Subscribe Our YouTube channel

எங்கள் செய்திகளை உடனுக்குடன் தெரிந்துகொள்ள எங்களுடைய அப்ப்ளிகேஷனை கீழேயே உள்ள இமேஜை கிளிக் செய்து google playstore இல் டவுன்லோட் செய்து கொள்ளுங்கள் நன்றி...!!!

Monday, 23 January 2017

மாணவர்களின் 12 ஆண்டு கால முயற்சிக்கு கிடைக்கும் வெற்றிதான் பிளஸ் 2 மதிப்பெண்: பள்ளிக் கல்வி இணை இயக்குநர் பி.ஏ.நரேஷ் கருத்து

பள்ளி மாணவர்களின் 12 ஆண்டு கால முயற்சிக்கு கிடைக்கும் வெற்றிதான் பிளஸ் 2 மதிப்பெண் என்று 'தி இந்து' தமிழ் நாளிதழ், எஸ்கேஆர் பொறியியல் கல்லூரி இணைந்து சென்னையில் நடத்திய 'இனிது இனிது தேர்வு இனிது' மாணவர் வழிகாட்டி நிகழ்ச்சியில் பள்ளிக்கல்வி இணை இயக்குநர் பி.ஏ.நரேஷ் கூறினார்.

பிளஸ் 2 பொதுத்தேர்வு எழுதும் மாணவர்களின் தேர்வு பயத்தை போக்கும் வகையில் 'தி இந்து' தமிழ் நாளிதழும், சென்னை எஸ்கேஆர் பொறியியல் கல்லூரியும் இணைந்து 'இனிது இனிது தேர்வு இனிது' என்ற பிரத்யேக வழிகாட்டி நிகழ்ச்சியை நடத்தி வருகின்றன. விழுப்புரம், திருவண்ணாமலை, வேலூர் ஆகிய இடங்களைத் தொடர்ந்து சென்னையில் 'இனிது இனிது தேர்வு இனிது' மாணவர் வழிகாட்டி நிகழ்ச்சி கீழ்ப்பாக்கம் பவன்ஸ் ராஜாஜி வித்யாஷ்ரம் பள்ளி கலையரங்கில் நேற்று காலை நடைபெற்றது. 'தி இந்து' தமிழ் நாளிதழும், எஸ்கேஆர் பொறியியல் கல்லூரியும் இணைந்து ஏற்பாடு செய்த இந்த நிகழ்ச்சியை பள்ளிக்கல்வி இணை இயக்குநர் பி.ஏ.நரேஷ் குத்துவிளக்கேற்றி தொடங்கிவைத்தார். அவர் பேசும் போது கூறியதாவது:

தேர்வு என்பது பள்ளி மாணவர் களோடு இரண்டறக் கலந்துவிட்ட ஒன்று. ஆனாலும், தேர்வு என்றதும் மாணவர்களுக்கு பயம் ஏற்படு கிறது. முன்பெல்லாம் பொதுத் தேர்வு என்றால் மாணவர்கள்தான் அச்சப்படுவார்கள். ஆனால், இப்போது தேர்வு சமயத்தில் பெற் றோரும் அச்சம்கொள்கிறார்கள். ஏதோ ஒரு போட்டிக்கு, ஒரு போருக்குத் தயாராவது போல் மாணவர்கள் மற்றும் பெற்றோரின் மனநிலை உள்ளது.

பொதுத்தேர்வு என்பது நாம் நினைப்பது போன்று சிரமமான காரியம் அல்ல. அது இனிதான ஒன்று என்பதை மாணவர்களுக்கு எடுத்துரைக்கும் நோக்கில் இந்த வழிகாட்டி நிகழ்ச்சி நடத்தப்படுகிறது.

