Subscribe Our YouTube channel

எங்கள் செய்திகளை உடனுக்குடன் தெரிந்துகொள்ள எங்களுடைய அப்ப்ளிகேஷனை கீழேயே உள்ள இமேஜை கிளிக் செய்து google playstore இல் டவுன்லோட் செய்து கொள்ளுங்கள் நன்றி...!!!

Saturday, 20 August 2016

TNPSC:குரூப்-1 தேர்வில் வெற்றி பெற்ற 79 பேருக்கு பணி நியமன ஆணை-அரசு பணியாளர் தேர்வாணைய தலைவர் அருள்மொழி பணி ஆணை வழங்கினார்.

மனிதநேய மையத்தில் படித்து குரூப்-1 தேர்வில் வெற்றி பெற்று பணி ஆணை பெற்ற காதல் தம்பதி சுரேஷ், வாசுகி ஆகியோரை படத்தில் காணலாம். குரூப்-1 தேர்வில் வெற்றி பெற்றவர்களுக்கு தமிழ்நாடு அரசு பணியாளர் தேர்வாணைய தலைவர் அருள்மொழி பணி ஆணை வழங்கினார்.
குரூப்-1 தேர்வில் வெற்றி பெற்ற 79 பேருக்கு பணி நியமன ஆணையை தமிழ்நாடு அரசுப்பணியாளர் தலைவர் அருள்மொழி வழங்கினார். இவர்களில் 59 பேர் சைதை துரைசாமியின் மனிதநேய மையத்தில் படித்தவர்கள் ஆவார்கள்.

இது குறித்துதமிழ்நாடு அரசுப்பணியாளர் தேர்வாணைய தலைவர் அருள்மொழி நேற்று நிருபர்களிடம் கூறியதாவது:-குரூப்-1 தேர்வு 3 துணை கலெக்டர்கள், 33 போலீஸ் துணை சூப்பிரண்டுகள், 33 வணிக வரித்துறை உதவி ஆணையர்கள், 10 ஊரக வளர்ச்சி துறை உதவி இயக்குனர்கள் ஆகிய பணியிடங்கள் கொண்ட 79 பணியிடங்களுக்கு குரூப்-1 முதல் நிலை தேர்வு 2014-ம் ஆண்டு ஜூலை 20-ந் தேதி நடந்தது. இதனை 70 ஆயிரத்து 547 பேர் எழுதினர். இந்த தேர்வு முடிவு 2015-ம் ஆண்டு ஜனவரி 30-ந் தேதி வெளியானது. இதில் 4 ஆயிரத்து 282 பேர் தேர்ச்சி பெற்றனர். மெயின் தேர்வு 2015-ம் ஆண்டு ஜூன் 5-ந் தேதி நடத்தப்பட்டது. இதனை 3 ஆயிரத்து 407 பேர் எழுதினர். தேர்வு முடிவு இந்த ஆண்டு ஜூன் 17-ந் தேதி வெளியிடப்பட்டது. நேர்முகத்தேர்வு ஆகஸ்டு 9-ந் தேதி முதல் 12-ந் தேதி வரை நடந்தது. இதில் 163 பேர் கலந்து கொண்டனர். மெயின் தேர்வு, நேர்முகத்தேர்வில் எடுத்த மதிப்பெண்கள் பட்டியல் 12-ந்தேதி வெளியானது. கலந்தாய்வு நேற்று முடிவடைந்தது. இதில் வெற்றி பெற்ற 79 பேருக்கும் பணிகள் ஒதுக்கப்பட்டன. இவ்வாறு அவர் கூறினார். பணி ஆணை இதையடுத்து குரூப்-1 தேர்வில் வெற்றி பெற்ற 79 பேருக்கும் பணி நியமன ஆணைகளை அருள்மொழி வழங்கி வாழ்த்து தெரிவித்தார். முதல் இடத்தை பிடித்த சி.வித்யா, 2-வது இடத்தை பிடித்த சி.ஜெயப்பிரித்தா, 3-வது இடத்தை பிடித்த டி.சுரேஷ் ஆகியோருக்கு துணை கலெக்டர் பணி ஒதுக்கப்பட்டது. துணை கலெக்டர் பணி ஆணை பெற்ற சி.வித்யா கூறுகையில், “விருதுநகரை சேர்ந்த நான் எம்.டெக். படித்தேன். 2013-ம்ஆண்டு குரூப்-2 தேர்வில் வெற்றி பெற்று கூட்டுறவு துறையில் சீனியர் ஆய்வாளராக பணியாற்றினேன். பிறகு குருப்-1 மெயின் தேர்வில் வெற்றி பெற்றேன். நேர்முகத்தேர்வுக்கு சைதை துரைசாமியின் மனிதநேய மையத்தில் படித்து தேர்ச்சி பெற்றேன். துணை கலெக்டராக பணியில் சேர்ந்து என்னால் முடிந்தவரை ஏழை மக்களுக்கு தொண்டாற்றுவேன்” என்றார்.

