Subscribe Our YouTube channel

எங்கள் செய்திகளை உடனுக்குடன் தெரிந்துகொள்ள எங்களுடைய அப்ப்ளிகேஷனை கீழேயே உள்ள இமேஜை கிளிக் செய்து google playstore இல் டவுன்லோட் செய்து கொள்ளுங்கள் நன்றி...!!!

Saturday, 7 January 2017

10 LAPTOP TIPS | உங்கள் லேப்டாப்பை பாதுகாக்க 10 வழிகள் | STORIES IN TAMIL

How to know Annual income statement pay slip, pay drawn particulars?

CLICK HERE - TO KNOW UR PAY SLIP,PAY DRAWN PARTICULARS

1.TPF number

2. PTPF

3 Date of birth

TRB:உதவிப் பேராசிரியர் நேரடி நியமன எழுத்துத் தேர்வு முடிவு வெளியீடு!

அரசு பொறியியல் கல்லூரிகளில் உதவிப் பேராசிரியர் நேரடி நியமனத்துக்கு நடத்தப்பட்ட எழுத்துத் தேர்வு முடிவுகளை ஆசிரியர் தேர்வு வாரியம் (டிஆர்பி) வெளியிட்டுள்ளது.
இதில் தகுதி பெற்றவர்களுக்கு வருகிற 19,20 தேதிகளில் சான்றிதழ் சரிபார்ப்பு நடத்தப்பட உள்ளது. அரசுப் பொறியியல் கல்லூரிகளில் காலியாக இருந்த 192 உதவிப் பேராசிரியர் பணியிடங்களுக்கு நியமனம் செய்வதற்கான அறிவிப்பை கடந்த 2014 ஆம் ஆண்டு டிஆர்பிவெளியிட்டது. அந்த அறிவிப்பில், வயது உச்சவரம்பில் எழுந்த சிக்கல் காரணமாக, இந்தப் பணியாளர் தேர்வுப் பணிநிறுத்திவைக்கப்பட்டது.அதன் பிறகு வயது உச்சவரம்பு மாற்றியமைக்கப்பட்டது.

விண்ணப்பதாரருக்கான அதிகபட்ச வயது 57 ஆக நிர்ணயிக்கப்பட்டது. பின்னர் மீண்டும் அறிவிப்பு வெளியிட்டு, கடந்த 22-10-2016 அன்று எழுத்துத் தேர்வு நடத்தப்பட்டது.மொத்தம் 48,286 பேர் விண்ணப்பித்ததில் 27,635 பேர் பங்கேற்று தேர்வு எழுதினர்.இந்தத் தேர்வுக்கான முடிவு இப்போது வெளியிடப்பட்டுள்ளது.

தேர்வு எழுதிய அனைவருக்குமான முடிவுகள் www.trb.tn.nic.in என்ற இணையதளத்தில் வெளியிடப்பட்டுள்ளது.அதனுடன் சான்றிதழ் சரிபார்ப்புக்கு அழைக்கப்பட்டுள்ளதகுதிவாய்ந்தவர்களின் பட்டியலும் வெளியிடப்பட்டுள்ளது.ஒரு இடத்துக்கு இருவர் என்ற அடிப்படையில் தகுதிவாய்ந்தவர்கள் தேர்வு செய்யப்பட்டு பட்டியல் வெளியிடப்பட்டிருக்கிறது.

சான்றிதழ் சரிபார்ப்பானது செனனை கிழக்கு தாம்பரத்தில் பாரத் மாதா சாலையில் அமைந்துள்ள ஜெய் கோபால் கரோடியா தேசிய உயர்நிலைப் பள்ளியில் வருகிற 19, 20 தேதிகளில் நடத்தப்பட உள்ளது.இதற்கான அழைப்புக் கடிதத்தை டிஆர்பி இணையதளத்திலிருந்து பதிவிறக்கம் செய்துகொள்ள வேண்டும். அழைப்புக் கடிதம் தனியார் தபால் மூலம் அனுப்பப்பட மாட்டாது எனத் தெரிவிக்கப்பட்டுள்ளது.

