Subscribe Our YouTube channel

எங்கள் செய்திகளை உடனுக்குடன் தெரிந்துகொள்ள எங்களுடைய அப்ப்ளிகேஷனை கீழேயே உள்ள இமேஜை கிளிக் செய்து google playstore இல் டவுன்லோட் செய்து கொள்ளுங்கள் நன்றி...!!!

Wednesday, 21 September 2016

எலக்ட்ரானிக் சிப்' பொருத்தியஏ.டி.எம்., கார்டு: ரிசர்வ் வங்கி கெடு

பாதுகாப்பு அம்சம் உள்ள, 'எலக்ட்ரானிக் சிப்' பொருத்திய, 'ஏ.டி.எம்., கார்டு' வழங்குவதற்கான காலக்கெடுவை நீட்டிக்க, ரிசர்வ் வங்கி மறுத்து விட்டது. வாடிக்கையாளர்களுக்கு, 'மேக்னடிக் ஸ்டிரைப்' என்ற, காந்தப் பட்டையுடன் கூடிய, ஏ.டி.எம்., கார்டுகளை, வங்கிகள் வினியோகித்துள்ளன.

வாடிக்கையாளர்கள் பாதுகாப்பு கருதியும், 'கிரெடிட்' மற்றும், 'டெபிட் கார்டு' மோசடிகளை தடுப்பதற்காகவும், அந்த கார்டுகளுக்கு பதிலாக, சிறிய, 'எலக்ட்ரானிக் சிப்' பொருத்தப்பட்ட, பாதுகாப்பான கார்டுகளை, வங்கிகள் வழங்க வேண்டும் என, 2015 மே மாதத்தில், ரிசர்வ் வங்கி உத்தரவிட்டது. பல தனியார் வங்கிகள், இத்தகைய கார்டுகளை, வாடிக்கையாளர்களுக்கு வழங்கி உள்ளன. தேசிய வங்கிகள், சில நடைமுறை சிக்கல்கள் காரணமாக, காலக்கெடுவை நீட்டிக்க கோரின; ஓராண்டு நீட்டிக்கப்பட்டது.

வரும், 30ல் கெடு முடியும் நிலையில், அதை மேலும் நீட்டிக்க வங்கிகள் கோரின; அதை ஏற்க மறுத்து, ரிசர்வ் வங்கி அனுப்பியுள்ள அறிக்கை: பாதுகாப்பு அம்சம் பொருந்திய, ஏ.டி.எம்., கார்டுகளை வழங்குவதற்கான காலக்கெடு இம்மாதம் வரை நீட்டிக்கப்பட்டது; இனியும் நீட்டிக்கப்பட மாட்டாது. அதனால், ஏற்கனவே கூறியபடி, 2018 துவக்கத்தில், 'சிப்' பொருந்திய ஏ.டி.எம்., கார்டுகள் மட்டுமே பயன்பாட்டில் இருக்க வேண்டும். இவ்வாறு அறிக்கையில் கூறப்பட்டுள்ளது

ஐஐஎம்-களில் மாணவர் இடங்களை அதிகரிக்க மத்தியஅரசு திட்டம்

இந்திய நிர்வாகயியல் பயிலகங்களில் (ஐஐஎம்) மாணவர் சேர்க்கை இடங்களை அதிகரிப்பது தொடர்பான திட்டங்களை சமர்ப்பிக்கும்படி அக்கல்வி நிறுவனங்களிடம் மத்திய மனிதவள மேம்பாட்டு அமைச்சகம் கேட்டுக் கொண்டுள்ளது.தில்லியில் ஐஐஎம் கல்வி நிறுவனங்களின் தலைவர்களுடன் மத்திய மனிதவள மேம்பாட்டுத் துறை அமைச்சர் பிரகாஷ் ஜாவடேகர் செவ்வாய்க்கிழமை ஆலோசனை நடத்தினார். 
கூட்டத்தில், ஐஐஎம்நிறுவனங்களில் அளிக்கப்படும் கல்வியின் திறனை மேம்படுத்த எடுக்க வேண்டிய நடவடிக்கைகள் குறித்து ஆலோசிக்கப்பட்டது.அப்போது ஐஐஎம் கல்வி நிறுவனங்களில் எவ்வளவு இடங்களை அதிகரிக்க முடியும்? என்பது தொடர்பான திட்டங்களை சமர்ப்பிக்கும்படி பிரகாஷ் ஜாவடேகர் கேட்டுக் கொண்டார். அதற்கு ஐஐஎம் கல்விநிறுவன இயக்குநர்கள், கூடிய விரைவில் அதுதொடர்பான திட்டங்களை அளிப்பதாக வாக்குறுதி அளித்தனர்.

