Subscribe Our YouTube channel

எங்கள் செய்திகளை உடனுக்குடன் தெரிந்துகொள்ள எங்களுடைய அப்ப்ளிகேஷனை கீழேயே உள்ள இமேஜை கிளிக் செய்து google playstore இல் டவுன்லோட் செய்து கொள்ளுங்கள் நன்றி...!!!

Monday, 20 February 2017

TNTET - 2017 :ஆசிரியர் தகுதித் தேர்வு குறித்து விரைவில் அறிவிப்பு வெளியாகும்: அமைச்சர் செங்கோட்டையன்

ஆசிரியர் தகுதித் தேர்வு குறித்து விரைவில் அறிவிப்பு வெளியாகும்என பள்ளிக்கல்வித் துறை அமைச்சர் செங்கோட்டையன் தெரிவித்துள்ளார். 
மேலும் பள்ளிக்கல்வி துறையில் சிறந்து விளங்க அரசு அனைத்து நடவடிக்கைகளையும் எடுக்கும் என்றும் அவர் தெரிவித்துள்ளார். தனியார் பள்ளிகளை விட அரசு பள்ளிகளை மேம்படுத்த நடவடிக்கை எடுக்கப்படும் எனவும் செங்கோட்டையன் தெரிவித்தார்.

அதிரடி அறிவிப்புகளை வெளியிட்டார் புதிய முதல்வர்.

முதல்வராக இன்று முறைப்படி பொறுப்பேற்றுக்கொண்ட எடப்பாடி பழனிச்சாமி ஜெயலலிதா நாற்காலியில் அமர்ந்து மகப்பேறு உதவி உயர்வு, ஸ்கூட்டி வாங்க மானியம் போன்ற 5 முக்கிய பைல்களில் கையெழுத்து போட்டுள்ளார்.
ஜெயலலிதா அமர்ந்த நாற்காலியில் அமர்ந்து பச்சை நிற பேனாவில் 5 முக்கிய கோப்புகளில் கையெழுத்து போட்டார்.

*முதல் கையெழுத்தாக உழைக்கும் மகளிருக்கு இரு சக்கர வாகனம் வாங்க 50 சதவிகிதம் மானியம் அளிக்கும் திட்டத்தில் கையெழுத்து போட்டார். இந்த திட்டத்திற்கு அம்மா இரு சக்கர வாகனத்திட்டம் என்று பெயர் வைக்கப்பட்டுள்ளதாக அறிவித்துள்ளார்.

*தொடர்ந்து மேலும் 500 மதுக்கடைகள் மூடல்,

*மகப்பேறு நிதியுதவித்திட்டம் 18000 ரூபாயாக உயர்வு,

*மீனவர்களுக்கு தனி வீடு கட்டும் திட்டம்,

*வேலை வாய்ப்பு அற்ற இளைஞர்களுக்கு உதவித்தொகை இரு மடங்காக உயர்வு

வேலை வாய்ப்பற்ற இளைஞர்களுக்கான உதவித்தொகை உயர்வு

10ஆம் வகுப்பு தேர்சி பெறாதோருக்கான உதவித்தொகை 100-200ஆக உயர்வு

12ஆம் வகுப்பு தேர்ச்சி பெறாதவர்களுக்கான உதவித்தொடிக 200 - 400ஆக அதிகரிப்பு

ஆகிய 5 பைல்களில் கையெழுத்து போட்டுள்ளார் முதல்வர் எடப்பாடி பழனிச்சாமி.

மார்ச்.13 முதல் சேமிப்புக்கணக்கில் கட்டுப்பாடு இன்றி பணம் எடுக்கலாம்: ரிசர்வ் வங்கி அறிவிப்பு.

வங்கி சேமிப்புக் கணக்கில் இருந்து இன்று முதல் வாரத்திற்கு 50 ஆயிரம் வரை பணம் எடுக்கலாம் என ரிசர்வ் வங்கி தெரிவித்துள்ளது.

கருப்பு பணம் ஒழிப்பு நடவடிக்கையாக உயர்மதிப்புடைய பழைய 500 மற்றும் ஆயிரம் ரூபாய் நோட்டுகளை செல்லாது என மத்திய அரசு அறிவித்தது. 
இதற்கு பதிலாக புதிய 500 மற்றும் 2 ஆயிரம் ரூபாய் நோட்டுகள் அச்சடிக்கப்பட்டு வெளியிடப்பட்டன.