பி.எஃப். பயனாளிகள் ஆதார் எண் பதிவு செய்வது கட்டாயம்.

தொழிலாளர் வருங்கால வைப்பு நிதி நிறுவனத்தின் (இபிஎஃப்ஓ) கீழ் பயன்பெறும் அனைத்து ஓய்வூதியதாரர்களும், சந்தாதாரர்களும், தங்களுக்கு கிடைக்கும் சேவைகள் தொடர்வதற்கு தங்களது ஆதார் அடையாள எண்ணை இந்த மாத இறுதிக்குள் கட்டாயம் பதிவு செய்ய வேண்டும் என்று இபிஎஃப்ஓ அமைப்பு தெரிவித்துள்ளது.

இதுதொடர்பாக, இபிஎஃப்ஓ அமைப்பின் ஆணையர் வி.பி.ஜாய், தில்லியில் வெள்ளிக்கிழமை கூறியதாவது:
இபிஎஃப்ஓ அமைப்பின் சேவைகளைத் தொடர்ந்து பெற வேண்டுமெனில் அனைத்து ஓய்வூதியதாரர்களும், சந்தாதாரர்களும் வரும் 31-ஆம் தேதிக்குள் ஆதார் எண் அல்லது ஆதார் எண் பெறுவதற்கு விண்ணப்பித்துள்ள படிவத்தின் நகலை அளிக்க வேண்டும். இந்த மாத இறுதிக்குப் பிறகு சூழலைப் பொறுத்து, கால அவகாசம் நீட்டிப்பது குறித்து முடிவெடுக்கப்படும் என்றார்.
நாடு முழுவதும் 50 லட்சம் ஓய்வூதியதாரர்களும், 4 கோடி சந்தாதாரர்களும் உள்ளனர்.
இந்நிலையில், ஆதார் எண்ணைத் தெரிவிக்க வேண்டியது குறித்து நாடு மழுவதும் உள்ள ஓய்வூதியதாரர்களுக்கும், சந்தாதாரர்களுக்கும் விழிப்புணர்வு ஏற்படுத்த வேண்டும் என்று 120 மண்டல அலுவலகங்களுக்கு இபிஎஃப்ஓ அமைப்பு உத்தரவிட்டுள்ளது.

Income Tax Form 2016-17 (தமிழில்)

IT படிவம் 2016-17 தமிழில்...

*.CLICK HERE TO DOWNLOAD IN PDF...

மதுரையில் ஓய்வூதிய அலுவலகம் அமையுமா:ஓய்வூதியர்கள் அரசுக்கு வலியுறுத்தல்

மதுரை மாவட்டத்திலுள்ள 42 ஆயிரம் ஓய்வூதியர்களின் நலனை கருத்தில் கொண்டு மாவட்ட ஓய்வூதிய அலுவலகத்தை அமைக்க வேண்டும்,' என, அரசுக்கு வலியுறுத்தப்பட்டுள்ளது.அரசின் பல்வேறு துறைகளில் 2003க்கு முன்பாக பணியில் சேர்ந்து ஓய்வு பெற்றவர்களுக்கு மாவட்ட மற்றும் சார் நிலை கருவூலகங்கள் மூலம் ஓய்வூதியம் வழங்கப்படுகிறது.

சென்னை ஓய்வூதியர்களுக்கான அலுவலகம் நுங்கம்பாக்கத்தில் உள்ளது. இதனால் நிலுவை தொகை உட்பட பல்வேறு சலுகைகளை உடனடியாக பெற முடிகிறது.

