள்ளதாக வருத்தத்துடன் கூறுகின்றனர்.

தமிழகத்தில் தொழில்நுட்பக் கல்வி இயக்ககத்தின் கீழ் அரசு மற்றும் அரசு உதவி பெறும் பொறியியல் கல்லூரிகள், பாலிடெக்னிக் கல்லூரிகள் செயல் படுகின்றன. அங்கு பணியாற்றும் ஆசிரியர்கள் அகில இந்திய தொழில்நுட்பக் கல்வி கவுன்சில் (ஏஐசிடிஇ) 6-வது ஊதியக்குழு பரிந்துரையின்படி கடந்த 2006 ஜூலை முதல் சம்பள உயர்வு பெற்று வருகின்றனர்.பொதுவாக விரிவுரையாளர், உதவி பேராசிரியர் போன்ற பணியில் உள்ளவர்கள்குறிப்பிட்ட ஆண்டு பணிக்குப் பிறகு அடுத்த நிலை ஊதிய உயர்வுக்கு தகுதி பெறுவார்கள். உதாரணத்துக்கு, பாலிடெக்னிக் கல்லூரிகளில் ரூ.15,600 அடிப்படை சம்பளம், ரூ.5,400 தர ஊதியத்தில் விரிவுரையாளராக சேருவோருக்கு 5 ஆண்டு கழித்து தர ஊதியம் ரூ.6,000 ஆக உயரும். பொறியியல் கல்லூரி உதவி பேராசிரியர்களுக்குதர ஊதியம் ரூ.6,000-ல் இருந்து ரூ.7,000 ஆக அதிகரிக்கும்.இந்நிலையில், தொழில்நுட்பக் கல்வித் துறையில் பணியாற்றும் ஆசிரியர்களுக்கு பணி முன்னேற்ற திட்டம் (Career Advancement Scheme) என்ற புதிய திட்டத்தை ஏஐசிடிஇ அறிமுகப்படுத்தியது. அதன்படி, ஆசிரியர்களின் ஊதிய உயர்வு, பதவி உயர்வுக்கு பல விதிமுறைகள் நிர்ணயிக்கப் பட்டன. எம்இ, பிஎச்டி மாணவர் களுக்கு வழிகாட்டியாக இருப்பது, சர்வதேச மாநாடுகளில் பங்கேற் பது, சர்வதேச இதழ்களில் கட்டுரை வெளியிடுவது போன்ற விதிமுறை கள் வரையறுக்கப்பட்டன.பாலிடெக்னிக், பொறியியல் கல்லூரிகளில் பணியாற்றும் ஆசிரியர்களின் ஊதிய நிலை, பதவி உயர்வுக்கு ஏஐசிடிஇ விதிமுறைகளை பரிந்துரைக்கலாம் என்று தொழில்நுட்பக் கல்வி இயக்ககம் அரசுக்குப் பரிந்துரைத்தது. ஆனால், ஏஐசிடிஇ விதிமுறைகளை நடைமுறைப்படுத்தும் வண்ணம் ஆசிரியர்களுக்கு ஊதிய உயர்வு, பதவி உயர்வு வழங்குவதற்காக தர நிர்ணயம்,திறன் மேம்பாடு, ஆராய்ச்சி பணி ஆய்வு தொடர்பாக எந்த உத்தரவையும் அரசுபிறப்பிக்கவில்லை.இந்த நிலை கடந்த 10 ஆண்டுகளாக தொடர்கிறது. இதனால், பாலிடெக்னிக், பொறியியல் கல்லூரி ஆசிரியர்கள் பதவி உயர்வு இல்லாமல் பணியாற்றி வருகின்றனர். பலருக்கு ஊதிய உயர்வு (அடுத்த தர ஊதியம் மற்றும் அடுத்தநிலை சம்பளம்) கிடைக்கவில்லை.