பிளஸ் 2 தேர்வினை பல லட்சம் மாணவர்கள் எழுதுகிறார்கள். எனவே குறிப்பிட்ட கல்லூரிகளில், குறிப்பிட்ட படிப்புகளில் சேர வேண்டுமானால் அதிக மதிப்பெண் எடுத்தாக வேண்டும். எனவேதான் பிளஸ் 2 தேர்வில் மதிப்பெண் மிக மிக முக்கியமாகிறது. இத்தேர்வில் பெறும் மதிப்பெண் மாணவர்களின் 12 ஆண்டு கால முயற்சிக்கு கிடைக்கும் வெற்றி. பள்ளியில் எழுதும் தேர்வுகளைப் போன்றுதான் பொதுத்தேர்வும். காலாண்டு, அரையாண்டு திருப்புதல் தேர்வு என ஒவ்வொரு தேர்விலும் மதிப் பெண் அதிகரித்தால் பொதுத்தேர் விலும் மதிப்பெண் அதிகரிக்கும்.

இன்றைய மாணவர்களிடம் எந்த படிப்பில் எந்த கல்லூரியில் சேர வேண்டும் என்ற தீர்க்கமான பார்வை இருக்கிறது. மாணவர்கள் தங்கள் திறமை மீது நம்பிக்கை வைக்க வேண்டும். கனவுகளை நனவாக்க முயற்சி முக்கியம் என்பதை உணர வேண்டும். தங்கள் படிப்புக்குப் பின்னால் பெற்றோரின் மிகப்பெரிய தியாகம் இருக்கிறது என்பதை மாணவர்கள் மனதில்கொள்ள வேண்டும்.

இவ்வாறு நரேஷ் கூறினார்.

வடசென்னை

மாவட்ட கல்வி அதிகாரி எத்திராஜுலு சிறப்புரை யாற்றிப் பேசும்போது, "பிளஸ் 2 தேர்வு மாணவர்கள் வாழ்க்கையி்ன் திருப்புமுனை ஆகும். மார்ச் மாதம் பொதுத்தேர்வு தொடங்கவுள்ள நிலையில், தேர்வுக்கு இன்னும் குறைந்த காலமே உள்ளது. எனினும் இந்த குறைந்த காலத்திலும் திட்டமிட்டு நன்கு படித்தால் தேர் வில் அதிக மதிப்பெண் பெற முடியும். பொதுவாகவே, பொதுத்தேர்வு என்றதும் மாணவர்கள் அச்சப்படு கிறார்கள். பயமின்றி தேர்வு எழுதி னால் கொஞ்சம் படித்த பாடம்கூட நன்கு நினைவுக்கு வரும்.

அதேநேரத்தில் பயத்துடன் தேர்வெழுதினால் நன்கு படித்த பாடங்கள்கூட நினைவுக்கு வராமல் போகலாம். எனவே, மாணவர்கள் எவ்வித பயமும் இல்லாமல் தேர்வெழுத வேண்டும்" என்று குறிப்பிட்டார்.

கோவை

நன்னெறிக்கழக தலை வர் இயகோகா என்.சுப்ரமணியம், ஸ்ரீவித்யா கல்வி மைய கவுரவ இயக்குநர் எஸ்.பி.சுப்ரமணியன் ஆகியோர் மாணவர்களுக்கு தன்னம்பிக்கை ஊட்டும் வகையில் உரையாற்றினர். எஸ்கேஆர் பொறியியல் கல்லூரியின் முதல்வர் எம்.செந்தில்குமார் கல்லூரியில் சேரும் புதிய மாணவர்களுக்கு அளிக்கப்படும் பல்வேறு சிறப்பு பயிற்சிகளை எடுத்துரைத்தார்.

பிளஸ் 2 தேர்வில் கேட்கப்படும் வினாத்தாள் முறை, தேர்வில் 200-க்கு 200 மதிப்பெண் பெறுவதற் கான உத்திகள் குறித்து உயிரியல் ஆசிரியர் என்.குமாரவேல், இயற்பியல் ஆசிரியர் ஏ.திருமாறன், வேதியியல் பேராசிரியர் ஏ.பரீத் அஸ்லாம், கணித ஆசிரியர் ஆர்.மணிமாறன் ஆகியோர் விளக்கம் அளித்தனர்.

