Subscribe Our YouTube channel

எங்கள் செய்திகளை உடனுக்குடன் தெரிந்துகொள்ள எங்களுடைய அப்ப்ளிகேஷனை கீழேயே உள்ள இமேஜை கிளிக் செய்து google playstore இல் டவுன்லோட் செய்து கொள்ளுங்கள் நன்றி...!!!

Wednesday, 28 September 2016

அசத்தும் அரசுப்பள்ளி ஆசிரியர்களுக்கான அடிப்படைக் கணினிப் பயிற்சி .....

தமிழகத்தில் அரசு பள்ளிகள் காணாமல் போகும் அவலம் !!!

தமிழகத்தில் கடந்த 3 ஆண்டுகளில் மட்டும் 12 மாவட்டங்களில் உள்ள 38 க்கும் மேற்பட்ட அரசு பள்ளிகள் மூடப்பட்டுள்ளது தெரிய வந்துள்ளது.தமிழகத்தில் அரசு பள்ளிகளின் நிலை குறித்து தகவல் அறியும் உரிமை சட்டம் மூலம் கேட்கப்பட்டது. இதற்கு என்ஜிஓ.,க்கள் நடத்திய ஆய்வின் அடிப்படையில் பதிலளிக்கப்பட்டுள்ளது. தமிழகத்தில் சென்னை, வேலூர், சேலம், திருச்சி, திண்டுக்கல் உள்ளிட்ட 15 மாவட்டங்களில் உள்ள 155 பள்ளிகள் மூடப்படும் அபாய நிலையத்தில் உள்ளது
ஆய்வில் தெரிய வந்துள்ளது. மாணவர்களின் எண்ணிக்கை, ஆசியர்களின் எண்ணிக்கை, உள்கட்டமைப்பு, விளையாட்டு மைதானம், கழிப்பறை வசதி, பாதுகாப்பான குடிநீர் வசதி உள்ளிட்டவைகளின் அடிப்படையில் இந்த ஆய்வு மேற்கொள்ளப்பட்டுள்ளது.

இதில், மூடப்படும் நிலையில் இருக்கும் 155 பள்ளிகளில், 111 பள்ளிகளில் 25 க்கும் குறைவான மாணவர்களே உள்ளனர். 36 பள்ளிகளில் 10க்கும் குறைவான மாணவர்களே உள்ளனர். 37 சதவீதம் பள்ளிகளில் மேற்கூரை இல்லாமலும், 77 சதவீதம் பள்ளிகளில் ஆய்வகங்கள், கம்ப்யூட்டர் அல்லது நூலக வசதி இல்லாமலும், 50 சதவீதம் பள்ளிகள் விளையாட்டு மைதானம், சுற்றுச்சுவர் இல்லாமலும், 38 சதவீதம் பள்ளிகளில் பாதுகாப்பான குடிநீர் வசதி மற்றும் கழிப்பறை இல்லாமலும், 75 சதவீதம் பள்ளிகளில் போதிய வகுப்பறைகள் இல்லாமலும் உள்ளன. 22 ஆரம்பப் பள்ளிகளில் ஒரே ஒரு ஆசிரியரும், 103 பள்ளிகளில் 2 ஆசிரியர்களும் மட்டுமே உள்ளது ஆய்வில் தெரிய வந்துள்ளது.

அனைத்து மாவட்ட பள்ளிகளிலும் கல்வித்துறை அதிகாரிகள் ஆய்வு மேற்கொண்டு, மூடப்படும் நிலையில் உள்ள அரசு பள்ளிகளை தரம் உயர்த்தவோ அல்லது மற்ற பள்ளிகளுடன் ஒன்றிணைக்கவோ அரசு நடவடிக்கை மேற்கொள்ள வேண்டும் என என்ஜிஓ.,க்கள் அரசுக்கு பரிந்துரை செய்துள்ளனர்.

மனுநீதி நாள், மக்கள் குறை தீர்க்கும் நாள் நடத்த தடை !

தமிழக உள்ளாட்சி தேர்தல் அக்டோபர் 17 மற்றும் 19 ஆகிய தேதிகளில் நடக்க உள்ளது. தேர்தல் தேதி அறிவிக்கப்பட்டுள்ளதால் தேர்தல் நடைமுறைகள் அமலில் உள்ளன.

