Subscribe Our YouTube channel

எங்கள் செய்திகளை உடனுக்குடன் தெரிந்துகொள்ள எங்களுடைய அப்ப்ளிகேஷனை கீழேயே உள்ள இமேஜை கிளிக் செய்து google playstore இல் டவுன்லோட் செய்து கொள்ளுங்கள் நன்றி...!!!

Wednesday, 8 March 2017

DEE - தொடக்கக் கல்வித்துறையில் ஆகஸ்ட் 2016 பொது மாறுதல் மற்றும் பதவி உயர்வு கலந்தாய்வுக்கு பிறகு ஓய்வு மற்றும் இறப்பு காரணமாக காலியாக உள்ள (01/01/2016 முன்னுரிமை பட்டியலின் அடிப்படையில்)தொடக்கப்பள்ளி மற்றும் நடுநிலைப் பள்ளிதலைமையாசிரியர் பணியிடங்களை நிரப்பவும்பதவி உயர்வுக்கு பின் ஏற்படும் பட்டதாரி ஆசிரியர்கள் மற்றும் தொடக்கப்பள்ளி தலைமையாசிரியர் பணியிடங்களையும்ஒளிவு மறைவின்றி நிரப்பிடவும் தொடக்கக்கல்வித் துறை இயக்குனர் அவர்கள் உத்தரவு.

SLAS | 2016 - DISTRICT WISE PERCENTAGE COMPARISON REPORT...

SBI ஊழியர்கள் இனி ‘வீட்டில் இருந்தே வேலை’ செய்யலாம்..!

இந்தியாவின் மிகப் பெரிய பொதுத் துறை வங்கியான ஸ்டேட் பாங்க் ஆப் இந்தியா தங்களது ஊழியர்களுக்கு வீட்டில் இருந்தபடியே வேலை செய்யும் புதிய வசதியை அறிமுகப்படுத்தியுள்ளது.

ஸ்டேட் பாங்க் ஆப் இந்தியா நிர்வாகிகள் வாரியம் ஊழியர்கள் அவசரக் காலங்களில் வீட்டில் இருந்தபடியே மொபைல் சாதனங்கள் மூலம் மேல் அதிகாரிகளுக்குத் தெரிவித்துவிட்டு பயண நேரத்தைக் குறைத்துக்கொண்டு வேலை செய்வதற்கான திட்டத்திற்கு ஒப்புதல் அளித்துள்ளது.

தொழில்நுட்பங்கள்
இதற்காக மொபைல் கம்ப்யூட்டிங் தொழில்நுட்பங்கள் பயன்படுத்தி ஊழியர்கள் பாதுகாப்பாகத் தரவு திருடு போகாமல் வீட்டில் இருந்த படியே பணி புரிவதற்கான சாதனங்கள் மற்றும் செயலிகளை உருவாக்கும் பணியில் வங்கி ஈடுபட்டு வருவதாக அறிக்கையில் குறிப்பிடப்பட்டுள்ளது.

மேலாண்மை தகவல் அமைப்பு
ஊழியர்கள் வீட்டில் இருந்து பணி புரியும் போது கவனமாகக் கையாளக்கூடிய மேலாண்மை தகவல் அமைப்பு மற்றும் கட்டுப்பாட்டு அறை போன்றவற்றை மேம்பாடுகள் மற்றும் சீரமைப்புகளுடன் செயல்படுத்தும் தொழில்நுட்பங்கள் மற்றும் சேவையைப் பயன்படுத்திக் கண்காணிக்க இருக்கின்றது.

எந்த ஊழியர்கள் எல்லாம் வீட்டில் இருந்தே வேலை செய்ய முடியும்
வீட்டில் இருந்தே வேலை பார்க்கும் முறையில் மார்க்கெட்டிங், வாடிக்கையாளர் தொடர்பு மேலாண்மை, சமூக ஊடக மேலாண்மை, தீர்வு மற்றும் நல்லிணக்கம், புகார்கள் மேலாண்மை பயன்பாடுகள் போன்ற பணிகள் மட்டும் வழங்கப்படும் என்று இதனால் பணியாளர் உற்பத்தி பல மடங்கு அதிகரிக்கும் என்று எஸ்பிஐ கூறுகின்றது.