கூட்டத்துக்குப் பிறகு பிரகாஷ் ஜாவடேகர் செய்தியாளர்களிடம் கூறியதாவது:ஆராய்ச்சி படிப்புகளை விரிவுபடுத்துவது குறித்து ஆலோசித்தோம். உலகத் தரத்தில் 20 கல்வி நிறுவனங்களை ஏற்படுத்தும் மத்திய அரசின் திட்டத்தில் ஐஐஎம் நிறுவனங்களும் பங்கேற்பது என முடிவுசெய்யப்பட்டுள்ளது என்றார் ஜாவடேகர்.அப்போது அவரிடம், கல்வியில் இட ஒதுக்கீடு அளிக்கப்படும் விவகாரம் குறித்து கேள்வி எழுப்பப்பட்டது. அதற்கு அவர் பதிலளிக்கையில்,"அரசமைப்புச் சட்டத்தின்படியே, கல்வியில் இட ஒதுக்கீடுஅளிக்கப்பட்டுள்ளது; அதில் மாற்றம் செய்யும் திட்டம் எதுவும் அரசிடம் கிடையாது' என்றார்.

நாடு முழுவதும் இருக்கும் 20 ஐஐஎம் நிறுவனங்களில் ஆண்டுதோறும் 10 ஆயிரம் மாணவர்கள் படிப்பு முடித்து பட்டம் பெறுகின்றனர். இந்த எண்ணிக்கையை ஆண்டுக்கு 20 ஆயிரமாக அதிகரிப்பதற்கு மத்திய மனிதவள மேம்பாட்டு அமைச்சகம் விரும்புகிறது.

உள்ளாட்சித் தேர்தல்: அக்.1-க்குள் "பூத் சிலிப்' அச்சிட உத்தரவு !

உள்ளாட்சித் தேர்தலில் பயன்படுத்தப்பட உள்ள வாக்குச்சாவடி சீட்டுகளை அச்சிடும் பணியை அக்டோபர் 1-ஆம் தேதிக்குள் முடிக்க மாநிலத் தேர்தல் ஆணையம் உத்தரவிட்டுள்ளது. இதுகுறித்து ஆணையம் செவ்வாய்க்கிழமை வெளியிட்ட அறிவிப்பு:

கடந்த ஏப்ரல் மாதம் வெளியிடப்பட்ட வாக்காளர் பட்டியல், உள்ளாட்சித் தேர்தலுக்கு அடிப்படையாக பயன்படுத்தப்படுகிறது. வார்டுகள், தெருக்கள் உள்ளிட்ட விவரங்களுடன் இந்தப் பட்டியல் தயார் செய்யப்பட்டு, அதனை கடந்த 19-ஆம் தேதிக்குள் வெளியிட அனைத்து மாவட்டத் தேர்தல் அலுவலர்களும் ஏற்கெனவே அறிவுறுத்தப்பட்டிருந்தனர்.
அதன்படி, பிரதான வாக்காளர் பட்டியல் அனைத்து உள்ளாட்சி அமைப்புகளிலும் வெளியிடப்பட்டுள்ளது.

திருத்தப் பட்டியல்: பிரதான வாக்காளர் பட்டியலுடன், திருத்தப் பட்டியலும் வெளியிடப்பட உள்ளது. இந்தப் பட்டியலை வரும் 26-ஆம் தேதிக்குள் தயார் செய்ய மாவட்டத் தேர்தல் அலுவலர்கள் அறிவுறுத்தப்பட்டுள்ளனர். வாக்காளர் பட்டியல் மாற்றங்கள், வேட்புமனு தாக்கலுக்கான கடைசி நாள் வரையில் சேர்த்து வெளியிடப்படும்.

வாக்குச்சாவடி சீட்டுகள் ("பூத் சிலிப்'): உள்ளாட்சித் தேர்தல்களை நடத்துவதற்கான பணிகள் தீவிரமடைந்துள்ளன. இதன்படி, வாக்குச்சாவடி சீட்டுகளை அச்சிடும் பணியை வரும் 27-இல் தொடங்கி, அக்டோபர் 1-ஆம் தேதிக்குள் முடிக்கவும் மாவட்டத் தேர்தல் அலுவலர்களுக்கு அறிவுறுத்தப்பட்டுள்ளது என மாநிலத் தேர்தல் ஆணையம் தெரிவித்துள்ளது.

பிறந்த குழந்தைக்கும் இனி ஆதார் அட்டை!

மேல்நிலை துணைத் தேர்வு அனுமதிச் சீட்டுகளை இணையத்தில் பதிவிறக்கம் செய்யலாம்.

