Subscribe Our YouTube channel

எங்கள் செய்திகளை உடனுக்குடன் தெரிந்துகொள்ள எங்களுடைய அப்ப்ளிகேஷனை கீழேயே உள்ள இமேஜை கிளிக் செய்து google playstore இல் டவுன்லோட் செய்து கொள்ளுங்கள் நன்றி...!!!

Sunday, 15 January 2017

ரயில்வே தேர்வுக்கு விண்ணப்பிக்க ஆதார் எண் கட்டாயமாகிறது.ஆள்மாறாட்டத்தை தடுக்க அதிரடி நடவடிக்கை.

ரயில்வே தேர்வுகளுக்கு ஆன்லை னில் விண்ணப்பிக்க ஆதார் எண் கட்டாயமாகிறது. தேர்வறையில் ஆள்மாறாட்டத்தை தடுக்க விண்ணப்பதாரர்களின் கைவிரல் ரேகை மூலம் வருகைப்பதிவு சரிபார்க்க ரயில்வே தேர்வு வாரியம் முடிவு செய்துள்ளது. 
நாட்டின் மிகப்பெரிய பொதுத் துறை நிறுவனமாக கருதப்படுகிறது ரயில்வே துறை. இத்துறையில் குரூப்-ஏ அதிகாரிகள் மத்திய அரசு பணியாளர் தேர்வாணையம் (யுபிஎஸ்சி) மூலமாக தேர்வு செய்யப்படுகிறார்கள். அதேபோல், குரூப்-பி அலுவலர்கள், குரூப்-சி பணியாளர் கள் ரயில்வே தேர்வு வாரியம் மூலமாக பணிநியமனம் செய்யப் படுகிறார்கள். இதற்காக நாடு முழுவதும் 21 ரயில்வே தேர்வு வாரியங்கள் செயல்படுகின்றன. தெற்கு ரயில்வே பணியாளர்கள் சென்னை ரயில்வே தேர்வு வாரியம் மூலம் தேர்வுசெய்யப்படுகிறார்கள். ரயில்வே தேர்வு வாரியம் நடத்தும் போட்டித்தேர்வுகளுக்கு ஆன்லைனில் விண்ணப்பிக்க வேண்டும். தேர்வுக்கூடத்தில் ஆள் மாறாட்டம் செய்து தேர்வெழுதும் சம்பவங்கள் இங்கொன்றும் அங் கொன்றுமாக நடந்து வருவது குறித்து ரயில்வே தேர்வு வாரியத் துக்கு அவ்வப்போது புகார்கள் வந்த வண்ணம் இருந்தன. இந்த நிலையில், தேர்வுக் கூடத்தில் ஆள்மாறாட்டத்தை தடுக்கும் வகையில் ரயில்வே தேர்வு வாரியம் அதிரடி நடவடிக்கை ஒன்றை எடுத்துள்ளது. அதன்படி, ரயில்வே தேர்வுக்கு விண்ணப்பிக்க ஆதார் எண் விரைவில் கட்டாயமாகிறது.