மதுரை மாவட்டத்தில் 42 ஆயிரம் ஓய்வூதியர்கள் வசிக்கின்றனர். இவர்களுக்கான ஓய்வூதியம் மாவட்ட கருவூலம் மற்றும் நான்கு சார்நிலை கருவூலகங்கள் மூலம் வழங்கப்படுகின்றன. உயிர்சான்று சரிபார்ப்பு, நிலுவை தொகை மற்றும் பல்வேறு பிரச்னைகளுக்காக தினமும் ஏராளமான ஓய்வூதியர்கள் இந்த அலுவலகங்களுக்கு வந்து செல்கின்றனர். 

இந்த அலுவலகங்களில் அரசு துறையினருக்கான சம்பளம் மற்றும் அரசுக்கு செலுத்த வேண்டிய கட்டணங்கள் செலுத்தப்படுவதால் பணி சுமையும் கூடுதலாக உள்ளது. ஊழியர் பற்றாக்குறையும் உள்ளது.இதை கருத்தில் கொண்டு மதுரையில் மாவட்ட ஓய்வூதிய அலுவலகத்தை அமைக்க வேண்டும் என ஓய்வூதியர்கள் அரசை வலியுறுத்தி வருகின்றனர்.

மண்டல கருவூலத்துறை இணை இயக்குனரகமும் ஓய்வூதிய அலுவலகம் அமைக்க அரசுக்கு பரிந்துரை செய்துள்ளது.மூத்த குடிமக்கள் மற்றும் ஓய்வூதியர்கள் நலச்சங்க மாவட்ட தலைவர் காளிதாஸ் கூறியதாவது: மதுரை பிரிக்கப்படாத ஒருங்கிணைந்த மாவட்டமாக இருந்த போது அனைத்து அலுவலகங்களும் இங்கு இருந்தன. இதனால் எல்லா அரசு அலுவலர்களும் இங்கு பணிபுரிந்து ஓய்வு பெற்றனர்.மாவட்டங்கள் பிரிக்கப்பட்ட போதும் கூட மதுரையிலிருந்து சென்று வந்தனர். இதனால் மதுரையில் 42 ஆயிரம் ஓய்வூதியர்கள் வசிக்கின்றனர். 

உ.பி., மகாராஷ்டிரா, பீகார் போன்ற மாநிலங்களில் ஓய்வூதிய அலுவலகங்கள் இரண்டு, மூன்று மாவட்டங்களில் உள்ளன. எனவே மதுரையிலும் ஓய்வூதிய அலுவலகம் திறக்க வேண்டும், என்றார்.

பேச்சு நடத்த அமைச்சரை அழைத்த ஆசிரியர்கள் கைது

தமிழக பள்ளிக் கல்வி துறையின், அனைவருக்கும் கல்வி இயக்க திட்டத்தில், 16 ஆயிரம் பகுதி நேர சிறப்பாசிரியர்கள்,தொகுப்பூதியத்தில், நான்கு ஆண்டுகளாக பணியாற்றி வருகின்றனர். இவர்கள் பணி நிரந்தரம் கோரி, சென்னை, சேப்பாக்கத்தில், நேற்று ஆர்ப்பாட்டம் நடத்தினர்.

இதற்கு, காலை, 11:00 மணி முதல், 12:00 மணி வரை மட்டுமே அனுமதி வழங்கப்பட்டது. திடீரென, அமைச்சர் பாண்டியராஜன், நேரில் பேச்சு நடத்த வரும் வரை, ஆர்ப்பாட்டம் தொடரும் என, அவர்கள் அறிவித்தனர். அனுமதி நேரத்தை தாண்டி, ஆர்ப்பாட்டம் நடத்தியதால், நுாற்றுக்கணக்கான ஆசிரியர்களை, போலீசார் கைது செய்தனர்.

DEE - 1 MONTH "RIESI" TRAINING FOR PRIMARY TEACHERS

ஊழியர்கள் இடமாறுதலுக்கு தடை இல்லை.