ஆனால், தேவைக்கு ஏற்ப புதிய ரூபாய் நோட்டுகள் புழக்கத்திற்கு வராததாலும், சில்லறைத் தட்டுப்பாடு காரணமாகவும், ஏழை-எளிய மற்றும் நடுத்தர மக்கள் பல்வேறு இன்னல்களைச் சந்தித்து வந்தனர். தங்களுடைய வங்கி சேமிப்புக் கணக்கில் உள்ள பணம் எடுப்பதற்காக வங்கிகளிலும், ஏ.டி.எம்.களிலும் மக்கள் நீண்ட வரிசையில் காத்திருக்க வேண்டிய நிலைமை ஏற்பட்டது.

இந்நிலையில், இந்திய ரிசர்வ் வங்கி கடந்த 8-ஆம் தேதி, வாடிக்கையாளர்கள் தங்களது வங்கி சேமிப்புக் கணக்கில் பணம் எடுப்பதற்கான உச்சவரம்பை தளர்த்தி அறிவித்தது. அதன்படி, வங்கிகளில் சேமிப்பு கணக்கு வைத்திருப்பவர்கள் வாரத்துக்கு 24 ஆயிரம் மட்டுமே எடுக்க முடியும் என்ற கட்டுப்பாடு தளர்த்தியது.

இன்று முதல் சேமிப்பு கணக்கில் இருந்து வாரத்திற்கு 50 ஆயிரம் ரூபாய் வரை எடுக்கலாம் என்றும் தெரிவித்துள்ளது. மார்ச் 13-ஆம் தேதி முதல் சேமிப்புக்கணக்கில் கட்டுப்பாடு இன்றி பணம் எடுக்கலாம் என்றும் தெரிவிக்கப்பட்டுள்ளது.

இளைஞர்கள், மாணவர்களுக்கான உதவித்தொகை உயர்வு - எடப்பாடி பழனிச்சாமி

வேலை வாய்ப்பற்ற இளைஞர்களுக்கான மாதாந்திர உதவித்தொகையை தமிழக அரசு உயர்த்தி அறிவித்துள்ளது. 10, 12ஆம் வகுப்பு தோல்வியடைந்த மாணவர்களுக்கான உதவித்தொகையும் உயர்த்தப்பட்டுள்ளது.

சசிகலா தரப்பு முதல்வரான எடப்பாடி பழனிச்சாமி தலைமைச் செயலகத்தில் முதல்வர் ஜெயலலிதா அமர்ந்த இடத்தில் அமர்ந்து பொறுப்பேற்றுக் கொண்டார். இதைத்தொடர்ந்து 5 கோப்புகளில் முதல்வர் எடப்பாடி பழனிச்சாமி கையெழுத்திட்டார்.

பின்னர் செய்தியாளர்களிடம் பேசிய அவர் தான் கையெழுத்திட்ட கோப்புகள் குறித்து விளக்கினார். அதன்படி 10ஆம் வகுப்பு தேர்ச்சி பெற்ற மற்றும் தேர்ச்சி பெறாதவர்களுக்கான மாதந்திர உதவித்தொகை 100 ரூபாயிலிருந்து 200 ரூபாயாக அதிகரிக்கப்பட்டுள்ளது.
இதேபோல் 12ஆம் வகுப்பு தேர்ச்சி பெற்ற மற்றும் பெறாதவர்களுக்கு வழங்கப்படும் மாதாந்திர உதவித்தொகையும் உயர்த்தப்பட்டுள்ளது.

அதன்படி அவர்களுக்கான 200 ரூபாயிலிருந்து 400 ரூபாயாக அதிகரிக்கப்பட்டுள்ளது.
பட்டதாரிகளுக்கான உதவித்தொகையும் இருமடங்காக உயர்த்தப்பட்டுள்ளது. அதன்படி உதவித்தொகை 300 ரூபாயிலிருந்து 600 ரூபாயாக உயர்த்தப்பட்டுள்ளது. இதற்காக ஆண்டுக்கு 31 கோடி ரூபாய் செலவு செய்யப்படும் என்றும் அறிவிக்கப்பட்டுள்ளது.

மே 15ம் தேதிக்குள் உள்ளாட்சித் தேர்தல்: மாநில தேர்தல் ஆணையம் பதில்

தமிழகத்தில் வரும் மே 15ம் தேதிக்குள் உள்ளாட்சித் தேர்தல் நடத்தப்படும் என்று மாநில தேர்தல் ஆணையம் தெரிவித்துள்ளது.

உள்ளாட்சித் தேர்தல் ரத்து செய்யப்பட்டதை எதிர்த்து மாநில தேர்தல் ஆணையம் தொடர்ந்த வழக்கு விசாரணையில்,
மாநில தேர்தல் ஆணையம் சென்னை உயர் நீதிமன்றத்தில் இன்று பதில் அளித்தது.

