Subscribe Our YouTube channel

எங்கள் செய்திகளை உடனுக்குடன் தெரிந்துகொள்ள எங்களுடைய அப்ப்ளிகேஷனை கீழேயே உள்ள இமேஜை கிளிக் செய்து google playstore இல் டவுன்லோட் செய்து கொள்ளுங்கள் நன்றி...!!!

Sunday, 27 November 2016

DSR - Instruction for Digitization of service Register.. அரசு அலுவலர்களின் பணிப்பதிவேடு பதிவுகளை "எண்ணிமமாக்கும்" தொடர்பான சில அறிவுரைகள்!!

பணமில்லா முதல் இந்திய மாநிலமாகிறது கோவா!!

டிசம்பர் 31 ம் தேதி முதல், இந்தியாவில் பணமில்லா முதல் மாநிலமாக கோவா மாற உள்ளது. 

 டிசம்பர் 31 ம் தேதியிலிருந்து கோவா மக்கள் அனைவரும் காய்கறி, மீன், இறைச்சி உள்ளிட்ட அன்றாட தேவைக்கான அனைத்து பொருட்களையும் தங்களின் மொபைல் போனை பயன்படுத்தியே வாங்க உள்ளனர்பணமில்லா கோவா :

கோவா மக்கள் இனி பொருட்கள் வாங்க புறப்படும் போது பணம் வைக்கும் பர்ஸ் எடுத்துச் செல்ல வேண்டிய அவசியம் இல்லை. இதனால் பிக்பாக்கெட் பயமும் இல்லாமல் போக உள்ளது. மொபைல் மூலமே பணபரிமாற்றம் அனைத்தும் செய்யப்பட உள்ளது. மொபைல் போனை பயன்படுத்தி ஒருவர் வாங்கும் பொருளுக்கான பணம், அவரது வங்கிக் கணக்கில் இருந்து எடுத்துக் கொள்ளப்படும் என கோவா தலைமை செயலாளர் ஆர்.கே.ஸ்ரீவட்சவா தெரிவித்துள்ளார். 
மொபைலில் வியாபாரம் : 

ஏடிஎம்., மற்றும் கிரெட் கார்டுகளை பயன்படுத்தி பணம் எடுக்கும், பொருட்களும் வாங்கும் முறையும் நடைமுறையில் இருக்கும். அதேசமயம் ஒருவரிடம் ஸ்மார்ட்போன் இல்லை என்றாலும், சாதாரண மொபைல் போனில் * 99# என்ற எண்ணிற்கு டயல் செய்தால் பணம் பரிமாற்றம் ஆகி விடும். சிறு வியாபாரிகளும், தங்களிடம் ஸ்வைப்மிஷின் இல்லை என்றாலும் இந்த முறையில், தாங்கள் விற்கும் பொருளுக்கான பணம் அவரின் வங்கிக்கணக்கிற்கு வந்து விடும். 
மக்களிடம் விழிப்புணர்வு : 
பணமில்லா பணபரிவர்த்தனை செய்வது எப்படி என்பது குறித்த விழிப்புணர்வு சிறு வியாபாரிகள், கடைக்காரர்கள், பொதுமக்கள் ஆகியோரிடம் ஏற்படுத்தப்பட்டு வருகிறது. அதே சமயம் நேரடியாக பணம் கொடுத்து வியாபாரம் செய்யும் நடைமுறையும் வழக்கத்தில் இருக்கும் என தெரிவிக்கப்பட்டுள்ளது. பணமில்லா பணவர்த்தனைக்கு எந்த கட்டுப்பாடும் 
இல்லை எனவும், மொபைல் மூலம் நடக்கும் பணபரிவர்த்தனைக்கு எந்த கட்டணமும் வசூலிக்கப்படாது எனவும் கோவா முதல்வர் லட்சுமிகாந்த் பர்சேகர் தெரிவித்துள்ளார். 
பிரதமரின் கனவுக்கு துணை நிற்போம் : 
இதுதொடர்பாக நடந்த ஆலோசனை கூட்டத்தில் பேசிய மத்திய அமைச்சர் மனோகர் பாரிக்கர், இந்தியாவை முற்றிலுமாக பணமில்லா நாடாக மாற்றுவது பிரதமர் மோடியின் கனவு. இதில் முன்னோடியாக கோவா திகழ உள்ளது. நாம் பிரதமரின் கனவுக்கு துணைநின்று, ஆதரவு அளிக்க வேண்டும் என்றார். இம்முறையின்படி ஒருவர் தனது மொபைலையே வங்கியாக பயன்படுத்தலாம். ஒருவர் தனது மொபைல் போன் எண்ணை மத்திய அரசின் கீழ் உள்ள வங்கி ஒன்றில் பதிவு செய்து விட்டால், அனைத்து விதமான பணபரிமாற்றத்தையும் அதனை பயன்படுத்தி செய்யலாம்.