முன்னதாக, எஸ்கேஆர் பொறி யியல் கல்லூரியின் எலெக்ட்ரிக்கல் மற்றும் எலெக்ட்ரானிக்ஸ் இன்ஜினீ யரிங் துறையின் தலைவர் பேராசிரி யர் ஏ.சங்கர் வரவேற்று நிகழ்ச் சியை தொகுத்து வழங்கினார். விழாவில் எஸ்கேஆர் பொறியியல் கல்லூரியின் தலைவர் கே.ராம தாஸ், இயக்குநர் சுகந்தி ராம தாஸ் மற்றும் பேராசிரியர்கள் பங் கேற்றனர். நிறைவாக கல்லூரியின் செயலாளர் சுரேஷ்பாபு நன்றி கூறினார்.

இந்த நிகழ்ச்சியில் சென்னை மற்றும் சுற்றுவட்டாரப் பகுதிகளைச் சேர்ந்த அரசு மற்றும் தனியார் பள் ளிகளைச் சேர்ந்த சுமார் ஆயிரம் மாணவ-மாணவிகள் கலந்து கொண்டனர்

மத்திய அரசு வெளியிட்டுள்ள சேமநல நிதி வட்டி விகிதம் 1.1.2017 to31.03.2017 ---- 8%

ஸ்மார்ட் குடும்ப அட்டைகள் ஏப்ரல் 1-ந்தேதி முதல் வழங்கப்படும்

தமிழக சட்டசபையில் ஆளுநர் வித்யாசாகர் ராவ் ஆற்றிய உரையில் கூறப்பட்டுள்ளதாவது:-

தமிழ்நாடு அரசு கடந்த 1.6.2011 முதல் பொது விநியோகத் திட்டத்தில் விலையில்லா அரிசி வழங்கி வருகிறது.

தேசிய உணவுப் பாதுகாப்பு சட்டம் 5.7.2013 முதல் நடைமுறைப்படுத்தப்பட்ட பின்னர், தமிழ்நாடு இச்சட்டத்தை செயல்படுத்தவில்லை என்பதால், தமிழ்நாட்டிற்கு ஒதுக்கப்படும் மாதாந்திர உணவு தானியங்களில் வறுமைக் கோட்டிற்கு மேல் தமிழ்நாட்டில் உள்ள நபர்களுக்கு ஏற்கனவே வழங்கி வந்த ஒரு கிலோ அரிசி 8.30 ரூபாய் என்பதற்கு பதிலாக அடிப்படை ஆதார விலையான ஒரு கிலோ 22.54 ரூபாய் என்ற நிலையில் மட்டுமே வழங்க முடியும் என்று 2016-ம் ஆண்டு அக்டோபர் மாதத்தில் மத்திய அரசு மாநில அரசிற்குத் தெரிவித்தது.

மேலும், கூடுதல் ஒதுக்கீடாக மாதந்தோறும் தேவைப்படும் 27,969 மெட்ரிக் டன் அரிசி இனி வழங்கப்பட மாட்டாது என்றும் தெரிவிக்கப்பட்டது. இதன் விளைவாக மாநில அரசு ஆண்டு தோறும் 2,730.95 கோடி ரூபாய் அளவிற்கு கூடுதல் செலவை ஏற்க வேண்டிய நிலை ஏற்பட்டது.

இவற்றை எல்லாம் கருத்தில் கொண்டு, மாநில அரசு 2016-ம் ஆண்டு நவம்பர் 1-ந்தேதி முதல் 2013-ம் ஆண்டு தேசிய உணவுப் பாதுகாப்பு சட்டத்தை தமிழ்நாட்டில் செயல்படுத்த முடிவு செய்தது.

இதன்படி தேசிய உணவுப் பாதுகாப்பு சட்டத்தோடு அனைத்து அரிசி அட்டை தாரர்களுக்கும் வேறுபாடின்றி அரிசி வழங்குவதை அடிப்படையாக கொண்டு செயல்படுத்தப்படும். அனைவருக்குமான பொது விநியோகத் திட்டத்தை தொடர்ந்து உரிய வகையில் செயல்படுத்துவதற்கு முடிவு செய்யப்பட்டது.

பொது விநியோகத் திட்டத்தை சிறப்பாகவும் வெளிப்படைத் தன்மையுடனும் செயல்படுத்த, அதன் செயலாக்கங்கள் முழுமையாக கணினி மயமாக்கப்பட்டு வருகின்றன. இந்த முயற்சியின் ஒரு பகுதியாக குடும்ப அட்டைகளை “ஆதார்” எண்ணுடன் இணைக்கும் பணி விரைவில் முடிக்கப்பட்டு, 2017-ம் ஆண்டு ஏப்ரல் 9-ந்தேதி முதல் “ஸ்மார்ட்” குடும்ப அட்டைகள் வழங்கப்படும்.