இதுகுறித்து தமிழ்நாடு அரசு பாலிடெக்னிக் கல்லூரி ஆசிரியர்கள் சங்க பொதுச் செயலாளர் பி.தினகரன் கூறியதாவது:டிப்ளமோ படிப்பவர்களுக்கு பாடம் நடத்தும் பாலிடெக்னிக் ஆசிரியர்கள் எம்இ, பிஎச்டி மாணவர்களுக்கு எப்படி வழிகாட்டியாக இருக்க முடியும்? இது சாத்தியம் இல்லை. ஏஐசிடிஇ விதிமுறைகளை நடைமுறைப்படுத்துவது தொடர்பாக அரசாணை ஏதும் வெளியிடப்படாததால் சம்பள உயர்வு, பதவி உயர்வு பெற முடியாமல் பாலிடெக்னிக் ஆசிரியர்கள் மனவேதனைக்கு ஆளாகியுள்ளனர்.ஒவ்வொருவருக்கும் கடந்த 5 ஆண்டுகளில் ரூ1.5 லட்சம் என்ற அளவில் ஊதிய இழப்பு ஏற்பட்டுள்ளது. ஒருசிலரால் அடுத்த சம்பள நிலைக்கு செல்ல முடியவில்லை. 7-வது ஊதியக்குழு வர உள்ள நிலையில், இன்னும் 6-வது ஊதியக்குழு நிர்ணயித்த ஊதிய உயர்வைக்கூட ஆசிரியர்களால் பெற முடியவில்லை.இவ்வாறு அவர் கூறினார்.

எஸ்.சி. - எஸ்.டி. மாணவர்களுக்கு பள்ளிகளிலேயே ஜாதிச் சான்றிதழ்: புதிய விதிமுறைகள் விரைவில் அறிமுகம்!!

தாழ்த்தப்பட்ட, பழங்குடியின (எஸ்.சி. - எஸ்.டி.) பிரிவுகளைச் சேர்ந்த மாணவர்கள் 8-ஆம் வகுப்பு படிக்கும்போது, அவர்கள் சார்ந்த பள்ளிகளிலேயே ஜாதிச் சான்றிதழையும், இருப்பிடச் சான்றிதழையும் பெறுவதற்கான புதிய வரைவு விதிமுறைகளை மத்திய அரசுஉருவாக்கியிருக்கிறது. இதுதவிர, அந்கப் பிரிவுகளைச் சேர்ந்த குழந்தைகளுக்கு,பிறப்புச் சான்றிதழின் அடிப்படையில் ஜாதிச் சான்றிதழ் கிடைக்கும் வகையிலும் புதிய விதிமுறைகளை மத்திய அரசு விரைவில் அறிமுகப்படுத்தவுள்ளது.