அகஇ - 2016-17ஆம் கல்வியாண்டிற்கான பள்ளி மேலாண்மைக் குழு உறுப்பினர்களுக்கான பயிற்சி இரண்டு நாட்கள் நடத்த மாநில திட்ட இயக்குனர் உத்தரவு; முதற்கட்டமாக முதன்மை பயிற்சியாளர்களுக்கான பயிற்சி 29 & 30.11.16 மற்றும் 01 & 02.12.16 ஆகிய தேதிகளில் மதுரையில் நடைபெறவுள்ளது.

கழிப்பறை பராமரிப்பிற்கு தனியார் ஒப்பந்த ஊழியர்கள் அரசு பள்ளிகளில் ஒரு மாதத்திற்குள் நியமிக்க உத்தரவு.

தமிழகம் முழுவதும் உள்ள அரசு, மாநகராட்சி மற்றும் நகராட்சி பள்ளிகளில், கழிப்பறையை சுத்தப்படுத்த, தனியார் ஒப்பந்தம் மூலம் ஒரு மாதத்திற்குள் பணியாளர்களை நியமிக்க தமிழக அரசு உத்தரவு பிறப்பித்துள்ளது.
அரசு பள்ளிகளில் மாணவர்களுக்கு போதிய கழிப்பறை வசதி செய்து தரவும், கழிப்பறைகளை சுத்தமாக பராமரிக்கவும், மதுரை ஐகோர்ட் கிளை, தமிழக அரசுக்கு பல்வேறு அறிவுரைகளை வழங்கி உள்ளது. இதன் எதிரொலியாக, நகராட்சி நிர்வாகத் துறை செயலர் பனீந்திர ரெட்டி, அனைத்து மாநகராட்சி மற்றும் நகராட்சி கமிஷனர்களுக்கு பிறப்பித்துள்ள உத்தரவு:

● அரசு பள்ளிகளில் கழிப்பறைகளை பராமரிக்க, 160.77 கோடி ரூபாய் செலவிலான திட்டத்தை, 2014 ஜூலையில், சட்டசபையில் முதல்வர் அறிவிப்பு வெளியிட்டார். இதன் தொடர்ச்சியாக, தமிழகம் முழுவதும் உள்ள அனைத்து அரசு, நகராட்சி மற்றும் மாநகராட்சி பள்ளிகளில், கழிப்பறைகளைசுத்தப்படுத்த, தனியாக ஒப்பந்த ஊழியர்களை பணியமர்த்த வேண்டும்

● மாநகராட்சி, நகராட்சிகளில் இந்த ஊழியர்களுக்கு சொத்து வரி வசூலில், கல்வி நிதிக்கு ஒதுக்கப்படும் தொகை மூலம் சம்பளம் வழங்கப்பட வேண்டும். ஊராட்சி, பேரூராட்சி பகுதிகளில் உள்ள பள்ளிகளுக்கு, திடக்கழிவுமேலாண்மை நிதியில் இருந்து சம்பளம் வழங்க வேண்டும்

● அனைத்து பள்ளிகளிலும் கழிப்பறை பராமரிக்கும் பொறுப்பை அந்தந்த உள்ளாட்சிகள் ஏற்க வேண்டும். இந்த பணிக்கு உள்ளாட்சிகள் தான் ஆட்களை நியமிக்க வேண்டும்.பராமரிப்பு பணிகள் முறையாக நடக்கிறதா என, உள்ளாட்சி அதிகாரிகள் முறையாக ஆய்வு செய்ய வேண்டும்

● பள்ளி நிர்வாகங்களுடன் பேசி, காலையில் பள்ளி துவங்குவதற்கு ஒரு மணிநேரத்திற்கு முன், ஊழியர்கள் சென்று கழிப்பறைகளை சுத்தப்படுத்தவும், பள்ளி முடியும் நேரம் வரை அவர்கள் பணியில் இருக்கவும், மதிய உணவு இடைவேளைக்கு பிறகும் கழிப்பறையை சுத்தம் செய்யவும் அறிவுறுத்த வேண்டும்

● வகுப்பறை பராமரிப்பு, பள்ளி வளாகம் பராமரிப்பு பணிகளுக்கும் இந்த ஊழியர்களை பயன்படுத்த வேண்டும்