இதனால் தேர்தல் நடத்தும் அலுவலர்கள் மற்றும் மாவட்ட தேர்தல் 
அலுவலர்களுடன் மாநில தேர்தல் கமிஷன் இன்று ஆலோசனை நடத்தியது. இதில் தேர்தல் நடத்தும் அலுவலர்களுக்கு சில அறிவுரைகளை வழங்கியது. அதன்படி, அரசு நிதியில் கட்டப்பட்ட எம்எல்ஏ அலுவலகத்தை தேர்தல் பணிக்காக பயன்படுத்தக் கூடாது. கட்சிகள் அமைப்பு தலைவர்களுக்கு வழங்கப்பட்ட வாகனங்களை பயன்படுத்தக் கூடாது. தேர்தல் முடியும் வரை மனுநீதி நாள், மக்கள் குறை தீர்க்கும் நாள் ஆகியன நடத்தக் கூடாது என்பன உள்ளிட்ட அறிவுரைகளை வழங்கி உள்ளது.

ஒரே நாளில் 45 ஆயிரம் 'சிம் கார்டு' பி.எஸ்.என்.எல்., விற்பனை !

தமிழகத்தில், ஒரே நாளில், 45 ஆயிரம், 'மொபைல் போன்' வாடிக்கையாளர்களை, பி.எஸ்.என்.எல்., நிறுவனம் பெற்றுள்ளது.

தொலைத் தொடர்பு துறையில், அதிகரித்து வரும் போட்டியால், வாடிக்கையாளர்களை கவர, பி.எஸ்.என்.எல்., நிறுவனம், தமிழகம் முழுவதும், 'மெகா மேளா'வை நடத்தியது. எதிர்பார்த்த அளவில், புதிய, தரைவழி தொலைபேசி 
வாடிக்கையாளர்கள் கிடைக்காவிட்டாலும், அதிக அளவு, மொபைல் போன் வாடிக்கையாளர்கள் கிடைத்தனர்.
இது குறித்து, தமிழக தொலைத் தொடர்பு வட்ட அதிகாரிகள் கூறியதாவது:
வாடிக்கையாளர்களை கவரும் நோக்கில், சென்னை வட்டம் தவிர்த்த, இதர மாவட்டங்களில், செப்., 15ல், 'மெகா மேளா' நடத்தினோம். அன்று, உடனே இணைப்பு வழங்க நடவடிக்கை எடுத்தோம். அதனால், ஒரே நாளில், 45 ஆயிரம், மொபைல் போன், 'சிம் கார்டுகள்' விற்பனையானது.

இதுதவிர, 2,600, 'இன்டர்நெட், பிராட் பேண்ட்' மற்றும் தொலைபேசி வாடிக்கையாளர்களும், புதிதாக கிடைத்தனர். இவ்வாறு அவர்கள் தெரிவித்தனர்.

இந்தியாவில் 2012-ல் 6 லட்சம் பேர் இறப்புக்கு காற்று மாசு காரணி: உலக சுகாதார அமைப்பு

தலைநகர் டெல்லியில் அயல்நாட்டு பயணிகள்

தொழிற்சாலை, வாகனப்புகை மற்றும் பயோமாஸ் ஆகிய காரணங்களினால் மாசடைந்த காற்றை சுவாசித்து 2012-ம் ஆண்டில் 6 லட்சம் இந்தியர்கள் இறந்துள்ளதாக ஐ.நா.வின் உலகச் சுகாதார மையத்தின் ஆய்வு ஒன்று தெரிவித்துள்ளது. 

உலகம் முழுதும் மாசடைந்த காற்றுக்கு சுமார் 30 லட்சம் பேர் இறந்துள்ளனர் என்றால், இந்தியாவில் இதன் பாதிப்பினால் சுமார் 6 லட்சம் பேர் 2012-ம் ஆண்டு இறந்துள்ளதாக திங்களன்று வெளியிடப்பட்ட உலகச் சுகாதார மைய அறிக்கையில் தெரிவிக்கப்பட்டுள்ளது. 

தொழிற்சாலை கரியமிலவாயு வெளியேற்றம் உட்பட வாகனப்புகை, பயோமாஸ் ஆகியவற்றின் காரணமாக காற்றில் கலக்கும் நச்சு நுண் துகள் (PM2.5) நேரடி அல்லது மறைமுக தாக்கத்தினால் இருதய நோய் மற்றும் நுரையீரல் புற்று நோய் காரணமாக இந்த இறப்புகள் நிகழ்ந்துள்ளதாக அந்த அறிக்கை எச்சரித்துள்ளது. 

கரியமிலவாயு வெளியேற்றத்தில் எந்த ஒரு சமரசத்திற்கும் இடம் தர மறுக்கும் சீனாவில் சுமார் 8 லட்சம் பேர் மரணித்துள்ளனர்.

வெளிப்படையாக கிடைக்கும் காற்றிலடையும் மாசு பற்றிய தேசியத் தரவுகளை அடிப்படையாகக் கொண்டு கணித மாதிரியில் இந்த எண்ணிக்கையை உலகச் சுகாதார மையம் வந்தடைந்துள்ளது. 

