Subscribe Our YouTube channel

எங்கள் செய்திகளை உடனுக்குடன் தெரிந்துகொள்ள எங்களுடைய அப்ப்ளிகேஷனை கீழேயே உள்ள இமேஜை கிளிக் செய்து google playstore இல் டவுன்லோட் செய்து கொள்ளுங்கள் நன்றி...!!!

Wednesday, 14 December 2016

தமிழ்நாடு முழுவதும் SLAS TEST நடைபெறும் பள்ளிகளின் விவரம்

6 அமைச்சர்களின் வீடுகளை முற்றுகையிட்டு ஆசிரியர்கள் தர்னா

பணிநிரந்தரம் கோரி 6 ஒடிஸா மாநில அமைச்சர்களின் இல்லங்களை நூற்றுக்கணக்கான பள்ளி ஆசிரியர்கள் செவ்வாய்க்கிழமை முற்றுகையிட்டு தர்னா போராட்டத்தில் ஈடுபட்டனர்.
ஒப்பந்த அடிப்படையில் பணியில் அமர்த்தப்பட்டிருக்கும் ஆசிரியர்கள் விரைவில் பணிநிரந்தரம் செய்யப்படுவர் என அறிவிக்கை ஒன்றை மாநில அரசு வெளியிட்டு உறுதி கூறியிருந்தது.
அறிவிக்கை வெளியிட்டு 5 மாதங்கள் ஆகியும் பணியை முறைப்படுத்த அரசு எவ்வித நடவடிக்கையையும் எடுக்கவில்லை எனக் கூறப்படுகிறது.
இந்த நிலையில், நீண்ட காலமாக ஆர்ப்பாட்டம் செய்து வந்த ஒப்பந்தப் பணி ஆசிரியர்கள், நிதியமைச்சர் பிரதீப் குமார் அமத், உள்ளாட்சித் துறை அமைச்சர் அருண் சாஹு, மின் துறை அமைச்சர் பிரணாப் தாஸ், உணவுத் துறை அமைச்சர் சஞ்சய் தாஸ் வர்மா, சட்டப் பேரவை விவகாரங்களுக்கான அமைச்சர் விக்ரம் கேசரி அரூகா, பள்ளிக் கல்வி அமைச்சர் தேவிபிரசாத் மிஸ்ரா ஆகிய 6 அமைச்சர்களின் இல்லங்களை செவ்வாய்க்கிழமை திடீரென முற்றுகையிட்டு, தரையில் அமர்ந்து தர்னாவில் ஈடுபட்டனர். பணியை உடனடியாக நிரந்தரம் செய்யக் கோரி அவர்கள் கோஷமிட்டனர்.
இதையடுத்து சுமார் நூற்றுக்கும் மேற்பட்ட ஆசிரியர்களை காவல்துறையினர் கைது செய்து அப்புறப்படுத்தினர். இது குறித்து மாநிலப் பள்ளி ஆசிரியர்கள் கூட்டமைப்பு கூறியதாவது:
பணிநிரந்தரம் தொடர்பான அறிவிக்கையை அரசு வெளியிட்டு ஐந்து மாதங்களாகிவிட்டன. பணியை முறைப்படுத்துவதற்கான நடைமுறைகள் இன்னும் வெளியிடப்படவில்லை.
பணி வரன்முறைக்கான வழிகாட்டுதல்களில் ஒடிஸா ஆசிரியர் தகுதித் தேர்வை எழுதி தேர்ச்சி பெறுவது கட்டாயம் என அரசு நிபந்தனை விதிக்கிறது. இதனால் ஒப்பந்தப் பணியில் இருக்கும் சுமார் 17 ஆயிரம் ஆசிரியர்களுக்குப் பணிநிரந்தரம் செய்யப்படாமல் போகலாம் என்கிற அச்சம் எழுந்திருக்கிறது.
கோரிக்கைகள் நிறைவேற்றப்படவில்லை எனில், அடுத்த ஆண்டு பிப்ரவரி மாதம் நடைபெறவிருக்கும் மூன்றடுக்கு ஊராட்சித் தேர்தல் பணியைப் புறக்கணிக்கப் போவதாக ஆசிரியர் கூட்டமைப்பு அறிவித்துள்ளது.