வாக்காளர் பட்டியல் சுருக்கத் திருத்தப் பணி செப்., 1 ல் துவங்கியது. இந்த பணியில் ஈடுபட்ட கலெக்டர், கலெக்டரின் நேர்முக உதவியாளர், தாசில்தார், துணை தாசில்தார், இளநிலை உதவியாளர், ஓட்டுச்சாவடி நிலை அலுவலர்களாக நியமிக்கப்பட்ட ஆசிரியர், அங்கன்வாடி ஊழியர், வி.ஏ.ஓ.,க்களை இடமாறுதல் செய்ய தேர்தல் ஆணையம் தடை விதித்தது. 
இதனால் தேர்தல் ஆணையத்திடம் ஒப்புதல் பெற்றபின்பே மாற்றப்பட்டனர்.

தற்போது சுருக்கத் திருத்தப்பணி முடிவடைந்து, நேற்றுமுன்தினம் (ஜன., 5) இறுதி வாக்காளர் பட்டியல் வெளியிடப்பட்டது. இதையடுத்து இடமாற்றம் செய்வதற்கான தடையை ஆணையம் விலக்கி கொண்டது. மேலும் தேர்தல் பிரிவில் பணிபுரியும் தாசில்தார், துணை தாசில்தார்களை இடமாற்றம் செய்வதற்கு மட்டும் ஆணையத்திடம் அனுமதி பெற வேண்டுமென, தெரிவித்துள்ளது. இதையடுத்து விரைவில் கலெக்டர்கள் இடமாற்றம் செய்ய வாய்ப்புள்ளது.

உயர்கல்வி தரத்தை மேம்படுத்துவது குறித்து துணைவேந்தர்களிடம் கவர்னர் ஆலோசனை.

உயர்கல்வி தரத்தை மேம்படுத்துவது குறித்து, பல்கலை துணைவேந்தர்களிடம், கவர்னர் வித்யாசாகர் ராவ் ஆலோசனை நடத்தியுள்ளார்.

தமிழக பொறுப்பு கவர்னர் வித்யாசாகர் ராவ் சார்பில், கவர்னர் அலுவலக முதன்மை செயலர் ரமேஷ் சந்த் மீனா, நேற்று வெளியிட்ட செய்தி குறிப்பு: 
புத்தாண்டு பிறந்த பின், தமிழக கவர்னர் வித்யாசாகர் ராவ், ஜன., 4, இரவில் சென்னைக்கு வந்தார். புத்தாண்டை ஒட்டி, அதிகாரிகள், கல்வியாளர்கள், துணைவேந்தர்கள், கவர்னரை சந்தித்து, வாழ்த்து தெரிவிப்பது வழக்கம்.

அதன்படி, ஜன., 5ல், பல்கலைகளின் வேந்தரான, தமிழக கவர்னரை, பல்கலைகளின் துணைவேந்தர்கள் சந்தித்து, புத்தாண்டு வாழ்த்து தெரிவித்தனர். அப்போது, ராஜ் பவனின் காலண்டர் வெளியிடப்பட்டது.தமிழக பல்கலைகளின் மேம்பாடு, உயர்கல்வி தரத்தை உயர்த்துவதற்காக எடுக்கப்பட்ட நடவடிக்கைகள் குறித்தும், அதன் முன்னேற்றம் குறித்தும், துணைவேந்தர்களிடம், கவர்னர் ஆலோசித்தார். இதை, அ.தி.மு.க., பொது செயலர் சசிகலாவை, பல்கலைகளின் துணைவேந்தர்கள் சந்தித்தது குறித்து, கவர்னர் விசாரணை நடத்தினார் என கூற முடியாது.

இவ்வாறு அதில் கூறப்பட்டுள்ளது.

பி.ஆர்க்., நுழைவுத்தேர்வில் அதிரடி மாற்றம் : ஆன்லைன் பதிவு துவக்கம்.

பி.ஆர்க்., படிப்புக்கான, 'நாட்டா' தேர்வு முறையில், அதிரடி மாற்றம் செய்யப்பட்டுள்ளது.

