Subscribe Our YouTube channel

எங்கள் செய்திகளை உடனுக்குடன் தெரிந்துகொள்ள எங்களுடைய அப்ப்ளிகேஷனை கீழேயே உள்ள இமேஜை கிளிக் செய்து google playstore இல் டவுன்லோட் செய்து கொள்ளுங்கள் நன்றி...!!!

Tuesday, 28 June 2016

வேலை வேண்டுமா?- பி.எஸ்.என்.எல். நிறுவனத்தில் பொறியாளர் ஆகலாம்


மத்திய அரசின் பொதுத் துறை நிறுவனமான பாரத் சஞ்சார் நிகாம் (பி.எஸ்.என்.எல்.) நிறுவனம் இளநிலை பொறியாளர் (Junior Engineer) பணியில் 2,700 காலியிடங்களைப் போட்டித் தேர்வு மூலம் நிரப்பவிருக்கிறது. இதில், சென்னை டெலிபோன்ஸ் வட்டத்தில் 80 காலியிடங்களும், தமிழ்நாடு வட்டத்தில் 198 காலியிடங்களும் உள்ளன. இளநிலைப் பொறியாளர் பதவியானது முன்பு தொலைத்தொடர்பு தொழில்நுட்ப உதவியாளர் என்று அழைக்கப்பட்டது.

தேவையான தகுதி

விண்ணப்பதாரர்கள் தொலைத்தொடர்பு, எலெக்ட்ரானிக்ஸ், எலெக்ட்ரிக்கல், ரேடியோ, கம்ப்யூட்டர், இன்ஸ்ட்ருமென்டேஷன், இன்பர்மேஷன் டெக்னாலஜி ஆகிய பாடப் பிரிவுகளில் ஏதேனும் ஒன்றில் டிப்ளமா அல்லது பட்டம் (பி.இ., பி.டெக்.) பெற்றிருக்க வேண்டும்.

மேலும், பி.எஸ்சி. (எலெக்ட்ரானிக்ஸ்), பிஎஸ்சி (கம்ப்யூட்டர் சயின்ஸ்) எம்எஸ்சி (எலெக்ட்ரானிக்ஸ்) பட்டதாரிகளும் இப்பணிக்கு விண்ணப்பிக்கலாம். வயது 18 முதல் 30-க்குள் இருக்க வேண்டும். பி.எஸ்.என்.எல். ஒரு மத்திய அரசு நிறுவனம் என்பதால் எஸ்சி, எஸ்டி, ஓபிசி வகுப்பினருக்கும், மாற்றுத் திறனாளிகளுக்கும் வயது வரம்பில் உரிய தளர்வு அளிக்கப்படும். அதன்படி, எஸ்சி, எஸ்டி பிரிவினருக்கு 5 ஆண்டுகளும், ஓபிசி வகுப்பினருக்கு 3 ஆண்டுகளும், மாற்றுத்திறனாளிகளுக்கு 10 ஆண்டுகளும் வயது வரம்பு தளர்த்தப்படும்.

தேர்வு விதிகள்

தகுதியான நபர்கள் ஆன்லைன்வழி போட்டித் தேர்வு மூலம் தேர்வுசெய்யப் படுவார்கள். இதில், பொது விழிப்புத் திறன், அடிப்படை பொறியியல், சம்பந்தப் பட்ட பொறியியல் பிரிவு ஆகியவற்றில் இருந்து மொத்தம் 200 கேள்விகள் இடம்பெறும். ஒவ்வொரு கேள்விக்கும் ஒரு மதிப்பெண். தேர்வு நேரம் 3 மணி நேரம். ஒவ்வொரு பகுதியிலும் குறைந்தபட்ச மதிப்பெண் எடுக்க வேண்டும்.

செப்டம்பர் மாதம் 25-ம் தேதி அன்று ஆன்லைன் தேர்வு நாடு முழுவதும் நடத்தப்படும். தமிழ்நாட்டில் சென்னையில் மட்டும் தேர்வு நடைபெறும். தேர்வுக்கு ஜூலை 10-ம் தேதி முதல் ஆன்லைனில் (wwww.externalexam.bsnl.co.in) விண்ணப்பிக்கலாம். விண்ணப்பிக்க கடைசி நாள் ஆகஸ்ட் 10-ம் தேதி ஆகும். தேர்வுக்கான பாடம், பணி நியமன விதிமுறைகள், சம்பளம் மற்றும் பல்வேறு படிகள் உள்ளிட்ட இதர விவரங்களை பி.எஸ்.என்.எல். இணையதளத்தில் (www.bsnl.co.in) விரிவாகத் தெரிந்துகொள்ளலாம்



வட மாநிலங்களில் 5 வேத பாடசாலைகளை திறக்கிறது விஎச்பி

இந்தி பேசும் மக்களிடையே வேத பாடங்கள் கற்கும் ஆர்வம் அதிகரித்துள்ளது. இதை மனதில் கொண்ட விஷ்வ இந்து பரிஷத்(விஎச்பி) கூடுதலாக 5 வேத பாடசலைகளை துவக்க உள்ளது.