சிபிஎஸ்இ 10-ஆம் வகுப்புக்கு அடுத்த ஆண்டு முதல் பொதுத் தேர்வு

சிபிஎஸ்இ பத்தாம் வகுப்புக்கு அடுத்த கல்வியாண்டு (2017-18) முதல் பொதுத் தேர்வு நடத்தப்படும் என்று மத்திய மனிதவள மேம்பாட்டுத் துறை அமைச்சர் பிரகாஷ் ஜாவடேகர் நம்பிக்கை தெரிவித்துள்ளார்.
மாநிலப் பாடத்திட்டத்தைப் போலவே, சிபிஎஸ்இ வழிக் கல்வியிலும் பத்தாம் வகுப்புக்கு பொதுத் தேர்வு நடத்தும் முறை அமலில் இருந்தது. ஆனால், பல்வேறு காரணங்களுக்காக அந்த நடைமுறை கடந்த 2010-ஆம் ஆண்டில் கைவிடப்பட்டது.
இந்த நிலையில், பத்தாம் வகுப்புக்கு பொதுத் தேர்வு நடத்தாமல் இருப்பது சிபிஎஸ்இ கல்வியின் தரத்தை பாதிக்கும் வகையில் உள்ளதாக கல்வியாளர்கள் கருதுகின்றனர். மேலும், நேரடியாக பிளஸ்-2 பொதுத் தேர்வை எதிர்கொள்வது சிபிஎஸ்இ பாடத்திட்டத்தின் கீழ் பயிலும் மாணவர்களுக்கு சிரமமாக இருக்கும் என்றும் கூறப்படுகிறது. அவற்றைக் கருத்தில் கொண்டே பத்தாம் வகுப்புக்கு மீண்டும் பொதுத் தேர்வு நடத்தத் திட்டமிடப்பட்டு வருகிறது அதேபோல், சிபிஎஸ்இ பள்ளிகளில் எட்டாம் வகுப்பு வரை கட்டாயத் தேர்ச்சி அளிக்கும் முறையை ரத்து செய்வது குறித்து மத்தியக் கல்வி ஆலோசனை வாரியம் ஏற்கெனவே பரிசீலித்து வருகிறது.
இதுதொடர்பாக மத்திய அமைச்சர் பிரகாஷ் ஜாவடேகர் பிடிஐ செய்தி நிறுவனத்துக்கு அளித்த பேட்டியில் தெரிவித்திருப்பதாவது:
இம்மாத இறுதியில் சிபிஎஸ்இ வாரிய உறுப்பினர்கள் கூட்டம் நடைபெற உள்ளது. பத்தாம் வகுப்புக்கு மீண்டும் பொதுத் தேர்வு நடத்துவது தொடர்பான தீர்மானம் அந்தக் கூட்டத்தில் நிறைவேற்றப்படும். எனவே, அடுத்த கல்வியாண்டு முதல் பொதுத் தேர்வு நடைமுறை அமலாகும் என்றார் அவர்.

இந்திய பெருங்கடலில் அடுத்து வரும் புயல் 'மாருதா' : பெயரிடுவது எப்படி என தகவல்


வர்தா' புயலின் பாதிப்பால், குழந்தைகள் முதல் பெரியவர்கள் வரை, புயலுக்கு பெயர் வந்தது எப்படி என, விவாதித்து வருகின்றனர். இந்திய பெருங்கடல் பகுதியில், அடுத்து வரும் புயலுக்கு, 'மாருதா' என்ற, பெயர் தேர்வாகியுள்ளது.

சர்வதேச அளவில், புயல்களுக்கு பெயர் வைக்கும் பழக்கம், 1953ல், அட்லாண்டிக் கடற்பகுதியில் துவங்கியது. உலக வானிலை அமைப்பு மூலம் கடல்களின் அடிப்படையில், 10 வகை பட்டியல்கள் தயாரிக்கப்படுகின்றன.கரீபியன் கடல், வடக்கு மெக்சிகோ, வடகிழக்கு பசிபிக் பெருங்கடல், வடக்கு அட்லாண்டிக், மத்திய வடக்கு பசிபிக், வடமேற்கு பசிபிக், தென் சீனக் கடல், ஆஸ்திரேலியா, வட இந்திய பெருங்கடல், தென் மேற்கு இந்திய பெருங்கடல் போன்றவற்றை சார்ந்த நாடுகளை இணைத்து, பெயர் பட்டியல் தயாரிக்கப்படுகிறது.