அப்போது, வரும் மே 15ம் தேதிக்குள் தமிழகத்தில் உள்ளாட்சித் தேர்தல் நடத்தப்படும் என்று பதில் அளிக்கப்பட்டது.

ஆனால், உத்தேச தேதியை கூறாமல், உள்ளாட்சித் தேர்தல் நடைபெறும் சரியான தேர்தல் தேதியை அறிவிக்க வேண்டும் என்று நீதிபதி அறிவுறுத்தினார்.

முன்னதாக, உள்ளாட்சித் தேர்தல் தொடர்பான வழக்கு விசாரணையில் கடந்த வாரம், மாநில தேர்தல் ஆணையத்தை, சென்னை உயர் நீதிமன்றம் கடுமையாக கண்டித்திருந்தது குறிப்பிடத்தக்கது.

வழக்கின் பின்னணி: உள்ளாட்சித் தேர்தலில் பழங்குடியினருக்கு உரிய இட ஒதுக்கீடு வழங்கப்படவில்லை எனக் கூறி, அதுதொடர்பான அரசாணையை எதிர்த்து திமுக அமைப்பு செயலாளர் ஆர்.எஸ்.பாரதி உயர் நீதிமன்றத்தில் வழக்கு தொடர்ந்தார்.

இந்த மனுவை விசாரித்த நீதிபதி என்.கிருபாகரன், கடந்த ஆண்டு அக்டோபர் 17 மற்றும் 19 ஆகிய தேதிகளில் நடைபெறவிருந்த உள்ளாட்சி தேர்தலுக்கு தடை விதித்தும், புதிய அறிவிப்பாணை வெளியிட்டு டிசம்பர் 31 -க்குள் தேர்தலை நடத்தி முடிக்கவும் உத்தரவிட்டார்.

இந்த உத்தரவை எதிர்த்து மாநிலத் தேர்தல் ஆணையம் தாக்கல் செய்த மேல்முறையீட்டு மனு இன்று விசாரணைக்கு வந்தது.

வரும் கல்வி ஆண்டு முதல் பள்ளிகளில் விளையாட்டு கட்டாயமாகிறது.

வரும் கல்வி ஆண்டு முதல் பள்ளிகளில் விளையாட்டு கட்டாயமாக்கப்படுவதாக மத்திய விளையாட்டுதுறை இயக்ககம் தெரிவித்துள்ளது. இதற்கான கல்வித் திட்டம் வரும் கல்வி ஆண்டில் வெளியிடப்படும்
. இனி வரும் காலங்களில் விளையாட்டில்
எடுக்கப்படும் மதிப்பெண்களும் தேர்வின் போது கணக்கில் எடுக்கப்படும். இதுகுறித்து விளையாட்டுத் துறை செயலர் இன்ஜெட்டி சினிவாஸ் கூறுகையில் "இந்தத் திட்டம் அடுத்த கல்வி ஆண்டில் அமலுக்கு வரும். இது நம் கல்வி முறையில் பெரும் மாற்றத்தை கண்டிப்பாக கொண்டுவரும்`` என்றார்.

மார்ச் முதல் தபால் நிலையங்களில் பாஸ்போர்ட்டுக்கு விண்ணப்பிக்கலாம்!!

பாஸ்போர்ட் பெற மார்ச் மாதம் முதல் குறிப்பிட்ட தபால் நிலையங்களில் விண்ணப்பிக்கலாம் என்று அறிவிக்கப்பட்டுள்ளது. நாடு முழுவதும் 89 பாஸ்போர்ட் அலுவலகங்கள் செயல்பட்டு வருகின்றன. பாஸ்போர்ட்டுகள் பெறுவதற்கான நடைமுறைகளை எளிதாக்கும் வகையில் தபால் நிலையங்களில் பாஸ்போர்ட் பெற விண்ணப்பிக்கும் நடைமுறை மார்ச் 31ஆம் தேதிக்குள் தொடங்கப்படும் என்று வெளியுறவுத்துறை அமைச்சர்

சுஷ்மா சுவராஜ் தெரிவித்திருந்தார். இது முதற்கட்டமாக தமிழ்நாடு, மேற்குவங்கம், ராஜஸ்தான், கர்நாடகா மற்றும் ஜார்கண்டில் உள்ள சில தபால் நிலையங்களில் செயல்படுத்தப்படும் என்று அறிவிக்கப்பட்டுள்ளது. மார்ச் 15ஆம் தேதிக்குள் இந்த மாநிலங்களில் பணியை மேற்கொள்வதற்கான நடவடிக்கைகளை வெளியுறவுத்துறை தொடங்கியுள்ளது. தமிழகத்தில் சேலம், வேலூர் தபால் நிலையங்களில் பாஸ்போர்ட்டுகளுக்கு விண்ணப்பிக்கும் நடைமுறை தொடங்கவுள்ளது.