இந்தப் புதிய வரைவு விதிமுறைகள் குறித்தகருத்துக்கள் மற்றும் ஆலோசனைகளை அடுத்த மாதம் (டிசம்பர்) 21-ஆம் தேதி வரை தெரிவிக்கலாம் என மத்திய பணியாளர், பயிற்சித் துறை அறிவிப்பு வெளியிட்டிருக்கிறது. மத்திய அரசின் கீழ் நடைபெறும் சேர்க்கைகளுக்கும், சேவைகளுக்கும் விண்ணப்பிப்பதற்காக தாழ்த்தப்பட்ட, பழங்குடியின மாணவர்கள் ஜாதிச்சான்றிதழ் அல்லது இருப்பிடச் சான்றிதழ் பெறுவதில் சிக்கல்களை எதிர்கொள்வதாக தொடர்ந்து புகார்கள் வந்த வண்ணம் இருந்தன. இதையடுத்து மேற்கண்ட நடவடிக்கையை மத்திய அரசு மேற்கொண்டுள்ளது. இதுவரையிலும் தாழ்த்தப்பட்ட, பழங்குடியின மக்களுக்கான ஜாதிச் சான்றிதழையும், இருப்பிடச் சான்றிதழையும், வருவாய்த் துறை அதிகாரிகள் மூலமாக மாநில அரசுகளும், யூனியன் பிரதேச அரசுகளும் வழங்கி வருகின்றன. இருப்பிடச் சான்றானது, மத்திய - மாநில அரசுகளின் வேலைவாய்ப்புகள், கல்வி ஆகியவற்றில் "உள்ளூர் மக்களுக்கான முன்னுரிமை' என்ற அடிப்படையில் இடஒதுக்கீடு பெறுவதற்கு உதவிகரமாக இருக்கிறது. புதிய திட்டம்: இந்நிலையில் பள்ளிகளிலேயே ஜாதிச் சான்று, இருப்பிடச் சான்று ஆகியவற்றைப் பெறுவதற்கான வரைவு விதிமுறைகளை மத்திய அரசு உருவாக்கியிருக்கிறது. இதன்படி, தாழ்த்தப்பட்ட, பழங்குடியின மாணவர்கள் 8-ஆம் வகுப்பு பயிலும்போது, ஜாதிச் சான்றிதழ், இருப்பிடச் சான்று பெறுவதற்கு ஆதாரமான ஆவணங்களை பள்ளிகளின் தலைமையாசிரியரே வாங்கி சரிபார்த்து, அவற்றை உரிய அதிகாரிகளின் கவனத்துக்கு அனுப்பி வைக்க வழிவகை செய்யப்படவுள்ளது. இந்தப் புதிய திட்டத்தை ஆண்டுதோறும் செப்டம்பர் முதல் அக்டோபர் வரையிலான இரண்டு மாத காலகட்டத்தில் அல்லது மாநில அரசுகள் விரும்பும் காலகட்டத்தில் செயல்படுத்த மத்திய அரசு திட்டமிட்டிருக்கிறது.

மேலும், ஆவணங்கள் பெறப்பட்ட 30 முதல் 60 நாள்களுக்குள் அவற்றை ஆய்வு செய்து மாணவர்களுக்கான ஜாதிச் சான்றிதழை சம்பந்தப்பட்ட பள்ளிகளுக்கு அதிகாரிகள் அனுப்பி வைக்கவேண்டும் என்று விதிமுறை வகுக்கப்படுகிறது. ஒருவேளை சான்றிதழ்களுக்கான விண்ணப்பம் நிராகரிக்கப்படுமானால், அதற்கான காரணத்தை அதிகாரிகள் தெரிவிக்க வேண்டும் என்ற விதிமுறையையும் மத்திய அரசு அமல்படுத்தவுள்ளது.

7-வது ஊதிய குழு பரிந்துரை குறித்து அரசு ஆய்வு: மத்திய அமைச்சர்

ஏழாவது ஊதிய குழு பரிந்துரைகளை அரசு சரியான கண்ணோட்டத்தில் ஆய்வு செய்து வருகிறது என மத்திய அமைச்சர் ஜித்தேந்திர சிங் கூறினார்.நாடு முழுவதும் உள்ள மத்திய அரசு ஊழியர்கள் மற்றும் ஓய்வதியர்களின் ஓய்வூதியத்தை மாற்றியமைக்க, நீதிபதி ஏ.கே.மாத்தூர் தலைமையிலான 7-வது ஊதிய பரிந்துரைக் குழுவை, முந்தைய காங்கிரஸ் தலைமையிலான ஐக்கிய முற்போக்குக் கூட்டணி அரசுகடந்த ஆண்டு பிப்ரவரி மாதம் நியமித்தது.

இக்குகுழு, 23.55 சதம் உயர்வு வழங்குவதற்கான பரிந்துரைகளை சில நாள்களுக்கு மன்பு மத்திய அரசிடம் அளித்தது.இந்நிலையில் இந்த பரிந்துரைகளை அமல்படுத்துவது குறித்து அரசு சரியான கண்ணோட்டத்தில் ஆய்வு செய்து வருகிறது என மத்திய பிரதமர்அலுவலக அமைச்சர் ஜித்தேந்திர சிங் கூறினார். ஊதிய குழு பரிந்துரைகளை அமல்படுத்துவற்கு சில வரைமுறைகள் உள்ளன என்ற அமைச்சர் அவை செயல்படுத்தப்படும் போது அது குறித்து பேசலாம் என்றார்.

