Subscribe Our YouTube channel

எங்கள் செய்திகளை உடனுக்குடன் தெரிந்துகொள்ள எங்களுடைய அப்ப்ளிகேஷனை கீழேயே உள்ள இமேஜை கிளிக் செய்து google playstore இல் டவுன்லோட் செய்து கொள்ளுங்கள் நன்றி...!!!

Thursday, 9 February 2017

நூறு நாள் வேலைவாய்ப்புத் திட்டம்: தமிழகத்தில் 150 நாட்களாக நீட்டிப்பு!

கிராமப்புறப் பகுதிகளில் ஏழை தொழிலாளர்களுக்கு நூறு நாட்கள் வேலை வாய்ப்பு அளிக்கும் மகாத்மா காந்தி தேசிய கிராமப்புற வேலைவாய்ப்பு உறுதியளிப்பு திட்டத்தை நாடு முழுக்க மத்திய அரசு செயல்படுத்தி வருகிறது. 
இத்திட்டப்படி 100 நாட்களுக்கு கிராமப் பகுதி மக்களுக்கு வேலை வாய்ப்பு கொடுக்கப்படும். வறட்சி பாதிப்பு காரணமாக தமிழகத்துக்கு இத்திட்டத்தில் கூடுதலாக 50 நாட்கள் சேர்த்து, 150 நாட்களுக்கு வேலைவாய்ப்பு அளிக்க மத்திய அரசு அனுமதி அளித்துள்ளதாக மத்திய ஊரக மேம்பாட்டுத்துறை அமைச்சர் நரேந்திர சிங் தோமர் கூறியுள்ளார்.

தொழிற்கல்வி படிப்புகளில் துணை ராணுவப் படையினரின் குழந்தைகளுக்கும் உரிய இட ஓதுக்கீடு: அரசு உரிய முடிவெடுக்க உத்தரவு

தமிழகத்தில் தொழிற்கல்வி படிப்புகளில், ஓய்வு பெற்ற துணை ராணுவப் படையினரின் குழந்தைகளுக்கு வரும் 2017-18-ஆம் கல்வியாண்டில் இருந்தே இட ஒதுக்கீடு வழங்குவது தொடர்பாக உரிய முடிவுகளை எடுக்கும்படி தமிழக அரசுக்கு சென்னை உயர் நீதிமன்றம் உத்தரவிட்டுள்ளது.
நெல்லை மாவட்டம், வள்ளியூரைச் சேர்ந்த ஓய்வு பெற்ற எல்லை பாதுகாப்புப் படை வீரர் பி.சாந்தகுமார் என்பவர்தாக்கல் செய்த பொது நல மனு விவரம்: தமிழகத்தில் கல்வி நிறுவனங்களில் முன்னாள் ராணுவத்தினரின் குழந்தைகளுக்கு வழங்குவதைப் போல, ஓய்வு பெற்ற துணை ராணுவப் படை வீரர்களின் குழந்தைகளுக்கும் வழங்க வேண்டும் என மனுவில் குறிப்பிட்டிருந்தார்.

இந்த மனு தலைமை நீதிபதி எஸ்.கே.கௌல், எம்.சுந்தர் ஆகியோர் அடங்கிய அமர்வு முன்பு விசாரணைக்கு வந்தது. அப்போது ஆஜரான மனுதாரர் தரப்பு வழக்குரைஞர், முன்னாள்ராணுவத்தினரின் குழந்தைகளுக்கு வழங்கப்படுவது போல, துணை ராணுவப் படை வீரர்களின் குழந்தைகளுக்கும் இடஒதுக்கீடை வழங்க வேண்டும் என, கடந்த 2012-ஆம் ஆண்டுநவம்பரில் மத்திய அரசு உத்தரவு பிறப்பித்துள்ளது.

இதுபற்றி தமிழக அரசுக்கு மனு அளித்தும் எந்தப் பதிலும் இல்லை என்றார்.இதை ஏற்ற நீதிபதிகள், மத்திய அரசின் உத்தரவின் அடிப்படையில் முடிவை எடுக்க வேண்டும் என்றும், சலுகையை வரும் 2017-18-ஆம் கல்வியாண்டில் இருந்தே வழங்க வேண்டும் என தமிழக அரசுக்கு உத்தரவிட்டனர்.

7 லட்சம் குழந்தைகளுக்கு மாத்திரை... வழங்கல் குடற்புழு நீக்க தமிழக அரசு தீவிரம்

கடலுார் மாவட்டத்தில் உள்ள 7 லட்சம் குழந்தைகளுக்கு நாளை (10ம் தேதி) குடற்புழு நீக்கும் மாத்திரை வழங்க சுகாதாரத்துறை முயற்சி மேற்கொண்டுள்ளது.
தேசிய குடற்புழு நீக்கம் தினம் கடந்த 2015ம் ஆண்டு முதல் நடைமுறை படுத்தப்பட்டு வருகிறது. இந்த ஆண்டு நாளை (10ம் தேதி) குடற்புழு நீக்கும் தினமாக அனுசரிக்கப்படுகிறது. மண்ணின் வழியாக பரவும் குடற்புழு தொற்றுக்களைத் தடுப்பதற்காக அல்பெண்டசோல் என்னும் மாத்திரைகளை உட்கொள்ள செய்து இந்நோயின் பாதிப்பினை தடுப்பதே இத்திட்டத்தின் பிரதான நோக்கமாகும்.இம்மாத்திரைகள் 1 முதல் 19 வயது வரை உள்ள அனைவருக்கும் ஆண், பெண் ஆகிய இருபாலர்களுக்கும் கொடுக்கப்பட்டு உட்கொள்ள செய்யப்படுகிறது. இதன் மூலம் இம்மாவட்டத்தில் 7 லட்சம் குழந்தைகள் பயன் பெறுவர். இந்த மாத்திரைகள் அனைத்து அரசு பள்ளி, உதவி பெறும் பள்ளிகள் மற்றும் அனைத்து தனியார் பள்ளிகள் மூலமாக வழங்கப்பட உள்ளது.மேலும் பள்ளி செல்லா குழந்தைகள், சிறுவர்களுக்கு அங்கன்வாடி மையங்கள் சுகாதார பணியாளர்கள் மூலம் வழங்கப்படும்.விடுபட்டவர்களுக்கு சிறப்பு முகாமாக வரும் 15ம் தேதிமாத்திரைகள் வழங்கப்படவுள்ளது. இம்மாத்திரைகள் அங்கன்வாடி மையங்கள் மூலமாகவும், 319 துணை சுகாதார நிலையங்கள், 1695 அரசு பள்ளிகள், உதவி பெறும் பள்ளிகள் மற்றும் 463 தனியார் பள்ளிகள் மூலமாக வழங்கப்பட ஏற்பாடுகள் செய்யப்பட்டுள்ளன.

இப்பணிகளில் சுகாதாரத்துறையுடன் மருத்துவத்துறை, ஒருங்கிணைந்த குழந்தைகள் வளர்ச்சி துறை, கல்வித்துறை மற்றும் தனியார் பள்ளி நிர்வாகம் ஆகியவை இணைந்து செயல்பட உள்ளன.

CPS NEWS:அரசு ஊழியர், ஆசிரியர் பணம் 15,000 கோடி என்ன ஆனது? RTI பதில்..