பணத்துக்காக ‘அபாயகரமான கழிவுகளை இந்தியாவில் கொட்ட அனுமதிப்பதா?’ மத்திய அரசுக்கு சுப்ரீம் கோர்ட்டு காட்டமான கேள்வி!!!

மக்களுக்கு ஏற்படுகிற பாதிப்புகளை பற்றி கவலைப்படாமல், பணம் கிடைக்கிறது என்பதற்காக வெளிநாடுகளின் அபாயகரமான கழிவுகளை இந்தியாவில் கொண்டு வந்து கொட்டுவதற்கு அனுமதிப்பதா? என மத்திய அரசுக்கு சுப்ரீம் கோர்ட்டு காட்டமான கேள்வி எழுப்பியது.

தொண்டு அமைப்பு வழக்கு
சுப்ரீம் கோர்ட்டில் அறிவியல் ஆராய்ச்சி அமைப்பு என்ற தன்னார்வ தொண்டு நிறுவனம், ஒரு பொது நல வழக்கு தொடுத்துள்ளது.

இந்த வழக்கில் வெளிநாடுகளின் அபாயகரமான கழிவுப்பொருட்களை, கழிவு நீரை இந்தியாவிற்கு கொண்டு வந்து, கொட்டுவதற்கு எதிர்ப்பு தெரிவிக்கப்பட்டுள்ளது.

விசாரணை
இந்த வழக்கு தலைமை நீதிபதி ஜே.எஸ். கேஹர், நீதிபதிகள் என்.வி.ரமணா, டி.ஒய். சந்திரசூட், எஸ்.கே. கவுல் ஆகியோர் அடங்கிய அமர்வின் முன்பாக விசாரணைக்கு வந்தது.

அப்போது வழக்குதாரர் தரப்பில் வக்கீல் சஞ்சய் பரேக் ஆஜராகி வாதிட்டார். அவர், ‘‘வெளிநாடுகளின் அபாயகரமான கழிவுகளையும், அசுத்தமான பொருட்களையும் இந்தியாவில் கொண்டு வந்து கொட்டுவதற்கு அதிகாரிகள் அனுமதி வழங்குகின்றனர். இதன் காரணமாக மக்களின் உடல்நலம் பாதிக்கப்படுகிறது’’ என வாதிட்டார்.

அத்துடன், ‘‘சுப்ரீம் கோர்ட்டு பலமுறை உத்தரவிட்டும்கூட, விதிகளும், நெறிமுறைகளும் பின்பற்றப்படுவதில்லை’’ என்றும் கூறினார்.

நீதிபதிகள் காட்டம்
அப்போது நீதிபதிகள் கூறியதாவது:–

இந்த பிரச்சினை முக்கியமான பிரச்சினை. நாட்டு மக்கள் பாதிப்புகளை எதிர்கொள்கின்றனர். எனவே விதிகளை அதிகாரிகள் புறந்தள்ளி விட முடியாது.

நீங்கள் (மத்திய அரசு) பிற நாடுகளின் கழிவுகளை இங்கு கொண்டு வந்து கொட்டுவதை அனுமதிக்கிறீர்கள். இதன்மூலம் நீங்கள் பணம் சம்பாதிக்கிறீர்கள்.

இந்த வழக்கை நாங்கள் விட்டு விட முடியாது. இது மிகவும் முக்கியமானது. நீங்கள் ஏதாவது செய்துதான் ஆக வேண்டும்’’ என கூறினர்.

அபாயகரமான கழிவுகளை வெளிநாட்டினர், இந்தியாவில் கொண்டு வந்து கொட்டுவதையும், அது தொடர்பான தற்போதைய பிரச்சினைகளையும் வழக்குதாரர் வக்கீல் விளக்கினார்.

கூடுதல் அவகாசம் கிடையாது
அதைத் தொடர்ந்து மத்திய அரசு விரிவான பிரமாண பத்திரம் தாக்கல் செய்யும்படி நீதிபதிகள் உத்தரவிட்டனர். இதற்கு மத்திய அரசின் சார்பில் கூடுதல் அவகாசம் கேட்டபோது, நீதிபதிகள் தர மறுத்து விட்டனர்.

அப்போது நீதிபதிகள், ‘‘நீங்கள் சுப்ரீம் கோர்ட்டு உத்தரவுகளை ஆராய்ந்து பாருங்கள். அதன்பின்னர் இப்போது என்ன நடந்து கொண்டிருக்கிறது என்பதையும் பாருங்கள். அதன்பிறகு விரிவான பிரமாண பத்திரத்துடன் வாருங்கள்’’ என கூறினர். வழக்கின் அடுத்த கட்ட விசாரணையை நீதிபதிகள் அடுத்த மாதம் 31–ந்தேதிக்கு ஒத்திவைத்தனர்.