மனிதநேய மையத்தில் படித்தவர்கள் குரூப்-1 தேர்வில் வெற்றி பெற்ற 79 பேரில் 59 பேர் சென்னை மேயர் சைதை துரைசாமியின் மனிதநேயமையத்தில் படித்தவர்கள். அவர்களுக்கு சைதை துரைசாமி வாழ்த்து தெரிவித்தார். இதுபற்றி மனிதநேய மைய ஒருங்கிணைப்பாளர் சாம் ராஜேஸ்வரன் கூறுகையில், “மனிதநேயமையத்தில் படித்து வெற்றி பெற்றவர்களில் 3 பேர் துணை கலெக்டர்கள், 32 பேர் துணை சூப்பிரண்டுகள், 18 பேர் வணிக வரித்துறை ஆணையர்கள், 6 பேர் ஊரக வளர்ச்சி உதவி இயக்குனர்களாக பணி ஆணை பெற்றுள்ளனர். 23 வயது முத்து மாதவன் போலீஸ் துணை சூப்பிரண்டு பணிக்கு தேர்வாகி உள்ளார். மனிதநேய மையம் ஐ.ஏ.எஸ்., ஐ.பி.எஸ்., ஐ.ஆர்.எஸ். போன்றவற்றுக்கு இலவச பயிற்சி அளிக்கிறது. தமிழ்நாடு அரசு தேர்வாணையம் நடத்தும் தேர்வுகளுக்கும் பயிற்சி அளித்து வருகிறது. இங்கு படித்தவர்களில் இதுவரை 2 ஆயிரத்து 768 பேர் வெற்றிபெற்று பல்வேறு உயர் பதவிகளில் உள்ளனர்” என்றார். சேவை செய்வேன் சதீஷ்குமார்,போலீஸ் துணை சூப்பிரண்டுக்கு பணி நியமன ஆணை பெற்றார். அவர் அண்ணா பல்கலைக்கழக வளாகத்தில் உள்ள கிண்டி என்ஜினீயரிங் கல்லூரியில் பி.இ. மெக்கானிக்கல் படித்தவர். மனிதநேய மையத்தில் படித்து குரூப்-1 தேர்வை எழுதி வெற்றி பெற்றார். இவர் சொந்த ஊர் நாமக்கல். மனிதநேய மையத்தில் படித்து போலீஸ் துணை சூப்பிரண்டாக பணி ஆணை பெற்ற கல்பனா தத் தஞ்சை மாவட்டம் மேல உளூர் கிராமத்தை சேர்ந்தவர். பி.எஸ்சி. நர்சிங் முடித்துவிட்டு, எம்.பி.ஏ. படித்தார். கிராம நிர்வாக அலுவலராக பணியாற்றிய அவர் அரசு பணியாளர் தேர்வாணையம் நடத்திய மாவட்ட தாய்-சேய் நல சுகாதார அதிகாரிக்கான தேர்வில் மாநில அளவில் முதல் ரேங்க் எடுத்து பணியாற்றினார்.

இது குறித்து அவர் மேலும் கூறுகையில், “நான் போலீஸ் துணை சூப்பிரண்டு பணிக்கான ஒதுக்கீட்டில் பெண்களில் முதல் இடம் பெற்றுள்ளேன். பயப்படாமல் பிரச்சினைகளை சமாளித்து பொதுமக்களுக்கு என்னால் முடிந்த சேவை செய்வேன். பெண்ணால் சாதிக்க முடியாத துறையே இல்லை” என்றார். காதல் தம்பதி துணை கலெக்டராக பணிநியமனம் பெற்ற சுரேஷ் கள்ளக்குறிச்சி அருகே தலைவாசல் கிராமத்தை சேர்ந்தவர். கால்நடை மருத்துவம் படித்தவர். இவர் தமிழ்நாடு அரசுப்பணியாளர் தேர்வாணையம் நடத்திய கால்நடை உதவி மருத்துவர் தேர்வில் தேர்வாகி உதவி கால்நடை மருத்துவராக பணியாற்றினார். வணிக வரித்துறை உதவி ஆணையராக பணி நியமன ஆணை பெற்ற வாசுகியும், சுரேசும் கணவன்-மனைவி ஆவார்கள். வாசுகியும் கால்நடை மருத்துவம் படித்தவர். இவர்கள் காதலித்து பெற்றோர் சம்மதத்துடன் கலப்பு திருமணம் செய்து கொண்டனர். இருவரும் மனிதநேய மையத்தில் படித்தனர். சுரேஷ் குரூப்-1 தேர்வை 3-வது முறை எழுதி தேர்வானார். வாசுகி முதல் முறையிலேயே தேர்ச்சி பெற்றார் என்பது குறிப்பிடத்தக்கது.

