Subscribe Our YouTube channel

எங்கள் செய்திகளை உடனுக்குடன் தெரிந்துகொள்ள எங்களுடைய அப்ப்ளிகேஷனை கீழேயே உள்ள இமேஜை கிளிக் செய்து google playstore இல் டவுன்லோட் செய்து கொள்ளுங்கள் நன்றி...!!!

Saturday, 29 October 2016

அகஇ - குருவள மைய அளவில் அறிவியல் கண்காட்சி நடத்துதல் சார்ந்த மாநில திட்ட இயக்குனரின் செயல்முறைகள்..மாவட்ட அளவிலான குருவள மைய எண்ணிக்கை மற்றும் நிதி ஒதுக்கீடு விவரம்...

தீபாவளியில் தீபம் ஏற்றுவோம் !

திருநாளில் தீபம் ஏற்றுவது சிறப்பு! இருளைக் கொண்டு ஒரு மலையையே மறைக்கலாம். ஆனால் மலையளவு இருளால் கூட ஓர் அகல்விளக்கை மறைக்க முடியாது.

           விளக்கில் உள்ள தீபத்தை தலைகீழாகப் பிடித்தாலும் அது மேல்நோக்கியே எரியும். மனிதனின் லட்சியமும் மேலும் உயர வேண்டும் என்பதையே அது காட்டுகிறது. விளக்கின் ஒளி அகன்றும் ஆழ்ந்தும் கூர்மையாகவும் இருக்கும். மனிதனின் அறிவும் அப்படியே இருக்க வேண்டும்.

உலகமெல்லாம் நிறைந்து விளங்கும் இறைவனை நாம் வழிபடும் இடத்தில் எழுந்தருளச் செய்ய தீபாவளி திருவிளக்கு வழிபாடு வழி செய்கிறது. விளக்கின் தலையிலுள்ள ஐந்து முகங்களும் அண்டத்தில் உள்ள ஐந்து பூதங்களையும் பிண்டத்தில் (உடம்பில்) உள்ள ஐந்து பொறிகளையும் குறிப்பவை. விளக்கினை ஏற்றி அவ்வொளியால் கண், காது, மூக்கு, வாய், தோல் என்ற ஐம்பொறிகளையும் ஒளிபெறச் செய்ய வேண்டும் என்பதே அதன் நோக்கம்.

சூரியன், கணபதி, மகேஸ்வரர், அம்பிகை, விஷ்ணு என்ற ஐந்து தெய்வங்களை வணங்குவதாகவும் இது பொருள்படும். விளக்கின் அடிப்பாகம் பிரம்ம சொரூபம் என்றும் அதன் தண்டு விஷ்ணு பாகம் என்றும் அதன் ஐந்து முகங்கள் சிவபாகம் என்றும் வர்ணிக்கப்படும். திரி எரிந்து எழுகின்ற சுடரில் முத்தேவிகளும் குடியிருப்பர் என்பது ஐதீகம். சுடரை திருமகளாகவும் தீப்பிழம்பை கலைமகளாகவும் அதில் எழும் உஷ்ணமாகிய சூட்டை பராசக்தியாகவும் எண்ணி மக்கள் வழிபடுவர்.

"இறைவனை ஜோதி வடிவமாகக் கண்டார்கள். அவன் அருட்பெருஞ்சோதியன் அவனை அடைய தனிப்பெருங்கருணை வேண்டும்' என்றார் வள்ளலார். மாலும் அயனும் சிவபெருமானின் அடிமுடி தேடிய நேரத்தில் அவன் ஜோதிப்பிழம்பாக நின்றான்.

வேதாரண்யம் வேதபுரீஸ்வரர் கோயிலில் விளக்கு சற்று மங்கலாக எரிந்தபோது விளக்கில் இருக்கும் நெய்யை உண்ணச் சென்ற எலி, தனது மூக்கால் திரியை கொஞ்சம் நகர்த்திவிட, தீபம் சுடர்விட்டு எரிந்தது. அந்தப் புண்ணியத்தால் அடுத்த பிறவியில் அந்த எலி, சக்ரவர்த்தியாக பிறந்தது என்கிறார் அப்பர் சுவாமிகள்.
"இருட்டைப் பழித்துக் கொண்டு இருக்காதீர்கள், விளக்கை ஏற்றுங்கள்' என்கிறார் ஒரு மகான்.

- பேராசிரியர் முனைவர் பி.கி. சிவராமன்.

தீர்க்க சுமங்கலி வரம் தரும் கேதார கௌரி விரதம்!

இருளை அகற்றி அருளைத் தரும் தீபாவளி திருநாள்

        தீபாவளி. இந்தப் பெயரில் பண்டிகையைச் சொல்வது எப்போது என்று தெரியவில்லை. ஆனால், புராணக் காலத்திலிருந்தே, தீபாவளி குறித்த கதைகள் அமைந்திருக்கின்றன.