கட்டட வடிவமைப்பு மற்றும் மாதிரி கட்டமைப்பை உருவாக்குவதற்கான, ஆர்க்கிடெக்ட் படிப்பான, பி.ஆர்க்., மற்றும் எம்.ஆர்க்., நாடு முழுவதும், 500க்கும் மேற்பட்ட கல்லுாரிகளில் உள்ளன.
இந்த படிப்புகள், தேசிய ஆர்க்கிடெக்ட் கவுன்சில் அங்கீகாரத்துடன் நடத்தப்படுகின்றன.

பிளஸ் 2வில், கணிதப் பிரிவு படித்தோர், பி.ஆர்க்., படிப்பில் சேரலாம். இதற்கு, 'நாட்டா' எனப்படும், தேசிய திறன் மற்றும் நுழைவுத் தேர்வு, ஏப்., மே மாதங்களில் நடத்தப்படும். இதில், பல முறைகேடுகள் ஏற்படுவதாகவும், மாணவர்களின் தகுதி சரியாக நிர்ணயிக்கப்படுவது இல்லை என்றும் புகார் எழுந்தது. எனவே, இந்த ஆண்டு முதல், ஒரே நாளில், எழுத்து மற்றும் வரைபடத் தேர்வையும் நடத்தும் மாற்றத்தை, தேசிய ஆர்க்கிடெக்ட் கவுன்சில் அறிவித்துள்ளது. வரும் கல்வியாண்டுக்கான நுழைவுத் தேர்வு, நாடு முழுவதும், ஏப்., 16, காலை, 11:00 மணி முதல், பகல், 2:00 மணி வரை, எழுத்துத் தேர்வு நடத்தப்படுகிறது. மொத்தம், 200 மதிப்பெண்களில், ஏ பிரிவில், கணிதம் குறித்து, 40 மதிப்பெண்களுக்கு, 20 கேள்விகள்; பொது திறன் குறித்து, 80 மதிப்பெண்களுக்கு, 40 கேள்விகள்; பி பிரிவில், 80 மதிப்பெண்களுக்கு, இரண்டு வரைபடங்களும் இடம் பெறும். தேர்வுக்கான, ஆன்லைன் விண்ணப்ப பதிவு, ஜன., 2ல் துவங்கியது; பிப்., 2 நள்ளிரவு, 11:59 மணிக்கு முடிகிறது. மார்ச் 26ல், ஹால் டிக்கெட் வெளியிடப்படும். ஜூன் 10ல், தேர்வு

முடிவு வெளியாகும் என, அறிவிக்கப்பட்டுள்ளது. கூடுதல் விபரங்களை, http://www.nata.in/ என்ற இணையதளத்தில் அறிந்து கொள்ளலாம்.

புத்தக கண்காட்சியை தொடங்கி வைத்தார் அமைச்சர் பாண்டியராஜன்.

சென்னை அமைந்தகரையில் 700 அரங்குகள், 10 லட்சம் தலைப்புகளில் சென்னை புத்தக கண்காட்சி இன்று முதல் வரும் 19–ஆம் தேதி வரை நடைபெறுகிறது. 
அமைந்தகரை பச்சையப்பன் கல்லூரி எதிரே உள்ள செயின்ட் ஜார்ஜ் ஆங்கிலோ இந்தியன் மேல்நிலைப்பள்ளியில் இதன் ஏற்பாடு செய்துள்ளது தென்னிந்திய புத்தக விற்பனையாளர் மற்றும் பதிப்பாளர் சங்கம்.

இந்நிலையில் அமைச்சர் பாண்டியராஜன் புத்தக கண்காட்சியை இன்று தொடங்கி வைத்து செய்தியாளர்களிடம் பேசிய அவர், நாட்டிலே தமிழகத்தில் தான் அதிக நூலகங்கள் உள்ளன. மறைந்த முதல்வர் ஜெயலலிதா புத்தகங்கள் மீது அதிக அளவில் அக்கறை கொண்டிருந்தார் என்றார்.