மேலும், பிரமதர் மோடியின் 18 மாத ஆட்சியில் மத்திய பணியாளர் நலத் துறை பல்வேறு சீர்திருத்தங்களை அமல்படுத்தி செயல்படுத்தி வருகிறது என்றார் அமைச்சர்.

வனவர் பணி தேர்வு 'கட் - ஆப்' வெளியாகுமா?

தமிழக வனத் துறையில், 165 வனவர் மற்றும், 16 களப்பணியாளர் பணியிடங்களுக்கான எழுத்துத் தேர்வு, பிப்ரவரியில் நடந்தது. 35 ஆயிரம் பேர் பங்கேற்றனர். இந்நிலையில், தேர்வு எழுதியவர்களின் மதிப்பெண் விவரம்,வனத்துறையின், www.forests.tn.nic.in இணையதளத்தில் சமீபத்தில் வெளியானது.

ஆனாலும், நேர்முகத் தேர்வுக்கு எத்தனை பேர் அழைக்கப்படுவர், 'கட் - ஆப்' மதிப்பெண் வெளியிடப்படுமா என்ற எதிர்பார்ப்பு எழுந்துள்ளது. இது குறித்து,தேர்வு எழுதிய சிலர் கூறியதாவது: தேர்வில் மொத்த மதிப்பெண், 250. தற்போது, 200க்கு மாற்றப்பட்டு, மதிப்பெண் வெளியிடப்பட்டுள்ளது. அரசு பணியாளர் தேர்வாணையம் நடத்தும் தேர்வுகளில், இறுதிப் பட்டியல் தான் வெளியிடப்படுகிறது. 'கட் - ஆப்' மதிப்பெண்கள் வெளியிடுவதில்லை. வனத்துறையாவது ஒளிவுமறைவின்றி, 'கட் - ஆப்' வெளியிட வேண்டும். இவ்வாறு அவர்கள்தெரிவித்தனர்.

மழை காரணமாக விடுமுறை அறிவிக்கும் போது மாவட்ட அளவில் விடுமுறை என்பதை வட்ட அளவில் யோசிக்கலாமே!

மழை காரணமாக விடுமுறை அறிவிக்கும் போது மாவட்ட அளவில் விடுமுறை என்பதை வட்ட அளவில் யோசிக்கலாமே!

மழை பெய்யும் நிலை உள்ள வட்டங்களுக்கு மட்டும் விடுமுறையும், மற்ற வட்டங்களில் உள்ள பள்ளி கல்லூரிகளுக்கு வேலை  என அறிவித்தால். மிக பயனுள்ளதாய் இருக்கும்.

மாணவர்களின் கல்வி பாதிக்கப்படுவதோடு, ஆசிரியர்களுக்கும் தொடர் விடுமுறைகள் வீணாய் கழிகின்றன..

இரவு சூழல் கனமழை, காலை முதல் ஒரு துளி நீரும் பூமியில் விழவில்லை, தெளிவான வானம்!
www.rkkalvisiragukal.blogspot.com

திறன் அடிப்படையில் சம்பளம்? ஏழாவது மத்திய சம்பளக் கமிஷன் பரிந்துரை


ஏழாவது மத்திய சம்பளக் கமிஷன், மத்திய அரசின் அனைத்து பிரிவு ஊழியர்களுக்கும், திறன் அடிப்படையிலான சம்பளம் வழங்க பரிந்துரைத்துள்ளது. ஏழாவது மத்திய சம்பளக் கமிஷன் அளித்த பரிந்துரைகள் விவரம்:

மத்திய அரசின் அனைத்து பிரிவு ஊழியர்களுக்கும் திறன் அடிப்படையில் சம்பளம் வழங்கப்பட வேண்டும். அவர்களின் செயலாற்றல், வகுக்கப்பட்ட வரையறைக்கு உட்படவில்லை எனில், வருடாந்திர ஊதிய உயர்வு அளிக்கக் கூடாது.