         துலா மாதம் எனப்படும் ஐப்பசி மாதம் குறித்தும் அப்போது வருகிற இந்த தீபாவளித் திருநாள் விரதங்கள் பற்றியும் ஒவ்வொரு தருணத்திலும் ஒவ்வொரு அரிய விஷயங்களை எடுத்துரைக்கின்றன ஞானநூல்கள்!

இதோ... தீபாவளி விரதம் தொடர்பான புராணக் கதை ஒன்று!

அவர் பெயர் தீர்க்கதமஸ். மகா முனிவர். அந்த வனத்தில் ஒரு சோலைவனம் இருந்தது. அந்த சோலையின் நடுவே சின்னஞ்சிறிய ஆஸ்ரமம் அமைத்து, காலை, மாலை, இரவு என மூன்று வேளையும் பூஜை செய்து, கடும் தவம் மேற்கொண்டு வந்தார்.

முனிவரின் பூஜைக்கு மனைவி மக்களும் சீடர் பெருமக்களும் உறுதுணையாக இருந்தார்கள். பூஜைக்குத் தேவையான தண்ணீரைக் கொண்டு வந்து கொடுத்தார்கள். பூக்கள் பறித்து எடுத்து வந்தார்கள். கனிகளைப் பறித்து நைவேத்தியத்துக்கு வழங்கினார்கள்.

ஒருநாள்... சர்வ வரங்களையும் ஞானத்தையும் பெற்ற சனாதன முனிவர் அந்த ஆஸ்ரமத்துக்கு வந்தார். அவரைக் கண்டு பதறியடித்துக் கொண்டு வாசலுக்கு ஓடி வந்து வரவேற்றார் தீர்க்கதமஸ் முனிவர். மனைவி மக்களுடன் சாஷ்டாங்கமாக விழுந்து நமஸ்கரித்தார். சனாதன முனிவருக்கு பாதபூஜை செய்தார். வரவேற்றார். ஆசனத்தில் அமரச் செய்து, மீண்டும் நமஸ்கரித்தார்.

அவருக்கு குரு மரியாதைகள் செய்து, உணவுக்கும் ஏற்பாடு செய்தார். பிறகு, சனாதன முனிவர் அனைவரையும் எதிரே அமரச் சொல்லி, போதனைகள் வழங்கினார்.

தீர்க்கதமஸ். மனதில் உள்ள துன்ப இருளை அகற்றுவதற்குப் பிரயத்தனப்படுவதே மனிதப் பிறப்பின் விருப்பம். அதேபோல், வாழ்வில் இன்ப ஒளியேற்றும் நிகழ்வு வராதா எனும் ஏக்கமும் எல்லோருக்கும் உண்டு. இருளை அகற்றவும் ஒளியைப் பெருக்கவுமாக விரதம் ஒன்று உண்டு.

அதைக் கடைப்பிடித்தால் நடப்பது எல்லாம் நன்மையாகவே திகழும்! கேட்டவை எல்லாம் இனிதே கிடைத்தே தீரும். குருவருளும் இறையருளும் கிடைக்கப் பெற்று, நிம்மதியும் ஆனந்தமுமாக வாழலாம்!

இந்த விரதம் மிகவும் எளிமையானது. அதேநேரம் மிகமிக வலிமையானது. அற்புதமான இந்த விரதத்தை சொல்லித் தருகிறேன் கேள்.

துலா மாதம் (ஐப்பசி) தேய்பிறை திரயோதசி அன்று மகா பிரதோஷ பூஜை செய்யுங்கள். சிவனாரையும் நந்தி தேவரையும் உரிய மலர்களால் அலங்கரித்து, மனதாரப் பிரார்த்தனை செய்யுங்கள். அப்படியே, எம தீபம் ஏற்றி எமதருமனையும் வழிபடுங்கள். இதனால் நம் வாழ்க்கை மலரும். முன்னோர்கள் சொர்க்கத்துக்குச் செல்வார்கள். அப்படிச் செல்லும் முன்னோரின் ஆசி, பரிபூரணமாகக் கிடைக்கப் பெறலாம். ஆரோக்கியத்துடனும் நீண்ட ஆயுளுடனும் இனிதே வாழலாம்!’’ என அருளினார் சனாதன முனிவர்.

அவர் மேலும் தொடர்ந்தார்... ‘மறுநாள் நரக சதுர்த்தி (தீபாவளித் திருநாள்). அன்று உஷத் காலத்தில் அதாவது சூரியோதயத்துக்கு முன்னதாக, விடியற்காலையில் எழுந்து, எண்ணெய் (எள் நெய்) தேய்த்து வெந்நீரில் நீராட வேண்டும். இந்த நரக சதுர்த்தி (தீபாவளி) அன்று உஷத் காலத்தில் பெரும்பாலும் சுவாதி நட்சத்திரத்தில் சூரியனும் சந்திரனும் சஞ்சரிப்பதாக ஐதீகம்!  எனவே இந்த நாள், மிகவும் புனிதமானதாக, சக்தி வாய்ந்ததாகப் போற்றப்படுகிறது. எனவே இந்த நாளில் செய்யும் விரதமும் பூஜையும் பல மடங்கு பலன்களை நமக்குத் தந்தருளும்!