இவ்வாறு அதில் கூறப்பட்டுள்ளது.

NMMS-2016 Hall Ticket Download

Click here

ஜல்லிக்கட்டுக்கான சட்ட மசோதா சட்டப்பேரவையில் நிறைவேற்றம்

ஜல்லிக்கட்டு தொடர்பான சட்ட முன் வடிவை பேரவையில் ஒருமனதாக நிறைவேறியது.
ஜல்லிக்கட்டு தொடர்பான சட்ட முன் வடிவை பேரவையில் தாக்கல் முதல்வர் பன்னீர்செல்வம் தாக்கல் செய்தார். 
தடையை முற்றிலுமாக நீக்கி, ஜல்லிக்கட்டு நடத்த வழிசெய்யும் வகையில் சட்ட முன் வடிவு தாக்கல் செய்யப்பட்டுள்ளது. சட்டமுன் வடிவை முதல்வர் முன்மொழிய, சபாநாயகர் ஆய்வுக்கு எடுத்துக்கொண்டார்.  சட்ட முன் வடிவு தாக்கலை பார்வையிட ஓய்வுபெற்ற நீதிபதி ஹரி பரந்தாமன், இயக்குநர் கவுதமன் ஆகியோர் வருகை தந்துள்ளனர்

EMIS:இணைய தளத்தில் பள்ளி மாணவர்களின் சேர்க்கை சார்பான ஆய்வுக்கூட்டம் 30.01.2017 நடைபெறும் - தொடக்கக் கல்வி இயக்குநர் செயல்முறைகள்.

தமிழ்நாடு சீருடைப் பணியாளர் தேர்வுக் குழுமம் அறிவித்துள்ள இரண்டாம் நிலை காவலர், இரண்டாம் நிலை சிறைக் காவலர் மற்றும் தீயணைப்போர் பதவிகளுக்கான பொதுத் தேர்வு-NOTIFICATION

Police Recruitment - 2017 | Common Recruitment for the posts of Gr II Police Constables, Gr II Jail Warders and Firemen Common Recruitment - 2017 |
தமிழ்நாடு சீருடைப் 
பணியாளர் தேர்வுக் குழுமம் அறிவித்துள்ள இரண்டாம் நிலை காவலர், இரண்டாம் நிலை சிறைக் காவலர் மற்றும் தீயணைப்போர் பதவிகளுக்கான பொதுத் தேர்வு | மொத்த எண்ணிக்கை 15664 + 47 | கடைசி நாள் 22.02.2017 | எழுத்துத் தேர்வு நடைபெறும் நாள் 21.05.2017

இந்திய தேர்தல் ஆணையம்_ தேசிய வாக்காளர் தின கொண்டாட்டம் - தேசிய வாக்காளர் தின உறுதிமொழியை, அனைத்து பள்ளிகள் மற்றும் அலுவலங்களில் 25.01.2017 அன்று காலை 11 மணிக்கு எடுக்க அரசு உத்தரவு.