எஸ்பிஐ துணை வங்கிகள்
எஸ்பிஐ துணை வங்கிகள் இணையும் நிலையில் ஊழியர்களின் அதிகரிப்பால் இடப்பற்றாக்குறை ஏற்பாடும் நிலை உருவாகி உள்ளதால் இது போன்ற வீட்டில் இருந்த படியே வேலை பார்க்கும் முறையை எஸ்பிஐ அறிமுகப்படுத்துவதாகவும் மூத்த வங்கி அதிகாரிகள் கூறுகின்றனர்.

அங்கன்வாடி தொழிலாளர்களுக்கும் விரைவில் வருங்கால வைப்பு நிதி

தொழிலாளர் நல அரசு காப்பீட்டுக் கழகம் (ஈஎஸ்ஐசி), இந்தியத் தொழிலாளர் வருங்கால வைப்பு நிதி (ஈபிஎஃப்ஓ) ஆகிய திட்டங்களின் பலன்கள் அங்கன்வாடி தொழிலாளர்களுக்கும் இனி கிடைக்க வழிவகை செய்யப்படும் என்று மத்திய தொழிலாளர் நலத் துறை அமைச்சர் பண்டாரு தத்தாத்ரேயா தெரிவித்தார்.

இதுகுறித்து தெலங்கானா மாநிலம், ஹைதராபாதில் அவர் செவ்வாய்க்கிழமை கூறியதாவது:
அங்கன்வாடி ஊழியர்களுக்கும், அங்கீரிக்கப்பட்ட சமூக சுகாதார ஆர்வலர்களுக்கும் (ஏஎஸ்ஹெச்ஏ) ஈஎஸ்ஐசி, ஈபிஎஃப்ஓ ஆகிய திட்டங்களின் பலன்கள் கிடைக்க வழிவகை செய்யப்படும். இந்த 2 பிரிவு தொழிலாளர்களில் 90 சதவீதம் பேர் பெண்கள். இந்த இரண்டு திட்டங்களின் பலன்களும் தங்களுக்கு கிடைக்க வேண்டும் என்று அங்கான்வாடி தொழிலாளர்கள் பல ஆண்டுகளாக கோரிக்கை விடுத்து வந்தனர்.
அவர்கள் தனியார் நிறுவனத்துக்காக பணியாற்றவில்லை. அரசுக்காகவே பணியாற்றி வருகின்றனர்.
எனவே, அவர்களின் கோரிக்கையை நிறைவேற்றி வைப்பற்காக பெண்கள்-குழந்தைகள் நலத் துறை அமைச்சகம், தொழிலாளர், சுகாதாரத் துறை அமைச்சகம், மத்திய மனித வள மேம்பாட்டுத் துறை அமைச்சகம் ஆகியவற்றின் பிரதிநிதிகள் கொண்ட குழு அமைக்கப்பட்டுள்ளது.

அங்கன்வாடி தொழிலாளர்களுக்கு இந்தத் திட்டங்களின் பலன்களை அளிப்பதற்கு மத்திய நிதி அமைச்சகமும் ஒப்புக்கொண்டுள்ளது. பெண்களின் முன்னேற்றத்துக்காக பாஜக தலைமையிலான தேசிய ஜனநாயகக் கூட்டணி அரசு பல்வேறு நடவடிக்கைகளை மேற்கொண்டு வருகிறது என்றார் தத்தாத்ரேயா.

உலக மகளிர்தினக் கவிதை (மார்ச் 8 மகளிர் தினம்)

தோழி
உன்னைத் தொட்டிலிலே போட்டுத்
தாலாட்டுப் பாடி தூக்கத்திலே
வைக்கும் புலன் கெட்ட மாந்தர் மத்தியில்
உன் விழிப்பு அவசியமானதொன்றே !