இந்தப் புனிதமான நாளில், எண்ணெயில் திருமகள் வீற்றிருக்கிறாள். அரப்புப் பொடியில் கலைமகள் குடியிருக்கிறாள். சந்தனத்தில் நிலமகள் கலந்திருக்கிறாள். குங்குமத்தில் ஸ்ரீகௌரி கோலோச்சுகிறாள். மலர்களில் தேவதைகளும் நீரில் கங்காதேவியும் வாசம் செய்கிறார்கள். புத்தாடைகளில் மகாவிஷ்ணுவும் தீபத்தில் சிவபெருமானும் உறைந்து, அருள் பாலிக்கிறார்கள் என்கிறார்கள் ஞானிகள்’’ என்று எடுத்துரைத்தார் சனாதன முனிவர்.

அதுவே தீபாவளித் திருநாள் என இன்றளவும் கொண்டாடப்பட்டு வருகிறது. ஆகவே, அற்புதமான இந்த நன்னாளில், எண்ணெய் தேய்த்து, அரப்புத் தூள் உபயோகித்து, வெந்நீரில் ஸ்நானம் செய்வோம். இதனால் கங்கையில் ஸ்நானம் செய்த பலன் கிடைக்கும். புத்தாடை உடுத்தி, தீபம் ஏற்றி, இனிப்பு பட்சணங்கள் படைத்து இறை வழிபாடு செய்வோம்.

முறையே கடைப்பிடித்து, இந்த நன்னாளைக் கொண்டாடினால், வாழ்வில் எல்லா நலனும் வளமும் பெறலாம்! தடைகள் யாவும் விலகும்.  நற்கதி உண்டாகும்.

தீபாவளி எனும் உன்னதமான பண்டிகையை, உரிய விரதங்களை அனுஷ்டித்து, ஆத்மார்த்தமாகக் கொண்டாடுவோம். ஆனந்தமாய் வாழ்வோம்!

தீர்க்க சுமங்கலி வரம் தரும் கேதார கௌரி விரதம்!

பிருங்கி முனிவர் மிகுந்த சிவபக்தர். சதாசர்வ காலமும் சிவலிங்க பூஜை செய்து வருவதில் அலாதி ஆனந்தம் அவருக்கு! தன் கணவரை இப்படி நெக்குருகி பூஜித்து வருகிறார்களே என்று ஒருபக்கம் சந்தோஷம் என்றாலும், ‘சக்தியாகிய நம்மை வழிபடவில்லையே முனிவர்’ என வருந்தினாள் பார்வதிதேவி.

சிவம் வேறு சக்தி வேறு அல்ல என்பதை உலகத்தாருக்கு உணர்த்த விரும்பினார். பூவுலகுக்கு வந்தாள். கௌதம மகரிஷி ஆஸ்ரமத்தை அடைந்தாள். தனது விருப்பத்தை நிறைவேற்ற கௌதமரிடம் வழி கேட்டாள். அவளுக்கு அருமையான ஒரு விரதபூஜையை உபதேசித்தார் கௌதம மகரிஷி.

தீர்க்க சுமங்கலி வரம் தரும் கேதார கௌரி விரதம்!

இருளை அகற்றி அருளைத் தரும் தீபாவளி திருநாள்

        தீபாவளி. இந்தப் பெயரில் பண்டிகையைச் சொல்வது எப்போது என்று தெரியவில்லை. ஆனால், புராணக் காலத்திலிருந்தே, தீபாவளி குறித்த கதைகள் அமைந்திருக்கின்றன.

         துலா மாதம் எனப்படும் ஐப்பசி மாதம் குறித்தும் அப்போது வருகிற இந்த தீபாவளித் திருநாள் விரதங்கள் பற்றியும் ஒவ்வொரு தருணத்திலும் ஒவ்வொரு அரிய விஷயங்களை எடுத்துரைக்கின்றன ஞானநூல்கள்!

இதோ... தீபாவளி விரதம் தொடர்பான புராணக் கதை ஒன்று!

அவர் பெயர் தீர்க்கதமஸ். மகா முனிவர். அந்த வனத்தில் ஒரு சோலைவனம் இருந்தது. அந்த சோலையின் நடுவே சின்னஞ்சிறிய ஆஸ்ரமம் அமைத்து, காலை, மாலை, இரவு என மூன்று வேளையும் பூஜை செய்து, கடும் தவம் மேற்கொண்டு வந்தார்.

முனிவரின் பூஜைக்கு மனைவி மக்களும் சீடர் பெருமக்களும் உறுதுணையாக இருந்தார்கள். பூஜைக்குத் தேவையான தண்ணீரைக் கொண்டு வந்து கொடுத்தார்கள். பூக்கள் பறித்து எடுத்து வந்தார்கள். கனிகளைப் பறித்து நைவேத்தியத்துக்கு வழங்கினார்கள்.