 தேர்வுக்கு ஆன்லைனில் விண் ணப்பிக்கும்போதே 12 இலக்க ஆதார் எண் அல்லது ஆதார் அட்டைக்கு விண்ணப்பித்த 28 இலக்க ஆதார் பதிவெண்ணைக் குறிப்பிட வேண்டும். ஆதார் விவரத்தில் சம்பந்தப்பட்ட நபரின் முகவரி, கைவிரல் ரேகை, கண்ணின் கருவிழி உள்ளிட்ட விவரங்கள் இடம்பெற்றிருக்கும். அதன்படி, தேர்வெழுத வரும் விண்ணப்பதாரர்களின் வருகைப் பதிவு அவர்களின் கைவிரல்ரேகை மூலம் சரிபார்க்கப்படும். இதற்கு ஆதார் சர்வர் பயன்படுத்தப்படும். இதன்மூலம் எந்த விண்ணப் பதாரராவது ஆள்மாறாட்டம் செய்து தேர்வுக்கூடத்துக்கு வந்திருந்தால் அவர்கள் கையும் களவுமாக பிடிபடுவர் என்பது குறிப்பிடத்தக்கது. இதுகுறித்து சென்னை ரயில்வே தேர்வு வாரியத்தின் தலைவர் சுனிதா வேதாந்தம் 'தி இந்து'விடம் கூறியதாவது: ரயில்வே தேர்வுக்கு ஆன் லைனில் விண்ணப்பிப்பவர்கள் தங்கள் ஆதார் எண்ணைக் குறிப்பிட வேண்டும். ஆதார் எண் இல்லாவிட்டால் ஆதாருக்கு விண்ணப்பித்தபோது அளிக் கப்பட்ட ஆதார் பதிவு எண்ணைக் குறிப்பிட வேண்டும்.

ஆதார் எண் மூலமாக விண்ணப்பதாரர்களின் விவரங்களை ஆன்லைனிலேயே சரிபார்த்துவிடலாம். இது விண்ணப் பதாரர்களுக்கும் வசதி, ரயில்வே தேர்வு வாரியத்துக்கும் வசதி. அதேபோல், தேர்வுக்கூடத்தில் விண்ணப்பதாரர்களின் வருகைப் பதிவுக்காக அவர்களின் கைவிரல் ரேகை பதிவுசெய்யப்பட்டு ஆதார் விவரங்களுடன் ஒப்பிட்டுப் பார்க் கப்படும். இதன்மூலம் ஆள்மாறாட் டம் செய்வது முற்றிலுமாக தடுக் கப்படும். எனவே, ரயில்வே தேர் வுக்கு விண்ணப்பிக்க விரும்பு வோர் ஆதார் அட்டை இல்லை என்றால் இப்போதே அதற்கு விண்ணப்பிக்குமாறு அறிவுறுத்தப் படுகிறார்கள்.

ஆதார் எண் வர வில்லை என்றால் கூட ஆதார் பதிவு எண் இருந்தாலே போதும். இந்த புதிய நடைமுறை இனி வரவிருக்கும் ரயில்வே தேர்வுக ளில் பின்பற்றப்படும். இவ்வாறு சுனிதா வேதாந்தம் கூறினார். வருகைப் பதிவுக்காக அவர்களின் கைவிரல் ரேகை பதிவுசெய்யப்பட்டு ஆதார் விவரங்களுடன் ஒப்பிட்டுப் பார்க்கப்படும். இதன்மூலம் ஆள்மாறாட்டம் செய்வது முற்றிலுமாக தடுக்கப்படும்.

கோடைக்கு முன் தேர்வு: நடுநிலை பள்ளிகள் கோரிக்கை

எட்டாம் வகுப்பு வரையிலான மாணவர்களை, கோடை வெயிலில் இருந்து காக்க, முன்கூட்டியே தேர்வு நடத்த வேண்டும்' என, கல்வியாளர்கள் வலியுறுத்தி உள்ளனர்.

தமிழகத்தில், ஒன்றாம் வகுப்பு முதல் எட்டு வரையிலான, நடுநிலை பள்ளிகளில், 220 நாட்கள்; 10 முதல் பிளஸ் 2 வரையிலான, உயர்நிலை, மேல்நிலை பள்ளிகளில், 210 நாட்கள், வகுப்புகள் நடைபெறும். அதாவது, நடுநிலை பள்ளிகளுக்கு, ஏப்., 30 வரை; மற்ற மாணவர்களுக்கு, ஏப்., 15 வரை வகுப்புகள் நடத்தப்படுகின்றன.

இதில், நடுநிலை பள்ளிகள், அதிக நாட்கள் இயங்குவதால், கோடை வெயில் பாதிப்பில், சின்னஞ்சிறு மாணவர்கள் சிக்கி கொள்கின்றனர். இதை தவிர்க்க, நடுநிலை பள்ளி மாணவர்களுக்கு, வேலை நாட்களை குறைக்க வேண்டும் என்ற கோரிக்கை எழுந்துள்ளது.