இந்தியாவில் மாரடைப்பு நோய்க்கு 2,49,388 பேர்களும், ஸ்ட்ரோக் பாதிப்பில் 1,95,001 பேர்களும் COPD என்று அழைக்கப்படும் நீண்ட நாளைய நுரையீரல் அடைப்பு நோய்க்கு 1,10,500 பேர்களும் 26,334 பேர் நுரையீரல் புற்று நோய்க்கும் பலியாகியுள்ளனர். 

ஆனால் இந்த எண்ணிக்கைகளிலும் காற்றில் உள்ள பிற மாசுக்கூறுகளான நைட்ரஜன் ஆக்சைடுகள், அல்லது ஓசோன் ஆகியவற்றினால் ஏற்படும் நோய் பற்றி குறிப்பிடப்படவில்லை என்று இந்த ஆய்வை நடத்தியவர்கள் தெரிவிக்கின்றனர். 

PM2.5 என்ற காற்றில் கலக்கும் நச்சு நுண் துகள்களின் பாதிப்பினால் நீண்ட நாளைய நோய்களும் இதனால் குறிபிட்ட ஆயுளுக்கு முன்னதாகவே இறப்புகள் ஏற்படுகிறது. 

இதன் பாதிப்பு உலகம் முழுதும் இருந்தாலும் குறைந்த, நடுத்தர வருவாய் நாடுகளில் இதன் தாக்கத்தினால் இறப்புகள் அதிகம் ஏற்பட்டு வருகிறது. 

உலகச் சுகாதார அமைப்பு பிரிட்டனில் உள்ள பாத் பல்கலைக்கழக உதவியுடன் கிராமப்புறம் மற்றும் நகர்ப்புறம் உட்பட சுமார் 3,000 இடங்களில் கண்காணிப்பு நிலையங்களை நிறுவி சாட்டிலைட் அளவுகள், காற்றுப் போக்குவரத்து மாதிரிகள் ஆகியவற்றை ஆராய்ந்துள்ளன. 

நகரங்களில் வாழும் 80% மக்களுக்கு மாசடைந்த காற்றினால் கடும் பாதிப்புகள் ஏற்படுகின்றன என்கிறது இந்த ஆய்வு. குறிப்பாக குறைந்த வருவாய், நடுத்தர வருவாய் நாடுகளில் உள்ள 98% நகரங்கள் இத்தகைய காற்று மாசிற்கு ஆட்பட்டுள்ளன. உலகச் சுகாதார அமைப்பு நிர்ணயித்துள்ள வரம்புகளை இந்த நகரங்களின் காற்று மாசு கடந்துள்ளது. அதிவருவாய் நாடுகளில் 56% நகரங்கள் பாதிப்படைகின்றன என்று எச்சரித்துள்ளது இந்த ஆய்வு

தேர்தல் பயிற்சி வகுப்புகள் காஞ்சிபுரம் மாவட்டம் அச்சிரபாக்கம் ஒன்றியம் !!!

சாதா போன்களின் தேவை அதிகரிப்பு!!!

கடந்த ஆண்டு, இந்தியாவில் ஸ்மார்ட்போன்களின் விற்பனை 29 சதவிகிதம் அதிகரித்தது. ஆனால் தற்போது, சாதா (Basic) போன்களுக்கான தேவை அதிகரித்துள்ளது. ஸ்மார்ட்போன் விற்பனை அதிகரித்துவந்தாலும், அடுத்த சில வருடங்களில் ஸ்மார்ட்போன் விற்பனை 7 முதல் 11 சதவிகிதம் வரை குறையும் என்று ஆய்வுகள் தெரிவிக்கின்றன.

இந்த வருடம் சாதா போன்களின் விற்பனை 10 சதவிகிதம் அதிகரித்துள்ளது. குறிப்பாக, கிராமப்புறங்களில் இவற்றின் விற்பனை அதிகளவில் நடந்துள்ளது. ஸ்மார்ட்போன்களில் தொழில் நுட்ப வசதிகள் அதிகளவில் இருந்தாலும், கிராமப்புறங்களில் உள்ள மக்கள் மற்றவர்களை தொடர்புகொண்டு பேசுவதற்கு மட்டுமே போன்களை பயன்படுத்துகின்றனர். இதன் காரணமாகவே சாதா போன்களின் விற்பனை அதிகரித்துள்ளது.

எனவே, அடுத்த சில ஆண்டுகளில் சாதா போன்களின் விற்பனை மேலும் அதிகரிக்கும் என்று தெரிகிறது. கிராமப்புறங்களில் சாதா போன்களின் பயன்பாடு அதிகளவில் உள்ளதைப்போலவே, நகர்ப்புறங்களிலும் அடுத்த சில ஆண்டுகளில் இவ்வகை போன்களின் பயன்பாடும் அதிகரிக்கும் என்று தெரிகிறது.