பெண்ணென்பார் ... பாவியர் அவரே உன்னைப்
பேதையென்றும் பழிப்பார்

பூவென்பார் பெண்ணே பின்னர்
பூவுக்குள் புகுந்த நாகம் என்றும்
புண்ணாக்கும் வகையில் பேசிடுவார்

தாயாகச், சேயாக, தங்கையாக, தாரமாக‌
தரைமீது பொறுமை மிக்க பூவையாக‌
பெண்ணே நீ படைக்கும் பாத்திரங்கள்
பாரினில் பரிசுத்தம் ஆனவை

அன்றொரு நாள் முப்பாட்டன் பாரதி
அடுக்களையில் பால்காய்ச்ச முடியாமல்
அண்ணந்து படுத்தபடியே சிந்தித்தான்
அருமையான் பெண்களின் அற்புத சேவைகளை
விடிந்ததும், வானம் வெளுத்ததும்
பிறந்தது அவ்னது பெண்ணடிமை ஒழிக்கும்
பொன்னான கவிதைகள்

சிங்கார வனிதையரின் கால்களில்
சமுதாய வரம்புகள் எனும்
சிறைபிடிக்கும் விலங்குகளை பிணைத்து
சிறுமதிபடைத்தோரே ஏன் கேட்கிறீர் உமக்கோர் விடிதலி ?
சீறினான் எமது சிங்கக் கவிஞன் பாரதி

பாரெங்கும் புகழ் பறக்க எம் தமிழ்ப் பெண்களே !
தேரோடி படைத்திடுவீர் புதுச் சாதனைகள்
பெண்புத்தி பின்புத்தி என்றெல்லாம்
பொய்வார்த்தை சொல்லி உமை ஏய்த்திடும்
புல்லுருவிக் கூட்டத்தின்
முகத்திரையைக் கிழித்திடுவீர்

அரைகுறை ஆடையணிந்து
அவமானச் சின்னங்களாய்
ஆடித் திரியும் சில பெண்களால்
எம் பாரதி சொன்ன புதுமைப் பெண்களின்
எழுச்சியைத் தடுத்து விட முடியாது
எனும் உண்மையை சமுதாய வரம்புகளின்
நியாயமான வரையறையை வகுத்து
முன்னேறி நிரூபிக்கும் திறமை ! தோழியரே,
சோதரியரே உங்கள் கைகளில் தான் உள்ளது
உங்களால் முடியும் ............

படையுங்கள் புது இலக்கியங்களை ......
நிகழ்த்துங்கள் புதிய கண்டு பிடிப்புகளை ........
வாழுங்கள் விஞ்ஞானத் தாய்களாய் .......
வளருங்கள் புதியதோர் எழுச்சி மிக்க‌
தமிழர் சமுதாயத்தை ........

ஆம் நீங்கள் விழித்துக் கொண்டு விட்டீர்கள்
இனி உங்களைத் தூங்க வைக்க முடியாது.

ஆசிரியர் தகுதி தேர்வு காரணமாக 3 தேர்வுகளின் தேதி மாற்றம் : TNPSC

ஆசிரியர் தகுதி தேர்வு காரணமாக 3 தேர்வுகளின் தேதியைமாற்றம் செய்து டிஎன்பிஎஸ்சி அறிவித்துள்ளது விடுதி கண்காணிப்பாளர்  மற்றும் உடற்பயிற்சி   அலுவலர்  பணிக்கான  தேர்வுமே 20ம் தேதிக்கு மாற்றியும், செயல் அலுவலர் நிலை - 3 தேர்வு ஜூன்10ம் தேதிக்கும்,செயல் அலுவலர் நிலை - 8க்கான தேர்வு ஜூன் 11ம் தேதிக்கும் மாற்றிடிஎன்பிஎஸ்சி தெரிவித்துள்ளது.

TRB B.T.ASST RECRUITMENT 2017 |ஆசிரியர் தேர்வு வாரியம் மூலம் பள்ளிக் கல்வி துறையில் 1111 பட்டதாரி ஆசிரியர்கள் உடனடி நியமனம்.

TRB B.T.ASST RECRUITMENT 2017 |ஆசிரியர் தேர்வு வாரியம் மூலம் பள்ளிக் கல்வி துறையில் 1111 பட்டதாரி ஆசிரியர்கள் உடனடி நியமனம்.
 