சிறந்த செயலாற்றலுக்கான அளவீட்டை, 'நன்று' என்பதில் இருந்து, 'மிக நன்று' என உயர்த்த வேண்டும்.பணியில் சேர்ந்த, 20 ஆண்டுக்குள், நிர்ணயிக்கப்பட்ட திறன் அளவீட்டை எட்ட முடியாத அரசு ஊழியர்களுக்கு, வருடாந்திர ஊதிய உயர்வை நிறுத்தி வைக்க வேண்டும். திறன் மேம்படாத ஊழியர்கள், தாமாக முன்வந்து பணியிலிருந்து விலகிக் கொள்வதற்கான வாய்ப்பு வழங்கப்பட வேண்டும்.

கலை, அறிவியல் கல்லூரிகளுக்கும் தேசிய தரவரிசைப் பட்டியல்: அடுத்த ஆண்டு முதல் வெளியிடப்படுகிறது


பொறியியல், மேலாண்மைக் கல்லூரிகளுக்கு வெளியிடப்பட உள்ளதுபோல, கலை, அறிவியல் கல்லூரிகளுக்கும் தேசிய அளவிலான தரவரிசைப் பட்டியல் (ரேங்க்) 2016-ஆம் ஆண்டு முதல் வெளியிடப்பட உள்ளது.

மத்திய அரசு அமைக்க உள்ள தனி வாரியம் இந்தத் தரவரிசைப் பட்டியலை ஆண்டுதோறும் வெளியிடும். உயர்கல்வி நிறுவனங்களில் கல்வி, ஆராய்ச்சியின் தரத்தை மேம்படுத்தும் வகையில் "தேசிய உயர்கல்வி தரவரிசைத் திட்டம்' என்ற புதிய திட்டத்தை மத்திய மனிதவள மேம்பாட்டு அமைச்சகம் அண்மையில் அறிமுகம் செய்தது. இதன்படி, பொறியியல், மேலாண்மைக் கல்லூரிகள், தொழில்நுட்பப் பல்கலைக்கழகங்கள் தரவரிசைப்படுத்தப்பட்டு வெளியிடப்படும் என முன்னர் அறிவிக்கப்பட்டது. இப்போது கலை, அறிவியல் கல்லூரிகளும் சேர்க்கப்பட்டுள்ளன.

இதுகுறித்து யுஜிசி துணைத் தலைவர் ஹெச்.தேவராஜ் கூறியதாவது: நாடு முழுவதும் உள்ள கலை-அறிவியல் கல்லூரிகள், பல்கலைக்கழகங்களுக்கான தரவரிசைப் பட்டியலும் தனித் தனியாக வெளியிடப்பட உள்ளது. இதற்கான தர அளவீடுகளை யுஜிசி வகுத்து, தேசிய உயர்கல்வி தரவரிசைத் திட்டத்துக்கு வழங்கியுள்ளது. இந்த அளவீடுகள் தரவரிசைத் திட்டத்தின் ஜ்ஜ்ஜ்.ய்ண்ழ்ச்ண்ய்க்ண்ஹ.ர்ழ்ஞ் என்ற இணையதளத்தில் அடுத்த வாரம் வெளியிடப்பட்டுவிடும். இதற்காக நாடு முழுவதும் உள்ள கலை - அறிவியல் பல்கலைக்கழகங்கள், அவற்றின் கீழ் இணைப்புப் பெற்றுள்ள கல்லூரிகளை தரவரிசைக்கான விவரங்களை விரைவாக அனுப்பி வைக்குமாறு யுஜிசி அறிவுறுத்தியுள்ளது.