● அந்தந்த மாவட்ட கலெக்டர்கள், தினக்கூலி பணியாளர்களுக்கு நிர்ணயிக்கும் சம்பளத்தையே, இந்த ஊழியர்களுக்கும் வழங்க வேண்டும்

● அரசு ஒப்பந்த விதிகளின் படி இந்த பணிக்கு ஆட்களை நியமிக்கும் நிறுவனங்களை தேர்வு செய்ய வேண்டும். ஒப்பந்த விதிகளுக்கு உட்பட்டு இருந்தால், மகளிர் சுய உதவிக்குழு, சமுதாய அமைப்புகளையும் இந்த ஒப்பந்தத்தில் பங்கேற்க அனுமதிக்கலாம்

● பள்ளி தலைமை ஆசிரியர்கள், பராமரிப்பு பணி குறித்து பதிவேடு பராமரிக்க வேண்டும். பள்ளி நிர்வாகத்திற்கு திருப்தியில்லாத பராமரிப்பு பணி ஒப்பந்ததாரரை, உடனடியாக நீக்க வேண்டும்

● பெண்கள் பள்ளியில் கட்டாயம் இரண்டு பெண் துப்புரவுபணியாளர்களும், ஆண்கள் பள்ளியில் இரண்டு ஆண் அல்லது பெண் துப்புரவு பணியாளர்களும், இருபாலரும் படிக்கும் பள்ளியில் ஒரு பெண், ஒரு ஆண் துப்புரவு பணியாளர்களும் பணியமர்த்தப்பட வேண்டும்

● பெண்கள் பள்ளியில், 'நாப்கின்'களை பாதுகாப்பாக அகற்றுவது இந்த பராமரிப்பு பணி நிறுவனத்தின் வேலையாகும்

● அனைத்து அரசு பள்ளிகளிலும் கழிப்பறை பராமரிப்பு பணிக்கு நியமிக்கப்பட்ட ஊழியர் விபரங்களை, ஒரு மாதத்திற்குள் சம்பந்தப்பட்ட உள்ளாட்சி அதிகாரிகள், அரசுக்கு அறிக்கை சமர்ப்பிக்க வேண்டும்.

இவ்வாறு அந்த உத்தரவில் கூறப்பட்டுள்ளது.

வங்கிகள் மூலம் ஓய்வூதியம் பெறுவோர் வாழ்வுச் சான்றுகளை ஜனவரி 15 வரை அளிக்கலாம்

வங்கிகள் மூலம் ஓய்வூதியம் பெறுவோர் தங்களது வாழ்வுச் சான்றிதழை வரும் ஜனவரி 15 வரை அளிக்கலாம் என்று தெரிவிக்கப்பட்டுள்ளது.இது குறித்து அனைத்து வங்கிகளுக்கும் மத்திய அரசு அனுப்பியுள்ள சுற்றறிக்கையில் கூறப்பட்டுள்ளதாவது:
ஓய்வூதியம் பெறும் ஓய்வூதியதாரர்கள், குடும்ப ஓய்வூதியதாரர்கள்நேரில் சென்று கையெழுத்திட்டு வாழ்வுச் சான்றிதழ்களை ஒவ்வொரு ஆண்டும் நவம்பரில் செலுத்த வேண்டும். ஆனால், வங்கிக் கிளைகளில் 500, ஆயிரம் ரூபாய் செல்லாதது என்ற அறிவிப்பால் எழுந்துள்ள சூழலால் வாழ்வுச் சான்றிதழ்களை வரும் ஜனவரி 15 ஆம் தேதி வரை அளிக்கலாம் என்று மத்திய அரசு தெரிவித்துள்ளது.

வீட்டு மின் கட்டணம்: அவகாசம் இல்லை

அபராதமின்றி, மின் கட்டணம் செலுத்த காலக்கெடு நீட்டிக்கப்படாது' என, மின் வாரியம் தெரிவித்துள்ளது. இதுகுறித்து, மின் வாரியம் வெளியிட்ட அறிவிப்பு:
மத்திய அரசின் அறிவிப்பின் படி, டிச., 15 வரை, மின் நுகர்வோரிடம் இருந்து, பழைய, 500 ரூபாய் நோட்டு ஏற்கப்படும்.வீடுகளில், மின் கட்டணம் செலுத்த கடைசி நாள், நவ., 9 முதல், 30 வரை இருப்பின், அவர்கள்அபராதமின்றி கட்டணம்செலுத்த, ஏற்கனவே அவகாசம் வழங்கப்பட்டது; அது, நீட்டிக்கப்பட மாட்டாது. எனவே, மின் நுகர்வோர், தங்களுக்குரிய கட்டணத்தை, உரிய நாட்களுக்குள் செலுத்தி, மின் துண்டிப்பு போன்ற நடவடிக்கைகளை தவிர்க்குமாறு கேட்டு கொள்ளப்படுகிறது.