கல்விக்கு கை கொடுத்த சிறுவர் மலர்

                                                         கடந்த, 2016 டிசம்பர் 9, 'தினமலர் - சிறுவர் மலர்' இதழில், சிவகங்கை மாவட்டம், தேவகோட்டையில் உள்ள சேர்மன் மாணிக்கவாசகம் நடுநிலைப் பள்ளி மாணவி, தனலட்சுமி யின் சாதனையைப் பாராட்டி, 'ஸ்டூடண்ட்ஸ் க்ரவுன்' பகுதியில், 1,000 ரூபாய் பரிசு வழங்கப்பட்டு, அவரைப் பற்றிய செய்தி வெளியானது. 
இச்செய்தியை படித்த, மதுரை வாசகி ஜானகி, அந்தப் பள்ளி நிர்வாகத்தை தொடர்பு கொண்டு பேசியதோடு, தன் மகன், கார்த்திகேயனுடன் அங்கு சென்று, தனலட்சுமியை சந்தித்து, அவரின் சாதனை மெடல்களை பார்வையிட்டார். மாணவி, தனலட்சுமியின் பெற்றோர் கூலித்தொழிலாளிகள் என்பதை அறிந்த ஜானகி, மாணவியின் விருப்பமான, ஐ.பி.எஸ்., படிப்பது வரையிலான கல்வித்தொகை முழுவதையும் தானே ஏற்றுக் கொள்வதாக உறுதி அளித்தார். ஜானகி மற்றும் அவரது மகனின் வருகையைப் பாராட்டியதோடு, உடற்கல்வி ஆசிரியர் கருப்பையா, ஆசிரியை, செல்வமீனாள் ஆகியோர் பள்ளியின் சார்பாக, இருவருக்கும் பொன்னாடை அணிவித்து கவுரவித்தனர். 
இது குறித்து ஜானகி கூறியதாவது: பல ஆண்டுகளாக, 'தினமலர்' படித்து வருகிறேன்; 'சிறுவர் மலர்' இதழின் தீவிர வாசகி. அரசு உதவி பெறும் நடுநிலைப் பள்ளி மாணவர்களின் சாதனைகளை, வெளி உலகிற்கு எடுத்துக்காட்ட முயற்சிக்கும், பள்ளி தலைமை ஆசிரியர், லெ.சொக்கலிங்கம் மற்றும் தனலட்சுமியின் சாதனையை வெளிக்கொண்டு வந்த, சிறுவர்மலர் இதழுக்கும் என் நன்றியை தெரிவித்துக் கொள்கிறேன். இவ்வாறு அவர் கூறினார்.
ஜானகியின் மிகப்பெரிய உதவிக்கு, ஆனந்த கண்ணீருடன் நன்றி தெரிவித்தார், மாணவி தனலட்சுமி. 
- நமது நிருபர் -

கல்விக்கு கை கொடுத்த உள்ளம்

அரசு உதவி பெறும் நடுநிலைப்பள்ளி மாணவியின் சாதனைகளை பத்திரிக்கையில் படித்து விட்டு மாணவியின் மேல் படிப்பு முழுவதையும் ஏற்று கொள்வதாக பத்திரிக்கையின்  வயதான பெண் வாசகி பள்ளிக்கே வந்து  மாணவியின் கல்விக்கு கை கொடுத்தல்

ஆனந்த கண்ணீர் வடித்த மாணவி - அன்புடன் அரவணைத்த வாசகி

வாசகியின் பாராட்டு கடிதம்

               மதுரையை அடுத்துள்ள பரவை என்கிற ஊரிலிருந்து ஜானகி என்கிற பெயரில் பள்ளி தலைமை ஆசிரியர் முகவரியிட்டு கடிதம் வந்தது.அதனில்  நாளிதழில் மாணவி தனலெட்சுமியின் சாதனைகளை படித்ததாகவும் ,அந்த மாணவியின் பெற்றோர் கூலி வேலை பார்ப்பதால் அந்த மாணவியின் சாதனையினை பாராட்ட நேரில் பள்ளிக்கு வருகை தர அனுமதி கேட்டு கடிதம் எழுதி இருந்தார்.

இதன் பிறகு நடந்த நெகிழ்ச்சியான நிகழ்வு குறித்து சிவகங்கை மாவட்டம் தேவகோட்டை சேர்மன் மாணிக்க வாசகம் அரசு உதவி பெறும் நடுநிலைப் பள்ளி தலைமை ஆசிரியர் லெ .சொக்கலிங்கம் கூறுவதை பார்ப்போம் :  மாணவியின் சாதனைகளை  செய்தியாக  வெளியிட்ட  நாளிதழுக்கு நன்றி.மாணவியின் திறமையை பள்ளியின் சார்பாக பத்திரிக்கைக்கு தெரியப்படுத்தி அன்னாரது திறமையை  நாளிதழில் வெளிப்படுத்தி உள்ளோம்.கடந்த 3 வருடங்களில் பல்வேறு போட்டிகளில் பங்கு பெற்று பரிசுகளுடன்  40க்கும் மேற்பட்ட சான்றித்தாள்களையும் இவர் பெற்றுள்ளார் என்பது குறிப்பிடத்தக்கது.தாயார் வீட்டு வேலை செய்பவர்.தந்தை கூலி வேலை செய்பவர். தாய்,தந்தை பல ஊர்களுக்கு போட்டிகளுக்கு அழைத்து செல்ல இயலாத சூழ்நிலையில், தலைமை ஆசிரியரின் வழிகாட்டுதோலோடு, ஆசிரியர்களின் உதவியோடு பல்வேறு போட்டிகளில் கலந்து கொண்டு பரிசுகளையும்,சான்றிதல்களையும் பெற்றுள்ளார் என்பதும் குறிப்பிடத்தக்கது.