20.8.2016ல் நடைபெற்ற மாவட்டத்திற்குள்ளான மாறுதல் கலந்தாய்விற்கு பின் கிருஷ்ணகிரி மாவட்ட முதுகலை ஆசிரியர்கள் காலிப்பணியிடங்கள் குறித்த விபரம்*

*💥தமிழ்நாடு மேல்நிலைப் பள்ளி முதுநிலைப் பட்டதாரி ஆசிரியர் கழகம், கிருஷ்ணகிரி மாவட்டம்*💥

*தமிழ்*(2)
******
*உரிகம்
*ஓசூர் (ஆண்கள்)

*ஆங்கிலம்*(2)
***********
*உரிகம்
*வேப்பனஹள்ளி (மகளிர்)

*கணிதம்*(4)
***********
*அஞ்செட்டி
*சிங்காரப்பேட்டை (ஆண்கள்)
*நாகரசம்பட்டி (ஆண்கள்)
*பேரிகை
*தளி

*இயற்பியல்*(2)
************
*பாலதொட்டனப்பள்ளி
*ஊத்தங்கரை (மகளிர்)

தநாமேநிபமுநிப ஆசிரியர் கழகம்,
கிருஷ்ணகிரி மாவட்டம்

*வேதியியல்*(3)
  **************
*பேரிகை
*வேப்பனப்பள்ளி (மகளிர்)
*தொகரப்பள்ளி (ஆண்கள்)
*உயிரியல்*(1)
***********
*தேன்கனிக்கோட்டை (மகளிர்)

*தாவரவியல்*(2)
****************
*வேப்பனஹள்ளி (மாதிரி)
*கிருஷ்ணகிரி முதன்மைக் கல்வி அலுவலர் அலுவலகம்,  (மாவட்ட சுற்றுச்சூழல் அலுவலர் பணியிடம்)

*விலங்கியல்*(3)
**************
*உள்ளுக்குறுக்கை
*மணவாரனப்பள்ளி
*உரிகம்

தநாமேநிபமுநிப ஆசிரியர் கழகம்,
கிருஷ்ணகிரி மாவட்டம்

*வரலாறு*(1)
***********
உரிகம்

*புவியியல்*(1)
 *************
*காவேரிப்பட்டினம் (ஆண்கள்)

*பொருளியல்*(2)
****************
*மோரனஹள்ளி
*தேன்கனிக்கோட்டை (ஆண்கள்)

*வணிகவியல்*(2)
**************
*பேரிகை
*மோரனஹள்ளி

தநாமேநிபமுநிப ஆசிரியர் கழகம், கிருஷ்ணகிரி மாவட்டம்

*மனை அறிவியல்*(1)
**********************
*கிருஷ்ணகிரி (மகளிர்)

*உடற்கல்வி இயக்குநர் (நிலை-I)*(5)
************************
*காவேரிப்பட்டினம் (ஆண்கள்)
*சூளகிரி (ஆண்கள்)
*மத்தூர் (ஆண்கள்)
*ஊத்தங்கரை (ஆண்கள்)
*தேன்கனிக்கோட்டை (ஆண்கள்)

பணி நிரந்தர அறிவிப்பை, எப்போது அரசு வெளியிடும் என்ற எதிர்பார்ப்பில், 10 ஆயிரம் ஆசிரியர்கள் !