இவ்வாறு அதில் கூறப்பட்டுள்ளது.

தொடக்க நிலை ஆசிரியர்களுக்கு வட்டார வள மைய அளவில் "தமிழ் கற்பித்தலில் அடிப்படைத் திறன்களை மேம்படுத்துதல்" என்ற தலைப்பில் இரண்டு நாள் பயிற்சி வழங்க திட்டம்

அன்பாசிரியர் 30: சபரிமாலா- ஆயிரம் மேடைகள் கடந்த பேச்சாற்றல் ஆசிரியர்!

சைகை ஒலிப்பு முறை மூலம் தமிழ் எழுத்துகளைக் கற்பிக்கும் அன்பாசிரியர் சபரிமாலா

'சராசரி ஆசிரியராக இயங்கி வந்த என்னை, தன்னம்பிக்கையாளராக, வெற்றியாளராக மாற்றியதே படிக்காதவர்கள் என்று முத்திரை குத்தப்பட்ட, கற்பதில் சவால் மிகுந்த குழந்தைகள்தான்' என்கிறார் சபரிமாலா. இவர் 1, 2-ம் வகுப்பு மாணவர்களுக்கு தமிழ் எழுத்துகளைக் கற்க சைகை ஒலிப்பு முறை, பயன்பாட்டில் உள்ள தமிழ் எழுத்துகள் அனைத்தையும் உள்ளடக்கிய தமிழ் மதிப்பீட்டுக் கருவி, கோத்தல் உத்திகள் ஆகியவற்றை உருவாக்கி சாதனை படைத்திருக்கிறார். குடியரசு முன்னாள் தலைவர் அப்துல் கலாமின் வாழ்க்கை முறையைப் பின்பற்றி 'கலாம் போல் ஆகலாம்' இயக்கத்தை மாணவர்களைக் கொண்டே தொடங்கி, பள்ளிகளில் கலாம் குறித்துப் பேசிவருகிறார்.

ஆசிரியர், பட்டிமன்றப் பேச்சாளர், எழுத்தாளர், இசையமைப்பாளர், நூலகர், கவிஞர், பாடலாசிரியர், சமூக ஆர்வலர் எனப் பன்முகங்கள் கொண்ட ஒன்றாம் வகுப்பு ஆசிரியர் சபரிமாலாவின் பயணம் இந்த அத்தியாய அன்பாசிரியரில்...

''2002-ல் கடலூர் மாவட்டம் எள்ளேரி நடுநிலைப் பள்ளியில் வேலைக்கு சேர்ந்தேன். பள்ளி நாட்களில் மேடைப்பேச்சு, கட்டுரைகளில் ஆர்வமிருந்ததால் பள்ளி மாணவர்களுக்கும் அதைக் கற்றுக்கொடுக்கத் தொடங்கினேன். எங்கள் பள்ளியில் படித்த இஸ்லாமிய மாணவி, மாவட்ட பேச்சுப்போட்டியில் முதலிடம் பிடித்தார். அவரின் பெற்றோர் நேரில் வந்து, ''எங்க பொண்ணு இப்படி பேசுவான்னு தெரியலிங்க; அவளை கல்லூரி அனுப்பி படிக்கவச்சு, வேலைக்கு அனுப்புவம்ங்க'' என்றனர். கிராமப்பகுதியில், ஓர் இஸ்லாமியக் குடும்பத்தினர் இதைச் சொன்னபோது சரியான பாதையில்தான் செல்கிறோம் என்ற நம்பிக்கை வந்தது.

செயல்வழிக்கற்றலில் பாடல் தகடுகள்

2007-ல் திண்டுக்கல் அருகே ஆரம்பப் பள்ளிக்கு மாற்றலானதும் சிறு குழந்தைககளுக்கு பாடல்கள் மூலம் எழுத்துகளை கற்றுக்கொடுக்கலாம் என்று தோன்றியது. நானே பாடல்களை எழுதி இசையமைத்தேன். அப்பா இசைக்கலைஞர் என்பதால், அவரின் குழு உதவியுடன் சிடி தயாரித்தோம். 1, 2-ம் வகுப்பு மாணவர்களுக்காக 30 பாடல்கள் உருவாக்கப்பட்டன. அத்தோடு மாவட்ட ஆட்சியர் தலைமையில் சொந்த செலவிலேயே அவற்றை வெளியிட்டோம். எவ்வித விளம்பரங்களும் இல்லாமலேயே 1000 சி.டி.க்கள் உடனே விற்றுத் தீர்ந்தன.