செப்டம்பர், அக்டோபர் 2016-க்கான மேல்நிலை துணைத் தேர்வு எழுத விண்ணப்பித்த தனித் தேர்வர்கள் தேர்வுக் கூட அனுமதிச் சீட்டுகளை (ஹால் டிக்கெட்) இணையதளத்தில் புதன்கிழமை (செப். 21) பிற்பகல் 2 மணி முதல் பதிவிறக்கம் செய்து கொள்ளலாம். 

www.tngdc.gov.in என்ற இணையதளத்தில் DEPARTMENT OF EXAMINATION என்பதை கிளிக் செய்து தோன்றும் பக்கத்தில் HSC September/October 2016 Hall Ticket Download என்பதனை கிளிக் செய்து விண்ணப்ப எண், பிறந்த தேதி ஆகியவற்றை பதிவு செய்தால் அனுமதி சீட்டு கிடைக்கும்.

செய்முறைத் தேர்வு: செய்முறைத் தேர்வில் 40 மதிப்பெண்களுக்கும் குறைவாகப் பெற்று தேர்ச்சி அடையாதவர்கள் கட்டாயம் செய்முறைத் தேர்வினை மீண்டும் செய்வதோடு எழுத்துத் தேர்வுக்கும் வருகை புரிய வேண்டும். அதிகபட்ச மதிப்பெண் 200 கொண்ட செய்முறை மட்டும் உள்ள பாடத்தில் தேர்ச்சி பெறாதவர்கள் மீண்டும் செய்முறைத் தேர்வுக்கு வருகை தர வேண்டும். அதோடு, மொழிப்பாடங்களில் கேட்டல், பேசுதல் திறன் தேர்வு, சிறப்பு மொழி(தமிழ்) பாடத்தில் கேட்டல், பேசுதல் திறன் தேர்வு, செய்முறை தேர்வு தேதி குறித்த விவரங்களை தனித்தேர்வர்கள் தாம் தேர்வு எழுதும் மையத்தின் முதன்மைக் கண்காணிப்பாளரை அணுகி அறிந்து கொள்ளலாம். குறிப்பாக எக்காரணம் கொண்டும் உரிய தேர்வுக் கூட அனுமதிச் சீட்டின்றி தேர்வு எழுத அனுமதிக்கப்பட மாட்டார்கள் என அரசு தேர்வுகள் இயக்குநர் தண்.வசுந்தராதேவி தெரிவித்துள்ளார்.

துவங்கியது பணி நிரவல்: உபரி ஆசிரியர்கள் கலக்கம்!!

TNPSC:அரசுப் பணி தேர்வுகளுக்கான மாதிரி வினா-விடை

1. பறக்கும் பலூனில் பயன்படுத்தப்படும் வாயு - ஹைட்ரஜன்
2. சலவை செய்ய உதவும் வாயு - குளோரின்
3. திடப்பொருள் அல்லாத அலோகத்தின் பெயர் - அயோடின்
4. உணவு கெடாமல் பாதுகாப்பதற்கு உபயோகிக்கும் பொருள் - சோடியம் பென்கேட்