46 பெயர்கள்

வட இந்திய பெருங்கடலின் பட்டியலில், இந்தியா, பாகிஸ்தான், வங்க தேசம், மாலத்தீவு, ஏமன், மியான்மர், இலங்கை மற்றும் தாய்லாந்து நாடுகள் இடம்பெற்றுள்ளன. இந்நாடுகளின் சார்பில், 2014ல், ஒவ்வொரு நாடும், தலா எட்டு வீதம், 64 பெயர்களை பதிவு செய்துள்ளன. இதுவரை, 46 பெயர்கள் பயன்படுத்தப்பட்டு உள்ளன.வட 
இந்தியபெருங்கடலில் உருவாகும் புயல்களுக்கு, ஆங்கில எழுத்துகளின், ஏ, பி, சி, அகர வரிசையில், முதலில், பங்களாதேஷ் என்ற வங்கதேசம் வழங்கிய பெயர் வைக்கப்படும். பின், முறையே இந்தியா, மாலத்தீவு, மியான்மர், ஓமன், பாகிஸ்தான், இலங்கை, கடைசியில், தாய்லாந்து நாடு வழங்கிய பெயர் வைக்கப்படும்.

நடப்பு வடகிழக்கு பருவமழை

கடந்த ஆண்டின் கடைசி புயலுக்கு, இந்தியா வழங்கிய, 'மேக்' என்ற, மேகம் பெயர் வைக்கப்பட்டது. 

இந்த ஆண்டு, தென் மேற்கு பருவமழை காலத்தில், மே மாதம் உருவான முதல் புயலுக்கு, மாலத்தீவு வைத்த, 'ரோனு' என்ற பெயர் சூட்டப்பட்டது.தொடர்ந்து, நடப்பு வடகிழக்கு பருவமழை காலத்தில் உருவான முதல் புயலுக்கு மியான்மரின், 'மொன்' மொழியில், முதலை என்றபொருளில், 'கியான்ட்' என்ற பெயர் சூட்டப்பட்டது. 

இந்த புயல், மியான்மரை தாக்கியது. பின், நவ., 29ல், உருவான அடுத்த புயலுக்கு, ஓமன் நாடு வழங்கிய, 'நடா' என்ற அரபி மொழி பெயர் வைக்கப்பட்டது.

'ரோஜா மலர்'

இதற்கு, ஆசீர்வதிக்கப்பட்ட மழைத்துளி என்று பொருள். இந்த புயல், டிச., 1ல், காரைக்கால் அருகே கரையை கடந்து, தமிழகம், கேரளா மற்றும் கர்நாடகாவுக்கு பரவலாக மழையை கொடுத்து, பெயருக்கு ஏற்ப ஆசீர்வதிக்கப்பட்ட மழையாய், அரபிக்கடலில் தஞ்சமானது.அதன்பின் உருவானதே, நேற்று முன்தினம் ருத்ரதாண்டவம் ஆடிய, 'வர்தா' புயல். பாகிஸ்தான் சூட்டிய இந்த பெயருக்கு, அரபி மொழியில், 'ரோஜா மலர்' என, அர்த்தம். இது, டிச., 6ல் உருவாகி, 12ல் கரையை கடந்தது. இந்திய பெருங்கடலில், அடுத்து உருவாக உள்ள புயலுக்கு, இலங்கை வழங்கிய, 'மாருதா' என்ற பெயர் தேர்வு செய்யப்பட்டு உள்ளது. இந்தியா சார்பில், 50வது பெயராக, கடல் என, பொருள்படும், 'சாகர்'; 58வது பெயராக, காற்று என்ற அர்த்தம் தரும், 'வாயு' என்ற, இந்தி பெயர்கள் பதிவு செய்யப்பட்டு உள்ளன. 