எழுத்து, கவிதை, நடிப்பு என்று ஏராளமான கலைகள் இருந்தாலும் மேடைப் பேச்சுதான் அரசியல், சமூக மாற்றங்களை நிகழ்த்துகிறது. எனவே அதன் மூலமாக மாணவ சமுதாயத்தை மாற்றிட ஆசைப்பட்டேன். 'கலாம் போல் ஆகலாம் - மாணவர் இயக்கம்' தொடங்கப்பட்டது.

2008-ல் விழுப்புரம் வைரபுரத்துக்கு மாற்றலானது. கூலி வேலைக்குச் செல்லும் பெற்றோர்களும், பிள்ளைகளும் பின் தங்கிய நிலையில் இருந்தனர். நிறைய மாணவர்கள் கவனிக்க ஆள் இல்லாமல், உணவில்லாமலும், சுகாதாரமில்லாமலும் பள்ளிக்கு வந்தனர். பெற்றோர்களிடம் பொறுமையாகப் பேசினோம். 'உங்கள் பிள்ளைகளுக்குச் செய்யாமல் யாருக்குச் செய்யப்போகிறீர்கள்?' என்ற வார்த்தைகள் அவர்களை மெல்ல மாற்றின.

கலாம் இயக்கத்தலைவர் கமலேஷ்

அப்போது 7-ம் வகுப்பில் கமலேஷ் என்ற மாணவன் படித்தான். திக்குவாய் காரணமாக அவனுக்குச் சரியாக பேச வராது. ஆனாலும் அவனால் சிறப்பாகப் பேசமுடியும் எனத்தோன்ற, அவனை அழைத்துப் பாரதிதாசனின் 'நூலைப்படி' என்ற கவிதையைப் படித்துக் காண்பிக்கச் சொன்னேன். இரண்டே நாட்களில் சிறிதும் பிசிறு இல்லாமல், திக்காமல் அதைப் பேசிக்காட்டினான். பாரதி வேடமிட்டு ஒன்றிய, மாவட்ட, ஐந்து மாவட்டங்கள் அளவிலான அனைத்துப் போட்டிகளிலும் முதல் பரிசு பெற்றும் 5 ஆயிரம், 5 ஆயிரமாக , 15 ஆயிரங்களைப் பெற்று வந்தான். அதன்மூலம் தன் தந்தையின் கடனையும் அடைத்தான். இப்போது கலாம் போல் ஆகலாம் இயக்கத் தலைவர் கமலேஷ்தான்.

கமலேஷைப் பார்த்து, ஏராளமான மாணவர்கள் முன்வந்தனர். அவர்களில் சுசித்ராவைப் பற்றி உங்களிடம் சொல்லியே ஆகவேண்டும். எட்டாம் வகுப்புச் சிறுமியான சுசித்ரா, பேச்சுப் போட்டியில் கலந்துகொண்டு 5 ஆயிரம் ரூபாய் பரிசு பெற்றாள். அந்தப்பணத்தை என்ன செய்வீர்கள் எனக் கேட்டதற்கு, எதுவும் யோசிக்காமல், ''பேச்சுப்பயிற்சி கொடுத்த அக்கா வீட்டில் கழிப்பறை இல்லை. அங்கு கழிப்பறை கட்ட இந்தப் பணத்தைக் கொடுக்கிறேன். இதன்மூலம் பயிற்சி பெற வருபவர்கள் பலனடைவர்!'' என்று மேடையிலேயே கூறினாள். இத்தனைக்கும் சுசித்ராவின் வீடு, கதவு கூட இல்லாத ஏழ்மைக் குடும்பம். கமலேஷ் என் பாதையைத் தொடங்கிவைக்க, சுசித்ரா அதை நெறிப்படுத்தினாள்.

மதுரையில் ஒரு தனியார் பள்ளி நிர்வாகத்தினர், என்னை அவர்கள் பள்ளி விழாவில் பேச அழைத்தனர். அப்போது எனக்கு வேறு நிகழ்ச்சிகள் இருப்பதாகக் கூற, என் மாணவி சுசித்ராவை அழைத்தனர். எட்டாம் வகுப்பு அரசுப் பள்ளி மாணவி, ஒரு தனியார் மெட்ரிக் பள்ளிக்கு தலைமை விருந்தினராகச் சென்ற அற்புதம் அன்று நிகழ்ந்தது.