ஸ்மார்ட்போன்களில் பேட்டரி விரைவில் தீர்ந்துவிடுவதால் அதிகநேரம் வாய்ஸ் கால்களை உபயோகிப்பவர்களுக்கு ஸ்மார்ட்போன் போதுமானதாக இருப்பதில்லை. இதனால் அவர்கள் வாய்ஸ் கால்களுக்கு மட்டும் உபயோகிக்க பேசிக் மாடல் போன்களை பயன்படுத்தத் தொடங்கியுள்ளனர். இதுபோன்ற காரணங்களால் பேசிக் போன்களின் விற்பனை வரும் காலங்களில் அதிகரிக்கும் என்று எதிர்பார்க்கப்படுகிறது.

தமிழ்நாடு வேர்ஹவுசிங் கார்ப்பரேசனில் பணியிடங்கள்!!!

சென்னையில் உள்ள வேர்ஹவுசிங் கார்ப்பரேசன் நிறுவனத்தில் மேனேஜ்மென்ட் டிரெய்னி மற்றும் அசிஸ்டென்ட் பிரிவில் காலியாக உள்ள பணியிடங்களை நிரப்புவதற்கு அறிக்கை வெளியிடப்பட்டுள்ளது. இதற்கு தகுதியும் விருப்பமும் உள்ளவர்களிடம் இருந்து விண்ணப்பங்கள் வரவேற்கப்படுகின்றன.

பணியின் பெயர்: பொதுப்பிரிவு மேனேஜ்மென்ட் டிரெய்னி

பணியிடங்கள் : 37

வயது வரம்பு : 28 வயதுக்குள் இருக்க வேண்டும்.

கல்வித் தகுதி ; எம்.பி.ஏ. (பெர்சானல் மேனேஜ்மென்ட், மார்கெட்டிங், ஐ.ஆர் அல்லது எச்.ஆர் பிரிவில் படித்திருக்க வேண்டும்)

பணியின் பெயர் : டெக்னிக்கல் பிரிவு மேனேஜ்மென்ட்

பணியிடங்கள் : 6

வயது வரம்பு : 28 வயதுக்குள் இருக்க வேண்டும்.

கல்வித் தகுதி :அக்ரிகல்ச்சர், பயோ கெமிஸ்ட்ரி, உயிரியல், எண்டமாலஜி ஆகியவற்றில் ஏதாவது ஒரு துறையில் முதுகலை பட்டப்படிப்பு படித்திருக்க வேண்டும்.

பணியின் பெயர் : சிவில் அசிஸ்டென்ட் இன்ஜினியரிங்.

பணியிடங்கள் : 15.

வயது வரம்பு : 3௦ வயதுக்குள் இருக்க வேண்டும்.

கல்வித் தகுதி : சிவில் இன்ஜினியரிங்.

பணியின் பெயர் : சூப்பர் அசிஸ்டென்ட்.

பணியிடங்கள் : 13௦

வயது வரம்பு :3௦ வயதுக்குள் இருக்க வேண்டும்.

கல்வித் தகுதி : ஏதேனும் ஒரு துறையில் பட்டப்படிப்பு முடித்திருக்க வேண்டும்.

பணியின் பெயர் : டெக்னிக்கல் அசிஸ்டென்ட்.

பணியிடங்கள் : 300

வயது வரம்பு : 28 வயதுக்குள் இருக்க வேண்டும்.

கல்வித் தகுதி : அக்ரிகல்சர், பயோ கெமிஸ்ட்ரி, உயிரியல், எண்டமாலஜி ஆகியவற்றில் ஏதாவது ஒரு துறையில் முதுகலை பட்டப்படிப்பு படித்திருக்க வேண்டும்

பணியின் பெயர்: ஸ்டெனோகிராபர்.

பணியிடங்கள் : 8

வயது வரம்பு : 25 வயதுக்குள் இருக்க வேண்டும்.

கல்வித் தகுதி: பத்தாம் வகுப்பு தேர்ச்சி.

தேர்வு முறை : ஆன்லைன் தேர்வு, நேர்முகத் தேர்வு.

விண்ணப்பக் கட்டணம் : ரூ.400/-

கடைசித் தேதி : 13/1௦2௦16

மேலும் விவரங்களுக்கு: www.tnwc.in என்ற முகவரியைப் பார்த்து தெரிந்து கொள்ளவும்.

Minimum wage and fitment formula for Central Government Employees !!!