நிஷா...நிலா..நீலம்...வர்தா!

இந்தியாவில் புயல்களுக்கு பெயர் வைக்கும் நடைமுறை 2004ல் அறிமுகமானது. தமிழகத்தை தாக்கி, பெரும் சேதம் ஏற்படுத்திய சில புயல்கள்.
* 1994 அக். 31: வங்கக்கடலில் மையம் கொண்டிருந்த புயல், சென்னை-- கடலுார் இடையே 115 கி.மீ., வேகத்தில் கரையைக் கடந்தது. பலத்த காற்றுடன் பெய்த கனமழைக்கு, தமிழகத்தில் 26 பேர் பலி. புயல் கரையைக் கடந்த பின்பும் 70 கி.மீ., வேகத்தில் காற்று வீசியது. பலத்த சேதங்கள் ஏற்பட்டன.
* 2008: நவ.26: வங்கக்கடலில் உருவான நிஷா புயல், நாகபட்டினம் - காரைக்கால் இடையே கரையைக் கடந்தது. மணிக்கு 75 கி.மீ., வேகத்தில் காற்று வீசியது. இந்த புயலால் 5 நாட்களுக்கு பல்வேறு மாவட்டங்களில் கனமழை பெய்தது.
* 2010 : ஜல் புயல், சென்னை அருகே கரையைக் கடந்தது. இந்தப் புயலால் பெரிய அளவில் பாதிப்பு இல்லை.
* 2011 டிச. 31 : புதுச்சேரிக்கும், கடலுாருக்கும் இடையே, தானே புயல் கரையைக் கடந்தது. அதிகபட்சமாக மணிக்கு 135 கி.மீ., வேகத்தில் காற்று வீசியது. கடலுார் பெரிதும் பாதிக்கப்பட்டது. 39 பேர் பலியாகினர். பலர் பாதிக்கப்பட்டனர். ஆயிரக்கணக்கான மின் கம்பங்கள் சாய்ந்தன. 1,500 கோடி ரூபாய் அளவிற்கு சேதம் ஏற்பட்டது.
* 2012 அக்.31: வங்கக்கடலில் உருவான நீலம் புயல் மாமல்லபுரம் அருகே கரையைக் கடந்தது. சுமார் 100 கி.மீ., வேகத்தில் காற்று வீசியது.
* 2016 டிச. 12: வங்கக்கடலில் உருவானவர்தா புயல் அதி தீவிர புயலாக மாறி சென்னை அருகே கரையைக் கடைந்தது. 100 கி.மீ., மேல் காற்று வீசியது. 18 பேர் உயிரிழந்தனர். 10 ஆயிரம் மின்கம்பிகள் சேதமடைந்தன. 1000 கோடி ரூபாய் சேதம் ஏற்பட்டுள்ளது.

சி.பி.எஸ்.இ., பள்ளிகளில் இனி ஆன்லைன் மூலமே கட்டணம் !!

சி.பி.எஸ்.இ., பள்ளிகளில் இனி ஆன்லைன் மூலமே கட்டணம் செலுத்த முடியும். மோடி தலைமையிலான மத்திய அரசுபணமில்லா வர்த்தகம் கொண்டு வர பல்வேறு முயற்சிகளை மேற்கொண்டு வருகிறது.