இதுகுறித்து, சென்னை, பரங்கிமலை, ஏ.பி.டி.எம்., நடுநிலை பள்ளி தாளாளர், விக்டர் கிருபாதனம் வெளியிட்ட அறிக்கை:

பத்தாம் வகுப்பு, பிளஸ் 2 மாணவர்களுக்கு, மார்ச், 31க்குள் தேர்வுகள் முடிகின்றன. ஆனால், ஆறு முதல், 14 வயது வரையிலான, சிறு வயது மாணவர்களுக்கு, ஏப்., 30 வரை பள்ளிகள் நடத்தப்படுகின்றன. அதனால், அவர்கள் தான் வெயிலால் அதிகம் பாதிக்கப்படுகின்றனர்.

எனவே, எட்டாம் வகுப்பு வரையிலான மாணவர்களுக்கும், ஏப்., 15க்குள் தேர்வுகளை முடித்து, விடுமுறை அளிக்க வேண்டும். ஆந்திரா மற்றும் தெலுங்கானாவில், இதே முறை கடைபிடிக்கப்படுகிறது. வேலை நாட்களை சரிசெய்ய, காலாண்டு, அரையாண்டு விடுமுறை நாட்களை குறைத்து கொள்ளலாம். இவ்வாறு அவர் கூறியுள்ளார்

சைகையுடன் கூடிய ஒலிப்பு முறை முன்னோட்டம்

தமிழக முன்னாள் கவர்னர் பர்னாலா காலமானார்

சண்டிகர்: பஞ்சாப் முன்னாள் முதல்வரும், தமிழக முன்னாள் கவர்னருமான சுர்ஜித் சிங் பர்னாலா, உடல்நலக்குறைவால் சண்டிகர் மருத்துவமனையில் காலமானார். அவருக்கு வயது 91. 

கடந்த 1925ம் வருடம் அக்டோபர் 21ல் பஞ்சாப் மாநிலம் அடேலியில் பிறந்த இவர் லக்னோவில் சட்டம் பயின்றார். சுதந்திர போராட்டத்திலும் ஈடுபட்டுள்ளார். 29 செப்டம்பர் 1985 முதல் 11 ஜூன் 1987 வரை பஞ்சாப் முதல்வராகவும் பதவி வகித்துள்ளார். கடந்த 1990 முதல் 91 வரையிலும், 2004 முதல் 2011 வரை தமிழக கவர்னராகவும் பதவி வகித்துள்ளார். 2000 நவம்பர் 9 முதல் 2003 ஜனவரி 7 வரை உத்தர்காண்ட் மாநில முதல் கவர்னராகவும் பதவி வகித்துள்ளார். 1998 ம் ஆண்டு வாஜ்பாய் அமைச்சரவையில், ரசாயனத்துறை அமைச்சராகவும் பதவி வகித்துள்ளார். இவருக்கு 3 மகன்களும், ஒரு மகளும் உள்ளனர். பர்னாலா, கடந்த சில நாட்களாக உடல் நலக்குறைவால் மருத்துவமனையில் சிகிச்சை பெற்று வந்தார். இன்று சிகிச்சை பலனின்றி காலமானார். அவரது மறைவுக்கு தலைவர்கள் இரங்கல் தெரிவித்துள்ளனர். 

கல்வி உரிமை சட்டம் குறித்து நிடி ஆயோக்... அதிருப்தி!:மறு ஆய்வு செய்யுமாறு மத்திய அரசுக்கு பரிந்துரை

புதுடில்லி:'அனைவருக்கும், எட்டாம் வகுப்பு வரை இலவச கட்டாய கல்வி அளிக்க வகை செய்யும் கல்வி உரிமைச் சட்டம், பெயரளவுக்கு மட்டுமே செயல்படுகிறது; இந்த திட்டத்தால் உண்மையான நோக்கம் நிறைவேற வில்லை; இதுபற்றி மறு ஆய்வு செய்ய வேண்டும்' என, மத்திய அரசுக்கு, 'நிடி ஆயோக்' அமைப்பு ஆலோசனை கூறியுள்ளது.