ஒருநாள்... சர்வ வரங்களையும் ஞானத்தையும் பெற்ற சனாதன முனிவர் அந்த ஆஸ்ரமத்துக்கு வந்தார். அவரைக் கண்டு பதறியடித்துக் கொண்டு வாசலுக்கு ஓடி வந்து வரவேற்றார் தீர்க்கதமஸ் முனிவர். மனைவி மக்களுடன் சாஷ்டாங்கமாக விழுந்து நமஸ்கரித்தார். சனாதன முனிவருக்கு பாதபூஜை செய்தார். வரவேற்றார். ஆசனத்தில் அமரச் செய்து, மீண்டும் நமஸ்கரித்தார்.

அவருக்கு குரு மரியாதைகள் செய்து, உணவுக்கும் ஏற்பாடு செய்தார். பிறகு, சனாதன முனிவர் அனைவரையும் எதிரே அமரச் சொல்லி, போதனைகள் வழங்கினார்.

தீர்க்கதமஸ். மனதில் உள்ள துன்ப இருளை அகற்றுவதற்குப் பிரயத்தனப்படுவதே மனிதப் பிறப்பின் விருப்பம். அதேபோல், வாழ்வில் இன்ப ஒளியேற்றும் நிகழ்வு வராதா எனும் ஏக்கமும் எல்லோருக்கும் உண்டு. இருளை அகற்றவும் ஒளியைப் பெருக்கவுமாக விரதம் ஒன்று உண்டு.

அதைக் கடைப்பிடித்தால் நடப்பது எல்லாம் நன்மையாகவே திகழும்! கேட்டவை எல்லாம் இனிதே கிடைத்தே தீரும். குருவருளும் இறையருளும் கிடைக்கப் பெற்று, நிம்மதியும் ஆனந்தமுமாக வாழலாம்!

இந்த விரதம் மிகவும் எளிமையானது. அதேநேரம் மிகமிக வலிமையானது. அற்புதமான இந்த விரதத்தை சொல்லித் தருகிறேன் கேள்.

துலா மாதம் (ஐப்பசி) தேய்பிறை திரயோதசி அன்று மகா பிரதோஷ பூஜை செய்யுங்கள். சிவனாரையும் நந்தி தேவரையும் உரிய மலர்களால் அலங்கரித்து, மனதாரப் பிரார்த்தனை செய்யுங்கள். அப்படியே, எம தீபம் ஏற்றி எமதருமனையும் வழிபடுங்கள். இதனால் நம் வாழ்க்கை மலரும். முன்னோர்கள் சொர்க்கத்துக்குச் செல்வார்கள். அப்படிச் செல்லும் முன்னோரின் ஆசி, பரிபூரணமாகக் கிடைக்கப் பெறலாம். ஆரோக்கியத்துடனும் நீண்ட ஆயுளுடனும் இனிதே வாழலாம்!’’ என அருளினார் சனாதன முனிவர்.

அவர் மேலும் தொடர்ந்தார்... ‘மறுநாள் நரக சதுர்த்தி (தீபாவளித் திருநாள்). அன்று உஷத் காலத்தில் அதாவது சூரியோதயத்துக்கு முன்னதாக, விடியற்காலையில் எழுந்து, எண்ணெய் (எள் நெய்) தேய்த்து வெந்நீரில் நீராட வேண்டும். இந்த நரக சதுர்த்தி (தீபாவளி) அன்று உஷத் காலத்தில் பெரும்பாலும் சுவாதி நட்சத்திரத்தில் சூரியனும் சந்திரனும் சஞ்சரிப்பதாக ஐதீகம்!  எனவே இந்த நாள், மிகவும் புனிதமானதாக, சக்தி வாய்ந்ததாகப் போற்றப்படுகிறது. எனவே இந்த நாளில் செய்யும் விரதமும் பூஜையும் பல மடங்கு பலன்களை நமக்குத் தந்தருளும்!

இந்தப் புனிதமான நாளில், எண்ணெயில் திருமகள் வீற்றிருக்கிறாள். அரப்புப் பொடியில் கலைமகள் குடியிருக்கிறாள். சந்தனத்தில் நிலமகள் கலந்திருக்கிறாள். குங்குமத்தில் ஸ்ரீகௌரி கோலோச்சுகிறாள். மலர்களில் தேவதைகளும் நீரில் கங்காதேவியும் வாசம் செய்கிறார்கள். புத்தாடைகளில் மகாவிஷ்ணுவும் தீபத்தில் சிவபெருமானும் உறைந்து, அருள் பாலிக்கிறார்கள் என்கிறார்கள் ஞானிகள்’’ என்று எடுத்துரைத்தார் சனாதன முனிவர்.

அதுவே தீபாவளித் திருநாள் என இன்றளவும் கொண்டாடப்பட்டு வருகிறது. ஆகவே, அற்புதமான இந்த நன்னாளில், எண்ணெய் தேய்த்து, அரப்புத் தூள் உபயோகித்து, வெந்நீரில் ஸ்நானம் செய்வோம். இதனால் கங்கையில் ஸ்நானம் செய்த பலன் கிடைக்கும். புத்தாடை உடுத்தி, தீபம் ஏற்றி, இனிப்பு பட்சணங்கள் படைத்து இறை வழிபாடு செய்வோம்.