    இதன் மூலம் ஊழலற்ற இந்தியாவை உருவாக்க முடியும் என அரசு நம்புகிறது.  இதன் முக்கிய நடவடிக்கையாக சமீபத்தில் பழைய 500 , 1000 ரூபாய் நோட்டுகளை வாபஸ்பெறுவதாக 
அறிவித்தது. இதன் மூலம் பணம் பதுக்கிய, பண முதலைகள் தங்களின் கள்ளப்பணத்தை வெள்ளையாக மாற்ற பகீர பிரயத்தனம் செய்ய முயற்சி செய்து வருகின்றனர். ஆனால் , வருமான வரி மற்றும் அமலாக்க துறையினரின் கடும் நடவடிக்கையால் நாடு முழுவதும் கோடி, கோடியாக பணம் , கிலோ கணக்கில் தங்கம் பறிமுதல் செய்யப்பட்டு வருகிறது.மத்திய அரசின் சி.பி.எஸ்.இ., பள்ளிகளில் இனி ஆன்லைன் மூலமே பள்ளிக்கட்டணம் செலுத்த முடியும். கரன்சி நோட்டுகளாக பெற்று கொள்ள முடியாது , இந்த முறை வரும் ஜனவரி மாதம் 17 ம் தேதி முதல் நடைமுறைக்கு வருகிறது. சி.பி.எஸ்.இ., செயலர் ஜோசப் இம்மானுவேல் அனைத்து பள்ளிதலைமை நிர்வாகிகளுக்கு கடிதம் எழுதியுள்ளார்.
ஜனவரி மாதம் 17 ம் தேதி முதல்:
ஆன்லைன் மூலம் இ கட்டணம் செலுத்தும் முறைக்கு வாருங்கள், உங்களின் மொபைல் போனே உங்களின் வங்கி என்று , வாலட், டெபிட் கார்டு, ஸ்வைப்பிங் மூலம் பணமில்லா வர்த்தகத்திற்கு அரசு அழைப்பும், இது தொடர்பாக நாள்தோறும் விளம்பரமும் வெளியிட்டு வருகிறது. மத்திய அரசு துறைகளும், அரசு சார்ந்த அமைப்புகளும் டிஜிட்டல் முறைக்கு மாறி வருகின்றன.

BRC அளவில் மாணவர்களுக்கு நடத்தப்படும் பேச்சுப்போட்டிகளின் தலைப்புக்கு கட்டுரை மாதிரிகள்..!!




CPS NEWS:தகவல் அறியும் உரிமைச்சட்டத்தின் வரம்பிற்குள் PFRDAவின் ஓய்வூதிய நிதி மேலாளர் UTI இல்லை. எனவே, தமிழகத்தில் மத்திய அரசு பணியில் ஓய்வு பெற்றவர்களின் ஓய்வூதிய விபரம் வழங்க இயலாது. RTI பதில் !!

அண்ணா பல்கலை. தேர்வுகள் ஒத்திவைப்பு

வர்தா புயல் பாதிப்பிலிருந்து முழுமையாக மீளாத நிலையில், நாளை நடைபெறவிருந்த அனைத்து தேர்வுகளும் ஒத்திவைக்கப்படுவதாக அண்ணா பல்கலைக்கழகம் அறிவித்துள்ளது.

இதுதொடர்பாக அண்ணா பல்கலைக்கழகப் பதிவாளர் வெளியிட்டுள்ள அறிவிப்பில், பல்கலைக்கழகம் மற்றும் அதன் உறுப்பு கல்லூரிகளில் நாளை நடைபெறவிருந்த அனைத்து தேர்வுகளும் ஒத்திவைக்கப்படுவதாக அறிவிக்கப்பட்டுள்ளது. இந்த தேர்வுகள் நடைபெறும் தேதி பின்னர் அறிவிக்கப்படும் என்றும் தெரிவிக்கப்பட்டுள்ளது. வர்தா புயல் முன்னெச்சரிக்கை நடவடிக்கையாக அண்ணா பல்கலைக்கழகத்தின் சில தேர்வுகள் ஏற்கனவே ஒத்திவைக்கப்பட்டிருந்தது குறிப்பிடத்தக்கது.

விரைவில் வரைவு கல்வி கொள்கை : ஆலோசனை குழு அமைக்க திட்டம்

தேசிய கல்விக் கொள்கையை உருவாக்குவதற்கு, பல்வேறு தரப்பினர் அளித்துள்ள ஆலோசனைகள், யோசனைகளை ஆராய்வதற்கு, புதிய நிபுணர் குழு, விரைவில் நியமிக்கப்பட உள்ளது.மாறி வரும் சூழ்நிலைகளுக்கு ஏற்ப, தேசிய அளவிலான கல்விக் கொள்கையும் மாற்றப்படுகிறது. 