5. இரத்தச் சிவப்பணுக்கள் குறைவால் - இரத்தசோகை உண்டாகிறது.
6. குளோரோபாம் என்பது - மயக்க மருந்து
7. குளோரோ மைசிட்டின் எதனைக் குணப்படுத்துவதற்கு பயன்படுகிறது - டைபாய்டு
8. வானவில் எதனால் உருவாகிறது - பரவுதல் மூலம்
9. வைட்டமின் - பி குறைவால் உருவாகும் நோய் - பெரி பெரி
10. காமா கதிர்களின் பயன் - புற்று நோய் நிவாரணி
11. குழந்தை வளர்ச்சிக்கு முக்கியமானது - பால்
12. செயற்கையாக பழங்களை பழுக்க செய்ய பயன்படும் வாயு - எத்திலின்
13. மண்ணை காரமாக மாற்ற சேர்க்கப்படுவது - கார்பனேட்
14. காரிலுள்ள ரேடியேட்டரின் பயன் - இயந்திரத்தை குளிர்விக்க
15. தொழு நோயை குணமாக்குவது - சல்போன்ஸ்
16. கண்ணாடி என்பது - அதிகமாக குளிரூட்டப்பட்ட பாலிமர்
17. DNA என்பது - புரதச் சேர்க்கை
18. மாலிதியான் என்பது - புகைச்சுருட்டு கொல்லிட
19. ரேடியோ செயல்திறனை அளக்கும் கருவி - கியூரி
20. ஒரு அணுத்துகள்களை துரிதப்படுத்தும் கருவி - சைக்ளோட்ரான்
21. விண்வெளியில் பயணம் செய்த முதல் மனிதர் - யூரி ககாரின்
22. தேநீரை எளிதில் குளிரச் செய்வது - பீங்கான் கோப்பை
23. வெள்ளை நிலக்கரி என்பது - யுரேனியம்
24. டார்பன்டைன் எதிலிருந்து பிரித்தெடுக்கப்படுகிறது - பைன்மரம்
25. மஞ்சல்காமலை குணமடைய உபயோகப்படும் மூலிகை - கீழாநெல்லி
26. மனித உடலில் செரிக்கும் அமிலம் - ஹைட்ரோ குளோரிக் அமிலம்
27. முன் கழுத்துக் கழலை எதன் குறைவால் ஏற்படுகிறது - அயோடின்
28. பெனிசிலினை கண்டுபிடித்தவர் - அலெக்சாண்டர் பிளமிங்
29. சோடியம் எப்பொழுதும் எதனுள் வைக்கப்படுகிறது - மண்மெண்ணெய்
30. வளிமண்டலத்தில் உருவாகாத வாயு - குளோரின்
31. மலேரியா தடுப்பு மருந்துடன் உபயோகப்படும் கலவை - குளோரோடுயின்
32. தங்கத்துடன் சேர்க்கக்கூடிய உலோகம் - செம்பு
33. உலர் பனிக்கட்டி வீட்டு சீதோஷ்ண நிலையில் தருவது - கார்பன் டை ஆக்சைடு வாயு
34. ஸ்பிரிங் செய்ய பயன்படும் உலோகம் - கெட்டிப்படுத்திய எஃகு
35. கொழுப்பில் கரையும் வைட்டமின் - A, D, E, K
36. ஈஸ்ட் என்பது - காளான்
37. அமீபிக் வயிற்றுப் போக்கிற்கு காரணம் - புரோடோசோவா
38. நியூட்ரானைக் கண்டறிந்தவர் - சாட்விக்
39. திரவப் பொருளின் அழுத்தமானது எல்லா திசைகளிலும் சமமான அளவில் செல்கிறது எனக் கூறும் விதி - பாஸ்கல் விதி.
40. தனிமங்களின் அட்டவணையை தயாரித்தவர் - மெண்டலீப்
41. பித்தளை எதன் உலோகக் கலலை - தாமிர துத்தநாகம்
42. மீன்கள் எதன் வழியாக சுவாசிக்கிறது - செவுள்
43. இரும்பு துருபிடிக்கும் போது - இரும்பின் எடை கூடும்.
44. சந்திரன் பூமியைச் சுற்றி வருவதற்கு எத்தனை நாட்கள் எடுக்கிறது - 271/3 நாட்கள்
45. நுரையீரலைத் தாக்கும் நோய் - காசநோய்
46. உடலின் எந்தப்பகுதியை டிப்தீரியா தாக்குகிறது - தொண்டை
47. துணைக்கோள் இல்லாத கோள் - புதன்
48. நோய் எதிர்ப்புச் சக்தியை அழிக்கும் வைரஸ் கிருமிகளால் உண்டாகும் ஒருவகை உயிர்க் கொல்லி நோய் - எய்ட்ஸ்
49. கலீனா என்பது எதன் தாதுப்பொருள் - ஈயம்
50. குழாய் மின் விளக்கில் பயன்படுத்தும் மூலகம் - பாதரசம்

TET Geniuneness Certificate Regarding Instructions

இன்று செப் 21 உலக அமைதி தினம்

உலகில் அமைதியை வலியுறுத்தியும், நாடுகளிடையே போர், வன்முறை ஏற்படுவதை தடுக்கும் விதத்திலும் ஐ.நா., சார்பில் ஆண்டுதோறும் செப்., 21ம் தேதி, உலக அமைதி தினம் கடைபிடிக்கப்படுகிறது.

1981ல், இத்தினம் முதன் முதலாக தொடங்கப்பட்டது. உலகில் வன்முறை அதிகரிப்பதை தவிர்த்து அமைதி நிலவ, ஒவ்வொருவரும் உதவ வேண்டும் என இத்தினம் வலியுறுத்துகிறது.
இன்றைய சூழலில், ஒவ்வொரு நாடும் மற்ற நாட்டுடன் அனைத்து துறைகளிலும் போட்டி போடுகின்றன.

இந்த போட்டி ஆக்கபூர்வமாக அமைந்தால் பாராட்டுக்குரியது. மாறாக சில நாடுகள், மற்ற நாடுகளுடன் நட்பு பாராட்டுவதற்கு பதில், பகைமை உணர்வுடன் செயல்படுகிறது. சில நாடுகளில் பயங்கரவாதம் வளர்க்கப்படுகிறது. உலகில் ஏதாவது இரு நாடுகளிடையே சண்டை ஏற்பட்டால், அது ஒட்டு மொத்த உலக நாடுகளின் அமைதிக்கும் பாதிப்பை ஏற்படுத்தி விடும்.