இதற்கு முன்பாக 1989–ம் ஆண்டு அலாஸ்காவில் (அமெரிக்கா) இதுவரை இல்லாத அளவுக்கு மோசமான வகையில் எண்ணெய் படலம் ஏற்பட காரணமான வெளிநாட்டு கப்பல் ஒன்றை குஜராத்துக்கு கொண்டு வந்து நங்கூரம் பாய்ச்சி நிறுத்தி, உடைக்கப்படுவதற்கு அனுமதி வழங்க சுப்ரீம் கோர்ட்டு மறுத்து விட்டது.

இந்த வழக்குதாரரின் முறையீடுதான் அதற்கு காரணம் என்பது குறிப்பிடத்தக்கது.

தமிழக மாணவர்களே நீட் தேர்வு எழுதனுமா வேண்டாமா என்ற குழப்பத்தில் உள்ளீர்களா?


தமிழக மாணவர்கள் நீட் தேர்வு எழுதனுமா வேணடாமா என்ற குழப்பத்தில் உள்ளீர்களா குழப்பம் வேண்டாம். நீட் தேர்வு என்பது தேசிய தகுதி மற்றும் நுழைவுத் தேர்வாகும். இது மத்திய அரசால் நடத்தப்படும் ஒரு தேர்வாகும்.
நீட் தேர்வுப் பற்றிய பல தகவல்கள் வெளியான வண்ணமாக உள்ளன. இந்தத் தேர்வு மே 7ம் தேதி நடைபெறும் என மத்திய அரசால் 
அறிவிக்கப்பட்டுள்ளது. இதற்கு மார்ச் 1ம் தேதி வரை விண்ணப்பிக்கலாம் எனவும் தெரிவிக்கப்பட்டுள்ளது. இந்தத் தேர்வு சிபிஎஸ்இ பாடத்திட்டத்தினை அடிப்படையாகக் கொண்டதாகும். நீட் தேர்வு எம்.பி.பி.எஸ் மற்றும் பி.டி.எஸ், படிப்பதற்காக நடத்தப்படும் தேர்வாகும்.
உச்ச நீதி மன்ற ஆணையின்படி தனியார் கல்லூரிகள் உள்ள இட ஒதுக்கீடு மற்றும் நிகர்நிலைப் பல்கலைக்கழகங்களில் உள்ள இடங்களும் நீட் தேர்வு மூலம் கடந்த ஆண்டு (2016-17) நிரப்பப்பட்டுள்ளது. தமிழக அரசு அதிலிருந்து முற்றிலும் விலக்கு வேண்டும் எனவும் கலந்தாய்வு மூலம் மட்டுமே தமிழக மாணவர்கள் எம்.பி.பி.எஸ், மற்றும் பி.டி.எஸ், படிப்பிற்காக தேர்வு செய்யப்பட வேண்டும் எனவும் வலியுறுத்திக் கேட்டுக் கொண்டதால் கடந்ந வருடம் நீட் தேர்வில் இருந்து தமிழகத்திற்கு விலக்கு அளிக்கப்பட்டது.
மாநில அரசுக்கு 85% ஒதுக்கீடு
அரசுக் கல்லூரிகளில் மாநில அரசுக்கு என்று 85% இடம் ஒதுக்கப்படுகிறது. இந்த இடஒதுக்கீடு கலந்நதாய்வு மூலம் மட்டுமே நிரப்பப்படுகிறது. மேலும் தனியார் நிறுவனங்களில் மாநில அரசுக்கு என ஒதுக்கப்பட்ட இட ஒதுக்கீடும் கலந்தாய்வு மூலம் மட்டுமே நிரப்பப்படுகிறது. நீட் நுழைவுத் தேர்வு மூலம் அரசு கல்லூரிகளிலுள்ள தேசிய இடஒதுக்கீட்டிற்கான 15% இடம் நிரப்பப்படுகிறது. மற்றும் தனியார் கல்லூரிகளில் மாநில அரசுக்கான இட ஒதுக்கீடுத் தவிர மற்ற காலி இடங்கள் நீட் தேர்வு மூலம் நிரப்பப்படுகின்றன.
சிபிஎஸ்இ
நீட் தேர்வு சிபிஎஸ்இ பாடத்திட்டத்தினை அடிப்படையாகக் கொண்டது. அதனால் கிராமப்புற மாணவர்களும் நகர்ப்புறங்களில் சிபிஎஸ்இ அல்லாத பாடத்திட்டத்தில் பயிலும் மாணவர்களும் மிகவும் சிரமத்திற்குள்ளாவார்கள். என்பதை தமிழக அரசு கருத்தில் கொண்டு சட்டமன்றத்தில் சட்டமசோதாவை தாக்கல் செய்திருக்கிறது. ஆனால் அது நிறைவேற்றப்பட வேண்டும். பின்பு உச்ச நீதி மன்றத்திலிருந்து ஒப்புதல் வரவேண்டும். மாநில அரசு பாடத்திட்டம் மற்றும் மத்திய அரசு பாடத்திட்டம் என வேறுபட்ட பாடத் திட்டத்தின் அடிப்படையில் மாணவர்கள் கல்வி கற்று வரும் இந்நிலையில் நீட் தேர்வு தவிர்க்கப்பட வேண்டிய ஒன்றாகும். மாணவர்கள் 12ம் வகுப்பு பொதுத் தேர்வினை மேற்கொள்ள இருக்கும் இந்ந நேரத்தில் நீட் தேர்வு மேலும் ஒரு அழுத்தத்தை மாணவர்களுக்கு ஏற்படுத்தும்.
அனைவருக்கும் சமமான கல்வி
கல்வி என்பது அனைவருக்கும் சமமாக வழங்கப்பட வேண்டும். எளிதாக்கப்பட வேண்டும். கிராமப்புற மாணவர்களும் எந்தப் படிப்பில் வேண்டுமானாலும் சேர்ந்து படிக்கலாம் என்ற நிலை வரும் போதுதான் அது நாம் கல்வி அமைப்பில் பெறும் வெற்றி ஆகும். எனவே மாணவ மாணவியர்களே நீங்கள் எந்தக் குழப்பமும் இல்லாமல் தைரியமாக பொதுத் தேர்விற்கு தயாராகுங்கள். முதலில் பொதுத் தேர்வை மட்டும் பற்றி சிந்தியுங்கள் செயல்படுங்கள்.
ஜல்லிக்கட்டு சட்ட மசோதா பாணியில்
ஜல்லிக்கட்டிற்காக சட்டமசோதா நிறைவேற்றப்பட்டு உச்சநீதி மன்றத்தின் ஒப்புதல் பெறப்பட்டது போல் இதற்கும் தாக்கல் செய்யப்பட்ட சட்ட மசோதா நிறைவேற்றப்படும் மற்றும் உச்சநீதி மன்றத்தில் ஒப்புதல் பெறப்படும் என கிராமப்புற மாணவர்கள் நம்பிக் கொண்டிருக்கும் இந்த நம்பிக்கைக்குப் பாத்திரமாக தமிழக அரசு விரைந்து செயல் பட வேண்டும் மற்றும் சட்ட ஆலோசகர்களும் இதற்காக விரைந்து செயல்பட்டு கிராமப்புற மாணவர்களுக்கு மருத்துவப் படிப்புகளில் சேருவதற்கான வாய்ப்பினை ஏற்படுத்த வேண்டும்.