தமிழகத்தில் ஓட்டுநர் உரிம கட்டணம் உயர்வு.

தமிழகம் முழுவதும் உள்ள வட்டார போக்குவரத்து அலுவலகங்களில் கட்டணம் உயர்த்தப்பட்டுள்ளது. இதில் ஓட்டுநர் உரிமம் புதுப்பித்தல் கட்டணம் ரூ.350-ஆக இருந்து தற்பொது ரூ.650-ஆக உயர்த்தபட்டுள்ளது.

மேலும் வாகன தகுதிச்சான்று கட்டணம் ரூ.550-ல் இருந்து ரூ.1,050-ஆக உயர்ந்துள்ளது. தவணை கொள்முதல் ரத்து சான்றுக்கான கட்டணம் பல மடங்கு உயர்த்தப்பட்டுள்ளது.

You Tube-ல் கலக்கும் கணக்கு டீச்சர்!

அரசுப் பள்ளி என்றால் கேட்குற விஷயத்தில் சுருதி குறையும் இந்த காலத்தில், கணிதத்தை வெகு எளிதாக சொல்லிக்கொடுத்து அதை தன் செல்போனில் பதிவுசெய்து பேஸ்புக், வாட்ஸ்அப், யூடியூபில் பதிவேற்றம் செய்து அசத்தி வருகிறார் திருச்செங்கோடு அரசு பெண்கள் மேல்நிலைப் பள்ளியின்  கணக்கு டீச்சர் ரூபி கேத்தரின் தெரசா. 
இவர் பதிவேற்றம் செய்யும் வீடியோக்களை ஒன்றரை கோடி பேர் பார்க்கிறார்கள் என்பது வாவ் தகவல்.

1986-ம் ஆண்டு முதல் 2006-ம் ஆண்டு வரை தனியார் பள்ளியில் ஆசிரியையாக வேலை பார்த்து அதன்பிறகு  2007-ம் ஆண்டில் சேலம் அருகிலுள்ள சின்ன சீரகங்கபாடி அரசு பள்ளிக்கூடத்தில் வேலைக்குச் சேர்ந்தேன். அங்குள்ள குழந்தைகள் படிக்க சிரமப்படுவது தெரிந்தது அதை போக்க வழிகளை தேடினேன். பிள்ளைகளுக்கு வித்தியாசமாக சொல்லி கொடுப்பது எப்படி என்று இணையத்தில் தேடினேன். அதைவைத்து எனக்கிருந்த அனுபவத்தோடு சேர்த்து எளிதாக சொல்லிக் கொடுக்க, பிள்ளைகள் 98, 99 வாங்க ஆரம்பித்தார்கள். அன்றிலிருந்து ஆரம்பித்தது என் கற்பித்தலின் உற்சாக பயணம்” என்றவரின் வார்த்தைகளில் அத்தனை வாஞ்சை, அவரது வீடியோவைப் போல்.

‘‘பொதுவாக நான் வகுப்புக்குள் நுழைந்தவுடன் பிள்ளைகளிடம் “என்னை ஆசிரியரா நினைக்காதமா. உன்னுடைய அம்மாவாகவோ அல்லது உனக்கு யாரைப் புடிக்குமோ அவங்களா நினைச்சுக்கோடா கண்ணு. அப்படினா நீ நல்லா படிச்சுருவ” என்பேன். பொதுவாக அரசு பள்ளிகளில் பெற்றோர்கள் இல்லாமல், அல்லது பெற்றோரில் ஒருவர் இல்லாமல் படிக்க வருகின்ற குழந்தைகள்தான் ஏராளம். அவர்கள் ஒவ்வொருவரின் கதையும் கண்ணீரில் கரைக்க வைக்கும். அதனாலேயே பாப்பு, செல்லம் என்பது போன்ற வார்த்தைகளை உபயோகித்து பாடங்கள் சொல்லி கொடுப்பேன். கண்டிக்கும்போது ‘பாப்பு’ என்கிற சொல்லை தவறவிடமாட்டேன்” என்கிறவர் தான் வாட்ஸ்அப்பில் வந்த கதையைச் சொன்னார்.