அனைத்து நாடுகளும் தங்களுக்கிடையே உள்ள பிரச்னைகளை பேச்சுவார்த்தை மூலமே தீர்க்க வேண்டும். மாறாக வன்முறையை தேர்ந்தெடுத்தால், பிரச்னையும் தீராது, நாட்டின் பொருளாதாரமும் வீழ்ச்சியடையும். பயங்கரவாதத்தை ஒழிக்க அனைத்து நாடுகளும் ஒருங்கிணைந்து செயல்பட்டால், அமைதியான உலகை உருவாக்கலாம்.

எதிரியுடன் நீங்கள் அமைதியை பேண வேண்டுமெனில், அவர்களுடன் இணைந்து பணியாற்றுங்கள். பின் அவர்கள் உங்களது கூட்டாளியாகி விடுவார்கள்.
நெல்சன் மண்டேலா
முன்னாள் தென் ஆப்ரிக்கா அதிபர்

அமைதி என்பது கட்டாயத்தினால் ஏற்படுத்த முடியாது; ஒருவருக்கொருவர் புரிந்து கொள்ளுதல் மூலமே ஏற்படும்.
ஆல்பர் ஐன்ஸ்டீன்
அறிவியலாளர்

இருளை இருளால் போக்க முடியாது, ஒளி தான் இருளை போக்கும். அதே போல வெறுப்புணர்வை வெறுப்பால் போக்க முடியாது, அன்பால் தான் முடியும்.
மார்டின் லுாதர் கிங்
சமூக உரிமை போராளி

புன்னகையில் தொடங்குகிறது அமைதி
'புனிதர்' அன்னை தெரசா

அமைதி என்பது விபத்தல்ல;
அமைதி நன்கொடை அல்ல;
அமைதி ஏற்பட ஒவ்வொரு நாளும், ஒவ்வொரு நாடும் பணியாற்ற வேண்டும்.
பான் கி மூன்
ஐ.நா., பொதுச் செயலர்.

எம்.எல்., 'ரிசல்ட்:' இன்று வெளியீடு

சென்னை பல்கலையின், எம்.எல்., சட்ட மேற்படிப்புக்கான தேர்வு முடிவு, இன்று வெளியிடப்படுகிறது. இது குறித்து, சென்னை பல்கலை தேர்வு கட்டுப்பாட்டு அதிகாரி, திருமகன் வெளியிட்ட அறிவிப்பு: எம்.எல்., 
முதுநிலை சட்டப் படிப்புக்கு, ஜூனில் நடந்த தேர்வுக்கான முடிவுகள் இன்று வெளியிடப்படும்; பல்கலை இணையதளத்தில், முடிவுகளை அறிந்து கொள்ளலாம். அடுத்ததாக, டிசம்பரில் நடைபெற உள்ள எம்.எல்., தேர்வு எழுத விரும்புவோர், அக்., 17 வரை விண்ணப்பிக்கலாம்; தவறுவோர், அக்., 25 வரை அபராத தொகையுடன் விண்ணப்பிக்கலாம். இதுகுறித்த விபரங்களை, www.unom.ac.in என்ற இணையதளத்தில் அறியலாம்.
இவ்வாறு அறிவிப்பில் கூறப்பட்டுள்ளது

உள்ளாட்சி தேர்தலால் இடைத்தேர்தல் இல்லை

பிற மாநிலங்களில், இடைத்தேர்தல் அறிவிக்கப்பட்டுள்ள நிலையில், உள்ளாட்சி தேர்தல் காரணமாக, தமிழகத்தில் இடைத்தேர்தல் அறிவிக்கப்படவில்லை. தமிழக சட்டசபைக்கு, மே, 16ல் தேர்தல் 
நடந்தது. அப்போது, கரூர் மாவட்டம், அரவக்குறிச்சி; தஞ்சாவூர் மாவட்டம், தஞ்சாவூர் சட்டசபை தொகுதிகளில், பண பட்டுவாடா செய்யப்பட்டதாக புகார் எழுந்தது. அதனால், இரு தொகுதிகளிலும் தேர்தல் நிறுத்தி வைக்கப்பட்டது. அதன்பின், மே இறுதியில், மதுரை மாவட்டம், திருப்பரங்குன்றம், எம்.எல்.ஏ., சீனிவேல் இறந்தார்; இதன் காரணமாக, மூன்று தொகுதிகள் காலியாக உள்ளன. சட்டசபை உறுப்பினர் மறைவு காரணமாக, காலியாகும் சட்டசபை தொகுதிக்கு, ஆறு மாதங்களுக்குள் தேர்தல் நடத்த வேண்டும். அதன்படி, திருப்பரங்குன்றம் தொகுதிக்கு, நவ., 25க்குள் தேர்தல் நடத்தப்பட வேண்டும். அதனால், மற்ற மாநில இடைத்தேர்தலுடன் சேர்த்து, இம்மூன்று தொகுதிகளுக்கும் தேர்தல் நடத்தப்படும் என, எதிர்பார்க்கப்பட்டது.