The 7th CPC while calculating the minimum wage of Central Government Employees has arrived at Rs 18,000/- the 7th CPC has erred in prescribing provision to cover education, recreation, ceremonies, festivals and medical expenses has been moderated to 15 percent against the provision of 25% . Supreme Court’s ruling in the Raptakos Brett Vs Workmen case of 1991 , the

Hon’ble Supreme Court delivered a historic judgement and directed that children’s education, medical requirement, minimum recreation including festivals/ceremonies, provision for old age, marriage etc. should further constitute 25% of the minimum wage and be used as a guide in fixation of minimum wage.

The Hon’ble Minister of Labour & Employment Shri Bandaru Dattatreyaji in his press statement on 24-September-2016 has stated in Understanding Minimum Wages and Bonus article as follows.
“The norms recommended by the Indian Labour Conference, in 1957, fox fixing the minimum wages are: (a) consumption units for one wage earner; (b) minimum food requirements of 2700 calories per average Indian adult; (c) clothing requirements of 72 yards per annum per family; (d) rent corresponding to the minimum area provided for under Government’s Industrial Housing Scheme; and (e) fuel, lighting and other miscellaneous items of expenditure to constitute 20% of the total minimum wage.

In 1991, the Hon’ble Supreme Court delivered a historic judgement and directed that children’s education, medical requirement, minimum recreation including festivals/ceremonies, provision for old age, marriage etc. should further constitute 25% of the minimum wage and be used as a guide in fixation of minimum wage.”

If this provision is alone adopted should have been adopted by the 7th CPC, the minimum wage would have increased by more than 10% and worked out to Rs 20,000/-. The fitment formula will work out to 2.86. If the entire minimum wage is recalculated based on actual retail prices as on July 2015 without applying average of 12 months and correct methodology the minimum wage would be Rs 26,000/ and fitment formula would be around 3.5 .
The minister statement should be applied by the Government in true spirits and the minimum wage and fitment formula should be enhanced accordingly.

Comradely yours
(P.S.Prasad)
General Secretary

ரயில்வே ஊழியர்களுக்கு 78 நாட்கள் போனஸ்!!

ரயில்வே ஊழியர்களுக்கு போனஸ் வழங்க மத்திய அமைச்சரவை ஒப்புதல் அளித்துள்ளது.
ரயில்வே துறையில் பணிபுரியும் சி மற்றும் டி நிலை ஊழியர்களுக்கு 78 நாட்கள் சம்பளத்தை போனசாக வழங்க இன்று நடந்த மத்திய அமைச்சரவை 
கூட்டத்தில் ஒப்புதல் அளிக்கப்பட்டது. இந்த போனஸ் மூலம் 12,60,000 ஊழியர்கள் பயனடைவார்கள்.

ரயில்வே ஊழியர்களுக்கு போனஸ் வழங்குவதற்காக ரூ.2090.96 கோடியை மத்திய அரசு ஒதுக்கீடு செய்துள்ளது.

வாக்குச்சாவடி அலுவலர்(PO) - மண்டல அலுவலரிடம்(zonal officer) ஒப்படைக்க வேண்டிய பொருள்கள் விபரம் !!!

ELECTION-2016:வாக்குச்சாவடி அலுவலர்(PO) - மண்டல அலுவலரிடம்(zonal officer) ஒப்படைக்க வேண்டிய பொருள்கள் விபரம்👇👇

வாக்குச்சாவடி தலைமை அலுவலர் கீழ் கண்ட பொருள்களை மண்டல அலுவலரிடம் ஒப்படைக்க வேண்டும்:

      *🌹பகுதி - I🌹*

1. வாக்குப் பதிவு இயந்திரம் 1/2/3 2. வாக்குப் பதிவு இயந்திர
கட்டுப்பாட்டு கருவி - 1 (இவற்றை முறையாக மூடி, வாக்குச்சாவடி தலைமை அலுவலர் மெட்டல் சீல் வைக்க வேண்டும். முகவர்களும் முத்திரை வைக்கலாம்)   

                                     