காற்றிலே பாயுது மின்சாரம் : புதிய சார்ஜர்!

இன்றைய காலகட்டத்தில் மக்களிடம் வயர்லெஸ் என்பது மிக அவசியமான ஒன்றாக மாறி இருக்கிறது. உதாரணமாக ப்ளுடூத் ஹெட்போன்களை எடுத்துக்கொண்டால் முன்பு வந்த மாடல்களை மாற்றம் செய்து வயரற்ற ஒன்றாக வெளியிட்டு மக்களிடம் நல்ல வரவேற்பினை பெற்றது. அதேபோல் நாம்

பயன்படுத்தும் டேட்டா பரிமாற்றம் கூட பல்வேறு தொழில்நுட்ப வளர்ச்சியைக் கண்டுள்ளது.

வைஃபை மூலம் நாம் தகவலை பகிர்ந்துகொள்ள முடியும் என்பதனால் கேபிள் பயன்பாடு குறைந்தது. இதன் நன்மை என்று கூறினால், ஓர் இடத்தில் எந்தவித வயர்களும் இல்லை என்றாலும் விரைவாகவும் எளிமையாகவும் தகவல் பரிமாற்றம்

செய்துகொள்ள முடிகிறது. அதனால்தான் வயர்கள் அற்ற தகவல் பரிமாற்றம் கண்டறியப்பட்டது. அதேபோல் வயர்கள் இல்லாமல் சார்ஜ் செய்யும் முறை சில மாடல் மொபைல்களில் சோதனை ஓட்டமாக இருந்து வருகிறது.