முறையே கடைப்பிடித்து, இந்த நன்னாளைக் கொண்டாடினால், வாழ்வில் எல்லா நலனும் வளமும் பெறலாம்! தடைகள் யாவும் விலகும்.  நற்கதி உண்டாகும்.

தீபாவளி எனும் உன்னதமான பண்டிகையை, உரிய விரதங்களை அனுஷ்டித்து, ஆத்மார்த்தமாகக் கொண்டாடுவோம். ஆனந்தமாய் வாழ்வோம்!

தீர்க்க சுமங்கலி வரம் தரும் கேதார கௌரி விரதம்!

பிருங்கி முனிவர் மிகுந்த சிவபக்தர். சதாசர்வ காலமும் சிவலிங்க பூஜை செய்து வருவதில் அலாதி ஆனந்தம் அவருக்கு! தன் கணவரை இப்படி நெக்குருகி பூஜித்து வருகிறார்களே என்று ஒருபக்கம் சந்தோஷம் என்றாலும், ‘சக்தியாகிய நம்மை வழிபடவில்லையே முனிவர்’ என வருந்தினாள் பார்வதிதேவி.

சிவம் வேறு சக்தி வேறு அல்ல என்பதை உலகத்தாருக்கு உணர்த்த விரும்பினார். பூவுலகுக்கு வந்தாள். கௌதம மகரிஷி ஆஸ்ரமத்தை அடைந்தாள். தனது விருப்பத்தை நிறைவேற்ற கௌதமரிடம் வழி கேட்டாள். அவளுக்கு அருமையான ஒரு விரதபூஜையை உபதேசித்தார் கௌதம மகரிஷி.

2017 ஜனவரி 1 முதல் செல்போன்களில் பெண்களுக்கான அபாய பட்டன் அறிமுகம்

பெண்களின் வேதனையை போக்கும் நோக்கில், 2017 ஜனவரி 1 முதல் அனைத்து செல்போன்களில் 'அபாய பட்டன்’ அறிமுகம் செய்யப்பட உள்ளதாக உயர் நீதிமன்றத்தில் தில்லி காவல் துறை தெரிவித்தது.

        பெண்கள் இக்கட்டான சூழ்நிலையை சமாளிக்க செல்போன்களில் 'அபாய பட்டனை’ அறிமுகம் செய்ய உள்ளதாக தில்லி காவல் துறை தெரிவித்துள்ளது.

தில்லி உயர் நீதிமன்ற நீதிபதிகள் பி.டி.அகமது, அசுதோஸ் குமார் ஆகியோர் கொண்ட அமர்வு முன்பு தலைநகர காவல் துறை அளித்த உறுதிச் சான்றில்,  2017 ஜனவரி 1 முதல் செல்போன்களில் 'அபாய பட்டன்’  அறிமுகம் செய்ய உள்ளோம். தற்போது உள்ள 100, 101, 102 போன்ற அவசர அழைப்பு எண்களை எடுத்து விட்டு ஒரே அவசர உதவி எண்ணாக 112 அறிமுகம் செய்ய உள்ளோம். 1 ஆண்டுக்குள் தற்போது உள்ள அனைத்து அவசர அழைப்பு எண்களும் இரண்டாம் நிலை எண்களாக மாற்றப்படும் என தெரிவிக்கப்பட்டுள்ளது.

அன்பாசிரியர் 28: கலைவாணி - குறவர் சமூகத்தில் மாற்றம் விதைத்தவர்!

தன் மாணவர்களுடன் அன்பாசிரியர் கலைவாணி

அருகில் இருந்து கற்பிப்பவர் ஆசிரியர். தான் இல்லாதபோதும் கற்றலை நிகழ்த்துபவர் சிறந்த ஆசிரியர்.

2016-ம் ஆண்டு ஜூலை மாதம். கோவை, காளம்பாளையைம் அரசு நடுநிலைப்பள்ளியில் பணியாற்றிக் கொண்டிருக்கிறேன். எங்கள் பள்ளிக்கு சைல்டு ஹெல்ப் லைனில் இருந்து அழைப்பு வந்தது. பேசியவர்கள், ''கோவை ரயில் நிலையத்தில் ஒரு பள்ளிச்சிறுவன் நின்று கொண்டிருந்தான். நாங்கள் கேட்ட எந்தக் கேள்விக்கும் பதில் சொல்லவில்லை. காளம்பாளையம் என்ற வார்த்தை மட்டும் அவன் வாயிலிருந்து வந்தது. அதனால் சுற்றுவட்டாரத்தில் இருந்த 3 காளம்பாளைய பள்ளிகளையும் அழைத்துப்பேசினோம். உங்கள் பள்ளிதான் கடைசி'' என்றனர்.