       *🌹பகுதி - II🌹*

                             (4 வகை படிவங்கள்: வெள்ளை நிற கவர்கள்) (கீழ் கண்ட படிவங்களை பூர்த்தி செய்து வெள்ளை நிற கவரில் வைக்கவும். ஒட்டக் கூடாது. மண்டல அலுவலர் சரி பார்த்த பின்பு தான் ஒட்ட வேண்டும்.) 1. படிவம் 17 C  (3 பிரதிகள் தயார் செய்ய வேண்டும். வாக்குச்சாவடியில் இருக்கும் அனைத்து முகவர்களுக்கும் ஒரு நகல் தர வேண்டும். மிக முக்கியமான படிவம்.) 2. வாக்குச்சாவடி தலைமை அலுவலரின் உறுதி மொழி படிவம் - 3 வாக்குச்சாவடி தலைமை அலுவலர் 3 முறை  உறுதி மொழி அறிக்கையை படிக்க வேண்டும்.  (மாதிரி வாக்குப்பதிவு முடிந்தவுடன் முறையான வாக்குப்பதிவு தொடங்கும் முன் காலை 7 மணிக்கு / வாக்குப்பதிவு முடிந்தவுடன் மாலை 6 மணிக்கு / வாக்குப்பதிவு இயந்திரம் மற்றும் கட்டுப்பாட்டு கருவிகளை உரிய பெட்டியில் வைத்து அரக்கு வைத்து மெட்டல் சீல் வைத்தவுடன்)இப்படிவத்தில் அனைத்து முகவர்களிடமும் கையொப்பம் பெற வேண்டும்.   3.  வாக்குச்சாவடி தலைமை அலுவலரின் நாட்குறிப்பு 4. தேர்தல் பார்வையாளரின் 16 விவரங்கள் அடங்கிய குறிப்புரை

                                  

     *🌹பகுதி - III 🌹*

              (5 வகை பொருள்கள்/படிவங்கள்:  பச்சை நிற கவர்கள்)

(இவை சட்டப்பூர்வமான கவர்கள்: பச்சை நிறத்தில் இருக்கும். வாக்குப்பதிவு முடிந்தவுடன் இவற்றை கவரில் வைத்து முகவர்கள் முன்னிலையில் ஒட்டி, அரக்கு வைக்க வேண்டும். இந்த கவர்கள் மீது முகவர்கள் கையொப்பமிட விரும்பினால் அனுமதிக்க வேண்டும். கவரின் பின்புறம் கையொப்பம் இட சொல்ல வேண்டும். கீழ்க் கண்ட 5 கவர்களையும் பூர்த்தி செய்து பச்சை நிற பெரிய கவரில் போட வேண்டும்.)

1. முதல் வாக்குப்பதிவு அலுவலர் பதிவு செய்த வாக்காளர் விவரம் அடங்கிய பட்டியல்  (The sealed cover containing the marked copy of the Electoral roll) 2. இரண்டாம் வாக்குப்பதிவு அலுவலர்  பதிவு செய்த 17 A பதிவேடு   (The sealed cover containing Register of Voters - FORM 17A) 3. மூன்றாம்  வாக்குப்பதிவு அலுவலர் கைவசம் இருக்கும் வாக்காளர் சீட்டு (வாக்குப்பதிவு இயந்திரத்தில் பதிவான ஓட்டுகளின் எண்ணிக்கையும், மூன்றாம்  வாக்குப்பதிவு அலுவலர் கைவசம் இருக்கும் வாக்காளர் சீட்டுகளின் எண்ணிக்கையும் ஒன்றாக இருக்க வேண்டும்)  

 (The sealed cover containing Voters slip) 4. பயன்படுத்தப் படாத Tendered Ballot Papers.   (The sealed cover containing Unused Tendered Ballot Papers.) 5 பயன்படுத்தப் பட்ட  Tendered Ballot Papers மற்றும் விவரப் பட்டியல்  (படிவம் 17B)

 (The sealed cover containing Used Tendered Ballot Papers and list in 17B.)

                                

*🌹பகுதி - IV🌹*

               

             (11 வகை பொருள்கள்/படிவங்கள் மஞ்சள்  நிற கவர்கள்)  (இவை சட்டபூர்வ முறைமையற்ற  கவர்கள்: மஞ்சள் நிறத்தில் இருக்கும். இந்த கவர்களை ஒட்டி, அரக்கு வைக்க வேண்டும்.) 1. சரிபார்த்தலுக்காக வழங்கப்பட்ட பிற வாக்காளர் பட்டியல்கள்ம்  ( The sealed cover containing the copy or copies of electoral roll - other than the marked copy)2. முகவர்களின் நியமனக் கடிதம் படிவம் 10 ( The sealed cover containing the appointment letters of polling Agents in Form 10)

3. தேர்தல் பணியில் ஈடுபடுவோர் பணிசான்றை (EDC Certificate) பயன்படுத்தி, பணிபுரியும் வாக்கு சாவடியிலேயே வாக்கை பதிவு செய்திருந்தால், அவரிடம் உள்ள பணிசான்றினை பெற்று இந்த கவரில் வைத்து அரக்கு வைக்க வேண்டும்.

