Subscribe Our YouTube channel

எங்கள் செய்திகளை உடனுக்குடன் தெரிந்துகொள்ள எங்களுடைய அப்ப்ளிகேஷனை கீழேயே உள்ள இமேஜை கிளிக் செய்து google playstore இல் டவுன்லோட் செய்து கொள்ளுங்கள் நன்றி...!!!

Friday, 23 December 2016

மாணவர்களின் நினைவாற்றலை வளர்க்க சில குறிப்புகள்

1 . சொல்லக் கேட்டு எழுதுதல்.

 (  உணவு இடைவேளையின் போது )     ஒரு மாறுதலுக்காக  வகுப்பறையில்

உள்ள கரும்பலகையை தவிா்த்து வகுப்பறை வெளிச்சுவற்றில் ஒரு தாளில் எளிய வாக்கியம் ( புள்ளி மான் துள்ளி ஓடும்)   ஒன்றை எழுதி ஒட்டி விடலாம். அதனைப் படித்துவிட்டு பாா்க்காமல் என் முன்பு எழுதிக்காட்ட  வேண்டும் என மாணவா்களிடம் கூறவும்.

இப்போது அனைவரும் ஆா்வத்துடன் அவ்வாக்கியத்தை படித்துவிட்டு நினைவில் நிறுத்தி நம் முன்னே எழுதிக் காட்டுவா்.   எழுத்துப் பிழையுள்ள சொல்லை வட்டமிட்டு, மீண்டும் எழுத சொல்ல , தாளை நோக்கி ஓடிச் சென்று,  எந்த இடத்தில் தவறு செய்தாா்களோ அதனை நன்கு கவனித்து மீண்டும் பிழையின்றி எழுதிக்காட்டுவாா்கள் .

           

இதுபோன்று செய்வதால் மாணவா்களிடையே  ஆா்வமும், புதிய அனுபவமும், நல்ல ஞாபகத்திறனும், பாா்க்காமல் எழுதும் திறனும் வளரும்.  நாளடைவில் ஆங்கில வாா்த்தைகள், சொற்றொடா்களை எழுத பயிற்சி அளிக்கலாம்.

          

மெல்லக் கற்கும் மாணவா்க்கு தனியாக சொற்கள் எழுதி பயிற்சி அளிக்கலாம்.

      

2.  நினைவாற்றலை வளர்க்க,,,,

              தொடக்க நிலை மாணவர்க்கு பேனா, பென்சில், ரூபாய்த்தாள், நாணயம் முதலிய பொருட்களை ( 5 முதல் 7 வரை)  மாணவர்க்கு காட்டி நன்கு அவர்கள் பார்த்த பிறகு அவற்றை மூடி வைத்து விடவும். இப்போது அவர்களை ஒவ்வொருவராக அழைத்து மூடி வைத்ததில் என்னென்ன உள்ளது என கேட்க வேண்டும். நன்றாக படிக்கும் மாணவர்கள் உடனே சரியாக பதில் கூறுவார்கள். மெல்லக்கற்போர் ஒன்றிரண்டை விட்டு விட்டு கூறுவார்கள்.

அடுத்த சுற்றில் பொருட்களின் எண்ணிக்கையை அதிகப்படுத்த, கண்டுபிடிப்பாளர்களும் பெயர்களை கூறுவதில் சற்று முன்னேறி இருப்பர்.

அடுத்த நாளில் பொருட்களுக்கு மாற்றாக வார்த்தை அட்டைகளை வைத்துமுயற்சி செய்யும் போது நினைவாற்றலும் கூடும், மேலும் அவ்வார்த்தை அட்டைகளை நாம் சொல்ல, மாணவர்கள் எழுதினால் பிழையின்றி எழுதி அசத்துவார்கள்

       3.  விரைவாகப் படிக்கும் ஆா்வத்தை துாண்ட ..