தற்போது, ம.பி.,யில், ராஜ்யசபா எம்.பி., பதவி; தெலுங்கானாவில், சட்டசபை தொகுதிக்கு,

அக்., 17ல் தேர்தல் அறிவிக்கப்பட்டு உள்ளது; ஆனால், தமிழகத்திற்கு தேர்தல் அறிவிக்கப்படவில்லை. 'அடுத்த மாதம், உள்ளாட்சி தேர்தல் நடப்பதால், இங்கு இடைத்தேர்தல் அறிவிக்கப்படவில்லை' என, தேர்தல் கமிஷன் அதிகாரிகள் தெரிவித்தனர்.

சத்துணவுக்கான பயறு வகைகள் தரமானதாக வழங்க கோரிக்கை

'தரமான பயறு வகைகளை, வாணிபக் கழகம் சப்ளை செய்ய வேண்டும்' என, சத்துணவு மைய ஊழியர்கள் வலியுறுத்தி உள்ளனர். தமிழக பள்ளிகளில் உள்ள சத்துணவு மையங்களில், 
மாணவர்களுக்கு வாரத்தில் ஒருநாள், வேக வைத்த கருப்பு கொண்டை கடலை அல்லது பச்சை பயறு வழங்கப்படுகிறது. இதற்காக, ஏழு கோடி ரூபாய்க்கு, 700 டன் கருப்பு கொண்டை கடலை; மூன்று கோடி ரூபாய்க்கு, 400 டன் பச்சை பயறு வாங்க, வாணிபக் கழகம் முடிவு செய்துள்ளது. அதை, தரமானதாக வாங்க வேண்டும் என, வலியுறுத்தப்பட்டு உள்ளது.


இதுகுறித்து, சத்துணவு மைய ஊழியர்கள் கூறியதாவது: மாணவர்களுக்கு ஊட்டச்சத்து கிடைக்க, வேக வைத்த பயறு வகைகளை வழங்க வேண்டும்; இதற்காக, அரசு வழங்கும் பயறு வகைகளின் தரம் மோசமாக உள்ளது. வாணிபக் கழக அதிகாரிகளிடம், பலமுறை தெரிவித்தும், தீர்வு கிடைக்கவில்லை. இந்த முறையாவது, தரமான பயறு வாங்கி சப்ளை செய்ய, புதிதாக பொறுப்பேற்றுள்ள, வாணிபக் கழக நிர்வாக இயக்குனர் கோபால், நடவடிக்கை எடுக்க வேண்டும். இவ்வாறு அவர்கள் கூறினர்.

தேர்வில் முறைகேடு நடந்ததன் எதிரொலியாக ஈரோடு ஆதர்ஸ் வித்யாலயா பள்ளி தேர்வு மையத்தை ரத்து செய்ய நடவடிக்கை!!

ஈரோடு ஆதர்ஸ் வித்யாலயா மேல்நிலைப்பள்ளியில் தேர்வில் முறைகேடு நடந்ததையொட்டி அந்த பள்ளியின் தேர்வு மையத்தை ரத்து செய்ய அரசு தேர்வுத்துறை நடவடிக்கை எடுத்து வருகிறது.தேர்வு மையம்சென்னை டி.பி.ஐ. 
வளாகத்தில் உள்ள அரசு தேர்வுகள் துறை எஸ்.எஸ்.எல்.சி. மற்றும் பிளஸ்-2 தேர்வை நடத்தி வருகிறது. தேர்வு மையங்களை அரசு தேர்வுகள் இயக்குனரகம் முடிவுசெய்து அமைத்து வருகிறது.கடந்த மார்ச் மாதம் எஸ்.எஸ்.எல்.சி. மற்றும் பிளஸ்-2 தேர்வு தமிழ்நாடு முழுவதும் நடந்தது. பிளஸ்-2 வேதியியல் தேர்வில் விடைகளை ஆசிரியர்கள் திருத்தியபோது, 5 மாணவர்களின் விடைத்தாள்களில் ஒரு மதிப்பெண் கேள்விகளில் சில கேள்விகளுக்கு விடை அளித்தது ஒரே கையெழுத்தாக இருந்தது. அந்த 5 மாணவர்களும் ஈரோடு மாவட்டம் அந்தியூரில் உள்ள ஆதர்ஷ் வித்யாலயா மெட்ரிகுலேஷன் மேல்நிலைப்பள்ளி மாணவர்கள் என்று தெரியவந்தது.எனவே அந்த 5 மாணவர்களையும் தேர்வுத்துறை அதிகாரிகள் அழைத்து விசாரணை நடத்தினார்கள். விசாரணையில் அந்த மாணவர்கள் விடைத்தாளில் உள்ள குறிப்பிட்ட கையெழுத்து ‘எங்களுடையது இல்லை’ என்று கூறினார்கள்.4 ஆசிரியர்கள் இடைநீக்கம்இந்த நிலையில் பள்ளியில் தேர்வு பணியில் ஈடுபட்ட ஈரோடு மாவட்டம் மாத்தூர் மாடல் பள்ளி தலைமை ஆசிரியர் நஷீர், டி.ஜி.புதூர் அரசு மேல்நிலைப்பள்ளி தலைமை ஆசிரியர் ஜோசப் சகாயராஜ், பவானி அரசு மேல்நிலைப்பள்ளி முதுகலை பட்டதாரிகள் ஆறுமுகம், முருகன் ஆகிய 4 பேர்கள் இடை நீக்கம் செய்யப்பட்டனர்.தேர்வில் முறைகேடு நடந்ததையொட்டி அந்தியூர் ஆதர்ஷ் வித்யாலயா மேல்நிலைப்பள்ளியில் 10-வது வகுப்பு மற்றும் பிளஸ்-2 தேர்வு மையத்தை ரத்து செய்ய ஈரோடு மாவட்ட முதன்மை கல்வி அலுவலரிடம் இருந்து பரிந்துரையை அரசு தேர்வுகள் இணை இயக்குனர் எஸ்.உமா பெற்றுள்ளார்.இந்த பரிந்துரை அடிப்படையில் அந்த பள்ளி தலைமை ஆசிரியரிடம் இருந்து விளக்கம் கேட்டு கடிதம் அனுப்பப்பட்டுள்ளது