பணி நிரந்தர அறிவிப்பை, எப்போது அரசு வெளியிடும் என்ற எதிர்பார்ப்பில், 10 ஆயிரம் சிறப்பு ஆசிரியர்கள் மாநிலம் முவதும் காத்திருக்கின்றனர்.அனைவருக்கும் கல்வி திட்டத்தின் கீழ், பள்ளிகளில் காலியாக உள்ள கம்ப்யூட்டர், தையல், 
உடற்பயிற்சி ஆசிரியர் பணியிடங்களை நிரப்புவதற்காக, 2012 ல், 16 ஆயிரம் ஆசிரியர்கள் நியமிக்கப்பட்டனர்.
சிறப்பு ஆசிரியர்கள் என பெயரிடப்பட்ட, தொகுப்பூதிய அடிப்படையில் சம்பளம் வழங்கப்பட்டு வருகிறது.வாரத்தின் மூன்று அரை நாட்கள் மட்டுமே மாணவர்களுக்கு கல்வி பயிற்றுவித்து வந்த இவர்கள், மூன்று முழுநாள் வேலை பார்க்க வேண்டுமென கட்டாயப்படுத்தப்பட்டனர். இதற்கு எதிர்ப்பு தெரிவித்ததால், சம்பளம், 7 ஆயிரம் ரூபாயாக உயர்த்தப்பட்டது.சிறப்பு ஆசிரியர்கள் கூறுகையில், "பள்ளிக்கான அனைத்து வெளி அலுவல் பணிகளும், சிறப்பு ஆசிரியர்கள் செய்யும்படி, தலைமை ஆசிரியர்கள் கட்டாயப்படுத்துகின்றனர். ஆசிரியர்களுக்கு நடத்தப்படும் பயிற்சி வகுப்புகளில், பங்கேற்க வேண்டும்என நிர்ப்பந்திக்கின்றனர்.ஒவ்வொரு ஆண்டும் பள்ளி புத்தகம், சீருடை வழங்குவது அவற்றின் கணக்கெடுப்பு பணிகளுக்கு சிறப்பு ஆசிரியர்கள் ஈடுபடுத்தப்படுகின்றனர். அரசு உடனடியாக இவ்விஷயத்தில் அக்கறை செலுத்தி, சிறப்பு ஆசிரியர்கள் வாரத்தின் மூன்று அரைநாட்கள் மட்டுமே பணியாற்றுவதை உறுதிப்படுத்த வேண்டும். தாமதமின்றி, பணி நிரந்தர அறிவிப்பை வெளியிட வேண்டும்,' என்றனர்.

ஆதார் முகாம் நடத்துவதில் இழுபறி : தனியார் பள்ளி மாணவர்கள் அவதி

ஆதார் முகாம் நடத்துவதில் தாமதம் ஏற்பட்டுள்ளதால், தனியார் பள்ளி மாணவர்கள் அவதிக்கு ஆளாகியுள்ளனர். 

 

          பள்ளி மாணவர்களுக்கான, கல்வி உதவித்தொகை மற்றும் இலவச நலத்திட்ட உதவிகளை, ஆதார் எண் அடிப்படையில் வழங்க, மாவட்ட முதன்மை கல்வி அதிகாரிகளுக்கு, பள்ளிக் கல்வித் துறை உத்தரவிட்டுள்ளது.

பள்ளி மாணவ, மாணவியரின் எண்ணிக்கையை கணக்கிட்டு, அந்த தகவல்களை, பள்ளிக்கல்வி மின்னணு நிர்வாக திட்ட தொகுப்பு மையத்தில் இணைக்க அறிவுறுத்தப்பட்டது. பெரும்பாலான அரசு பள்ளிகளில், ஆதார் முகாம்கள் நடத்தப்பட்டுள்ளன. தனியார் பள்ளிகளில், 6ம் வகுப்புக்கு மேற்பட்ட மாணவ, மாணவியரின் ஆதார் எண்கள் சேகரிக்கப்பட்டுள்ளன. ஒன்றாம் வகுப்பு முதல், 5ம் வகுப்பு வரையிலான மாணவர்களின் ஆதார் எண்களை சேகரிப்பதில், சிக்கல் ஏற்பட்டுள்ளது.

இதுகுறித்து, தனியார் பள்ளி நிர்வாகிகள் சிலர் கூறியதாவது: பள்ளிகளில், உள்ளாட்சி அமைப்பு மற்றும் வருவாய் துறையினர் மூலம், ஆதார் முகாம் நடத்தப்படும் எனக் கூறப்பட்டாலும், பெரும்பாலான பள்ளிகளில், இன்னும் முகாம் நடத்தப்படவில்லை. முகாமிற்கான ஆவணங்களை மாணவர்களிடம் பல முறை பெற்றும், முகாம் நடத்த அதிகாரிகள் உதவாததால், பெற்றோரையே ஆதார் எண்ணில் பதிவு செய்ய கட்டாயப்படுத்த வேண்டிஉள்ளது. இவ்வாறு அவர்கள் கூறினர்.

All over Tamilnadu B.T.SCIENCE vacant list..