இவை, புதுடெல்லி, பஞ்சாபின் அமிருத்சர், ராஜஸ்தானின் பஸ்வாரா, உபியின் மத்துரா மற்றும் ஹரியானாவின் குர்காவ்ன் ஆகிய இடங்களில் அமைக்கப்பட்டு வருகின்றன. இதன் கல்வியாண்டு, வரும் ஜூலை மாதம் முதல் துவக்கப்பட இருக்கிறது. இதற்கான ஆசிரியர்கள் பணி அமர்த்தலை விஎச்பி முடித்து விட்டது. இதில், சுமார் 120 மாணவர்களுக்கான சேர்க்கை நடைபெற்று வருகிறது. இங்கு வேதம், வேதாந்தம், ஜோதிடம், வியாகரன், சந்தத், நிருக்த், காவியம் மற்றும் ஷிக்ஷா ஆகிய பாடங்கள் பயிற்றுவிக்கப்பட உள்ளன. ஆச்சார்யா, வேதாச்சார்யா மற்றும் வேதபண்டிதர் உட்பட பல பட்டங்கள் அளிக்கப்பட உள்ளன.

விஎச்பி சார்பில் தற்போது நாடு முழுவதிலும் முக்கிய நகரங்களில் ஆறு வேதபாடசாலைகள் இயங்கி வருகின்றன. இதில் சுமார் 1400 மாணவர்கள் வேதம் மற்றும் வேதாந்தம் பயின்று வருகின்றனர். இத்துடன் அரசு மற்றும் மற்ற அமைப்புகள் நடத்துபவையும் சேர்த்து மொத்தம் 33 வேதபாடசாலைகள் உள்ளன. இவை உபியில் அதிகமாக அலகாபாத், ஹரித்துவார், அயோத்தி, மத்துரா, ரிஷிகேஷ் மற்றும் லக்னோவில் உள்ளன.

தற்போது வெளிநாட்டவர்களும் வேதங்கள் கற்பதில் அதிக ஆர்வம் காட்டுவதால் அங்கும் புதிய வேதபாடசாலைகள் அமைக்கப்பட்டு வருகின்றன. இதில் ஆசிரியர் பணிக்காக இந்தியாவில் வேத பாடசாலைகளில் படித்தவர்கள் வாய்ப்புகள் அதிகம் உள்ளன. வழக்கமாக அனைத்து வேத பாடசாலைகளிலும் ஜூலை மாதத்தில் புதிய மாணவர்கள் சேர்க்கப்படுவது வழக்கம்.

ஆசியாவின் அழகான 50 இடங்கள் பட்டியலில் தாஜ்மகாலுக்கு இடம்

ஆசியாவின் மிகவும் அழகான 50 இடங்களின் பட்டியலில் தாஜ்மகால் இடம் பிடித்துள்ளது.

ஹனோய்:

அமெரிக்காவின் நியூயார்க் நகரை மையமாக கொண்டு செயல்படும் இதழ் ஒன்று ஆசியாவின் மிகவும் அழகான 50 இடங்களின் பட்டியலை வெளியிட்டுள்ளது. இதில் இந்தியாவில் உள்ள தாஜ்மஹாலும் இடம் பிடித்துள்ளது.

இந்தியாவிலுள்ள நினைவுச்சின்னங்களுள், உலக அளவில் பிரபலமான தாஜ்மகால், உத்தரபிரதேச மாநிலம் ஆக்ராவில் அமைந்துள்ளது.

358 ஆண்டுகால பழைமை வாய்ந்த இந்த சலவைக்கல் அதிசயத்தை பார்வையிட ஆண்டுதோறும் ஆக்ராவிற்கு 40 லட்சம் சுற்றுலாப் பயணிகள் வருகின்றனர்.

இக்கட்டிடம் முகலாய மன்னனான ஷாஜகானால், இறந்து போன அவனது இளம் மனைவி மும்தாஜ் நினைவாக 22,000 பணியாட்களைக் கொண்டு 1631 முதல் 1654 ஆம் ஆண்டுக்கு இடையில் கட்டிமுடிக்கப்பட்டது.

பீஜிங்கின் போர்பிடன் நகரம், சீனப் பொருஞ்சுவர், திபெத்தின் லாசா ஆகியவையும் ஆசியாவின் 50 அழகான இடங்கள் பட்டியலில் இடம்பெற்றுள்ளன.

TRB:272 விரிவுரையாளர் பணியிடங்களை நிரப்ப அறிவிப்பு வெளியீடு.

தமிழகம் முழுவதும் 2016 - 2017 -ஆம் ஆண்டுக்கான 272 விரிவுரையாளர், இளநிலை விரிவுரையாளர், மூத்த விரிவுரையாளர் பணியிடங்களுக்கான அறிவிப்பை தமிழ்நாடு ஆசிரியர் தேர்வு வாரியம் (டிஆர்பி) வெளியிட்டுள்ளது.

மொத்த இடங்கள்:272

பணி - காலியிடங்கள் விவரம்:

பணி: Senior Lecturers-38

சம்பளம்: மாதம் ரூ.15,600 - 39,100 தர ஊதியம் ரூ.5,700

பணி: Lecturers - 166

சம்பளம்: மாதம் ரூ.9,300 - 34,800 தர ஊதியம் ரூ.4,800

பணி: Junior Lecturers - 68

சம்பளம்: மாதம் ரூ.9,300 - 34,800 தர ஊதியம் ரூ.4,800

தகுதி: 50 சதவீத மதிப்பெண்களுடன் தமிழ், ஆங்கிலம், கணிதம், இயற்பியல், வேதியியல், தாவரவியல், விலங்கியல், வரலாறு மற்றும் புவியியல் துறையில் முதுகலை பட்டத்துடன் எம்.எட் முடித்திருக்க வேண்டும்.