அப்போது நான் தலைமை ஆசிரியர் அறையில் இருந்ததால், போனை வாங்கிப் பேசினேன். அடையாளம் கேட்டதற்கு அவர்களால் எதுவும் சொல்ல முடியவில்லை. உடனே ஸ்பீக்கர் போடச் சொல்லி, ''என்ன கண்ணு பண்ற? எங்க இருக்க, உனக்கு என்ன வேணும்'' என்று கேட்டேன். 'கலைவாணி மிஸ்!' என்று என் பெயரைச் சொல்லி கதறினான் அந்தச் சிறுவன்.

சிறுவனின் அப்பாவுக்கு உடல்நலம் சரியில்லை. வீட்டில் பணப் பிரச்சினை, நானும் சாகிறேன்; நீயும் செத்துத்தொலை என்று கூறியிருக்கிறார் அம்மா. கோபித்துக்கொண்டு மதுரையில் இருக்கும் பாட்டி வீட்டுக்குச் செல்லலாம் என்று ரயில் நிலையம் சென்றிருக்கிறான் அச்சிறுவன். ஆனால் எங்கிருந்து எப்படிப் போக வேண்டும் என்று தெரியவில்லை. தடுமாறி நின்றவனின் வாழ்க்கை, தடம் மாறிப்போக அத்தனை வழிகள். அடையாளம் அற்று நின்ற அச்சிறுவனைத் தேற்ற, ஊக்குவிக்க ஒரு கருவியாய் என் ஆசிரியப் பணி உதவியதை என்னுடைய 26 வருட ஆசிரியர் வாழ்க்கையின் ஆகச் சிறந்த தருணமாக எண்ணுகிறேன்'' என்று நெகிழ்கிறார் இந்த அத்தியாய அன்பாசிரியர் கலைவாணி.

அவரின் ஆசிரியப் பணியும், பயணமும் இனி உங்களுக்காக...

''பெற்றோர் இருவருமே ஆசிரியர்கள் என்பதால், இயல்பாகவே அப்பணி மீது ஆர்வம் வந்தது. 1990-ல் சேலம், ஆனைப்பள்ளத்தில் வேலைக்குச் சேர்ந்தேன். கல்வி பற்றிய அதிக விழிப்புணர்வு இல்லாத காலகட்டம் அது. தினசரி வேலை இல்லாத நாட்களில் மட்டுமே மாணவர்கள் வேலைக்கு வருவார்கள். பசிக்கக்கூடாது என்று காலையிலேயே கம்பு குடித்துவிட்டு வருவார்கள். மேல்சட்டை அணியமாட்டார்கள். தூய்மை, சுகாதாரம் குறித்து அவர்களிடம் பேச ஆரம்பித்தேன். பின்னர் கொஞ்சமாகப் பாடங்கள். மாணவர்களுக்கு பாடமாகக் கற்பிப்பதை விட பாட்டாகவும், கதையாகவும் சொல்லும்போது தாக்கம் அதிகமாக இருந்தது. 'புதுசா வந்துருக்கற டீச்சர் ஆடிப்பாடி சொல்லித் தர்றாங்களாம்' என்று பேச்சு பரவி, மாணவர்கள் அதிகமாக ஆரம்பித்தனர். இரு வருடங்களுக்குப் பிறகு, கோவை, தொண்டாமுத்தூர் ஒன்றியம் ஆலாந்துறைக்கு மாற்றலானேன். நூற்றுக்கணக்கான சின்னக்குழந்தைகளைத் திறம்படக் கையாள என்ன செய்யலாம் என்று யோசித்தேன்.

சிறந்த கையெழுத்துக்கு சிவப்பு ஸ்டார்

தேடித்தேடி அனுபவம் வாய்ந்த ஆசிரியர்களின் வழிமுறைகளைப் பின்பற்ற ஆரம்பித்தேன். எனக்குப் பிடித்த ஆசிரியர்கள் சொல்லிக்கொடுத்த முறைகளை ஞாபகக் கீற்றில் இருந்து தேடியெடுத்தேன். என் 3-ம் வகுப்பு ஸ்டெல்லா மிஸ், நன்றாக எழுதினால் சிவப்பு வண்ணத்தில் ஸ்டார் வழங்குவார். அதிக ஸ்டார் வாங்கியவர்களுக்கு சிவப்பு பேட்ச் பரிசு. தமிழ்க் கையெழுத்து வகுப்புக்கு அதையே நானும் பின்பற்றினேன். சில நாட்களுக்குப் பின், ஒரு வாரம் விடுமுறையில் ஊருக்குச் சென்றேன்.

பேருந்து ஓட்டுநர், 'சீக்கிரம் வந்துருங்க மிஸ்.. என் ரெண்டு பொண்ணுங்களும் உங்களுக்காகக் காத்துகிட்டு இருக்காங்க!' என்றார். சரிங்கண்ணா என்றுசொல்லி ஊர் போய்த் திரும்பி வந்து பார்த்தால், ஆச்சரியம் காத்திருந்தது. எல்லா மாணவர்களுமே ஒரு நாளில்கூட தவறாமல் எழுதியிருந்தனர். அப்போதுதான் நாம் இல்லாதபோதும் கற்றலை நிகழ்த்துவது எப்படி எனத் தெரிந்துகொண்டேன்.