நாட்டில், 6 முதல் 14 வயது வரையிலான அனைத்து குழந்தைகளுக்கும் கட்டாயமாக, இலவச கல்வி அளிக்க வகை செய்யும் கல்வி உரிமைச் சட்டம், 2009ல் கொண்டு வரப்பட்டது. 'அனைத்து பள்ளி குழந்தைகளையும், 8ம் வகுப்பு வரை படிக்க வைக்க வேண்டும்; தனி யார் பள்ளிகள், 25 சதவீத இடங்களை, ஏழை மாணவர்களுக்கு வழங்க வேண்டும்; அதற்கான கட்டணத்தை, அரசு செலுத்த வேண்டும்' என்பது இச்சட்டத்தின் முக்கிய அம்சங்களாகும். 

இந்த சட்டம் அமலுக்கு வந்து, ஏழு ஆண்டுகள் முடிந்துள்ள நிலையில் அதனால் ஏற்பட்டுள்ள முன்னேற்றம் குறித்து திட்ட கமிஷனுக்கு 
மாற்றாக, நீண்ட கால திட்டங்கள் தொடர்பாக, மத்திய அரசுக்கு ஆலோசனை வழங்கி வரும், 'நிடி ஆயோக்' அமைப்பு ஆய்வு செய்துள்ளது. அதில், பல அதிர்ச்சி தகவல்கள் வெளியாகியுள்ளன. 

இதுபற்றி நிடி ஆயோக் வட்டாரங்கள் கூறியதாவது:


கல்வி உரிமைச்சட்டம் குறித்து ஆய்வு செய்த, ஆண்டு கல்வி நிலை அறிக்கை, அதன் அவல நிலையை வெளியிட்டுள்ளது. 8ம் வகுப்பு பயிலும் குழந்தைகளில் பலருக்கு, தாய் மொழி எழுத்துகள் கூட தெரிய வில்லை; பெருமளவு நிதி முறைகேடு நடைபெறுகிறது. பல மாநிலங்களில், பெயரளவுக்கு தான் திட்டம் செயல்படுகிறது. மாணவர்கள் கல்வி பயிலுவதாக கணக்கு மட்டுமே காட்டப்படுகிறது. 

ஆனால், அவர்களது கல்வி நிலைமையை சோதித் தால் வேதனை மட்டுமே மிஞ்சுகிறது. எனவே, இந்த திட்டத்தால் ஏற்பட்டுள்ள பயன் குறித்து முழுமை யாக மறு ஆய்வு செய்ய வேண்டும். தேவையான மாற்றங்கள் செய்தால் மட்டுமே குழந்தைகளுக்கு பயனளிக்கும் திட்டமாக இது இருக்கும். இவ்வாறு அந்த வட்டாரங்கள் கூறியுள்ளன.

மோசடி அம்பலம்


கல்வி உரிமைச்சட்டத்தின் படி, பல்வேறு மாநிலங் களில், 8ம் வகுப்பு வரை பயிலும் குழந்தைகளுக்கு உணவு, பாடப் புத்தகங்கள் மற்றும் இதர பொருட்கள் வழங்கப்படுகின்றன; இதில் பெரும் மோசடி நடந்து வருவது தெரிய வந்துள்ளது. இதுகுறித்து, நிடி ஆயோக் வட்டாரங்கள் கூறியதாவது:

போலி ரேஷன் கார்டுகள் மூலம் பொய்யான 
பெயரில் குழந்தைகளின் பெயர்கள் பட்டியலில்சேர்க்கப்பட்டு முறைகேடு நடந்துள்ளது. இதைத் தடுக்க, கல்வி உரிமைச் சட்டத்தின் மூலம் பயன் பெறும் பயனாளி களை, ஆதார் எண் மூலம் அடையாளம் காண வேண்டும். இவ்வாறு அந்த வட்டாரங்கள் கூறிஉள்ளன. 