          வகுப்பு வாாியாக பாடப்புத்தகத்தில் குறிப்பிட்ட பக்கத்தைக் கூறி அதில் இடம் பெற்றுள்ள ஒரு சொற்றொடரை கண்டுபிடித்து படிக்க கூறவும். மாணவா்களிடையே பரபரப்பும், ஆா்வமும் தொற்றிக்கொள்ளும்.  போட்டி போட்டுக்கொண்டு அப்பத்தியில்  இடம் பெற்றுள்ள மொத்த வாக்கியங்களையும் படித்து - கண்டுபிடித்துவிடுவாா்கள். தொடா்ந்து இம்முறையை பின்பற்ற, விரைவாகப் படிக்கும் திறன் அவா்களிடையே தானாக உருவாகும்.

        

மெல்லக்கற்கும் மாணவா்க்கு மேற்குறிப்பிட்ட முறையில் ஒரேயொரு சொல்லைக் கூறி பயிற்சி அளிக்கலாம்.

            

அனைத்தையும் போட்டி முறையில் வழிநடத்த சிறப்பான முடிவு கிடைக்கும்.

தலைமைச் செயலாளருக்கான அதிகாரங்கள், பொறுப்புகள்?

தலைமைச் செயலாளருக்கு இருக்கும் பொறுப்புகள் கடமைகள் என்னென்ன என்பதை தெரிந்து கொள்ள வேண்டாமா? 

1. மாநில முதல்வருக்கு முதன்மை ஆலோசகராக இருப்பவர். அரசின் நிர்வாக விஷயங்களைச் செயல்படுத்துபவர். மாநிலத்தின் மேம்பாட்டுப் பணிகளையும் திட்டங்களையும் திட்டமிடுவதும் செயல்படுத்துவதும் தலைமைச் செயலாளரின் முக்கியப் பணி. 

2. அமைச்சரவைக் குழுவின் செயலாளரும் இவர்தான். அமைச்சரவைக் குழு கூட்டங்களைத் திட்டமிடுவதும், அந்தக் கூட்டத்தின் இடம் மற்றும் நிகழ்ச்சி நிரல்களைத் திட்டமிடுவதும் தலைமைச் செயலாளரின் பொறுப்பு. அரசு விவகாரங்கள் தொடர்பான அறிக்கைகள் மற்றும் ஆவணங்களை நிர்வகிக்கும் அதிகாரமும் இந்தப் பதவிக்கு உண்டு.

3. அரசின் கீழ் செயல்படும் அனைத்துத் துறைகளின் செயலாளர்களையும் கட்டுப்பாட்டுக்குள் வைத்திருப்பதும், அவர்களைக் கண்காணிக்கும் அதிகாரமும் இவருக்கு உண்டு. அதேபோல் அனைத்துத் துறைகளின் பணியாளர்களும் இவரது கட்டுப்பாட்டுக்கு உள்ளானவர்கள்.

4. குடிமையியல் பணி தொடர்பான விவகாரங்களும் இந்தப் பொறுப்பின் கீழ்தான் வரும். முக்கிய அரசு உயர் அதிகாரிகளின் நியமனங்கள் மற்றும் பணியிட மாற்றங்கள் ஆகியவற்றையும் தலைமைச்செயலாளரே பார்ப்பார். அரசுத் துறைகளுக்கு வெளியிடப்படும் அனைத்து அறிக்கைகளும், உத்தரவுகளும் தலைமைச் செயலாளர் பெயரில் வெளியிடப்படும். 

5. மண்டல அளவிலான மாநில அரசுகள் ஆணையத்திலும் மாநிலத்தின் சார்பாக அதன் தலைமைச்செயலாளரே பிரதிநிதியாக செயல்படுவார். 

6. தலைமைச் செயலகத்தின் நிர்வாகப் பணிகளைக் கட்டுப்பாட்டுக்குள் வைத்திருப்பதும், யார் யாருக்கு எந்த அறை? என்று ஒதுக்கீடு செய்வதற்கும் தலைமைச்செயலாளருக்கே அதிகாரம் உண்டு. 

7. மைய ஆவணக் காப்பகம், தலைமைச் செயலக நூலகம் ஆகியவற்றையும் நிர்வகிப்பார். தலைமைச் செயலகத்தில் உள்ள காவலாளிகளும் அவரது கட்டுப்பாட்டின் கீழ் இருப்பர். 

8. முக்கியமாக எமர்ஜென்சி அமல்படுத்தப்படும் சமயங்களில், மாநிலத்தின் முழுக் கட்டுப்பாடும் அவரின் கீழ்தான் இருக்கும். 