( The sealed cover containing the Elction Duty Certificates in Form 12 B) 4. Challenged ஓட்டு அளித்தவர்களின் விவரப் பட்டியல் படிவம் 14  ( The sealed cover containing the list of Challenged Votes in Form 14)

5. கண்பார்வை இல்லாதவர்கள் மற்றும் வயது முதிர்ந்தோர் வாக்களிக்க துணையாக வருவோர் வாக்குப் பதிவு ரகசியத்தை காப்பேன் என  உறுதிமொழி அளிக்கும் கடிதம். படிவம் 14 A.

 ( The sealed cover containing the list of Blind and inform Electors in Form 14A and the declaration of the companion)6. தோற்றத்தில் 18 வயதை விட குறைவானவர் போல தோற்றம் அளித்தால், வாக்கு சாவடி தலைமை அலுவலர் அவரிடம் விசாரணை செய்து, அவரிடம் பெற்ற  உறுதி மொழிக் கடிதம் மற்றும் இதுபோல வந்த வாக்காளர்களுக்கு வாக்களிக்க அனுமதி அளிக்கப் பட்டதா? மறுக்கப் பட்டதா? என்ற விவரப் பட்டியல்  

 ( The sealed cover containing the declarations obtained from the Electors as to their age and the list of such Electors)

7. Challenged ஓட்டுக்காக முகவரிடம் பெறப்பட்ட பணம் மற்றும் அதற்கான ரசீது, முகவரிடமிருந்து பெறப்பட்ட தொகை திரும்ப அவருக்கு அளிக்கப் பட்டிருந்தால், முகவரிடம் பெறப்பட்ட ஒப்புதல் ரசீது  

( The cover containing the receipt book and cash, if any, in respect of Challenged votes)8. பயன்படுத்தப்படாத மற்றும் சேதமடைந்த பச்சை நிற தாள்கள் ( The cover containing Unused and Damaged Green paper seals) 9. பயன்படுத்தப்படாத வாக்காளர் சீட்டுகள்  ( The cover containing Unused voter slips) 10. பயன்படுத்தப்படாத மற்றும் சேதமடைந்த Special Tags. ( The cover containing with Unused and Damaged Special Tags) 11. பயன்படுத்தப்படாத மற்றும் சேதமடைந்த Strip Seals.( The cover containing Unused and Damaged Strip Seals.)                              

                                                                                            *🌹பகுதி - V🌹*

            (7 வகை பொருள்கள்/படிவங்கள் பிரவுன்/காக்கி நிற கவர்கள்)   1. வாக்குச்சாவடி தலைமை அலுவலருக்கான பயிற்சி கையேடு  (The Hand book for presiding officer) 2. வாக்கு பதிவு இயந்திரம் கையாளும் பயிற்சி புத்தகம்  (The manual of instructions for use of Electronic Voting Machines)3. அழியாத மை குப்பி (Indelible Ink set) 4. Stamp Pad 5. மெட்டல் சீல்   (Brass seal for Presiding officer) 6. Tendered வாக்கு அளிக்க வழங்கப்பட்ட ரப்பர் முத்திரை  (Arrow cross mark rubber stamps for marking tendered ballot papers) 7. அழியாத மை குப்பி வைக்க பயன்படுத்தும் Cup (Cup for setting the indelible ink)

                        

                                                         *🌹பகுதி - VI🌹*

(பிற வகை பொருள்கள்/பயன்படுத்தப்படாத படிவங்கள் அனைத்தும்) 1. பயன்படுத்தப்படாத படிவங்கள் அனைத்தும்  (Cover containing unused forms) 2. பயன்படுத்தப்படாத துணிகள்/கவர்கள்/பைகள் அனைத்தும்  (Unused canvas bags/cloth) 3. தேர்தல் அலுவலரால் வழங்கப்பட்ட பயன்படுத்தப் படாத பொருள்கள் அனைத்தும்  (Cover containing any other papers directed to be kept by the Returning officer in a sealed packet) 4. வாக்களிக்கும் அறைக்காக வழங்கப்பட்ட அட்டைகள், குண்டூசி, மற்ற எழுது பொருள்கள் அனைத்தும்   (All other items, if any should be packed in to the fourth packet)மேற்கண்ட பட்டியல் படி தயார் செய்து வைத்திருந்தால் மண்டல அலுவலர் வரும் போது தேர்தல் பொருள்களை விரைவாக ஒப்படைத்து விடலாம்.

மேலடுக்கு சுழற்சி காரணமாக அடுத்த 2 நாட்களுக்கு வட தமிழகத்தில் ஒரு சில இடங்களில் மழை பெய்யும் என வானிலை ஆய்வு மையம் தகவல்

தமிழகத்தில் ஒரு சில இடங்களில் மழை பெய்து வருகிறது. சென்னையில் வானம் மேக மூட்டத்துடன் காணப்படுகிறது. லேசான மழை தூறல்களும் இருந்து வருகின்றன.