பின்னர் என்.சி.ஆர்.டி. சார்பாக, சுதீப் சுக்லா என்னும் தன்னார்வலர் நடத்திய கருத்தரங்கில் கலந்துகொண்டேன். அங்கே குழந்தைகளின் உளவியலுக்கு ஏற்ப, ஒரு கருத்தைப் புரியவைக்க 3, 4 முறைகளில் கற்பிக்க வேண்டும். அதே நேரத்தில் ஒரு குறிப்பிட்ட காலத்துக்குள் அதை முடிக்க வேண்டும் என்பவை உள்ளிட்ட சில கருத்துகளை அறிந்துகொண்டேன். அக்கருத்தரங்கால் என் எண்ணங்கள் மாறின. குழந்தை படிக்கவில்லை என்றால் அதை ஏற்றுக்கொள்ளும் மனநிலை வந்தது. கல்வியின் தரத்தை எப்படி மேம்படுத்த வேண்டும் என்று உணர்ந்தது அத்தருணத்தில்தான்.

2007-ல் பொள்ளாச்சி அருகே நரிக்குறவர் காலனிக்கு மாற்றல் ஆனேன். உயர் அதிகாரிகளிடம் இந்தப் பள்ளிக்கு எப்படிப் போகவேண்டும் எனக் கேட்டேன். 'பொள்ளாச்சி - உடுமலை சாலையில் செல்லுங்கள். ஊஞ்சவேலாம்பட்டியில் இருந்து வலப்பக்கம் திரும்பினால் ஒரு நாற்றம் கிளம்பும். எங்கே அதன் வீச்சு அதிகமாக இருக்கிறதோ அதுதான் நரிக்குறவர் காலனி' என்றனர். எதையும் யோசிக்காமல் சென்றேன். 25 தொகுப்பு வீடுகளுக்கு மத்தியில் அமைந்திருந்தது அந்த தொடக்கப் பள்ளி. சுற்றிலும் குப்பை, பிளாஸ்டிக் காகிதங்கள். பள்ளிக்குச் செல்லாத குழந்தைகள்.

நறுமணத் திரவியங்களோடு பாடம்

வீடு வீடாகச் சென்றேன். குழந்தைகளின் பெயரைக் கூப்பிட்டுக்கொண்டே சென்றேன். அவர்கள் பேன் தலையோடும், அழுக்கு உடைகளோடும் குளிக்காமலும் இருந்தனர். என்ன செய்யலாம் என்று யோசித்தேன். மறுநாள் என் கணவரிடம் சொல்லி, கொஞ்சம் சோப்புகள், ஷாம்புகள், நறுமணத் திரவியங்களை வாங்கினேன். அவற்றை எடுத்துக்கொண்டு நரிக்குறவ வீடுகளின் அருகிலிருந்த தண்ணீர் பைப்புக்குச் சென்றேன். சென்ட் அடித்துக்கொண்டு நிற்பேன்.

அருகில் வருபவர்களிடம் எப்படி இருக்கு என்று கேட்பேன். எல்லோரும் கோரஸாக, ஜம்முன்னு இருக்கு டீச்சர்! என்பார்கள். உடனே நீங்களும் போட்டுக்கிட்டா இப்படித்தான் இருக்கும் என்பேன். உடனே சரியென்பார்கள். கொஞ்சம் கொஞ்சமாக அவர்கள் மாற ஆரம்பித்தார்கள். நரிக்குறவர்கள் வீடுகளில் இருந்த இளைஞர்களைக் கூப்பிட்டு சுயமுன்னேற்றம் குறித்துப் பேசினேன். யாருடைய வீடுகளின் முன்னால் குப்பையில்லாமல், சுத்தமாக இருக்கிறதோ அவர்களுக்கு பாசிமணி, வளையல்களைப் பரிசாக அளித்தேன். ஆண்களுக்கு ஷூக்கள். வாரமொருமுறை சுகாதாரம் குறித்த வகுப்புகள் எடுக்கப்பட்டன. பள்ளிக்கு சுற்றுச்சுவர் கட்டப்பட்டது. கற்றல் உபகரணங்கள் வாங்கப்பட்டன.

தண்ணீர் வசதி செய்யப்பட்டுள்ள பள்ளி | காகிதத்தில் கலைப்பொருட்கள் செய்யும் மாணவிகள்

நரிக்குறவர் மாணவர்கள், எல்லோரையும்விட 1000 மடங்கு புத்திசாலிகளாக இருந்தார்கள். மனக்கணக்கில் அவர்களுடன் யாருமே போட்டி போடமுடியவில்லை. ஆனாலும் அவர்கள் 5-ம் வகுப்பை முடித்துவிட்டு வீட்டிலேயே இருக்க ஆரம்பித்தார்கள். நம்மைவிட, அவர்கள் இனத்திலேயே படிப்பால் உயர்ந்தவர்கள், சொன்னால் கேட்பார்கள் என்று தோன்றியது. கடும் முயற்சிக்குப் பின்னர் நரிக்குறவர் இனத்தைச் சேர்ந்த வழக்கறிஞரைக் கூட்டிக்கொண்டு வந்தேன். அவரும் பேச ஒப்புக்கொண்டு வந்தார். அவர் சாதாரண வார்த்தைகளால் பேசும்போது நரிக்குறவர் மக்கள் யாரும் கண்டுகொள்ளவில்லை. அவர்களின் இன மொழியிலேயே பேசியபோது கரகோஷம் வானைப் பிளந்தது. அடுத்தடுத்த நாட்களில் அவர்களிடத்தில் பெரிய மாற்றத்தைக் கண்டேன்.