9. எந்தவொரு நெருக்கடி, அசாதாரண சூழ்நிலையிலும் அரசின் பக்கம் நின்று, அவசியமாக எடுக்க வேண்டிய முடிவுகளுக்கான ஆலோசனை தர வேண்டியது தலைமைச் செயலாளருடைய பொறுப்பு. 

10. அரசு தொடர்பான டெண்டர்கள், கான்ட்ராக்ட்டுகள், நிலம் கையகப்படுத்துதல் என அனைத்தும் தலைமைச் செயலாளரின் கீழ்தான் செயல்படும். 

இவ்வளவு அதிகாரங்கள் தலைமைச் செயலாளருக்கு இருக்கின்றன.

ஆசிரியர்களுக்கு 2016-17 ஆம் கல்வி ஆண்டில் இன்று வரை நடைபெற்றுள்ள‌ 5 CRC பயிற்சி நாட்களுக்கு வழங்கப்படும் ஈடு செய்யும் விடுப்பின்காலாவதியாகும் தேதியின் விவரங்கள்..

‘நீட்’ தேர்வு போன்று என்ஜினீயரிங் படிப்புக்கும் பொது நுழைவுத்தேர்வு மத்திய அரசு பரிசீலனை!!!

மருத்துவ படிப்புகளுக்கு நாடு முழுவதும் ஒரே நுழைவுத்தேர்வாக ‘நீட்’ எனப்படும் மருத்துவ பொது நுழைவுத்தேர்வு நடத்தப்பட்டு வருகிறது.

இதே போன்று, என்ஜினீயரிங் படிப்புகளுக்கும் நாடு முழுவதும் ஒரே பொது நுழைவுத்தேர்வு முறையை அமல்படுத்துவது குறித்து மத்திய மனிதவள மேம்பாட்டு அமைச்சகம் பரிசீலித்து வருகிறது.இதுதொடர்பானஆலோசனை, முன்னேறிய கட்டத்தில் இருப்பதாக மத்திய அரசு வட்டாரங்கள் தெரிவித்தன.

இருப்பினும், இத்தகைய தேர்வு, 2018–ம் ஆண்டில் இருந்துதான் அமலுக்கு வரும் என்றும் அவ்வட்டாரங்கள் தெரிவித்தன.‘‘என்ஜினீயரிங் படிப்பு மாணவர் சேர்க்கையில் முறைகேடுகளை தடுக்கவும், மாணவர் சேர்க்கையில் வெளிப்படை தன்மையை உருவாக்கவும் பொது நுழைவுத்தேர்வு நடத்த மத்திய அரசு விரும்புகிறது’’ என்று மத்திய அரசு உயர் அதிகாரி ஒருவர் தெரிவித்தார்.

தமிழக அஞ்சல் வட்டத்தில் பணி: ஜனவரி 10க்குள் விண்ணப்பிக்க அழைப்பு!

மத்திய அரசின் கட்டுப்பாட்டில் செயல்பட்டு வரும் அஞ்சல் துறையின் தமிழக அஞ்சல் வட்டத்தில் 2017-ஆம் ஆண்டிற்கான 8 ஸ்கில்டு பணிக்கான அறிவிப்பு வெளியிடப்பட்டுள்ளது. இதற்கு 8-ஆம் வகுப்பு தேர்ச்சியுடன் சம்மந்தப்பட்ட துறையில் சான்றிதழ் மற்றும் பணி அனுபவம் பெற்றவர்களிடமிருந்து விண்ணப்பங்கள் வரவேற்கப்படுகின்றன.

பணி - காலியிடங்கள் விவரம்:

பணி: Copper & Tinsmith  (Skilled) - 02

பணி: M.V.Electrician(Skilled) - 02

பணி: M.V.Mechanic (Skilled) - 01

பணி: Upholsterer (Skilled) - 01

பணி: Welder  (Skilled) - 01

பணி: Carpenter (Skilled) - 01

தகுதி: எட்டாம் வகுப்பு தேர்ச்சி மற்றும் சம்மந்தப்பட்ட துறையில் சான்றிதழ், பணி அனுபவம் பெற்றிருப்பவர்கள் விண்ணப்பிக்க தகுதியானவர்கள்.