இந்தத் தரவரிசை வருகிற 2016-17ஆம் கல்வியாண்டு முதல் வெளியிடப்படும். இது மாணவர்களுக்கும், பெற்றோருக்கும் பயனுள்ளதாக இருக்கும் என்றார். தரவரிசைப்படுத்துவது எப்படி?: ஒவ்வொரு கல்லூரியும் கற்பித்தல், கற்றல் வளம், ஆராய்ச்சி, வெளிமாநில, வெளிநாட்டு மாணவர்கள் எண்ணிக்கை என மொத்தம் 5 பிரிவுகளின் கீழ் ஆய்வு செய்யப்பட்டு, 100-க்கு எவ்வளவு மதிப்பெண்கள் பெறுகின்றன என்பதன் அடிப்படையில் தரவரிசைப்படுத்தப்பட உள்ளன. தன்னாட்சி அதிகாரம் பெற்ற பொறியியல் கல்லூரிகள் அனைத்தும் "ஏ' பிரிவின் கீழ் வரிசைப் படுத்தப்படும். பல்கலைக்கழக இணைப்புக் கல்லூரிகள் அனைத்தும் -பி- பிரிவின் கீழ் வரிசைப்படுத்தப்படும். 2 ஆண்டுகளுக்குத் தடை: வெளிப்படைத்தன்மையை உறுதி செய்யும் வகையில், கல்லூரிகள் சார்பில் அளிக்கப்படும் அனைத்து விவரங்களும், அந்தந்தக் கல்லூரி இணையதளங்களில் பதிவேற்றம் செய்து தொடர்ந்து 3 ஆண்டுகளுக்கு பொதுமக்கள் பார்வைக்கு வைத்திருக்க அறிவுறுத்தப்படும்.

இந்தத் தகவல்கள் தொடர்ந்து பராமரிக்கப்படவில்லை அல்லது போலியானவை என்பது கண்டறியப்பட்டால், அந்தக் கல்லூரி தரவரிசைப் பட்டியல் நடைமுறையில் பங்கேற்பதிலிருந்து 2 ஆண்டுகளுக்குத் தடை விதிக்கப்படும். அதோடு, சம்பந்தப்பட்ட கல்லூரியின் முறைகேடு குறித்த விவரமும் இணையதளத்தில் வெளியிடப்படும் என்பது குறிப்பிடத்தக்கது.

அழியாத அடையாள மைக்கு பதிலாக விரைவில் மார்க்கர் குறி:

அழியாத அடையாள மைக்கு பதிலாக விரைவில் மார்க்கர் குறி: தேர்தல் கமிஷன் பரிசீலனை

சுதந்திரத்துக்கு பின்னர் நமது நாட்டில் நடைபெற்றுவரும் தேர்தல்களில் வாக்காளர்களின் விரல்களில் வைக்கப்படும் அழியாத மைக்கு பதிலாக நவீன மார்க்கர்களின் மூலம் அடையாளம் பதிக்கும் புதிய நடைமுறை பற்றி மத்திய தேர்தல் ஆணையம் பரிசீலித்து வருகின்றது. 

கடந்த 1962-ம் ஆண்டில் இருந்து கர்நாடக மாநிலத்தைச் சேர்ந்த ‘மைசூர் பெயிண்ட்ஸ்’ நிறுவனம்தான் பாராளுமன்ற தேர்தல், மாநில சட்டசபை மற்றும் உள்ளாட்சி அமைப்புகளுக்கான தேர்தல்களில் அடையாள மையை அனுப்பி வருகின்றது. பாட்டிலில் இருந்து பஞ்சால் சுற்றப்பட்ட குச்சிமூலம் வாக்காளர்களின் விரலில் வைக்கப்படும் இந்த மையானது.., சில வேளைகளில் விரல் முழுவதும் வழிந்து, விகாரமாக காட்சியளிப்பதாக இளையதலைமுறையினரிடம் இருந்து தேர்தல் கமிஷனுக்கு புகார்கள் வந்தன. சமீபத்தில் ஆப்கானிஸ்தான் பாராளுமன்றத்துக்கு நடத்தப்பட்ட தேர்தலில் ‘மைசூர் பெயிண்ட்ஸ்’ நிறுவனம் தயாரித்த நவீன மார்க்கர் பேனாக்களால் அடையாள மையை பதிக்கும் நடைமுறை பின்பற்றப்பட்டது. 