கலாம் போல் ஆகலாம்

பேச்சுப் போட்டிகளில் மாவட்ட, மாநில அளவில் முதன்மை பெற்ற மாணவர்களே இந்த இயக்கத்தின் முதன்மைப் பொறுப்புகளில் இருக்கின்றனர். நான் எந்தப் பொறுப்பிலும் இல்லாமல் அவர்களின் வழிகாட்டியாக உள்ளேன். கலாம் பேரைச் சொல்லி காசு சம்பாதிப்பதில் எங்களுக்கு உடன்பாடில்லை. கலாம் குறித்துப் பேசும் மேடைகளில் நாங்கள் காசு வாங்குவதில்லை. இதுவரை 50-க்கும் மேற்பட்ட மேடைகளில் அவரைப் பற்றி மட்டுமே மாணவர்கள் பேசியுள்ளனர். 99 மேடைகளில் அவர் குறித்துப் பேசிவிட்டு, 100வது மேடைக்கு கலாமை அழைக்கலாம் என்றிருந்தோம். அவரை சிறப்பு விருந்தினராக்கி ஆனந்தக் கண்ணீரில் ஆழ்த்த நினைத்த எங்களை, அழவைத்து மறைந்துவிட்டார்.

பேச்சு மூலம் பள்ளிகள், கல்லூரிகள், அரிமா, ரோட்டரி சங்கங்கள், பொது இடங்களில் 2 லட்சத்துக்கும் மேற்பட்டவர்களைச் சந்தித்திருக்கின்றனர் என் மாணவர்கள். அவர்கள் வருங்காலத்தில் என்னவாக வேண்டுமானாலும் ஆகலாம். ஆனால் நிச்சயம் சிறந்த குடிமகன்களாக ஆவார்கள். மாணவர்கள் தங்களின் பேச்சையும், வாழ்க்கையையும் ஒரே மாதிரி வாழ எண்ணுகின்றனர். தன் பெற்றோர்களுக்கும் புரிய வைக்க முயல்கின்றனர். சமூக சேவைகளில் ஈடுபடுகின்றனர். இப்போதே தங்களின் வருமானத்தில் பாதியைத் தங்களின் கிராமத்துக்கு அளிப்பதாக உறுதிபூண்டுள்ளனர்.

இதுவரை இத்திட்டத்தில் 18 கிராமங்கள் இணைந்துள்ளன. இன்னும் சில வருடங்களில் 100 கிராமங்கள் இதில் இணையும். என் வாழ்நாளில் குறைந்தது 1000 கிராமங்களையாவது இணைக்கவேண்டும் என்பது இலக்கு. இதற்காக ஒவ்வொரு பள்ளியாகச் சென்று பேசிவருகிறோம். அதில் சிலர் கலாம் மாணவர் இயக்கத்தில் தானாகவே இணைகின்றனர்.

தற்போது வெளிநாடுகளில் உள்ள பள்ளிகளிலிருந்தும் பேச அழைப்புகள் குவிகின்றன. இதனால் மாணவர்களுக்கு பாஸ்போர்ட் பெறும் முயற்சியில் இருக்கிறோம். பேச்சுப் போட்டிகள் மூலமாக படிப்பு எவ்விதத்திலும் தடைபடுவதில்லை, பேசும்போது மாணவர்களின் மூளைக்கான பயிற்சி அதிகரித்து, அவர்கள் முன்னைவிட விரைவில் பாடங்களைப் படித்து முடித்து விடுகின்றனர்.

சைகை ஒலிப்பு முறை

தமிழ் எழுத்துக் கற்றலை மேம்படுத்த ஒவ்வொரு எழுத்துக்கும் சைகை ஒலிப்பை அறிமுகப்படுத்தினோம். இரு கைகளையும் நீட்டி, மடக்கும் நாக்கை மடித்து என ஒவ்வொரு எழுத்துக்கும் ஒரு முறையைக் கண்டறிந்தோம். இதைக் கண்ட அரசு எங்களின் பள்ளிக்கு வந்து படமெடுத்து இந்த முறையைக் காணொலி சி.டி.க்களாக்கி வருகிறது. சி.டி. தயாரானவுடன் அனைத்து அரசுப் பள்ளிகளுக்கும் வழங்கப்படும் என்று கல்வித்துறையினர் கூறியுள்ளனர்.