வயதுவரம்பு: 01.07.2015 தேதியின் படி 18 - 30க்குள் இருக்க வேண்டும்.

சம்பளம்: மாதம் ரூ.5400 - 20,200 தர ஊதியம் ரூ.1900

தேர்வு செய்யப்படும் முறை: துறைவாரியான தேர்வு மற்றும் நேர்முகத் தேர்வின் மூலம் தகுதியானவர்கள் தேர்வு செய்யப்படுவார்கள்.

விண்ணப்பக் கட்டணம்: ரூ.100. இதனை இந்திய அஞ்சல் வில்லையாக செலுத்த வேண்டும்.

பூர்த்தி செய்யப்பட்ட விண்ணப்பங்களை அனுப்ப வேண்டிய அஞ்சல் முகவரி:

“The Senior Manager, Mail Motor Service, No.37 (Old No.16/1) Greams Road, Chennai – 600 006”

விண்ணப்பிப்பதற்கான கடைசி தேதி: 10.01.2017

எழுத்துத் தேர்வு நடைபெறும் தேதி: 2017 பிப்ரவரி, மார்ச் மாதங்களில்

மேலும் முழுமையான விவரங்கள் அறிய http://www.tamilnadupost.nic.in/rec/SkilledTradesman.pdf என்ற இணையதள லிங்கை கிளிக் செய்து தெரிந்துகொள்ளவும்.

தமிழகத்தில் 15 ஆண்டுகளாக செயல்பட்டு வந்த அனைவருக்கும் கல்வி திட்டமானது RMSA உடன் இணைக்க மத்திய அரசு முடிவு.

INCOME TAX CALCULATOR...

CLICK HERE TO DOWNLOAD - INCOME TAX CALCULATOR...

DSE - 2016 PROMOTIONAL COUNSELLING ANNOUNCED FOR SUPERINTENDENTS


மாணவர்கள் சிந்தித்து படிப்பதற்கு ஏற்ப கல்வி கற்பிப்பது எப்படி? சென்னையில் ஆசிரியர்களுக்கு பயிற்சி அளிக்கப்பட்டது

பள்ளிக்கூட மாணவர்கள் பாடங்களை மனப்பாடம் செய்யாமல், சிந்தித்து படிப்பதற்கு ஏற்ற கல்வியை வழங்கும் வகையில் சென்னையில் ஆசிரியர்களுக்கு பயிற்சி அளிக்கப்பட்டது.

மனப்பாடம் செய்யாமல்...
அரசு மற்றும் உதவி பெறும் பள்ளிகளில் படிக்கும் மாணவ-மாணவிகளில் பெரும்பாலானோர் மனப்பாடம் செய்து படிக்கிறார்கள். அவர்கள் புத்தகத்தின் பின்பக்கத்தில் கொடுக்கப்பட்டு இருக்கும் கேள்விகளுக்கு உரிய பதிலை மனப்பாடம் செய்து தேர்வு எழுதுகிறார்கள். இவ்வாறு மாணவர்கள் மனப்பாடம் செய்வதை தவிர்க்கும் வகையில் ஆசிரியர்களுக்கு பயிற்சி அளிக்க தமிழக அரசும், பள்ளிக்கல்வித்துறையும் முடிவு செய்தது.

இதனையடுத்து நேற்று சென்னை நுங்கம்பாக்கத்தில் உள்ள டி.பி.ஐ. வளாகத்தில் மாநில கல்வியியல் ஆராய்ச்சி மற்றும் பயிற்சி நிறுவனம் சார்பில் ஆசிரியர்களுக்கு இந்த பயிற்சி அளிக்கப்பட்டது.

104 ஆசிரியர்கள்
பயிற்சியில் ஒவ்வொரு மாவட்டத்தில் இருந்தும் நிபுணத்துவம் பெற்ற 104 ஆசிரியர்கள் கலந்துகொண்டனர். அவர்களுக்கு எப்படி பாடங்களை கற்பிக்க வேண்டும்? என்று பயிற்சி அளிக்கப்பட்டது.