ஆரம்பத்தில் இணையத்தளத்தில் வீடியோ போடாலாமா வேண்டாமா என்ற பயம் இருந்துக்கொண்டே இருந்தேன். பிறகு, எளிய வகையில் வாய்பாடு கற்றுக்கொள்வதற்கு உதவியாகவும், காது கேட்காத குழந்தைகளும் பார்த்து புரிவது போல அனிமேஷன் செய்திருந்த அந்த வீடியோ அதிக வரவேற்பை பெற்றது. இந்த வரவேற்பைத் தொடர்ந்து பேஸ்புக்கில் ‘வர்க்கப்படுத்துவது எப்படி?’ என்பதை வீடியோவாக பதிவேற்றம் செய்தேன். 80 லட்சம் பேரால் பார்க்கப்பட்டது இந்த வீடியோ. மூன்று வழிகளில் பெருக்கல் செய்வது எப்படி என்கிற வீடியோவை 63 லட்சம் பேர் பார்த்திருக்கிறார்கள்” என்று சொல்லி வாயடைக்கிற ரூபி, இதுவரை 200 வீடியோக்களுக்கு மேல் எடுத்து அப்லோட் செய்திருக்கிறார்.

‘‘என்னோட வீடியோவ பார்த்துட்டு டீச்சர் இதைப் பத்தி போடுங்க, அந்த கணக்கு கஷ்டமா இருக்கு, அந்த முறை சொல்லி கொடுங்கனு பசங்க, அம்மாக்கள் ஆர்வமா கேக்க ஆரம்பிச்சாங்க. பத்தாம் வகுப்பு படிக்கின்ற குழந்தைகளுக்காக என்னுடைய பிளாக்கில் (http://rubitheresa.blogspot.in/) பல பகுதியில் இருந்தும் டீச்சர் இதைப்போடுங்க, இதை சொல்லிக்கொடுங்க என்று அழைத்து சொன்னார்கள். குரூப் 4 தேர்வு எழுதுபவர்களுக்கு என்னுடைய வீடியோ உதவியாக இருக்கிறது என்று சொல்லும்போது மகிழ்வாக இருக்கிறது.

உங்களுடைய வீடியோக்களை டவுன்லோடு செய்தே செல்போன் மெம்மரி தீர்ந்துவிடும் போலிருக்கிறதே, வீடியோ அதிகமாக இருப்பதால் செல்போன் ஹேங்க் ஆகுதே என்று சொல்பவர்களும் இருக்கிறார்கள். குரூப் 4 தேர்வு எழுதுபவர்கள் என்னுடைய முறையினை கடைப்பிடிப்பதாகவும், எங்களுக்கு பயிற்சி கொடுங்கள் என்கிறார்கள். வெளிநாட்டினர் என்னுடைய வீடியோவைப் பார்த்து பாராட்டி இருக்கிறார்கள்”  என்று மகிழ்ச்சியோடு சொன்னார்.

நீங்கள் வீடியோவில் பாடம் நடத்தும்போது சொல்லுடா கண்ணு, கவனிடா கண்ணு என்று சொல்கிறீர்களே?

“பாடம் நடத்தும்போது சொல்லுடா கண்ணு, பாருடா கண்ணு என்று குழந்தையை அழைக்கும் விதத்தை நிறைய பேர் பாதித்திருக்கிறது. எப்படி டீச்சர் இப்படி நடத்துகிறீர்கள் என்று கேட்கிறார்கள். பொதுவாக குழந்தைகளிடம் அன்பாகப் பழகும்போது தான் அவர்களுடைய குணாதியசங்களும் மாறும். வெறும் படிப்பு மட்டுமல்ல, அவை பண்பையும் வளர்க்க வேண்டும். பாடம் சொல்லிக்கொடுக்கும் முறையிலேயே பண்பையும் சொல்லிக்கொடுக்க முடியும். என்னடா கண்ணு, என்னடா பாப்பு என்று பேசும்போது தான் என் மீது ஆசிரியர்கள் மீது பிடிப்பு ஏற்பட்டு. எந்த வளமும் இல்லாம அதே நேரம் படிக்கவும் சிரமப்படுற குழந்தைங்களுக்குத் தான் நான் தேவை. 