பள்ளிக்கே வருகை தந்த பத்திரிக்கை  வாசகி :

                இந்த தகவல்களை படித்து விட்டு மதுரை அருகே உள்ள பரவை என்கிற ஊரிலிருந்து திருமதி. ஜானகி என்பவர் எனக்கு கடிதம் அனுப்பி இருந்தார்.கடிதத்தில் மாணவியை சந்திக்க அனுமதி கேட்டிருந்தார்.நானும் அந்த கடிதத்தில் இருந்த அலைபேசி எண்ணுக்கு தொடர்பு கொண்டேன்.திரு.கார்த்திகேயன் என்பவர் பேசினார்.தனது தயார்தான் கடிதம் எழுதினார்கள் என்றும்,வெகு விரைவில் பள்ளிக்கு வந்து மாணவியை சந்திப்பதாகவும் கூறி பாராட்டு தெரிவித்தார்.நானும் சரி என்று சொல்லி விட்டு என்னுடைய வழக்கமான பணிகளில் ஈடுபட்டேன்.

                                      இந்நிலையில் நேற்று திரு.கார்த்திகேயன் அவர்களிடம் இருந்து அலைபேசி அழைப்பு வந்தது.பள்ளிக்கு மதுரை அடுத்துள்ள பரவையில் இருந்து வருவதாகவும்,கார் மூலம் வருவதாகவும் தெரிவித்தார்.சுமார் 120 கிலோமீட்டர் தூரம் பயணம் செய்து வரவேண்டும்.பள்ளியின் முகவரியை சரியாக சொல்லி விட்டு எனது வேலையை பார்க்க ஆரம்பித்து விட்டேன்.சொன்னது போலவே தனது தாயாரை அழைத்து கொண்டு திரு.கார்த்திகேயன்  சுமார் 3 மணி நேரத்திற்கும் மேலாக பயணம் செய்து எங்கள் பள்ளிக்கு வருகை தந்தார்.வயதான அவரது தாயார் திருமதி .ஜானகி அம்மையாரும் உடன் வந்தார்கள் .

                     அவர்களை அன்புடன் வரவேற்று மாணவி தனலட்சுமியை அறிமுகம் செய்து வைத்தேன்.மாணவியும் தான் பெற்றுள்ள விருதுகள்,பரிசுகள்,சான்றிதழ்கள் உட்பட அனைத்து தகவல்களையும் அவர்களிடம் எடுத்து சொன்னார்.மேலும் பள்ளி நிகழ்வுகள் குறித்தும் விரிவாக மாணவி அவர்ளிடம் எடுத்து சொன்னார்.திரு .கார்த்திகேயன் அவர்கள் மாணவியிடம் அவரது குறிக்கோள் என்ன என்று கேட்டதற்கு , மாணவி தனது குறிக்கோள் IPS ஆவது என தெரிவித்தார்.உடனே திருமதி.ஜானகி அம்மையார் அவர்கள் மாணவியின் மேல் படிப்பு கல்வி  தொகை  முழுவதும் தாங்களே ஏற்று கொள்வதாக தெரிவித்தனர்.