குழந்தைநேயப் பள்ளிகளாகும் 200 அரசுப் பள்ளிகள்: ஐ.நா.வின் யுனிசெப் சார்பில் ஆசிரியர்களுக்கு பயிற்சி

தமிழகத்தில் 200 அரசுப் பள்ளிகள் குழந்தைநேயப் பள்ளிகளாக மாற்றப்பட உள்ளன. இதற்காக அந்தப் பள்ளி ஆசிரியர்கள் மற்றும் தலைமை ஆசிரியர்களுக்குப் பயிற்சி அளிக்கப்பட்டு வருகிறது.
பள்ளியிலிருந்து வீட்டுக்குச் செல்லும் குழந்தைகளின் முகத்தில் காணும் மகிழ்ச்சியை வீட்டிலிருந்து கிளம்பி பள்ளிக்குச் செல்லும் குழந்தைகளிடம் நம்மால் காண முடிவதில்லை. பள்ளிகளைக் கற்றுக்கொடுக்கும் இடமாக பார்க்காமல், தங்கள் சுதந்திரத்தைப் பறிக்கும் இடமாக குழந்தைகள் உணர்வதே இதற்குக் காரணமாகும். பள்ளி மாணவர்களைத் தாக்கிய ஆசிரியர், ஆசிரியரைத் தாக்கிய மாணவர் என அவ்வப்போது செய்திகள் வருவதும் தொடர்ந்து கொண்டுதான் இருக்கிறது.

இந்நிலையில் குழந்தைகள் மத்தியில் வகுப்பறை சூழல் மீது ஆர்வம் ஏற்பட வேண்டும் என்ற நோக்கத்தை முன்வைத்து ஐக்கிய நாடுகள் சபையின் யுனிசெப் மற்றும் சமூகக் கல்வி நிறுவனம் ஆகியவை இணைந்து தமிழ்நாட்டில் குழந்தைகள் நேயப் பள்ளிகளை உருவாக்கும் முயற்சியில் ஈடுபட்டு வருகின்றன. இதற்காக மண்டல வாரியாக பல்வேறு கூட்டங்கள் நடத்தப்பட்டு வருகின்றன.இதுகுறித்து யுனிசெப் சார்பில் தமிழகத்தில் ஆசிரியர்களுக்குப் பயிற்சியளித்து வரும், சமூகக் கல்வி நிறுவனத்தின் இயக்குநர் ஷ்யாம் சுந்தர் கூறியது: விளை யாட்டு, ஓவியம், எழுத்து, பேச்சு, நடனம் என குழந்தைகள் ஒவ்வொரு வரிடமும் வெவ்வேறு தனிப் பட்ட திறமைகள் உள்ளன. ஆனால் இந்தத் திறமைகளை ஏற்றுக் கொள்ள மறுத்து கல்வியை மட்டுமே மையப்படுத்தி நாம் அவர் களை வழிநடத்திச் செல்கிறோம். கல்வி நிலையங்கள் என்பவை குழந்தைகள் கொண்டாடும் பள்ளியாக இருக்க வேண்டும்.மாணவர்களை ஒரே இடத்தில் அமர வைத்து கற்றுத்தருவதை விட, அவர்கள் விருப்பத்துக்கு ஏற்ப வகுப்பறையை உருவாக்க வேண்டும். அவர்களை விளையாட அனுமதிக்க வேண்டும். அவர் களைப் பேச அனுமதிக்க வேண்டும். ‘கலைந்த வகுப்பறை’ தான் உயிரோட்டமான வகுப்பறையாக இருக்க முடியும்.தற்போது ஆங்காங்கே உள்ள அரசுப் பள்ளிகளில் பணிபுரியும் ஆசிரியர்கள் மாணவர்களைப் புரிந்துகொண்டு அவர்களின் மனநிலைக்கு ஏற்ப தங்களை மாற்றிக்கொண்டு வருகின்றனர். குழந்தைகளுடன் நண்பர்களாக பழகி அவர்களின் உலகத்துக்குள் செல்ல ஆசிரியர்கள் முயற்சி செய்து வருகின்றனர்.

பள்ளிகள் மீது குழந்தைகளுக்கு வெறுப்பு தோன்றாத செயல்பாடு, குழந்தைகளிடம் பாகுபாடு காட்டாத சூழல், கட்டணம் செலுத்தாத காரணத்துக்காக வகுப்பறையில் இருந்துமாணவர்களை வெளி யேற்றாமல் இருத்தல் போன்ற சூழல்களைக்கொண்ட பள்ளிகள் தான் குழந்தைகள் நேயப் பள்ளி களாக இருக்க முடியும். அதன் அடிப்படையில் பார்த்தால், அரசுப் பள்ளிகள் மட்டும்தான் குழந்தைகள் நேயப் பள்ளியாக மாறுவதற்கான வாய்ப்பு உள்ள பள்ளிகள். எனவே, தனியார் பள்ளிகளைத் தவிர்த்து விட்டு தமிழ்நாடு முழுவதும் 200 அரசுப் பள்ளிகளைத் தேர்வு செய்து அந்தப்பள்ளிகளைக் குழந்தைகள் நேயப் பள்ளிகளாக உருவாக்க ஆசிரியர், தலைமை ஆசிரியர் களுக்குப் பயிற்சி அளித்து வருகி றோம் என்றார்.