தேர்வு செய்யப்படும் முறை:எழுத்துத் தேர்வு மற்றும் நேர்முகத் தேர்வு அடிப்படையில் தகுதியானவர்கள் தேர்வு செய்யப்படுவார்கள்.

விண்ணப்பக் கட்டணம்:அனைத்து பிரிவினருக்கும் ரூ.50

விண்ணப்பிக்கும் முறை:தமிழகத்தின் 32 மாவட்டங்களில் உள்ள தலைமை கல்வி அதிகாரி அலுவலகத்தில் (Chief Education Officer) விநியோகம் செய்யப்படும் விண்ணப்பங்களை வாங்கி, தெளிவாக பூர்த்தி செய்து, அந்தந்தமாவட்ட தலைமை கல்வி அதிகாரி அலுவலகங்களிலேயே அளிக்க வேண்டும். பூர்த்தி செய்யப்பட்ட விண்ணப்பங்களை ஆசிரியர் பணியாளர் தேர்வாணய அலுவலகத்துக்கு அனுப்ப வேண்டாம் என கேட்டுக்கொள்ளப்பட்டுள்ளது.

விண்ணப்ப விநியோகம் தொடங்கும் தேதி:15.07.2016

பூர்த்தி செய்யப்பட்ட விண்ணப்பங்களை சமர்ப்பிப்பதற்கானகடைசி தேதி:30.07.2016

எழுத்துத் தேர்வு நடைபெறும் தேதி:17.09.2016

மேலும் முழுமையான விவரங்கள் அறிய www.trb.tn.nic.in என்ற அதிகாரப்பூர்வ இணையதளத்தை அல்லதுhttp://trb.tn.nic.in/DTERT2016/28062016/Noti.pdf என்ற லிங்கை கிளிக் செய்து பார்த்து தெரிந்துகொள்ளவும்.

3,500 முதுகலை ஆசிரியர் பணியிடங்கள் - தமிழகம் முழுவதும் காலி.

தமிழகம் முழுவதும் 3,500 முதுகலை பட்டதாரி ஆசிரியர் பணியிடங்கள் கடந்த இரண்டு ஆண்டுகளாக நிரப்பப்படாமல் இருப்பதால், மாணவர்கள் பாதிக்கப்படும் நிலை ஏற்பட்டிருப்பதாக புகார் எழுந்துள்ளது.

இந்த ஆசிரியர் பற்றாக்குறை காரணமாக, மாவட்ட முதன்மைக் கல்வி அதிகாரி உத்தரவின் பேரில் ஒரு ஆசிரியர் இரண்டு அல்லது மூன்று பள்ளிகளுக்குச் சென்று பாடம் நடத்த வேண்டிய சூழல் ஏற்பட்டுள்ளது. பாடங்களும் முழுமையாக நடத்த முடியாமல் போவதால், கல்வித் தரம் பாதிக்கும் அபாயம் ஏற்பட்டுள்ளதாக கல்வியாளர்களும், பள்ளி ஆசிரியர்களும் தெரிவிக்கின்றனர். தமிழகத்தில் உள்ள அரசுப் பள்ளிகளில் சுமார் 3,500 முதுநிலைப் பட்டதாரி ஆசிரியர் பணியிடங்கள் காலியாக உள்ளதாக அரசு அண்மையில் அறிவித்தது.

இந்தப் பணியிடங்களில் 1,750 இடங்கள் ஆசிரியர் தேர்வு வாரியம் (டிஆர்பி) நடத்தும் போட்டித் தேர்வு மூலமாகவும், மீதமுள்ள 1,750 இடங்கள் பதவி உயர்வு மூலமும் (50:50) நிரப்பப்படுகின்றன.காலியான பணியிடங்கள் மட்டும் கடந்த ஆண்டு பதவி உயர்வு மூலம் நிரப்பப்பட்டன. ஆனால், போட்டித் தேர்வு மூலம் பணியிடங்கள் நிரப்புவதற்கான நடவடிக்கைகள் எடுக்கப்படவில்லை.

இந்த நிலையில், நிகழாண்டில் காலியாக உள்ள பணியிடங்களை நிரப்பும் வகையில் காலிப் பணியிட விவரம் பள்ளி கல்வித் துறை சார்பில் சேகரிக்கப்பட்டது. இந்த விவரங்கள் கொடுக்கப்பட்டு பல மாதங்கள் ஆகிவிட்டபோதும், இதுவரை போட்டித் தேர்வுக்கான அறிவிப்பை டிஆர்பி வெளியிடவில்லை. அதற்கான ஆயத்தப் பணிகள்கூட தொடங்கப்படவில்லை.இதனால் பணியில் இருக்கும் ஆசிரியர்களுக்கு பணிச் சுமை அதிகரித்திருப்பதோடு, பாடங்களை முழுமையாக மாணவர்களுக்கு புரிகின்ற வகையில் நடத்துவது பாதிக்கப்பட்டுள்ளது.பிற பள்ளிகளுக்கும் சென்று வகுப்பெடுக்கும் ஆசிரியர்கள்: ஆசிரியர் பற்றாக்குறை காரணமாக முக்கியப் பாட ஆசிரியர்கள், அவருடைய பள்ளிக்கு அருகிலுள்ள மற்ற பள்ளிகளுக்கும் சென்று பாடம் நடத்த வேண்டிய சூழல் இப்போது உருவாகியிருக்கிறது.