                              பின்பு மாணவர்களின் முன்பாக இவர்களை அறிமுகம் செய்து பள்ளி தலைமை ஆசிரியர் லெ .சொக்கலிங்கம் பேசியதாவது :மதுரை தாண்டி பரவை என்கிற ஊரிலிருந்து 3 மணி நேரத்திற்கும் மேலாக பயணம் செய்து இப்பள்ளி மாணவியை பாராட்ட திருமதி . ஜானகி அம்மையாரும்,அவரது மகன் திரு.கார்த்திகேயனும் வந்துள்ளது பாராட்டுக்குரியது.தங்களுடைய நேரம்,பணம் என அனைத்தையும் செலவு செய்து எந்தவிதமான பிரதிபலனும் எதிர்பார்க்காமல் இவ்வளவு தூரம் மாணவியை பாராட்ட அவர்கள் வந்துள்ளது பாராட்டுக்குரியது.வாழ்க்கையில் நீங்களும் உங்களுக்கு எங்கெல்லாம் நல்ல விஷயங்கள் நடக்கிறதோ அங்கெல்லாம் சென்று இது போன்ற பாராட்டு தெரிவிக்க கற்று கொள்ளுங்கள் .வாழ்க்கை இன்னும் சிறப்பாக இருக்கும் என்று தெரிவித்தார்.இவர்களின் வருகையை பாராட்டி உடற்கல்வி ஆசிரியர் கருப்பையா,ஆசிரியை செல்வமீனாள் ஆகியோர் பேசினார்கள்.பள்ளியின் சார்பாக இருவருக்கும் பொன்னாடை அணிவித்து சிறப்பிக்கப்பட்டது.

                        நிகழ்ச்சியில் பேசிய திருமதி .ஜானகி அம்மையார் , நான் பல ஆண்டுகளாக பத்திரிக்கைகளை  படித்து வருகின்றேன்.தனலெட்சுமியின் சாதனைகளை பத்திரிக்கையின்  வாயிலாக அறிந்து கொண்டு ,அவரை பாராட்டவே இப்பள்ளிக்கு வந்தேன்.மாணவியின் தாயார் கூலி வேலை செய்து இந்த மாணவியை படிக்க வைப்பது அறிந்து , இந்த மாணவியின் மேல் படிப்பு முழுவதையும் ஏற்று கொள்ள முடிவு செய்து உள்ளேன்.மாணவி IPS படிப்பது தனது லட்சியம் என்று சொன்னார்கள்.அவர் படிக்கும் அனைத்து படிப்புகளுக்கும் உதவ தயாராக உள்ளோம் என்பதையும் இங்கு பதிவு செய்கின்றேன்.இந்த பள்ளியிலும் எங்களை நன்றாக வரவேற்று,மதிப்பு கொடுத்து உபசரித்தார்கள்.அதற்காக பள்ளிக்கும்,இது போன்று அரசு உதவி பெறும் நடுநிலைப் பள்ளியான இப்பள்ளி  மாணவர்களின் சாதனைகளை வெளி உலகத்திற்கு எடுத்துக்காட்ட முயற்சிகள் எடுக்கும் பள்ளி தலைமை ஆசிரியர்க்கும் , இதனை வெளி கொண்டு வந்துள்ள  நாளிதழுக்கும் எனது நன்றியை தெரிவித்து கொள்கிறேன். என்றார்.நிகழ்ச்சி குறித்து மாணவிகள் காயத்ரி,பரமேஸ்வரி,ஜெனிபர் ஆகியோர் தாங்களும் இது போன்று வரும் காலங்களில் அனைவருக்கும் பாராட்டு தெரிவிப்பதோடு,அதிகமான சாதனைகளை செய்வதற்கு முயற்சிகள் எடுப்பதாகவும்,மற்றவர்களுக்கும் உதவிகளையும் செய்வதாக தெரிவித்தனர்.மாணவி தனலெட்சுமி நாளிதழின் வாயிலாக தனக்கு கிடைத்துள்ள உதவிக்கு நன்றி தெரிவித்து ஆனந்த கண்ணீருடன் பேசினார்.இதனை கண்ட ஜானகி அம்மையாரும் மாணவியை அன்புடன் பக்கத்தில் அழைத்து ஆரத்தழுவிக்கொண்டார்.இந்த காட்சி அங்குள்ள அனைவரையும் நெகிழ்ச்சிக்கு உள்ளாக்கியது .மொத்தத்தில் பத்திரிக்கை  மூலமாக அங்கு ஒரு புதிய உறவு ஏற்பட்டது.பத்திரிக்கை மாணவியின் கல்விக்கும் கை கொடுத்ததுடன் ,இணைபிரியா உறவையும் ஏற்படுத்தியது.