TET தேர்வு நடக்காத பின்னணி என்ன? மனஉளைச்சலில் ஒரு லட்சம் ஆசிரியர் பட்டதாரிகள்!

தமிழகத்தில் மூன்று ஆண்டுகளாக ஆசிரியர் தகுதி தேர்வு (டி.இ.டி.,) நடக்காதததால், ஒரு லட்சத்திற்கும் மேற்பட்ட ஆசிரியர் பட்டதாரிகள் மனஉளைச்சலில் உள்ளனர்.தமிழகத்தில் 2011ல் தகுதித்தேர்வு அடிப்படையில், ஆசிரியர் நியமனம் நடக்கும் என உத்தரவிடப்பட்டது.

  2012 மற்றும் 2013ல் டி.இ.டி., தேர்வுகள் நடத்தப்பட்டன. 2013 தேர்வில் தேர்ச்சி எண்ணிக்கை அதிகம் இருந்ததால், 'வெயிட்டேஜ்' மதிப்பெண் அமல்படுத்தப்பட்டது. இதை எதிர்த்து உச்சநீதி மன்றத்தில் வழக்குகள் தொடரப்பட்டு, மூன்று ஆண்டுகளாக நிலுவையில் உள்ளன.மேலும் '90 சதவீதம் மதிப்பெண் என்பதில் இருந்து ஐந்து சதவீதம் மதிப்பெண் சலுகை அளித்து, 85 சதவீதம் (அதாவது 82 மதிப்பெண்) பெற்றாலே தேர்ச்சி,' எனவும் அரசு அறிவித்தது. இதன் அடிப்படையில் 40 ஆயிரம் பேர் தேர்ச்சிபெற்றனர். பலர் அரசு உதவி பெறும் பள்ளிகளில் பணி நியமனம்பெற்றனர். ஆனால் இதற்கும் எதிரான வழக்குகளும் நிலுவையில் உள்ளன.சலுகை மதிப்பெண் அறிவிப்பு அரசின் கொள்கை முடிவு. ஆனால் அதற்கு எதிராக தாக்கலான வழக்குகளில் கூட கவனம் செலுத்திவிரைவில் தீர்வுகாண, கல்வி அதிகாரிகள் நவடிக்கை எடுக்க ஆர்வம் காட்டவில்லை. இதனால் தான் டி.இ.டி., தேர்வையே மூன்று ஆண்டுகளாக நடத்த முடியாத சூழ்நிலை ஏற்பட்டது.

அச்சத்தில் 3 ஆயிரம் ஆசிரியர்:

23.8.2010க்கு பின் சான்றிதழ் சரிபார்க்கப்பட்டு அரசு, உதவிபெறும் பள்ளிகளில் பணி நியமனம் பெற்ற 3100 ஆசிரியர்களுக்கு வரும் நவம்பருக்குள் டி.இ.டி., தேர்வில் தேர்ச்சி பெறவேண்டும்என நிபந்தனை உள்ளது. ஆனால் டி.இ.டி., தேர்வு நடத்தாததால் அவர்கள் அச்சத்தில் உள்ளனர்.'அரசு சிறுபான்மையினர் பள்ளிகளில் ஆசிரியர் நியமனத்திற்கு டி.இ.டி., கட்டாயமில்லை,' என உச்ச நீதிமன்றம் அறிவுறுத்தியும் இதுவரை அரசாணை பிறப்பிக்காததாலும் குழப்பம் நீடிக்கிறது.

சிக்கலுக்கு தீர்வு என்ன:

தமிழ்நாடு பட்டதாரி ஆசிரியர் கழக மாவட்ட தலைவர் முருகன் கூறியதாவது:சலுகை மதிப்பெண் என்பது அரசின் கொள்கை முடிவு. இதற்கு எதிரான வழக்குகளை கையாள்வதில் அதிகாரிகள் ஆர்வம் காட்டாததால் தான் தேர்வு நடக்கவில்லை. ஆசிரியருக்கான 'வெயிட்டேஜ்' முறையை ரத்து செய்ய வேண்டும்.23.8.2010க்கு பின் பணியில் சேர்ந்த 3100 பேருக்கும் டி.இ.டி., தேர்வில் விலக்கு அளிக்க வேண்டும். நீதிமன்ற அறிவுறுத்தல்படி சிறுபான்மையினர் பள்ளிகளுக்கான அரசாணைபிறப்பிக்க வேண்டும், என்றார்.