அதன்படி, நாட்டின் முதல் கல்விக் கொள்கையை, இந்திரா தலைமையிலான, காங்., அரசு, 1968ல் வெளியிட்டது. அதை தொடர்ந்து, 1986ல், ராஜிவ், 1992ல், பிரதமர் நரசிம்ம ராவ், 2005ல், மன்மோகன் சிங் தலைமையிலான, காங்., அரசுகள் வெளியிட்டன. இந்நிலையில், பிரதமர் மோடி தலைமையிலான, தே.ஜ., கூட்டணி அரசு மத்தியில் அமைந்ததும், புதிய தேசிய கல்விக் கொள்கையை உருவாக்கும் முயற்சி துவங்கியது. இரு ஆண்டுகளாக, இது தொடர்பாக பல்வேறு ஆலோசனைகள், விவாதங்கள் நடந்து வந்தன.

இந்த புதிய தேசிய கல்விக் கொள்கை குறித்து, நமது நாளிதழுக்கு, மத்திய மனிதவள மேம்பாட்டுத் துறை அமைச்சர், பிரகாஷ் ஜாவடேகர் அளித்துள்ள பேட்டி: புதிய தேசிய கல்விக் கொள்கை குறித்து, பல்வேறு தரப்பினருடன் ஆலோசனைகள், விவாதம் நடத்தப்பட்டன. மக்கள் முதல், மக்கள் பிரதிநிதிகள் வரை, ஆசிரியர்கள் முதல், கல்வியாளர்கள் வரை என, பல்வேறு தரப்பினரின் கருத்துக்கள் கேட்டறியப்பட்டன. புதிய கல்விக் கொள்கையை உருவாக்க, டி.எஸ்.ஆர்.சுப்ரமணியன் குழு அளித்துள்ள பரிந்துரைகளும், ஆலோசனைகளாக ஏற்கப்படுகின்றன. இவ்வாறு பல்வேறு தரப்பினர் அளித்துள்ள ஆலோசனைகள், பரிந்துரைகள், கருத்துக்கள் உள்ளிட்டவற்றை தொகுத்து, வரைவு கொள்கை உருவாக்க வேண்டும்; இதற்காக, புதிதாக ஒரு நிபுணர் குழுவை அமைக்க உள்ளோம். 

சிலரின் பெயர்கள் பரிசீலனையில் உள்ளன. அவர்களது ஒப்புதல் பெறப்பட்டு, இம்மாத இறுதிக்குள், இந்த ஆலோசனைக் குழு அமைக்கப்படும். நான்கு மாதங்களுக்குள் வரைவு கொள்கையை, இந்த குழு அளிக்கும். அதனடிப்படையில், புதிய தேசிய கல்விக் கொள்கை அறிவிக்கப்படும்.மத்திய அரசின், புதிய கல்விக் கொள்கையில், ஆர்.எஸ்.எஸ்., அமைப்பின் தாக்கம் அதிகமாக இருப்பதாகக் கூறுவது, அரசியல் நோக்கத்துடனான விமர்சனமே. இந்த கல்விக் கொள்கை, மிகவும் ஜனநாயக ரீதியில், வெளிப்படையாக, அனைத்து தரப்பினரின் பங்களிப்புடனே நடத்தப்படுகிறது.

இந்த கல்விக் கொள்கை, குறிப்பிட்ட சில ஆண்டுகளுக்கானது அல்ல; ஒரு தலைமுறைக்கு உகந்ததாக இருக்கும். அதனால் தான், சற்று கால தாமதம் ஏற்படுகிறது.இவ்வாறு அவர் கூறினார்.

தேசிய தேர்வு அமைப்பு : மத்திய மனிதவள மேம்பாட்டுத் துறை அமைச்சரும், பா.ஜ., மூத்த தலைவருமான, பிரகாஷ் ஜாவடேகர், மேலும் கூறியதாவது: கல்வி வியாபாரம் ஆவதை தடுக்க, பல்வேறு நடவடிக்கைகள் எடுக்கப்படுகின்றன. 'நீட்' எனப்படும், மருத்துவக் கல்விக்கான தேசிய பொது நுழைவுத்தேர்வு மூலம், கல்வி நிறுவனங்கள், லட்சக் கணக்கில் பணம் வசூலிப்பது தடுக்கப்படுகிறது. 'நீட்' தேர்வை, தமிழ், தெலுங்கு, மராத்தி, பெங்காலி, குஜராத்தி மொழிகளிலும் எழுத முடியும். பொறியியல், மருத்துவம் உள்ளிட்ட உயர்கல்விக்கென, நுழைவுத்தேர்வு நடத்துவதற்காக, தேசிய அளவில், தேர்வு அமைப்பை உருவாக்க திட்டமிடப்பட்டு உள்ளது.