                              எங்கோ பிறந்து,எங்கோ படித்து,எங்கோ வாழ்க்கை நடத்தினாலும் நாளிதழ்  வாயிலாக பள்ளியை தேடி கண்டுபிடித்து மாணவிக்கு உதவிய நாளிதழின் வாசகிக்கு அன்பை,நன்றியை தெரிவித்து கொள்ள வேண்டும்.இவர்கள் அதிகமாக புத்தகங்களை,பத்திரிக்கைகளை மட்டுமே வாசித்து வருகின்றனர்.வாட்சப்,மெயில்,முகநூல் போன்றவை பார்ப்பது கிடையாதாம்.பத்திரிக்கை,புத்தகங்கள் மட்டுமே பெரும்பாலும் படித்து வருகின்றனர்.அந்த வடிவத்தில் நாளிதழ்  படித்து இவ்வளவு தூரம் வந்தது மிக பெரிய விஷயம்.இது போன்று நல்ல விஷயங்கள் தொடர்ந்து நடைபெறவேண்டும் என்பது குறிப்பிடத்தக்கது.

             இன்று உள்ள பர பரப்பான வாழ்க்கையில் ஒரு நல்ல விஷயத்தை பாராட்டி கடிதம் எழுதுவதே மிக பெரிய விஷயம்.அப்படியே எழுதினாலும் அதில் ஏதேனும் பிரதி பலன் உள்ளதா என்று பார்ப்பவர்களே அதிகமான சூழ்நிலையில்,எந்த விதமான எதிர்பார்ப்பும் இல்லாமல் சுமார் 120+120 ஆக மொத்தம் 240 கிலோமீட்டருக்கும் மேல் பயணம் செய்து பள்ளியில் அனுமதி பெற்று மாணவியை சந்தித்து பாராட்டியதுடன் , மேல் படிப்பிற்கான முழு கல்வி தொகையையும் ஏற்று கொண்டு செய்வதாக  கூறியுள்ளது உண்மையில் வரலாற்றில் பதிய கூடிய நிகழ்வாகும் .

பள்ளி, கல்லூரிகள் இன்று முதல் வழக்கம்போல் இயங்கும்: தமிழக அரசு அறிவிப்பு

தமிழகத்தில் ஜல்லிக்கட்டுக்கு ஆதரவாக மாணவர்கள் கடந்த சில நாட்களுக்கு முன் போராட்டத்தை தொடங்கினார்கள். இந்த போராட்டம் மிகப்பெரிய எழுச்சி பெற்றது. அத்துடன் இளைஞர்கள், பெண்கள் என அனைவரும் போராட்டத்திற்கு ஆதரவு அளித்தனர்.

இதனால் கடந்த சில நாட்களில் தமிழகமே ஸ்தம்பித்தது. குறிப்பாக வெள்ளிக்கிழமை அனைத்து தரப்பினரும் விடுமுறை என அறிவித்தனர். இதனால் பெரும்பாலான பள்ளிகள் மற்றும் கல்லூரிகளுக்கு விடுமுறை அளிக்கப்பட்டது.

தற்போது ஜல்லிக்கட்டு நடத்துவதற்கான அனைத்து ஏற்பாடுகளையும் செய்த தமிழக அரசு, நேற்று சில இடங்களில் ஜல்லிக்கட்டையும் நடத்தியது. இன்று சட்டமன்றத்தில் இதற்கான மசோதா நிறைவேற இருக்கிறது. இருந்தாலும் நிரந்த தீர்வு கிடைக்கும் வரை போராட்டத்தை கைவிடமாட்டோம் என்று மாணவர்கள் அறிவித்துள்ளனர். இதனால் இன்று பள்ளி மற்றும் கல்லூரிகள் இயங்குமா? என்ற கேள்வி எழுந்தது.

இந்நிலையில் இன்று பள்ளி மற்றும் கல்லூரிகள் வழக்கம்போல் இயங்கும் என்று தமிழக அரசு அறிவித்துள்ளது.