பதவி உயர்வு பட்டியல் வெளியிடாமல் கவுன்சலிங் : வரலாறு ஆசிரியர்கள் கொதிப்பு.

பதவி உயர்வு பட்டியல் வெளியிடாமல் கவுன்சலிங் தேதி அறிவிக்கப்பட்டதால் வரலாறு ஆசிரியர்கள் குழப்பத்திலும், கொந்தளிப்பிலும் உள்ளனர்.தமிழகம் முழுவதும் அரசுப்பள்ளி ஆசிரியர் இடமாறுதல், பதவி உயர்வு கவுன்சலிங் நடந்து வருகிறது.
ஒவ்வொரு பாடத்திற்கும் பதவி உயர்வு பட்டியல் வெளியிடப்பட்டுள்ளது. பள்ளிகளில் சமூக அறிவியல் பாடத்தை புவியியல் மற்றும் வரலாறு ஆசிரியர்கள் நடத்துகின்றனர். இதில் புவியியல் ஆசிரியர்களின் பதவி உயர்வு பட்டியல் வெளியிடப்பட்டுள்ளது. ஆனால், வரலாறு ஆசிரியர்களின் பதவி உயர்வு பட்டியல் மட்டும் வெளியிடப்படவில்லை. வரும் 22ம் தேதி வரலாறு ஆசிரியர் பதவி உயர்வுக்கான கலந்தாய்வு நடக்க உள்ளதையடுத்து இப்பிரிவு ஆசிரியர்கள் குழப்பத்தில் உள்ளனர்.இளங்கலை வரலாறு முடித்து ஆசிரியர் பணியில் சேரும் பட்டதாரி ஆசிரியர்கள், முதுகலை ஆசிரியராக பதவி உயர்வு பெறும்போது 1:3 என்ற விகிதாச்சாரம் பின்பற்றப்படுகிறது. மொத்தமுள்ள வரலாறு ஆசிரியர் பதவி உயர்வு பணியிடங்களில் இளங்கலை, முதுகலையில் வரலாறு படித்தவர்களுக்கு 1 பணியிடமும், இளங்கலையில் பிற பாடங்கள் படித்து, முதுகலையில் மட்டும் வரலாறு படித்தவர்களுக்கு (கிராஸ் மேஜர்) 3 பணியிடமும் ஒதுக்கப்படுகிறது. இதனால் இளங்கலை, முதுகலையில் வரலாறை முதன்மை பாடமாக படித்த ஏராளமான ஆசிரியர்கள் பதவி உயர்வு கிடைக்காமல் பாதிக்கப்பட்டனர். இந்த விகிதாச்சார முறையை எதிர்த்து ஐகோர்ட் மதுரை கிளையில் கடந்த 2012ல் தொடரப்பட்ட வழக்கு நிலுவையில் உள்ளது. இருப்பினும் கடந்த ஆண்டுகளில் முந்தைய நிலையிலேயே பதவிஉயர்வு வழங்கப்பட்டது. இந்த ஆண்டு கலந்தாய்வுக்கு முன் பதவி உயர்வு பட்டியலை வெளியிடாமல் கல்வித்துறை தாமதம் செய்து வருகிறது.

இதுகுறித்து தமிழ்நாடு வரலாறு ஆசிரியர் கழக மாநில பொதுச்செயலாளர் பழனியப்பன் கூறுகையில், ‘‘2012ல் தொடர்ந்த வழக்கில் பள்ளிக்கல்வித்துறைக்கு நோட்டீஸ் அனுப்பிய நீதிமன்றம், வரலாறு முதுகலை ஆசிரியர் பதவி உயர்வு என்பது இந்த வழக்கின் இறுதி தீர்ப்புக்கு உட்பட்டது என உத்தரவிட்டது. ஆனாலும், கடந்த 3 ஆண்டுகளாகமுந்தைய நிலைப்படியே பதவி உயர்வு அளித்து வருகின்றனர். இந்த ஆண்டு எந்த அடிப்படையில் பதவி உயர்வு வழங்கப்படும் என்பது பட்டியல் வெளியிடப்பட்டால் மட்டுமே தெரியும். அவ்வாறு தெரிந்து அடுத்தகட்ட நீதிமன்ற நடவடிக்கைக்கு செல்வதை தடுக்க வரலாறு ஆசிரியர் பட்டியலை மட்டும் வெளியிடாமல் வைத்துள்ளனரோ என சந்தேகம் ஏற்பட்டுள்ளது. உடனடியாக பட்டியலை வெளியிட வேண்டும்,’’ என்றார்.