இவ்வாறு அவர் கூறினார்.

அரையாண்டு தேர்வு முடிந்ததும் இலவச சைக்கிள் வினியோகம்

தமிழகத்தில் அரசு மற்றும் உதவி பெறும் பள்ளிகளில், பிளஸ் -1 படிக்கும் மாணவ, மாணவி யருக்கு, தமிழக அரசு சார்பில், இலவச சைக்கிள் வழங்கப்பட்டு வருகிறது. தற்போது, தமிழகம் முழுவதும் பள்ளிகளுக்கு இலவச சைக்கிள், உதிரி பாகங்களாக, லாரிகளில் கொண்டு வரப்பட்டுள்ளன. 

இவற்றை அந்தந்த பள்ளிகளில், சைக்கிளாக தயார் செய்யும் பணிகள் நடக்கின்றன. தற்போது, அரையாண்டு தேர்வு நடந்து வருவதால், சைக்கிள் வினியோகம் செய்வதில் காலதாமதம் ஏற்பட்டுள்ளது.

அரையாண்டு தேர்வு முடிந்து, ஜனவரியில் பள்ளிகள் திறந்த பிறகு, இலவச சைக்கிள் வினியோகிக்கப்படும் என்று கூறப்படுகிறது.

குரூப் 1 தேர்வுக்கு விண்ணப்பிக்க முடியாமல் ஏராளமானோர் தவிப்பு: டிஎன்பிஎஸ்சி கால அவகாசம் வழங்க கோரிக்கை

இணையதள சேவை பாதிப்பால் குரூப் 1 தேர்வுக்கு விண்ணப்பிக்க முடியாத நிலை ஏற்பட்டது. தமிழ்நாடு அரசுப் பணியாளர் தேர்வாணையம்  (டிஎன்பிஎஸ்சி) குரூப் 1 பதவியில் அடங்கிய 85 காலி பணியிடங்களை நிரப்புவதற்கான எழுத்து தேர்வை பிப்ரவரி 19ம் தேதி நடத்துகிறது. 

இத்தேர்வுக்கு விண்ணப்பிக்க  டிசம்பர் 12ம் தேதி கடைசி நாள் என்று அறிவிக்கப்பட்டிருந்தது. இந்நிலையில் வர்தா புயல் தாக்க தொடங்கியது. இது, நேற்று முன்தினம் 3 மாவட்டங்களை துவம்சம்  செய்தது. இதனால் செல்போன் சேவை, இணையதள சேவை உள்ளிட்ட அனைத்து சேவைகளும் முடங்கியது.

ஒருவரை ஒருவர் தொடர்பு கொள்ள முடியாத நிலை ஏற்பட்டது. அது மட்டுமின்றி, மக்களின் இயல்பு வாழ்க்கை பாதிக்கப்பட்டது. இணையதளம் சேவை துண்டிப்பால்  குரூப் 1 தேர்வுக்கு 2 நாட்கள் விண்ணப்பிக்க முடியாமல் போனது. ஆயிரக்கணக்கானவர்கள் விண்ணப்பிக்க முடியாத நிலை ஏற்பட்டுள்ளது. எனவே, தேர்வுக்கு  விண்ணப்பிக்கும் தேதியை டிஎன்பிஎஸ்சி நீட்டிக்க வேண்டும் என்ற கோரிக்கை வலுத்துள்ளது. ஆனால், டிஎன்பிஎஸ்சியில் இருந்து எந்தவித அறிவிப்பும் வராததால்  தேர்வர்கள் குழப்பத்தில் உள்ளனர்.