இந்த மார்க்கர்களின் மூலம் பதிக்கப்பட்ட அடையாளம் அழியாமல் நீடித்ததை தொடர்ந்து இந்தியாவிலும் தேர்தல்களின்போது இதுபோன்ற மார்க்கர்களை பயன்படுத்துவது தொடர்பாக பரிசீலிக்கப்பட்டு வருவதாக தலைமை தேர்தல் ஆணைய வட்டாரங்கள் தெரிவித்துள்ளன. 

இதன்மூலம், வாக்குச்சாவடிகளுக்கு மை பாட்டில்களை அனுப்பும்போது அவற்றில் சில உடைவது போன்ற அசம்பாவிதங்களும், மையில் கலப்படம் போன்ற விபரீதங்களும் தடுக்கப்படும். கையடக்கமான மார்க்கர்களால் நகக்கண்ணுக்கு கீழே ஒழுகாத வகையில் சிறிய புள்ளியாக அழியாத அடையாள மையை வைக்க முடியும் என்பது குறிப்பிடத்தக்கது.

ஆசிரியர்களுக்கு பேரிடர் பயிற்சி


மாவட்ட வாரியாக, ஆசிரியர்களுக்கு பேரிடர் மேலாண்மைப் பயிற்சி அளிக்க உத்தரவிடப்பட்டுள்ளது; சென்னையில், இன்று பயிற்சி துவங்குகிறது. தமிழக கடலோர மாவட்டங்கள், மழை, வெள்ளத்தால் கடும் பாதிப்புகளை சந்தித்துள்ளன.

இதுபோன்ற பேரிடர் காலங்களில், மாணவர்களையும், தங்களையும் எப்படி தற்காத்து கொள்வது என்பது குறித்து, ஆசிரியர்களுக்கு பயிற்சி அளிக்க, ஆசிரியர் கல்வியியல் பயிற்சி மற்றும் ஆராய்ச்சி நிறுவனம் உத்தரவிட்டு உள்ளது.

இதன்படி, சென்னையில், லேடி வெலிங்டன் ஆசிரியர் கல்வியியல் கல்லுாரி வளாகத்தில் உள்ள, மாவட்ட ஆசிரியர் பயிற்சி நிறுவனத்தில், இன்று பள்ளி ஆசிரியர்களுக்கான பயிற்சி துவங்குகிறது;28 வரை நடக்கிறது.

16 மாவட்டங்களில் பள்ளிகளுக்கு இன்று விடுமுறை

16 மாவட்டங்களில் பள்ளிகளுக்கு இன்று விடுமுறை
கனமழை தொடர்வதால், சென்னை உட்பட, 16 மாவட்டங்களில், பள்ளிகளுக்கு இன்று விடுமுறை அறிவிக்கப்பட்டுள்ளது.

'கடலோர மாவட்டங்கள் மற்றும் உள் மாவட்டங்களில், இன்னும் இரு நாட்களுக்கு கனமழை நீடிக்கும்' என, வானிலை ஆய்வு மையம் அறிவித்துள்ளது.