வீடியோ டெக்னாலஜி எப்படி கையாளுகிறீர்கள்?

“வகுப்பில் கடைசி பத்து நிமிடம் வீடியோவுக்காக செலவழிக்கிறோம். இதற்காக சிம் போடாத போனைத் தான் உபயோகிக்கிறேன். வீட்டிற்கு வந்தவுடன் அப்படியே யூடிப் மற்றும் வாட்ஸ்அப்பில் அப்லோடு செய்து விடுவேன். இதற்கு என் மகனும், மகளும் உதவி செய்வார்கள்."

அரசு பள்ளியில் இருந்துகொண்டு இதனை எளிதாக செய்ய முடிகிறதா?

“தனியார் பள்ளிகளை மிஞ்சும் அளவுக்கு நிறைய வசதிகள் அரசுப் பள்ளிகளில் இருக்கிறது. நாம் எந்தளவுக்கு பயன்படுத்துகிறோம் என்பதை பொறுத்து தான் இருக்கிறது. டெக்னாலஜி மூலமாக குழந்தைகளுக்கு எப்படி கல்வி கற்றுக்கொடுப்பது என ஒவ்வொரு மாவட்ட அளவிலும் பயிற்சி வழங்கி வருகிறார்கள். நல்ல அங்கீகாரமும் இருக்கிறது. எங்கள் பள்ளிக்கு இயக்குநரே நேரடியாக வந்து பாராட்டி இருக்கிறார்.

உங்களுடைய குடும்பத்தை பற்றி சொல்லுங்கள்?

“என் அப்பாதான் எங்களுக்கு எல்லாமுமாக இருந்தார். அம்மா மனநிலை பாதிக்கப்பட மிகுந்த சிரமத்துக்கு இடையில் அப்பாவின் உதவியோடு படித்து முன்னேறினேன். எனக்கு ஏற்பட்ட சிரமம், மற்றவர்களுக்கு ஏற்படக்கூடாது என்பதை உணர்ந்திருக்கிறேன். மாரடைப்பு என்கிற கொடிய நோயால் என் கணவரும் பிரிந்துவிட என் மகன், மகள் துணையால் நான் இன்று நடமாடிக் கொண்டிருக்கிறேன். மகன் பொறியியல் படிப்பை முடித்துவிட்டு தனியார் நிறுவனத்தில் வேலைக்குச் சேர்ந்திருக்கிறான். என் மகளுக்கு சென்னையில் படிக்க வாய்ப்பு கிடைத்து, எனக்காக இங்கேயே கல்லூரியில் படிக்கிறாள். இப்படிப்பட்ட தங்கமான பிள்ளைகள் இருப்பதாலேயே என் பள்ளி வாழ்க்கை நிறைவாக போய்க்கொண்டிருக்கிறது" என்றபடி வகுப்பறைக்குச் செல்கிறார் ரூபி டீச்சர்.

வாழ்த்துகள் டீச்சர்...

தொடக்கக் கல்வி - உதவித் தொடக்கக் கல்வி அலுவலகங்கள் - ஆசிரியர்களின் ஊதியம், இதர பணபலன்கள் மற்றும் பணிப்பதிவேடு உள்ளிட்ட அனைத்து கோப்புகள் மீதும் உடனுக்குடன் நடவடிக்கை மேற்கொள்ளுதல் சார்ந்து இயக்குனரின் உத்தரவு...