தற்போது அதற்கு எளிமையான ஒரு வழியை கண்டறிந்து வெளியிட்டுள்ளனர் ஆராய்ச்சியாளர்கள். அவர்கள் புதுமையான் கருவி ஒன்றினை வடிவமைத்து அதன் மூலம் ஒரு குறிப்பிட்ட இடத்துக்குள்ளாக இருக்கும் மின்னணு சாதனங்களை காந்த சக்தி மூலம் சார்ஜ் செய்யும் வசதியைக் கண்டறிந்துள்ளனர். அந்த கருவிகள் சோதனை செய்யப்பட்டு தற்போது அதன் பயன்பாடுகள் யூடியூப்பில் வெளியாகியுள்ளது.

‘டான்செட்’ விண்ணப்பிக்க இன்று கடைசி நாள்

எம்.இ., எம்.டெக்., எம்.ஆர்க்., எம்.பிளான்., எம்.பி.ஏ., எம்.சி.ஏ., போன்ற முதுநிலை படிப்புகளை அரசு ஒதுக்கீட்டில், தமிழக கல்லூரிகளில் படிக்க விரும்புகிறீர்களா? 
‘ஆம்’ எனில் நீங்கள் கட்டாயம் எழுத வேண்டிய தேர்வு, அண்ணா பல்கலைக்கழகம் நடத்தும் ‘டான்செட்’!தமிழக அரசின் சார்பில் அண்ணா பல்கலைக்கழகம் நடத்தும்,இந்த தமிழ்நாடு பொது நுழைவுத் தேர்வில் பெறும் மதிப்பெண்கள் அடிப்படையிலேயே, பல்கலைக்கழக துறைகள், பல்கலைக்கழக பொறியியல் கல்லூரிகள், அண்ணா பல்கலைக்கழகமண்டல வளாகங்கள், அரசு மற்றும் அரசு உதவிபெறும் பொறியியல் கல்லூரிகள், கலை மற்றும் அறிவியல் கல்லூரிகள், சுயநிதி கல்லூரிகள் மற்றும் சில நிகர்நிலை பல்கலைக்கழகங்கள் ஆகியவை முதுநிலை படிப்புகளுக்கான மாணவர் சேர்க்கையை நடத்துகின்றன.

தகுதிகள்

எம்.பி.ஏ., படிப்பிற்கு, அங்கீகரிக்கப்பட்ட பல்கலை அல்லது கல்லூரிகளில் ஏதேனும் ஒரு இளநிலை பட்டப்படிப்பில் 50 சதவீத மதிப்பெண்களுடன் தேர்ச்சி பெற்றிருக்க வேண்டும். எம்.சி.ஏ., படிப்பிற்கு கணிதப் பாடத்துடன் கூடிய இளநிலை பட்டப்படிப்பில் 50 சதவீத மதிப்பெண்களுடன் தேர்ச்சி பெற்றிருக்க வேண்டும்.எம்.இ., எம்.டெக்., உள்ளிட்ட படிப்புகளுக்கு பொறியியல் அல்லது தொழில்நுட்பப் பாடத்தில் குறைந்தபட்சம் 50 சதவீத மதிப்பெண்களுடன் இளநிலை பட்டம் பெற்றிருக்க வேண்டும். இடஒதுக்கீட்டுப் பிரிவினர் 45 சதவீத மதிப்பெண்கள் பெற்றிருந்தால் போதுமானது. தற்போது கல்லூரிகளில் இறுதி ஆண்டு படித்துக்கொண்டிருக்கும் மாணவர்களும் இத்தேர்வுக்கு விண்ணப்பிக்கலாம்.

தேர்வு

எம்.இ., எம்.டெக்., எம்.ஆர்க்., எம்.பிளான்., ஆகிய படிப்புகளுக்கு ஒரு தேர்வு, எம்.பி.ஏ., மற்றும் எம்.சி.ஏ., படிப்புகளுக்கு தனித்தனி தேர்வு என மொத்தம் மூன்று தேர்வுகள் நடத்தப்படுகின்றன.எம்.பி.ஏ., படிப்பிற்கான தேர்வில் கணிதம், வர்த்தகம் மற்றும் ஆங்கில மொழித்திறன் ஆகிய திறன்கள் பரிசோதிக்கப்படும். எம்.சி.ஏ.,படிப்பிற்கான தேர்வில், குவாண்டிடேட்டிவ் ஏபிலிட்டி, அனாலிடிக்கல் ரீசனிங், லாஜிக்கல் ரீசனிங், கம்ப்யூட்டர் அவார்னஸ் ஆகிய திறன்கள் பரிசோதிக்கப்படும்.எம்.இ., எம்.டெக்., எம்.ஆர்க்., எம்.பிளான்., ஆகிய படிப்புகளுக்கான தேர்வில், இன்ஜினியரிங் மேத்மேடிக்ஸ், பேசிக் இன்ஜினியரிங் அண்ட் சயின்ஸ் மற்றும் துறைக்கு ஏற்ற பகுதிகளில் இருந்து கேள்விகள் கேட்கப்படும். தவறான பதில்களுக்கு, 1/3 என்ற வீதத்தில் மதிப்பெண் பிடிக்கப்படும்.