இந்த பயிற்சியில் மாணவர்கள் பாடம் தொடர்பாக அவர்களாகவே சிந்தித்து கேள்விகள் கேட்க வேண்டும். மனப்பாடம் செய்வதை தவிர்க்க வேண்டும். ஆசிரியர்கள் எந்த பாடத்தை கற்பிக்கிறாரோ? அந்த பாடம் தொடர்பாக பார்த்தல், கேட்டல், பேசுதல், படித்தல், படைப்பாற்றல் ஆகியவற்றில் மாணவர்களை ஈடுபடுத்த வேண்டும் என்று தெரிவிக்கப்பட்டது.

வல்லுனர்கள்
இந்த பயிற்சி இன்றுடன் (வெள்ளிக்கிழமை) முடிவடைகிறது. மற்ற பாடங்களுக்கும் விரைவில் பயிற்சி நடத்தப்பட உள்ளது.

நேற்று நடைபெற்ற தமிழ் பாடத்திற்கான பயிற்சியை வல்லுனர்கள் மத்திய மனித வள மேம்பாட்டுத்துறை அமைச்சகத்தை சேர்ந்த எல்.ராமமூர்த்தி, ந.நடராஜபிள்ளை, பி.ரத்தினசபாபதி, மு.பாலகுமார், து.சேதுபாண்டியன், வி.இளங்கோவன், சாம் மோகன்லால், மதுரை புலவர் சங்கரலிங்கனார் உள்பட பலர் பயிற்சி அளித்தனர்.

பயிற்சிக்கான ஏற்பாடுகளை மாநில கல்வியியல் ஆராய்ச்சி மற்றும் பயிற்சி நிறுவன இயக்குனர் வி.சி.ராமேஸ்வரமுருகன் செய்து இருந்தார்.

EMIS இந்த ஆண்டு 11ஆம் வகுப்பிற்கும் பதிவு செய்து முடிக்க வேண்டும்.

முதுகலை பட்டதாரி ஆசிரியர் கூடுதல் பணியிடங்கள் 1591 தோற்றுவிப்பு - மாவட்டம் / பாடம் வாரியான எண்ணிக்கை பட்டியல்

 

வினாத்தாள் தயாரிக்க ஆசிரியர்களுக்கு பயிற்சி

அரசு பள்ளிகளில், ஒன்று முதல் ஒன்பதாம் வகுப்பு வரை படிக்கும் மாணவர்கள், பள்ளியிலேயே, போட்டித் தேர்வு முறைகளை தெரிந்து கொள்ள, பயிற்சி வினாத்தாள் மூலம் சிறப்பு தேர்வுகள் நடத்தப்படுகின்றன. இதன்படி, வாரந்தோறும், புதிய வினாத்தாள்கள் மூலம் மாணவர்களுக்கு சிறப்பு தேர்வுகள் வைக்கப்படுகின்றன.

போட்டி தேர்வுகள் போல வினாக்களுக்கு, அப்ஜெக்டிவ் என்ற கொள்குறி வகையில் குறிப்புகள் வழங்கப்பட்டு, சரியான விடையை தேர்வு செய்ய, மாணவர்கள் பயிற்சி பெறுகின்றனர். இத்தேர்வு முறையில், இன்னும் தரமான வினாத்தாள்களை தயாரிக்கவும், மாணவர்கள் புரிந்து, சிந்தித்து, விடைகளை தேர்வு செய்யும் வகையிலும், வினாத்தாள்கள் தயாரிக்க, ஆசிரியர்களுக்கு பயிற்சி அளிக்கப்பட்டது. மாநில கல்வியியல் ஆராய்ச்சி மற்றும் பயிற்சி நிறுவன இயக்குனர், ராமேஸ்வர முருகன் தலைமையில் நடந்த பயிற்சியில், மைசூரில் உள்ள, இந்திய மொழிகள்

நிறுவனத்தைச் சேர்ந்த, சாம் மோகன்லால், நடராஜ பிள்ளை, பாலகுமார் உட்பட, பல பேராசிரியர்கள் பயிற்சி அளித்தனர்.