இதுகுறித்து அரசுப் பள்ளி ஆசிரியர் ஒருவர் கூறியது:தமிழகம் முழுவதும் உள்ள அரசுப் பள்ளிகளில் ஒவ்வொரு பாடத்துக்கும் தலா 200 ஆசிரியர்கள் வீதம் பணியிடங்கள் காலியாக உள்ளன. முக்கியப் பாடங்களான கணிதம், இயற்பியல், வேதியியல், உயிரியல், வணிகவியல் பாடப் பிரிவுகளில்தான் இந்த நிலை.ஆசிரியர் பற்றாக்குறை காரணமாக, மாவட்ட முதன்மைக் கல்வி அதிகாரியின் உத்தரவின் பேரில் பல பள்ளி ஆசிரியர்கள் அவர்கள் பள்ளிக்கு அருகிலுள்ள பள்ளிகளுக்கும் சென்று பாடம் நடத்தும் நிலை உருவாகியிருக்கிறது.சில பள்ளிகள் பெற்றோர் ஆசிரியர் சங்கம் மூலமாக, அந்தந்தப் பகுதியில் உள்ள பட்டதாரிகளை தாற்காலிகமாக பணியமர்த்தி பாடங்களை நடத்தி வருகின்றன.இந்த நிலை காரணமாக, பல அரசுப் பள்ளிகளில் முக்கியப் பாடங்களை மாணவர்கள் வாரத்துக்கு இரண்டு நாள்கள் மட்டுமே கற்கும் நிலையும் ஏற்பட்டு வருகிறது என்றார் அவர்.

இதுகுறித்து தமிழ்நாடு உயர்நிலை, மேல்நிலைப் பள்ளித் தலைமை ஆசிரியர்கள் சங்க மாநிலத் தலைவர் சாமி.சத்தியமூர்த்தி கூறியது:போட்டித் தேர்வு குறித்த அறிவிப்பை இம்மாத இறுதிக்குள் டிஆர்பி வெளியிட்டால் மட்டுமே, நவம்பர் மாதத்துக்குள்ளாக சான்றிதழ் சரிபார்ப்பு உள்ளிட்ட பணிகளை நிறைவு செய்து பணியிடங்களை நிரப்ப முடியும். இந்த வகையில் விரைவான நடவடிக்கை எடுத்தால் மட்டுமே, குறைந்தபட்சம் 3 மாதங்களாவது அரசுப் பள்ளிகளில் முக்கியப் பாடங்களை முழுமையாக நடத்த முடியும்.லட்சக்கணக்கான மாணவர்கள் பாதிக்கப்படும் நிலை உள்ளதால்,இந்த விஷயத்தில் தமிழக அரசு விரைந்து நடவடிக்கை எடுக்கவேண்டும் என்றார் அவர்.

7th pay commission latest news today | மத்திய அரசு ஊழியர்கள் மற்றும் ஓய்வூதியதாரர்களுக்கு 7-வது சம்பள கமிஷன் விரைவில் அமல்படுத்தப்படுகிறது. ஊதியம், இதர படிகள் 23.5 சதவீதம் உயர்த்தப்படுகிறது.

மத்திய அரசு ஊழியர்கள், ஓய்வூதியதாரர்களுக்கு 7-வது சம்பள கமிஷன் விரைவில் அமல் ஊதியம், இதர படிகள் 23.5 சதவீதம் உயர்கிறது| மத்திய அரசு ஊழியர்கள் மற்றும் ஓய்வூதியதாரர்களுக்கு 7-வது சம்பள கமிஷன் விரைவில் அமல்படுத்தப்படுகிறது. ஊதியம், இதர படிகள் 23.5 சதவீதம்உயர்த்தப்படுகிறது. 

வது சம்பள கமிஷன் மத்திய அரசு ஊழியர்கள் மற்றும் ஓய்வூதியதாரர்களுக்கு 10 ஆண்டுகளுக்கு ஒருமுறை சம்பள கமிஷன் மூலம் சம்பளம் மற்றும் இதர படிகள் மாற்றி அமைக்கப்படுகிறது. 6-வது சம்பள கமிஷன் சிபாரிசுகள், 2008-ம் ஆண்டு அமல்படுத்தப்பட்டன.இதையடுத்து அமைக்கப்பட்ட 7-வது சம்பள கமிஷன், தனது சிபாரிசுகளை மத்திய அரசிடம் சமர்ப்பித்தது. அந்த சிபாரிசுகளை ஆய்வு செய்வதற்காக, மந்திரிசபை செயலாளர் பி.கே.சின்கா தலைமையில் செயலாளர்கள் குழுவை மத்திய அரசு அமைத்தது. அக்குழு, தனது ஆய்வை முடித்துக்கொண்டு, மத்தியநிதி அமைச்சகத்திடம் அறிக்கை தாக்கல் செய்துள்ளது. அந்தஅறிக்கை ஏற்றுக்கொள்ளப்படும் என்று தெரிகிறது. மந்திரிசபை ஆலோசனை செயலாளர்கள் குழுவின் அறிக்கை அடிப்படையில், மந்திரிசபை குறிப்பு ஒன்றை மத்திய நிதி அமைச்சகம் தயாரித்துள்ளது. 