அடுத்ததாக உச்சரிப்பை மேம்படுத்த தமிழ் மதிப்பீட்டுக் கருவியை உருவாக்கினோம். அதில் 1, 2-ம் வகுப்பு மாணவர்களுக்காக பயன்பாட்டில் உள்ள அனைத்து தமிழ் எழுத்துக்களையும் சேர்த்து ஒரு பத்தியைத் தயார் செய்தேன். விருப்பமுள்ள மாணவர்கள் இணைந்து இந்தப் பத்தியை வாசிக்கலாம். இதை உலக சாதனை நிகழ்ச்சியாக உருவாக்குகிறோம்; முடியும் என்பவர்கள் வந்து வாசியுங்கள் என்றவுடன் அனைத்துக் குழந்தைகளும் ஆர்வமுடன் கலந்துகொண்டு வாசித்தனர். இதனால் எங்கள் பள்ளி மாணவர்களின் உச்சரித்தல் முறை தி பெஸ்ட் என்று சொல்வேன். உச்சரிப்பு சரியாக இருக்கும்போது சக்கரங்கள் நன்கு வேலை செய்து நோய்கள் குணமடையும் என்பது முன்னோர் கூற்று.

அத்தோடு, தமிழ் எழுத்துக்களை நினைவில் கொள்ள கோத்தல் உத்திகளைப் பயன்படுத்துகிறேன். கக், கங், கச்.. என நீளும் கோத்தல் வார்த்தைகளை குழந்தைகள் குதூகலத்துடன் சொல்கின்றனர்.

முனைவர். முதல் வகுப்பு ஆசிரியர்

தமிழ் மீதான ஆராய்ச்சியைத் தொடர்ந்துகொண்டே இருக்கிறேன். முனைவர் படிப்பு முடியும் நிலையில் இருக்கிறது. பட்டம் பெற்றதும் முனைவர். முதல் வகுப்பு ஆசிரியர் என்று சொல்ல ஆசைப்படுகிறேன். முனைவர் பட்டம் பெற்றவர்கள் கல்லூரிகளில்தான் பெருமளவு பணிபுரிகிறார்கள். கல்லூரி மாணவர்களுக்கு முனைவர் தேவையில்லை. முளைவிடும் பிஞ்சுகளுக்குத்தான் அவர்கள் தேவை. அதற்காகவே நான் முனைவர் ஆய்வை முடித்து, முதல் வகுப்புக் குழந்தைகளுக்குக் கற்பிக்க ஆசைப்படுகிறேன்'' என சொல்லும் அன்பாசிரியர் சபரிமாலாவின் வார்த்தைகளில் தெறிக்கிறது நம்பிக்கையும் உறுதியும்.

ஆசிரியர் சபரிமாலாவின் தொடர்பு எண்: 9443398574

க.சே. ரமணி பிரபா தேவி - தொடர்புக்கு: ramaniprabhadevi.s@thehindutamil.co.in

TNTET:மாண்புமிகு முதலமைச்சரின் தனிப்பிரிவில் ஆசிரியர்தகுதித்தேர்வில் 90 மதிப்பெண்களுக்கு மேல் பெற்றோருக்கு முன்னுரிமை கோரிஅளிக்கப்பட்ட மனுவில் தனிப்பிரிவில் அளித்த பதில் !!

நான் 2013ம் ஆண்டு நடைபெற்ற ஆசிரியர் தகுதித்தேர்வில் 96 மதிப்பெண் பெற்று தேர்ச்சி பெற்றுள்ளேன். எனது பாடப்பிரிவான இயற்பியல் பாடத்தில் சுமார் 800 பேர் தேர்ச்சி பெற்றனர்.

தற்போது உச்சநீதிமன்ற உத்திரவின் பேரில் 5 சதவீத தளர்வு ஆணை மற்றும் வெயிட்டேஜ் முறை ஆணையும் செல்லும் என்பதால் இயற்பியல்
பாடப்பிரிவில் சுமார் இரண்டாயிரத்திற்கு மேற்பட்டோர்கள் தேர்ச்சி பெற்றுள்ளனர்கள்.