பணி நிரந்தரம் ஆசிரியர் அதிருப்தி

பணி நிரந்தர அறிவிப்பை, எப்போது அரசு வெளியிடும் என்ற எதிர்பார்ப்பில், 10 ஆயிரம் சிறப்பு ஆசிரியர்கள் மாநிலம் முவதும் காத்திருக்கின்றனர்.அனைவருக்கும் கல்வி திட்டத்தின் கீழ், பள்ளிகளில் காலியாக உள்ள கம்ப்யூட்டர், தையல், உடற்பயிற்சி ஆசிரியர் பணியிடங்களை நிரப்புவதற்காக, 2012 ல், 16 ஆயிரம் ஆசிரியர்கள் நியமிக்கப்பட்டனர்.
சிறப்பு ஆசிரியர்கள் என பெயரிடப்பட்ட, தொகுப்பூதிய அடிப்படையில் சம்பளம் வழங்கப்பட்டு வருகிறது.வாரத்தின் மூன்று அரை நாட்கள் மட்டுமே மாணவர்களுக்கு கல்வி பயிற்றுவித்து வந்த இவர்கள், மூன்று முழுநாள் வேலை பார்க்க வேண்டுமென கட்டாயப்படுத்தப்பட்டனர். இதற்கு எதிர்ப்பு தெரிவித்ததால், சம்பளம், 7 ஆயிரம் ரூபாயாக உயர்த்தப்பட்டது.சிறப்பு ஆசிரியர்கள் கூறுகையில், "பள்ளிக்கான அனைத்து வெளி அலுவல் பணிகளும், சிறப்பு ஆசிரியர்கள் செய்யும்படி, தலைமை ஆசிரியர்கள் கட்டாயப்படுத்துகின்றனர். ஆசிரியர்களுக்கு நடத்தப்படும் பயிற்சி வகுப்புகளில், பங்கேற்க வேண்டும்என நிர்ப்பந்திக்கின்றனர்.ஒவ்வொரு ஆண்டும் பள்ளி புத்தகம், சீருடை வழங்குவது அவற்றின் கணக்கெடுப்பு பணிகளுக்கு சிறப்பு ஆசிரியர்கள் ஈடுபடுத்தப்படுகின்றனர். அரசு உடனடியாக இவ்விஷயத்தில் அக்கறை செலுத்தி, சிறப்பு ஆசிரியர்கள் வாரத்தின் மூன்று அரைநாட்கள் மட்டுமே பணியாற்றுவதை உறுதிப்படுத்த வேண்டும். தாமதமின்றி, பணி நிரந்தர அறிவிப்பை வெளியிட வேண்டும்,' என்றனர்.

32 ஆயிரம் மாணவிகளுக்கு தற்காப்பு கலை பயிற்சி : ரூ.60 லட்சம் ஒதுக்கீடு - மாநில திட்ட இயக்குனர் பூஜா குல்கர்னி

தமிழகத்தில் மாவட்டத்திற்கு ஆயிரம் மாணவிகள் வீதம், 32 ஆயிரம் மாணவிகளுக்கு தற்காப்பு கலை பயிற்சியளிக்க 60 லட்சம் ரூபாய் ஒதுக்கீடு செய்யப்பட்டு உள்ளது. அனைவருக்கும் கல்வி இயக்க மாநில திட்ட இயக்குனர் பூஜா குல்கர்னி கூறியிருப்பதாவது:
பெண் குழந்தைகளின் தற்காப்பிற்கு கராத்தே போன்ற கலைகள் அவசியமாகிறது. அதனால் அனைவருக்கும் கல்வி இயக்கம் சார்பில், அரசுப்பள்ளிகளில் 6, 7, 8ம் வகுப்புகளில் படிக்கும் பெண் குழந்தைகளுக்கு கராத்தே பயிற்சி அளிக்கப்பட உள்ளது.வரும் செப்டம்பர் முதல் ஜனவரி முடிய பயிற்சி அளிக்கப்படும். இதற்காக மாவட்டத்திற்கு 50 பள்ளிகள்தேர்வு செய்யப்பட்டு தலா ஆயிரம் மாணவிகள் வீதம் 32 மாவட்டங்களிலும் 32 ஆயிரம் மாணவிகள் தேர்வு செய்யப்பட்டு பயிற்சி அளிக்கப்பட உள்ளது.இதற்கென பெண் பயிற்சியாளர்கள் தேர்வு செய்யப்பட உள்ளனர். இதற்காக 60 லட்சம் ரூபாய் ஒதுக்கீடு செய்யப்பட்டுள்ளது.பள்ளி நாட்களில் தினமும் காலையில் ஒன்றரை மணி நேரம் பயிற்சி அளிக்கப்படும்.இவ்வாறு அவர் கூறியுள்ளார்.