அக்குறிப்பு, நாளை (புதன்கிழமை) நடக்கும் மத்திய மந்திரிசபை கூட்டத்தில் விவாதத்துக்கு வைக்கப்பட்டு ஒப்புதல் பெறப்படும் என்றுதெரிகிறது. அதையடுத்து, 7-வது சம்பள கமிஷன் சிபாரிசுகளை மத்திய அரசு அமல்படுத்தும். ஜனவரி 1-ந் தேதி முதல், முன்தேதியிட்டு இது அமல்படுத்தப்படும் என்று நிதித்துறை செயலாளர் அசோக் லவாசா கூறினார். 23.5 சதவீத சம்பள உயர்வு சம்பளம், இதர படிகள் மற்றும் ஓய்வூதியத்தில் ஒட்டுமொத்தமாக 23.5 சதவீத உயர்வுக்கு 7-வது சம்பள கமிஷன் சிபாரிசு செய்திருந்தது. இதில் அடிப்படை சம்பளத்தை மட்டும் 14.27 சதவீதம் உயர்த்த சிபாரிசு செய்திருந்தது. இது, கடந்த 70 ஆண்டுகளில் மிகக்குறைந்த அளவாகும். தற்போது, மத்திய அரசு ஊழியர்களுக்கு ஆரம்பநிலை சம்பளம், ரூ.7 ஆயிரமாகவும், அதிகபட்ச சம்பளம் (மந்திரிசபை செயலாளர் பெறுவது) ரூ.90 ஆயிரமாகவும் உள்ளது. இதை ஆரம்பநிலை சம்பளம் ரூ.18 ஆயிரமாகவும், அதிகபட்ச சம்பளம் ரூ.2 லட்சத்து 50 ஆயிரமாகவும் உயர்த்த 7-வது சம்பள கமிஷன் சிபாரிசு செய்திருந்தது. இருப்பினும், இந்த சிபாரிசுகளை ஆய்வு செய்த செயலாளர்கள் குழு, ஆரம்பநிலை சம்பளத்தை ரூ.23,500 ஆகவும், அதிகபட்ச சம்பளத்தை ரூ.3 லட்சத்து 25 ஆயிரமாகவும் உயர்த்த சிபாரிசு செய்திருப்பதாக கூறப்படுகிறது. ரூ.1.02 லட்சம் கோடி கூடுதல் சுமை இந்த சம்பளம், இதர படிகள் மற்றும் ஓய்வூதியம் உயர்வால், சுமார் 50 லட்சம் மத்திய அரசு ஊழியர்களும், 58 லட்சம் ஓய்வூதியதாரர்களும் பலன் அடைவார்கள். இதனால், மத்திய அரசுக்கு ரூ.1 லட்சத்து 2 ஆயிரம் கோடி கூடுதல் சுமை ஏற்படும். 7-வது சம்பள கமிஷனை அமல்படுத்த நடப்பு 2016-2017-ம் நிதி ஆண்டு மத்திய பட்ஜெட்டில் நிதி எதுவும் ஒதுக்கப்படவில்லை. இருப்பினும், இடைக்கால ஒதுக்கீடு என்ற பெயரில் பல்வேறு அமைச்சகங்களுக்கு ரூ.70 ஆயிரம் கோடி ஒதுக்கப்பட்டுள்ளதாக மத்திய அரசு கூறியுள்ளது.

The government is likely to soon announce the implementation of Seventh Pay Commission that would hike the salaries and allowances for over 1 crore government employees and pensioners by at least 23.5 per cent. A Committee of Secretaries headed by Cabinet Secretary P.K. Sinha has submitted its report on the recommendations of the Seventh Pay Commission which may be accepted, a financial ministry official said. Based on the panel’s report, the Finance Ministry is preparing a Cabinet note and the issue may come up for approval by the Cabinet as early as June 29. “Committee of Secretaries (CoS) has finalised its report on Pay Commission recommendations... We will soon (file) draft Cabinet note based on thereport,” Finance Secretary Ashok Lavasa said hereon Monday. The government had in January set up a high-powered panel headed by Cabinet Secretary to process the recommendations of the 7th Pay Commission which will have bearing on the remuneration of nearly 50 lakh central government employees and 58 lakh pensioners. The Pay Commission had recommended 23.55 per cent overall hike in salaries, allowances and pension involving an additional burden of Rs 1.02 lakh crore or nearly 0.7 per cent of the GDP. The panel recommended a 14.27 per cent increase in basic pay, the lowest in 70 years. The previous 6th Pay Commission had recommended a 20 per cent hike which the government doubled while implementing it in 2008. 