This is the handwriting of an 8th std student named prakriti malla.. this is selected as the best handwriting in India

ஆதார்' எண்ணை வங்கியில் சமர்ப்பிக்க... கெடு! 30க்குள் பதியவில்லை எனில் காஸ் மானியம் 'கட்!'

வீட்டு சமையல் காஸ் சிலிண்டர் வாடிக்கை யாளர்கள், இம்மாத இறுதிக்குள், வங்கி மற்றும் காஸ் ஏஜன்சிகளில், 'ஆதார்' எண் அடங்கிய அட்டை நகல் தராவிட்டால், மானியம் நிறுத்தப் படும்;அட்டை நகல் கொடுத்தால் தான் மானியம் கொடுப்பது தொடரும்.

மத்திய அரசின் நேரடி மானிய திட்டத்தின் கீழ், வீட்டு சமையல் காஸ் சிலிண்டர் வாடிக்கை
யாளர்கள், சந்தை விலையில் காஸ் சிலிண்டர் வாங்க வேண்டும். பின், அதற்கான மானியம், அவர்களது வங்கி கணக்கில் நேரடியாக வரவு வைக்கப்படும்.

தமிழகத்தில், பொதுத்துறையை சேர்ந்த இந்தியன் ஆயில், பாரத் மற்றும் இந்துஸ்தான் 
பெட்ரோலிய நிறுவனங்களில், 1.67 கோடி, வீட்டு சமையல் காஸ் சிலிண்டர் வாடிக்கை யாளர்கள் உள்ளனர்.நேரடி மானிய திட்டத்தில் இணைய, வங்கி கணக்கு புத்தக நகல் மற்றும் ஆதார் அட்டை நகலை, காஸ் ஏஜன்சி மற்றும் வங்கிகளில், வாடிக்கையாளர்கள் வழங்க 
வேண்டும். ஆரம்பத்தில், பலரிடம் ஆதார் அட்டை இல்லாததால் வங்கி புத்தக நகல் மட்டும் பெற்று,மானிய திட்டத்தில் 
சேர்க்கப்பட்டனர்.

தற்போது, காஸ் சிலிண்டர் மானிய திட்டத் திற்கு, ஆதார் அட்டை விபரத்தை, மத்திய அரசு கட்டாயமாக்கி உள்ளது. 1.67 கோடி வாடிக்கை யாளர்களில், 1.28 கோடி பேர் மட்டுமே ஆதார் நகலைவழங்கி உள்ளனர். மீதமுள்ளோர் இம்மாத இறுதிக்குள், வங்கி மற்றும் ஏஜன்சி களில் ஆதார் நகலை தர வேண்டும்; இல்லை யெனில், காஸ் மானியம் நிறுத்தப்படும்.

இதுகுறித்து, எண்ணெய் நிறுவன அதிகாரி ஒருவர் கூறியதாவது:

காஸ் ஏஜன்சி மற்றும் வங்கிகளில், ஆதார் அட்டை நகல் தராதவர்கள், இம்மாத இறுதிக் குள் தர வேண்டும். வரும், 30ம் தேதிக்குள் வழங்கினால், மூன்று மாதங்களுக்கான மானியமும் சேர்த்து வழங்கப்படும்; நகல் தராதோருக்கு மானியம் ரத்து செய்யப்படும். எப்போது ஆதார் விபரம் தருகின்றனரோ அன்று முதல் மானியம் கிடைக்கும். இவ்வாறு அவர் கூறினார்.