அதிர வைக்கும் அதிர்ச்சி தகவல்


ஆண்டு கல்வி நிலை அறிக்கையில் வெளி யாகியுள்ள பகீர் தகவல்கள்:

* எட்டாம் வகுப்பு படித்த மாணவர்களுக்கு, தாய் மொழி எழுத்துகள் முழுமையாக தெரியவில்லை
* தங்கள் பெயரைக் கூட எழுத தெரியவில்லை
*ஐந்தாம் வகுப்பு பயிலும் மாணவர்களில், 50 சதவீதம் பேருக்கு, தங்கள், 2ம் வகுப்பு பாடப் புத்தகங்களை வாசிக்கக் கூட முடியவில்லை
* மாணவ, மாணவியருக்கு பெயரளவுக்கு மட்டுமே கல்வி வழங்கப்படுகிறது.

பள்ளி மேலாண்மை குழுவிற்கு ரூ.3.60 கோடி ஒதுக்கீடு

ராமநாதபுரம்,பள்ளி மேலாண்மை குழுவிற்கு பயிற்சி அளிப்பதற்காக 3 கோடியே 60 லட்சம் ரூபாய் நிதி ஒதுக்கீடு செய்யப்பட்டுள்ளது. 

அனைவருக்கும் கல்வி இயக்கம் சார்பில், தலைமை ஆசிரியர் உள்பட 30 பெற்றோரை உறுப்பினராக கொண்ட பள்ளி மேலாண்மை குழுக்கள் ஒவ்வொரு பள்ளியிலும் செயல்படுகின்றன. பள்ளி மேலாண்மைக்குழு தலைவராக பெற்றோரில் ஒருவரே இருக்கிறார்.

தமிழகத்தில் பள்ளி மேலாண்மை குழு செயல்படும் 40 ஆயிரம் அரசு பள்ளிகளில், தலா ஒரு தலைமை ஆசிரியர், பள்ளி மேலாண்மை குழு தலைவர், சிறப்பு கவனம் தேவைப்படும் மாணவரின் பெற்றோர், என ஒவ்வொரு பள்ளியில் இருந்தும் தலா 3 பேர் வீதம் 1 லட்சத்து 20 ஆயிரம் பேருக்கு 4,088 இடங்களில் பயிற்சி அளிக்கப்படுகிறது.

இதற்காக 3.60 கோடி ரூபாய் நிதி ஒதுக்கப்பட்டுள்ளது. குழந்தைகளின் உரிமைகள், பாலின பாகுபாடு களைதல், பேரிடர் மேலாண்மை, தரமான கல்வி, உள்கட்டமைப்பு மற்றும் அடிப்படை வசதிகளை மேம்படுத்துதல், சமூக தணிக்கை, சுகாதாரம் பேணுதல் குறித்து பயிற்சி அளிக்கப்படுகிறது. பொங்கல் விடுமுறைக்கு பின் பயிற்சி துவங்கும்,என கல்வித்துறை அதிகாரிகள் தெரிவித்தனர்

DSE:ஆசிரியர் காலிப்பணியிட விவரம் கோரி இயக்குநர் உத்தரவு.

பள்ளிக்கல்வி - இடைநிலை/பட்டதாரி ஆசிரியர்கள் - காலிப்பணியிடங்கள் - 01.01.2017 நிலவரப்படி மற்றும் 31.05.2017ல் ஓய்வு பெறவுள்ளவர்கள் சார்பான விவரங்களை 03.02.2017க்குள் அனுப்ப மாவட்ட அதிகாரிகளுக்கு இயக்குநர் உத்தரவு.