பின்னர் கோவை, காளம்பாளையம் நடுநிலைப்பள்ளிக்கு மாற்றல் கிடைத்தது. அங்கேயும் அனுபவமிக்க ஆசிரியர்கள், சிறந்த ஆசான்களின் வழிமுறைகளைக் கையாண்டேன். வாட்ஸ்- அப் குழுக்களில் ஆசிரியர்கள் பகிரும் விஷயங்களைப் பள்ளியில் செய்ய ஆரம்பித்தோம். இங்கு எல்லாமே கொட்டிக்கிடக்கிறது. அதில் நமக்குத் தேவையானதைப் பொறுக்கியெடுத்தால் போதும் என நினைக்கிறேன்.

பழைய போன்களின் வழியாக ஆங்கில இலக்கணம்

நண்பர்கள், உறவினர்கள் பயன்படுத்தாமல் வைத்திருந்த பழைய ஆன்ட்ராய்டு போன்களைச் சேகரிக்க ஆரம்பித்தேன். 7, 8 போன்கள் கிடைத்தன. அவையனைத்திலும் ஆங்கில இலக்கண செயலிகளைப் பதிவிறக்கினேன். அவற்றை மாணவர்களுக்கு சொல்லிக் கொடுக்க ஆரம்பித்தேன். ஆர்வமாய் அவர்கள் கற்க, தினமும் அவற்றைப் பயன்படுத்தி வருகிறோம்.

ரோட்டரி மற்றும் அரிமா சங்கங்கள் உதவியால், 5 ஆயிரம் லிட்டர் தண்ணீர் டேங்குகள், 35 ஆயிரம் மதிப்பில் வாஷ்பேசின் ஆகியவற்றை அமைத்திருக்கிறோம். முன்னாள் மாணவர்கள், பள்ளி மாணவர்களுக்கு சீருடைகள் வாங்கிக்கொடுத்துள்ளனர். எம்.எல்.ஏ. நிதியில் இருந்து 3 கணினிகள், 24 வட்ட மேசைகள், 120 இருக்கைகளை வாங்கியுள்ளோம். 7,8 -ம் வகுப்பு மாணவர்களுக்கு புற, அக அழகுகள் குறித்த வகுப்புகள் எடுக்கப்படுகின்றன. ஓட்டுக் கட்டிடமாக இருந்தாலும், பள்ளியை சுத்தமாக வைத்திருக்கிறோம்.

பள்ளியில் கராத்தே, யோகா உள்ளிட்ட சிறப்பு வகுப்புகளை எடுக்கவுள்ளோம். எங்கள் பள்ளியில் மொழி ஆய்வகம் அமைக்கவேண்டும் என்று ஆசை. அதன்மூலம் மாணவர்களின் கற்றல், உச்சரித்தல், புரிதல் திறனை மேம்படுத்த வேண்டும். எந்தப் பிரச்சனையையும் தன்னால் சமாளிக்க முடியும் என்ற நம்பிக்கையை ஏற்படுத்தினாலே போதும். குழந்தைகள் அவர்களாகவே உயர்வார்கள்.

ஆசிரியர்கள் 100 சதவீத உழைப்பு, தியாகம் இவற்றைச் செய்ய வேண்டிய அவசியமில்லை. செய்யும் வேலைக்கு உரிய உழைப்பைக் கொடுத்தால் மட்டும் போதும். இது எல்லோருக்குமே பொருந்தும். ஆசிரியப் பணியில் கிடைக்கும் மிகப்பெரிய மரியாதை, கவுரவம், பெருமை, திருப்தி வேறெதில் கிடைத்துவிடப் போகிறது? சமூக மாற்றத்தையே உருவாக்க முடியும் என்று நரிக்குறவர் காலனி கற்றுத்தந்தது. வருடாவருடம் சமூகப் பொறுப்புள்ள 25 குழந்தைகளையாவது உருவாக்குகிறோம் என்பதில்தான் என்னுடைய 26 வருட ஆசிரியப் பணியும், மொத்த வாழ்க்கையுமே அடங்கியிருக்கிறது'' சொல்லி முடிக்கும் அன்பாசிரியர் கலைவாணியின் வார்த்தைகளில் பெருமிதம்.

க.சே. ரமணி பிரபா தேவி - தொடர்புக்கு: ramaniprabhadevi.s@thehindutamil.co.in

ஆசிரியர் கலைவாணியின் தொடர்பு எண்: 9842289744