The 23.55 per cent increase includes hike in allowances. The entry level pay has been recommended to be raised to Rs 18,000 per month from current Rs 7,000 while the maximum pay, drawn by the Cabinet Secretary, has been fixed at Rs 2.5 lakh per monthfrom current Rs 90,000. Sources said the secretaries’ panel may have recommended higher pay increase, with minimum entry level pay at Rs 23,500 a month and maximum salary of Rs 3.25 lakh. While the Budget for 2016-17 fiscal did not provide an explicit provision for implementation of the 7th Pay Commission, the government had said the once-in-a-decade pay hike for government employees has been built in as interim allocation for different ministries. Around Rs 70,000 crore has been provisioned for it, officials said. Mr. Lavasa said the Seventh Pay Commission report will be effective from January 1.

அரவக்குறிச்சி, தஞ்சாவூர், திருப்பரங்குன்றம் தொகுதிகளுக்கு ஆகஸ்டு மாதம் தேர்தல்?

அரவக்குறிச்சி தொகுதி, தஞ்சாவூர், திருப்பரங்குன்றம் தொகுதிகளுக்கு ஆகஸ்டு மாத கடைசி வாரத்தில் தேர்தல் நடத்தலாமா? என்று தேர்தல் ஆணையம் ஆலோசித்து வருகிறது.

நடந்து முடிந்த சட்டப்பேரவைத் தேர்தலின் போது அரவக்குறிச்சி, தஞ்சை தொகுதிகளில், தேர்தல் பறக்கும் படையினர் நடத்திய அதிரடி சோதனையின்போது கோடிக்கணக்கில்பணம் மற்றும் பரிசுப் பொருட்கள் பிடிபட்டதால் வந்த குற்றச்சாட்டுகளின் அடிப்படையில் இந்த இரு தொகுதிகளிலும் தேதி குறிப்பிடாமல் பின்னர் நடைபெறும் என்று அறிவிக்கப்பட்டது.புதிய தேர்தல் அட்டவணை வெளியிடப்பட்டு அதன் அடிப்படையில் தேர்தல் நடைபெறும் என்றும் அறிவிக்கப்பட்டது.இந்த நிலையில் திருப்பரங்குன்றம் தொகுதிக்கு தேர்ந்தெடுக்கப்பட்ட பேரவை உறுப்பினர் சீனுவேல் உடல்நலக்குறைவு காரணமாக மே.25 ஆம் தேதி மருத்துவமனையில் அனுமதிக்கப்பட்டு சிகிச்சை பலனின்றி உயிரிழந்தார்.

இதையடுத்து திருப்பரங்குன்றம் தொகுதியும் காலியான தொகுதியாக அறிவிக்கப்பட்டுள்ளது.இந்நிலையில், அரவக்குறிச்சி, தஞ்சாவூர், திருப்பரங்குன்றம் ஆகிய 3 தொகுதிகளுக்கும் எப்போது தேர்தல் நடத்தலாம் என்று இந்திய தேர்தல் ஆணைய அதிகாரிகள் ஆலோசனை நடத்தி வருகின்றனர்.அடுத்த மாதம் (ஜூலை) நிதிநிலை கூட்டத்தொடர் நடைபெற உள்ளதால் நிதிநிலை அறிக்கை மீதான விவாதம் மற்றும் மானியக் கோரிக்கைகள் நிறைவேற்றப்பட உள்ளது. இதனால் குறைந்தது 35 நாட்கள் வரை சட்டப்பேரவை கூட்டம் நடைபெறும் என எதிர்பார்க்கப்படுகிறது.

இதனால் ஜூலை மாதம் சட்டப்பேரவைத் தேர்தலை நடத்த முடியாது என்பதால் 3 தொகுதிக்கும் ஆகஸ்டு மாதம் கடைசி வாரத்தில் தேர்தல் நடத்தலாமா? என்று தேர்தல் ஆணையம் ஆலோசித்து வருகிறது.இந்த முறை அரவக்குறிச்சி, தஞ்சாவூர், திருப்பரங்குன்றம் தொகுதிகளில் தேர்தல் நடைபெறும் போது பணப்பட்டுவாடாவை தடுக்க பல்வேறு அதிரடி சோதனை நடத்துவது குறித்தும் தேர்தல் ஆணையம் ஆலோசித்து வருவதாக தெரிகிறது.

சுயநிதி கல்லூரிகளில் அதிக கட்டணம் வசூலித்தால் மாணவர்கள் புகார் செய்யலாம்: அண்ணா பல்கலைக்கழகம் அறிவிப்பு.

அண்ணா பல்கலைக்கழகம் நடத் தும் பொதுகலந்தாய்வு மூலம் தனியார் சுயநிதி கல்லூரிகளில் சேரும் மாணவர்களுக்கு குறிப் பிட்ட கல்விக்கட்டணம் நிர்ணயிக் கப்பட்டுள்ளது. அதன்படி, தேசிய தர வாரியத்தால் அங்கீகரிக்கப்பட்ட படிப்புகளுக்கு ரூ.45 ஆயிரமும், இதர படிப்புகளுக்கு ரூ.40 ஆயிரமும் கல்விக்கட்டணம் செலுத்த வேண்டும்.

தனியார் கல்லூரிகளில் இதற்கு மேல் கட்டணம் வசூலிக்கப்பட்டால் அதுதொடர்பாக மாணவர்கள் புகார் செய்யலாம்.