பிறந்த குழந்தைக்கும் இனி ஆதார் அட்டை!

இனி, ஐந்து வயதுக்கு குறைவான. குழந்தைகளுக்கும், 'ஆதார்' எண் எடுத்து கொள்ளலாம் எனஅறிவிக்கப்பட்டுள்ளது. இந்தக் குழந்தைகளுக்கு, கை ரேகை, கண் கருவிழி பதிவு தேவையில்லை; முகத்தை மட்டும் புகைப்படம் எடுத்து, பெற்றோரில் ஒருவரது ஆதார் எண் அடிப்படையில், தனி ஆதார் எண் வழங்கப்படும்.

ஆதார் திட்ட தமிழக கண்காணிப்பு அதிகாரி யும்,மக்கள் தொகை பதிவு இணை இயக்குன ருமான, எம்.ஆர்.வி. கிருஷ்ணா ராவ் கூறிய தாவது:மத்திய அரசு திட்டத்தில், ஐந்து வயது பூர்த்தியான குழந்தைகளுக்கே ஆதார் பதிவு நடக்கிறது. ஆனால், தமிழக அரசு, ஐந்து வயதுக்கு கீழ் உள்ளவர்களுக்கும் ஆதார் எண் வழங்க, மத்திய அரசிடம் சிறப்பு அனுமதி பெற்றுள்ளது.இவ்வாறு அவர் கூறினார்.

தமிழகத்தில் மட்டும் துவங்கியுள்ள இந்தத் திட்டத்தில், இனி பிறந்த குழந்தைக்கும், ஆதார் எண் வழங்கப்படும். எதிர்காலத்தில், பிறப்பு சான்றிதழுடன், ஆதார் எண் வழங்கும் திட்ட மும் அறிமுகமாக வாய்ப்புள்ளது என, அரசு வட்டாரங்கள் தெரிவிக்கின்றன. ஐந்து வயது குழந்தைகளுக்கான ஆதார் குறித்த விபரங் களை,மாநகராட்சி மண்டல அலுவலகம், வருவாய் துறை அலுவலகம் மற்றும் இ - சேவை மையங்களில் தெரிந்து கொள்ளலாம்.

அரசு உதவி பள்ளிகளில் 3,000 உபரி ஆசிரியர்கள்

அரசு உதவி பெறும் தொடக்கப் பள்ளிகளில், 3,000க்கும் மேற்பட்ட ஆசிரியர்கள் உபரியாக உள்ளனர். தமிழகத்தில் உள்ள, 45 ஆயிரம் தொடக்க மற்றும் நடுநிலைப் பள்ளிகளில், 31 ஆயிரம் பள்ளிகள், அரசின் கட்டுப்பாட்டில் செயல்படுகின்றன; 6,500 பள்ளிகள், அரசு உதவி பெறும் பள்ளிகள்; மற்றவை தனியார் பள்ளிகள்.
இதில், அரசு உதவி பெறும் பள்ளிகளில் மட்டும், 11.50 லட்சம் மாணவ, மாணவியர் படிக்கின்றனர். இவர்களுக்கு, 36 ஆயிரம் ஆசிரியர்கள்உள்ளனர்.ஆனால், மத்திய அரசின் சட்டப்படி, 35 மாணவர்களுக்கு, ஒரு ஆசிரியர் வீதம், 33 ஆயிரம் ஆசிரியர்கள் மட்டுமே பணியில் இருக்க வேண்டும்.

கிட்டத்தட்ட, 3,000க்கும் மேற்பட்ட ஆசிரியர்கள், அரசு உதவி பெறும் தொடக்க மற்றும் நடுநிலைப் பள்ளிகளில் கூடுதலாக பணியாற்றுகின்றனர். அதிலும், குறிப்பிட்ட சில மாவட்ட பள்ளிகளில் மட்டும், இத்தகையை ஆசிரியர்களின் எண்ணிக்கை அதிகம். அதேநேரத்தில், பல மாவட்டங்களில் உள்ள, அரசு உதவி பெறும் பள்ளிகளில் ஆசிரியர்களுக்கு பற்றாக்குறை உள்ளது.எனவே, தொடக்கக் கல்வித் துறை அதிகாரிகள், இந்த பள்ளிகளை ஆய்வு செய்து, கூடுதல் ஆசிரியர்களை, தேவைப்படும் மாவட்டங்களுக்கு மாற்ற வேண்டும் என்ற கோரிக்கை எழுந்துள்ளது.