திருவாரூர் மாவட்ட பள்ளி, கல்லூரிகளுக்கு விடுமுறை

நாகை மாவட்ட பள்ளி,கல்லூரிகளுக்கு விடுமுறை

விழுப்புரம் மாவட்டபள்ளி, கல்லூரிகளுக்கு விடுமுறை

வேலூர் பள்ளி,கல்லூரிகளுக்கு விடுமுறை

சென்னை மாவட்ட பள்ளி,கல்லூரிகளுக்கு  விடுமுறை

திருவண்ணாமலை பள்ளி,கல்லூரிகளுக்கு  விடுமுறை

கடலூர் மாவட்ட பள்ளி,கல்லூரிகளுக்கு  விடுமுறை

சென்னை மாவட்ட பள்ளி,கல்லூரிகளுக்கு  விடுமுறை

காஞ்சிபுரம் மாவட்ட பள்ளி,கல்லூரிகளுக்கு இன்று  விடுமுறை

தர்மபுரி மாவட்ட பள்ளிகளுக்கு மட்டும் விடுமுறை

விருதுநகர் மாவட்ட பள்ளிகளுக்கு இன்று  விடுமுறை

கிருஷ்ணகிரி பள்ளிகளுக்கு இன்று  விடுமுறை

திருவள்ளூர் மாவட்ட பள்ளிகளுக்கு இன்று  விடுமுறை

பெரம்பலூர் மாவட்ட பள்ளிகளுக்கு இன்று  விடுமுறை

அரியலூர் மாவட்ட பள்ளிகளுக்களுக்கு இன்று  விடுமுறை

தூத்துக்குடி  தாலுக்காவுக்கு பள்ளிகளுக்கு  இன்று விடுமுறை

புதுச்சேரி, காரைக்காலில் பள்ளி, கல்லூரிகளுக்கு இன்று  விடுமுறை

காஸ் சிலிண்டருக்கு ஆதார் எண் கட்டாயம்காஸ் நிறுவனங்கள் வலியுறுத்தல்:

காஸ் சிலிண்டருக்கு ஆதார் எண் கட்டாயம்காஸ் நிறுவனங்கள் வலியுறுத்தல்: ஆதார் எண் வழங்காதவர்களின் மானியத்தை நிறுத்த வாய்ப்புகள் அதிகம் உள்ளன.

காஸ் சிலிண்டர் பெறும் நுகர்வோரின் வங்கி கணக்குடன், ஆதார் எண்ணையும் கட்டாயம் பெற்று, 'ஆன்லைனில்' பதிவேற்றம் செய்ய ஏஜன்சிகளுக்கு, காஸ் நிறுவனங்கள் வலியுறுத்தியுள்ளன. பெட்ரோலிய நிறுவனங்கள் வீடு மற்றும் வர்த்தக நிறுவனங்களுக்கு சமையல் காஸ் சிலிண்டர்களை வினியோகித்து வருகிறது.

மத்திய அரசு 'பாஹல்' திட்டப்படி வங்கி கணக்கில் மானியம் வழங்கும் முறை 2015 ஜனவரி முதல் அமலில் உள்ளது. இதற்காக காஸ் நுகர்வோரிடம் வங்கி கணக்கு எண், ஆதார் எண்களை காஸ் ஏஜன்சிகள் பெற்றன. ஆதார் எண் இல்லாதோர் வங்கி கணக்கு எண் வழங்கி மானியம் பெற்றனர். இம்மாத கணக்குபடி ஒரு சிலிண்டர் ரூ.592ல் மானியம்ரூ.182 போக ரூ.410 என கணக்கிட்டு கச்சா எண்ணெய் விலைக்கேற்ப அரசு மானியம் வழங்குகிறது.

ஆதார் கட்டாயம்: இது வரை காஸ் ஏஜன்சிகள் 50 சதவீத நுகர்வோர்களிடம் மட்டுமே ஆதார் எண் பெற்றிருந்தன. மீதி உள்ளோர் ஆதார் எண் இல்லை என தெரிவித்திருந்தனர். இதனால் ஒருவர் இரண்டு சிலிண்டர் இணைப்பு பெற்றிருந்தாலும் கண்டறிய முடியாத நிலை உள்ளது. இதையடுத்து, காஸ் ஏஜன்சிகள் நுகர்வோர் அனைவரிடமும் கட்டாயம் ஆதார் எண் பெற்று 'ஆன்லைனில்' பதிவேற்றம் செய்யுமாறு காஸ் ஏஜன்சிகளுக்கு எண்ணெய் நிறுவனங்கள் வலியுறுத்தியுள்ளன.

காஸ் ஏஜன்சியினர் கூறுகையில்,' எண்ணெய் நிறுவனங்கள், காஸ் சிலிண்டர் நுகர்வோரின் ஆதார் எண்களை கட்டாயம் பெற்று, 'ஆன்லைனில்' பதிவேற்றம் செய்ய வலியுறுத்தியுள்ளன. இது வரை ஆதார் எண் வழங்காத நுகர்வோரிடம் கேட்டு பெறுகிறோம்.ஆதார் எண் வழங்காதவர்களின் மானியத்தை நிறுத்த வாய்ப்புகள் அதிகம் உள்ளன,' என்றனர்.