விழாக்கோலம்

பொறியியல் படிப்புக்கான பொது கலந்தாய்வு தொடங்கியுள்ள நிலையில், மாணவர்கள் மற்றும் பெற்றோர்களின் வருகையால் அண்ணா பல்கலைக்கழகம் விழாக் கோலம் பூண்டுள்ளது. அண்ணா பல்கலைக்கழக வளாகத்தில் எங்கு பார்த்தாலும் மாணவர் களும், பெற்றோர்களும் தென்படு கிறார்கள். வெளியூர்களில்இருந்து வந்துள்ள மாணவர்கள் குறிப்பாக கிராமப்புற மாணவர்கள் அண்ணா பல்கலைக்கழக நுழைவு வாயில் நின்றுகொண்டு செல் போனில் புகைப்படம் எடுத்து மகிழ்கிறார்கள்.பொது கலந்தாய்வு ஜூலை 21-ம் தேதி முடிவடைகிறது. ஆரம்பத்தில் தினமும் ஏறத்தாழ 3 ஆயிரம் பேர் என்ற அளவில்நாட்கள் செல்லச்செல்ல அதிக பட்சம் 7 ஆயிரம் பேர் வரை யிலும் கலந்தாய்வுக்கு அழைக்கப் பட்டிருப்பதாக அண்ணா பல்கலைக்கழகப் பதிவாளர் எஸ்.கணேசன் தெரிவித்தார்.

காலியிடங்கள் பட்டியல் வெளியீடு

கலந்தாய்வின் ஒவ்வொரு இருக்கை முடிய முடிய கல்லூரி கள், பாடப்பிரிவுகள் வாரியாக காலியிடங்களின் விவரம் உடனுக் குடன் அண்ணா பல்கலைக்கழக இணையதளத்தில் பதிவேற்றம் செய்யப்படுகிறது. அதேபோல் தினமும் மாலை 6.30 மணியளவில் கலந்தாய்வு முடிந்தவுடன் இரவு 7 மணிக்கு காலியிடங்கள் பட்டியலும் இணையதளத்தில் வெளியிடப்படும். மறுநாள் கலந்தாய்வுக்கு செல்கின்ற மாணவர்களுக்கு காலியிடங்கள் பற்றிய விவரம் பெரிதும் உதவிகரமாக இருக்கும்.

வெளிமாநில மாணவர்கள்

அண்ணா பல்கலைக்கழகத்தில் வெளிமாநிலங்களைச் சேர்ந்த மாணவர்கள் படிப்பதற்காக பிஇ, பிடெக் படிப்பில் 50 இடங்களும், பி.ஆர்க். படிப்பில் 2 இடங்களும் உள்ளன. இதற்கு விண்ணப்பிக்கும் மாணவர்கள் தமிழ்நாட்டைச் சேர்ந்தவர்களாக இருக்கக் கூடாது. இந்திய குடிமகனாக இருக்க வேண்டும்.வெளிமாநில ஒதுக்கீட்டு இடங் களில் சேருவதற்கு ஜூலை மாதம் 9-ம் தேதிக்குள் ஆன் லைனில் பதிவு செய்து கொள்ள வேண்டும் என்று அண்ணா பல்கலைக்கழகம் அறிவித்து உள்ளது.காலியிடங்கள், அடிப்படை கல்வித்தகுதிகள், குறைந்தபட்ச மதிப்பெண் தகுதி, விண் ணப்பிக்கும் முறை உள் ளிட்ட விவரங்களை அண்ணா பல்கலைக்கழகத்தின் இணைய தளத்தில் (www.annauniv.edu) தெரிந்துகொள்ளலாம்.

7 வது சம்பள கமிஷன்: மத்திய அரசு ஊழியர்களுக்குஜூலை 1ம் தேதி முதல் ஊதிய உயர்வு.

மத்திய அரசின் 7வது ஊதிய கமிஷன் விரைவில் அமல்படுத்தப்படும் என எதிர்பார்க்கபப்டுகிறது. இம்மாதம் 29ம் தேதி மத்திய அமைச்சரவை இதன் பரிந்துரையை ஏற்றுக் கொள்ளும் என தெரிகிறது.

மத்திய அரசு ஊழியர்களுக்கு சம்பள மற்றும் படிகள் உயர்வுஉயர்நிலைக்குழு செயலாளர்கள் அளித்த அறிக்கையின் அடிப்படியில் இந்த ஊதிய உயர்வு இருக்கும் என்றும் குறிப்பாக அடிப்படை சம்பளத்தில் 2.7 சதவீதம் வரை ஊதிய உயர்வு இருக்ககூடும் என எதிர்பார்க்கப்படுகிறதுகுறைந்த பட்ச ஊதியம் 18ஆயிரம் ரூபாயில் இருந்து 23ம் ஆயிரமாக உயர்த்தப்படலாம் எனவும் கூறப்படுகிறது.

 மத்திய அமைச்சரவை முறைப்படி ஒப்புதல் அளித்தவுடன் கடந்த ஜனவரி 1-ம் தேதியை கணக்கிட்டு அரசு ஊழியர்களுக்கு ஊதிய உயர்வுவழங்கப்படும்.இதன்மூலம் 47 லட்சம் அரசு ஊழியர்களும் 52 லட்சம் ஓய்வூதியர்களும் பயன் அடைவார்கள். சம்பள உயர்வு ஜூலை 1ம் தேதி வழங்கப்படலாம் என்றும் தெரிவிக்கப்பட்டுள்ளது.