டில்லி குடியரசு தினவிழா அணிவகுப்பு : தமிழக மாணவர்கள் 6 பேர் தேர்வு

டில்லியில் நடக்கும் 2017 குடியரசு தினவிழா அணிவகுப்பில் பங்கேற்க விருதுநகர் மாவட்ட மாணவர் உட்பட தமிழக கல்லுாரி மாணவர்கள் ஆறு பேர் தேர்வாகி உள்ளனர்.

 குடியரசு தினத்தன்று முப்படைகள், துணை ராணுவம், என்.சி.சி., மற்றும் என்.எஸ்.எஸ்., மாணவர்களின் அணிவகுப்பு டில்லியில் நடக்கும். இந்த அணி வகுப்பில் பங்கேற்க வீரர்கள், மாணவர்கள் தேர்வு செய்யப்படுவர். இதில் வெற்றி பெறுபவர்கள் அணிவகுப்பில் கலந்துகொள்வர்.

அதன்படி இந்தாண்டு அணி வகுப்பில் பங்கேற்க தமிழகத்தை என்.எஸ்.எஸ்., மாணவர்களான சென்னை பல்கலை டேனியல், கார்த்திக், கோவை பாரதியார் பல்கலை ராகுல், மதுரை காமராஜ் பல்கலை அலெக்சாண்டர், திருச்சி பாரதிதாசன் பல்கலை ஜெயபிரசாந்த், சந்தோஷ் பாபு ,விருதுநகர் மாவட்டம் ராஜபாளையம் சோழபுரத்தை சேர்ந்த கிருஷ்ணன்கோவில் கலசலிங்கம் கலை மற்றும் அறிவியல் கல்லுாரி மாணவர் அலெக்சாண்டர் தேர்வாகி உள்ளனர்.

சுத்தம் பற்றி விழிப்புணர்வு: 14 வயது லண்டன் மாணவி அசத்தல்

தஞ்சாவூர்: லண்டனில் படிக்கும், தமிழ் வம்சாவளியைச் சேர்ந்த, 14 வயது மாணவி, கும்பகோணம் அரசு பள்ளி மாணவர்களுக்கு சுத்தம் பற்றிய விழிப்புணர்வை ஏற்படுத்தினார்.

தஞ்சாவூர் மாவட்டம், கும்பகோணத்தைச் சேர்ந்த யசோதன் - உமா மகேஷ்வரி தம்பதியின் மகள் சுருதி, 14. இவரது தாய், பிரிட்டனில் டாக்டராக பணியாற்றி வருகிறார்.லண்டனில் உள்ள கேம்பிரிட்ஜ் பள்ளியில், சுருதி, ஒன்பதாம் வகுப்பு படித்து வருகிறார். இவர் பிறந்தது ஜெர்மனியில் என்பதால், ஜெர்மன் தவிர, ஆங்கிலம், தமிழிலும் பேசுகிறார்.

சுருதி, 6 வயது முதல், சமூக சேவைகளில் ஈடுபட்டு வருகிறார். முதல் முறையாக, லண்டனில் உள்ள பாலத்திற்கு வண்ணம் தீட்டும் பணியில் ஈடுபட்டு, அதன் மூலம் கிடைத்த வருமானத்தை, சமூக சேவைக்காக பயன்படுத்தினார். மேலும், தான் உருவாக்கிய, செயற்கை நகைகளை விற்பனை செய்து, இந்திய மதிப்பின்படி, 60 ஆயிரம் ரூபாயை, லண்டனில் உள்ள கேன்சர் சென்டருக்கு நன்கொடையாக வழங்கி உள்ளார். பொது சேவைக்கான, ஏழு சான்றிதழ்கள் பெற்றுள்ளார்.

இவர், கும்பகோணம் அரசு துவக்க பள்ளி மாணவர்களிடையே, சுத்தம் பற்றிய விழிப்புணர்வை ஏற்படுத்தினார்.இது குறித்து, சுருதி கூறியதாவது: கடந்த முறை இந்தியா வந்த போது, சாலையில் பள்ளி பிள்ளைகள், மிகவும் அழுக்காக சென்றதை பார்த்து, மிகவும் வேதனை ஏற்பட்டது. இந்த குழந்தைகள் மத்தியில், சுத்தம் பற்றிய விழிப்புணர்வை ஏற்படுத்த வேண்டும் என, பெற்றோரிடம் தெரிவித்தேன். 