தேர்வு நாட்கள்:எம்.சி.ஏ., - மார்ச் 25 (காலை)எம்.பி.ஏ., - மார்ச் 25 (மதியம்)எம்.இ., எம்.டெக்., எம்.ஆர்க்., மற்றும் எம்.பிளான்., - மார்ச் 26

பிளஸ் 2 தேர்வுக்கான 'கவுன்டவுன்' ஆரம்பம்

தமிழகத்தில், பிளஸ் 2 தேர்வு துவங்க, 10 நாட்களே உள்ளதால், மாணவர்கள் யாரும் விடுபடாமல், 'ஹால் டிக்கெட்' வழங்க உத்தரவிடப்பட்டுள்ளது.தமிழகத்தில், பிளஸ் 2 பொதுத்தேர்வு, மார்ச், 2ல், துவங்குகிறது. 
மாநிலம் முழுவதும், 6,600 பள்ளிகளை சேர்ந்த, 12 லட்சத்துக்கும் மேற்பட்ட மாணவ, மாணவியர் தேர்வில் பங்கேற்கின்றனர்; 2,500 தேர்வு மையங்கள் அமைக்கப்பட்டுள்ளன. மாணவர்களுக்கான, 'ஹால் டிக்கெட்' தேர்வுத்துறை இணையதளத்தில், பதிவேற்றம் செய்யப்பட்டுள்ளது.

'மாணவர்கள் யாரும் விடுபடாமல், ஹால் டிக்கெட்டை பதிவிறக்கம் செய்து கொடுத்து, தேர்வில் பங்கேற்கச் செய்ய வேண்டும்' என, தலைமை ஆசிரியர்கள் அறிவுறுத்தப்பட்டுள்ளனர். தனியார் பள்ளிகளும், பெற்றோரை அழைத்து கூட்டம் நடத்தி, 'பிள்ளைகளை தேவையின்றி, மன அழுத்தத்திற்கு ஆளாக்க கூடாது. தேர்வில் வெற்றி பெற தன்னம்பிக்கை அளிக்க வேண்டும்' என, ஆலோசனை வழங்கிஉள்ளன.

TNPSC - 'குரூப் - 1' தேர்வு: 2 லட்சம் பேர் பங்கேற்பு

அரசு துறைகளில் காலியாக உள்ள, 85 இடங்களை நிரப்புவதற்கான, 'குரூப் - 1' தேர்வு நேற்று நடைபெற்றது. இதில், இரண்டு லட்சம் பேர் பங்கேற்றனர்.
தமிழகத்தில், துணை கலெக்டர் - 29, டி.எஸ்.பி., - 34, வணிகவரித்துறை கமிஷனர் - 8, மாவட்ட பதிவாளர் - ௧, மாவட்ட வேலைவாய்ப்பு அதிகாரி - ௫, தீயணைப்பு துறை மாவட்ட அதிகாரி - எட்டு என, 'குரூப் - 1' நிலையில், 85 இடங்கள் காலியாக உள்ளன. இந்த இடங்களை நிரப்புவதற்கான, 'குரூப் -1' முதல் நிலை தகுதி தேர்வை, தமிழ்நாடு அரசு பணியாளர்தேர்வாணையமான, டி.என்.பி.எஸ்.சி., அறிவித்தது. மொத்தம், 2.17 லட்சம் பேர் விண்ணப்பித்தனர். சென்னையில், 146 உட்பட, தமிழகம் முழுவதும், 749 தேர்வு மையங்களில், இந்த முதல் நிலை தேர்வு நேற்று நடைபெற்றது. இதில், 90 ஆயிரம் பெண்கள் உட்பட, இரண்டு லட்சம் பேர் பங்கேற்றனர்; சென்னையில் மட்டும், 40 ஆயிரம் பேர் தேர்வு எழுதினர். தேர்வு அறைகளில், சி.சி.டி.வி., என்ற கண்காணிப்பு கேமரா மூலம், தேர்வர்கள் கண்காணிக்கப்பட்டனர். டி.என்.பி.எஸ்.சி., தலைவர் அருள்மொழி, தேர்வு கட்டுப்பாட்டு அதிகாரி ஷோபனா ஆகியோர், சென்னையிலுள்ள தேர்வு மையங்களை ஆய்வு செய்தனர்.