மாணவர் எண்ணிக்கை குறைவது ஏன்? :பள்ளிக்கல்வி செயலர் பதிலால் குழப்பம்.

மத்திய அரசு கணக்கெடுப்பில், தமிழகத்தில், 8ம் வகுப்புக்கு பின் படிப்போரின் எண்ணிக்கை குறைய, வயது பிரச்னையே காரணம்' என, பள்ளிக்கல்வித் துறை செயலர் சபிதா விளக்கம் அளித்துள்ளார்.

தமிழகத்தில் உள்ள அரசு, அரசு உதவி பெறும் பள்ளிகளில், மத்திய அரசின் அனைவருக்கும் இடைநிலை கல்வி திட்டமான, ஆர்.எம்.எஸ்.ஏ., திட்டம் எப்படி செயல்படுத்தப்பட்டு உள்ளது என, டில்லியில் ஆய்வு கூட்டம் நடந்துள்ளது. இந்த கூட்டத்திற்கு, தமிழக பள்ளிக்கல்வித் துறை முதன்மை செயலர் சபிதா, நேரடியாக அழைக்கப்பட்டார்.

விளக்கம்

தமிழகத்தில் கல்வித்தரம் குறைய என்ன காரணம்; மத்திய அரசின் திட்டங்களை கிடப்பில் போட்டு, நிதியை சும்மா வைத்திருந்தது ஏன்; தொழிற்கல்வி வகுப்புகள் துவங்காதது ஏன் என, சரமாரியாக கேள்வி கேட்டு, எழுத்துப்பூர்வ விளக்கம் பெற்றுள்ளனர். இதில், ஒரு கேள்விக்கு வயது தான் பிரச்னை என்று, பள்ளிக்கல்வி முதன்மை செயலர் சபிதா பதில் அளித்துள்ளார்.

அந்த கேள்வி:தமிழகத்தில், 4,401 தனியார் பள்ளிகள், 5,879 அரசு பள்ளிகள், 1,771 அரசு உதவி பெறும் பள்ளிகள் என,மொத்தம், 12 ஆயிரத்து, 542 உயர்நிலை பள்ளிகள் உள்ளதாக கணக்கு கொடுத்துள்ளீர்கள். இவற்றில், நடுநிலை பள்ளிகளில், 8ம் வகுப்பு முடிக்கும் மாணவர்களின் எண்ணிக்கையை கணக்கிடும் போது, உயர்நிலை பள்ளிகளில், 9ம் வகுப்பில் சேருவோர் எண்ணிக்கை குறைவாக, அதாவது, 65.30 சதவீதமாக மட்டுமே உள்ளதே ஏன்?

இந்த கேள்விக்கு, செயலர் சபிதா தரப்பில் அளித்துள்ள பதில்:தமிழகத்தில், 5 வயதுக்கு மேற்பட்டவர்கள் பள்ளியின் நுழைவு வகுப்பில் சேர்க்கப்படுகின்றனர். அதனால், 9ம் வகுப்பில் நுழைவோரின் வயது, 13 மற்றும் அதற்கு மேல் என, கணக்கில் எடுக்க வேண்டும். ஆனால், தேசிய அளவிலான கணக்கெடுப்பில், 14 வயது மற்றும் அதற்கு மேல் உள்ளவர்களை எண்ணியுள்ளதால்,தமிழக மாணவர் எண்ணிக்கை குறைந்துள்ளது.இவ்வாறு அவர் தெரிவித்து உள்ளார்.

சிக்கல்

இந்த பதில் பல்வேறு குழப்பங்களை ஏற்படுத்தியுள்ளது. அதாவது, நுழைவு வகுப்பு என்று பள்ளிக்கல்வி செயலர் சொல்வது 1ம் வகுப்பா எல்.கே.ஜி.யா., என்பதே அந்தக் குழப்பம். ஏனென்றால்,தமிழகத்தில் மட்டும் தான், கட்டாய கல்வி உரிமை சட்டத்தில், மூன்றரை வயதான குழந்தைகள், எல்.கே.ஜி., என்ற நுழைவு வகுப்பில் சேர்க்கப்படுகின்றனர்.மத்திய அரசின் சட்டப்படி, நுழைவு வகுப்பு என்பது, 1ம் வகுப்பு. அதனால் தான், கட்டாயக் கல்வி உரிமை சட்டத்தில், தமிழகத்தில் இலவச மாணவர் சேர்க்கைக்கு, மத்திய அரசு நிதி உதவி வழங்குவதில் பல ஆண்டுகளாக சிக்கல் நீடிக்கிறது.மத்திய அரசுக்கு சபிதா அளித்துள்ள விளக்கத்தின் படி, நுழைவு வகுப்பு, எல்.கே.ஜி., என்றால், அதற்கு வயது வரம்பு, மூன்றரை வயதாகும். எனவே, இந்த பதிலால் பள்ளிக்கல்வி ஆசிரியர்களும், கல்வியாளர்களும் குழப்பம் அடைந்துள்ளனர்.