மேல் அடுக்கில் ஏற்பட்ட சுழற்சி காரணமாக மழை பெய்து வருவதாக வானிலை ஆய்வு மையம் தெரிவித்துள்ளது. இதுகுறித்து சென்னை வானிலை ஆய்வு மைய அதிகாரி கூறியதாவது:-

வடக்கு ஆந்திரா முதல் தெற்கு தமிழகம் வரை வளிமண்டலத்தின் மேல் அடுக்கில் காற்றழுத்த தாழ்வுநிலை ஏற்பட்டுள்ளது. இதன் காரணமாக அடுத்த 2 நாட்களுக்கு வட தமிழகத்தில் ஒரு சில இடங்களில் மழை பெய்யும்.

வட உள்மாவட்டங்களான வேலூர், தர்மபுரி, கிருஷ்ணகிரியில் ஓரிரு இடங்களில் கனமழை பெய்யக்கூடும். தென் மாவட்டங்களிலும் ஓரிரு இடங்களில் மழைக்கு வாய்ப்பு உள்ளது.

சென்னையில் வானம் மேகம் மூட்டத்துடன் காணப்படும். நகரின் ஒரு சில இடங்களில் மிதமான மழைக்கு வாய்ப்பு உள்ளது. கடந்த 24 மணி நேரத்தில் அதிகபட்சமாக மானாமதுரை, தேவகோட்டை, செஞ்சி, புதுச்சேரி, மரக்காணம் தலா 5 செ.மீ., செய்யூர், சிவகங்கை, திருச்சுழி, வானூர், திண்டிவனம், மன்னார்குடி, மயிலம் தலா 2 செ.மீ. மழை பதிவாகி உள்ளது.

இவ்வாறு அவர் கூறினார்

தமிழ்நாடு முழுவதும் வாக்காளர் பட்டியலில் பெயர் சேர்க்க 14 லட்சம் பேர் விண்ணப்பம்

நாடு முழுவதும் வாக்காளர் பட்டியலில் திருத்தம் தொடர்பான பணிகளை இந்திய தேர்தல் ஆணையம் செய்து வருகிறது.

இதன் அடிப்படையில் தமிழகத்திலும் வாக்காளர் பட்டியல் திருத்தம் தொடர்பான பணிகள் மேற்கொள்ளப்படுகின்றன. வழக்கமாக செப்டம்பர் 15-ந்தேதி தொடரும் இந்த பணிகள் இந்த முறை செப்டம்பர் 1-ந் தேதியே தொடங்கப்பட்டது.

அன்று மாநிலம் முழுவதும் விரைவு வாக்காளர் பட்டியல் வெளியிடப்பட்டது. இதில் 5.81 கோடி வாக்காளர்கள் இருந்தனர். அதை தொடர்ந்து செப்டம்பர் 30-ந்தேதி வரை வாக்காளர் பட்டியலில் பெயர் சேர்த்தல், நீக்குதல், திருத்தம் செய்தல், புகைப்படம் சேர்த்தல் உள்ளிட்ட பணிகளை மேற்கொள்ளலாம் என்று அறிவிக்கப்பட்டது.

மேலும் 11 மற்றும் 25-ந்தேதிகளில் சிறப்பு முகாம்கள் நடத்தப்பட்டன.

11-ந் தேதி நடந்த முதல் கட்ட முகாமில் வாக்காளர் பட்டியலில் பெயர் சேர்க்க 5 லட்சத்து 77 ஆயிரத்து 675 பேரும், 2-வது கட்ட முகாமில் பெயர் சேர்க்க 8 லட்சத்து 18 ஆயிரத்து 413 பேரும் விண்ணப்பித்திருந்தனர்.

இதே போல பெயர் நீக்கம், திருத்தம் செய்யவும், முகவரி மாற்றவும் விண்ணப்பிக்கப்பட்டு இருந்தது.

தமிழ்நாடு முழுவதும் நடந்த வாக்காளர் பட்டியல் திருத்த சிறப்பு முகாமில் 19 லட்சம் மனுக்கள் பெறப்பட்டன. இதில் பெயர் சேர்க்க மட்டும் 14 லட்சம் பேர் விண்ணப்பித்திருந்தனர்.

இந்த மனுக்கள் அனைத்தும் உடனுக்குடன் பரிசீலிக்கப்பட்டு வருகின்றன. வருகிற 30-ந் தேதிக்கு பிறகு நேரடியாக விண்ணப்பம் பெறப்பட மாட்டாது.

இணையதளம் மூலம் பெறப்படும் மனுக்கள் மட்டுமே ஏற்கப்படும் என்று தேர்தல் துணை அதிகாரிகள் தெரிவித்தனர்