இந்த வெயிட்டேஜ் முறையின் முலம் நான் பணிக்கு தகுதிபெறவில்லை. இந்த முறையில் 60 - TET மதிப்பெண் 
அடிப்படையிலும் 40 - கல்வி தகுதி அடிப்படையிலும் மொத்தமாக 100 என்ற அடிப்படையில் பணிக்கு தேர்ந்தேடுக்கப்படுகிறார்கள். நான் அடுத்த TET தேர்வில் 60 (150/150) மதிப்பெண் பெற்றாலும் 40 க்கான முழு கல்வி தகுதி மதிப்பெண்ணை பெற இயலாது. எனவே 40 கல்வி தகுதி அடிப்படையான 12ம் வகுப்பு 10, பட்டப்படிப்பு 15 மற்றும் கல்வியில் பட்டப்படிப்பு 15 மொத்தத்தில் 40 என்ற முழு மதிப்பெண் பெற கல்வி தகுதியின் சதவீதத்தை உயர்த்த வழிவகை ஏற்படுத்தித்தருமாறும் மேலும் நான் கல்வியியல் பட்டத்தை வேலைவாய்ப்பு அலுவலகத்தில் பதிவு செய்து 9 வருடம் காத்திருக்கிறேன் என்றும், TET சான்று 7 வருடம் மட்டுமே செல்லுபடியாகும் என்பதால் 3 வருடம் முடிந்து விட்டதால் எனக்கு 4 வருடம் மட்டுமே செல்லுபடியாகும் எனவே வரும் காலங்களில் நிரப்பும் பட்டதாரி ஆசிரியர் பணியிடங்களுக்கு எனக்கு முன்னுரிமை வழங்கும்படியும். தாழ்மையுடன் வேண்டிக்கொள்கிறேன்.

Rejected
Concerned Officer
SCHOOL EDUCATION - SECY,TEACH.RECRUITMENT BOARD
Reply

நிராகரிக்கப்படுகிறது.
மனுதாரரின் கோரிக்கை சார்ந்து ஆசிரியர் தேர்வு வாரியத்தால் அறிவிக்கை வெளியிடப்படும் என தெரிவித்துக்கொள்ளப்படுகிறது. ஆதேவா ஓ.மு.எண். 343/ஆ2/2016 நாள் 21.11.2016

நன்றி!
மு.இராஜபாண்டி,

அருப்புக்கோட்டை.

அனைவருக்கும் இலவச கல்வி, மருத்துவம்: கியூபாவின் சாதனை நாயகன் ஃபிடல் காஸ்ட்ரோ!!!

கியூபாவின் முன்னாள் அதிபர் ஃபிடல் காஸ்ட்ரோ அந்நாட்டு தலைநகர் ஹவானாவில் நேற்று காலமானார். அவருக்கு வயது 90.

49 ஆண்டுகள் தொடர்ந்து கியூபாவின் அதிபர் பதவியை வகித்தவர். கம்யூனிஸ சிந்தனையாளரும், பிறவி  புரட்சியாளருமாக விளங்கிய ஃபிடல் காஸ்ட்ரோ, தன் நாட்டு மக்கள் அனைவருக்கும் கல்வியையும், மருத்துவத்தையும் இலவசமாக வழங்கினார்.
இதன் மூலம் கியூபாவில் 2010ம் ஆண்டிலேயே படித்தவர்களின் சதவீதம் 99.8 என்று பதிவாகியுள்ளது. கியூபாவில் தனியார் பள்ளிகளோ, கல்லூரிகளோ அனுமதிக்கப்படவில்லை. 
நாடு முழுவதும் அனைத்து மாணாக்கருக்கும் ஒரே சீருடை, 15 வயது வரை கட்டாய மற்றும் இலவசக் கல்வி, 12 மாணவர்களுக்கு ஒரு ஆசிரியர் என்ற நடைமுறையை ஏற்படுத்தினார். 
தனியார் கல்வி நிறுவனங்களைப் போல கியூபாவில் தனியார் மருத்துவமனைகளே கிடையாது. அது போல, எய்ட்ஸ் நோயாளிகள் குறைவாக இருப்பதும், பிரசவத்தின் போது தாய் - சேய் இறப்பு விகிதம் குறைவாக இருப்பதும் கியூபாவில்தான் என்றால் அது ஃபிடல் காஸ்ட்ரோவின் சாதனைகளில் ஒரு மைல்கல் என்றே சொல்ல வேண்டும். 

அமெரிக்காவின் ஒரு மாநிலமாக இருந்திருக்க வேண்டிய கியூபாவை, தனது புரட்சிப் போராட்டத்தினால், கம்யூனிஸ்ட் நாடாக மாற்றினால் ஃபிடல் காஸ்ட்ரோ. 

சே குவேராவுடன் இணைந்து சுமார் 5 ஆண்டுகள் போராடி, 1959ம் ஆண்டு கியூபாவை தனி நாடாக அறிவித்தார் காஸ்ட்ரோ. அதன்பிறகும் அந்நாட்டுக்கும், அமெரிக்காவுக்கும் இடையேயான மோதல் நீடித்தது. பொருளாதார நெருக்கடி உட்பட ஏராளமான நெருக்கடிகளை அமெரிக்கா கொடுத்த போதும், எதற்கும் அடிபணியாமல், அமெரிக்காவுக்கே சிம்ம சொப்பனமாக விளங்கினார் ஃபிடல் காஸ்ட்ரோ.