இதன்படி, என் அம்மாவின் ஊரான கும்பகோணத்தில், நகராட்சி காமராஜ் துவக்க பள்ளி மாணவர்கள் மத்தியில், சுத்தமாக தங்கள் உடலை வைத்து கொள்வது குறித்து, விழிப்புணர்வு ஏற்படுத்தினேன். தினமும் சுத்தமாக இருக்க வேண்டும் என்பதை ஊக்கப்படுத்தும் விதமாக, பிரஷ், சோப், நகம் வெட்டும் கருவி உள்ளிட்டவை, அவர்களுக்கு வழங்கப்பட்டுள்ளன. இதுபோன்ற சமூக சேவையை, முறையாக, பெரிதாக செய்ய வேண்டும் என்பது தான் என் ஆசை.இவ்வாறு, அவர் கூறினார்.

நிகழ்ச்சிக்கு, கும்பகோணத்தைச் சேர்ந்த, 'தோழமை' அமைப்பு நிறுவனர் டாக்டர் ராமசாமி, 'போர்ட் அனிமேஷன்' மற்றும், 'யாவரும் கேளிர்' தொண்டு நிறுவனங்கள் ஏற்பாடு செய்திருந்தன.

பொங்கல் போனஸ் : அரசு ஊழியர் கோரிக்கை

'அரசு அலுவலர்கள் மற்றும் ஆசிரியர்களுக்கு, பொங்கல் போனஸாக, 7,000 ரூபாய் வழங்க வேண்டும்' என, தமிழக அரசின் அங்கீகரிக்கப்பட்ட அனைத்து சங்கங்களின் கூட்டமைப்பு கோரிக்கை விடுத்துள்ளது.

கூட்டமைப்பு நிர்வாகிகள் கூட்டம், சென்னையில் நடந்தது. அதில், 'அங்கீகரிக்கப்பட்ட சங்கங்களை அழைத்து, கூட்டு மன்ற கூட்டம் நடத்த வேண்டும். அரசு அலுவலர்கள் மற்றும் ஆசிரியர்களுக்கு, பொங்கல் போனஸ், 7,000 ரூபாய் வழங்க வேண்டும்' என்பது உட்பட, பல்வேறு தீர்மானங்கள் நிறைவேற்றப்பட்டன.

அரசு ஊழியர்களின் சொத்து விவரம் பணிப்பதிவேட்டில் பதிவு செய்தல் பற்றிய விளக்கங்கள்

*அரசு ஊழியர்களின் மனைவி, கணவர், மக்கள் மற்றும் குடும்ப உறுப்பினர்களின் பெயரில் அவர்களுடைய சொந்த வருமானத்தை கொண்டு (அரசு ஊழியரின் வருமானம் இன்றி) சொத்து வாங்க அனுமதி தேவையில்லை. பணிப்பதிவேட்டில் குறிக்கப்பட்ட வேண்டியதுமில்லை. (அரசாணை எண். 3158/பொதுப்பணியாளர்கள் /துறை. நாள்-27.9.1974) 

*அரசு பணியாளர்கள் நடத்தை விதிகள்படி அரசு ஊழியர்கள் அசையாச் சொத்து, அசையும் சொத்து ஆகியவற்றை கடனாக மற்றும் பரிசுப் பொருட்களாக வாங்கும்போது மேற்கொள்ள வேண்டிய நடைமுறைகள் குறித்த ஆணைகள் (பதுத ஆணை எண். 45679/A2/1996, நாள்-17.4.1996)

*பரம்பரை சொத்துகளிலிருந்து பாகம் கிடைத்தாலோ அல்லது சொத்து ஒன்று பரம்பரையாக அரசு ஊழியருக்கு கிடைக்க நேர்ந்தாலோ அதற்கு எவ்வித அனுமதியும் தேவையில்லை. சொத்து அறிக்கையில் மட்டும் காண்பிக்க வேண்டும். (அரசாணை எண். 7143/பணி/ஏ/85-6,நிர்வாகத்துறை, நாள் - 14.5.1985)