2012, 2013 மற்றும் சிறப்பு ஆசிரியர் தகுதித்தேர்வு 2014ல் நடைபெற்ற தேர்வுகளில் தேர்ச்சிபெற்று தகுதிபெற்றுள்ள நாடுநர்களைக் கொண்டு நிரப்பப்படவுள்ளன. இதற்கான பட்டியல் 10.03.2017 அன்று வெளியிடப்படவுள்ளது. விரிவான விவரங்கள்... ஆசிரியர் தேர்வு வாரியம் மூலம் பள்ளிக் கல்வி துறையில் 286 பட்டதாரி ஆசிரியர்கள், பின்னடைவுப் பணியிடங்கள் 623 மற்றும் அனைவருக்கும் இடைநிலைக் கல்வித் திட்டத்தின்கீழ் 202 பட்டதாரி ஆசிரியர் & (IEDSS) பணியிடங்கள் ஆசிரியர் தகுதித்தேர்வு 2012, 2013 மற்றும் சிறப்பு ஆசிரியர் தகுதித்தேர்வு 2014ல் நடைபெற்ற தேர்வுகளில் தேர்ச்சிபெற்று தகுதிபெற்றுள்ள நாடுநர்களைக் கொண்டு நிரப்பப்படவுள்ளன. இந்நிலையில் (i) ஏற்கனவே ஆசிரியர் தகுதித்தேர்வில் தேர்ச்சி பெற்றவர்களில் தற்போது கூடுதலாக வேறு இளங்கலை பட்டம் பெற்றவர்கள் (ii) ஏற்கனவே தேர்ச்சி பெற்று சான்றிதழ் சரிபார்ப்புக்கு வருகை தராதவர்கள் (iii) பி.எட்., பயின்ற ஆண்டே ஆசிரியர் தகுதித்தேர்வு எழுதி அந்த கல்வியாண்டே பி.எட்., தேர்ச்சி பெற்றவர்கள் மற்றும் (vi) சான்றிதழ் சரிபார்ப்பின்போது பணித்தெரிவுக்கு உரிய தகுதி பெறாமல் தற்போது தகுதிபெற்றவர்கள் ஆகியோர்கள், மீளவும் வாய்ப்பு வழங்கவேண்டி விண்ணப்பித்துள்ளார்கள். எனவே, ஆசிரியர் தகுதித்தேர்வு 2012, 2013 மற்றும் சிறப்பு ஆசிரியர் தகுதித்தேர்வு 2014ல் (தாள்- II ல்) தேர்ச்சி பெற்றவர்களின் தகுதிப்பட்டியல் (Merit List) ஆசிரியர் தேர்வு வாரிய இணையதளத்தில் (www.trb.tn.nic.in.) 10.03.2017 அன்று வெளியிடப்படவுள்ளது. நாடுநர்கள் மேற்கண்ட விவரங்களை இணையதள வழிமூலம் (online)சரிபார்த்துக் கொள்ளலாம். ஆசிரியர் தகுதித்தேர்வு தாள்- II பதிவு எண் மற்றும் பிறந்த நாள் விவரம் பதிந்து விவரங்கள் அறியலாம். பதிவெண் நினைவில் கொள்ளாதவர்கள் பெயர் மற்றும் பிறந்த நாள் விவரம் பதிந்து விவரங்கள் அறியலாம். மேற்கண்ட நாடுநர்கள் தங்களின் விவரங்களை ஆசிரியர் தேர்வு வாரிய இணையதளம் மூலம் சரிபார்த்துக்கொள்ளுமாறு தெரிவிக்கப்படுகிறது. நாடுநர்கள் (Candidates) தங்களின் ஒருசில விவரங்களை திருத்தம் மேம்படுத்தவேண்டும் எனில் online -லேயே மேற்கொள்ளலாம். நாடுநர்கள் தங்களின் அசல் ஆவணங்களைக்கொண்டு விவரங்களை மீள சரிபார்த்து புகைப்படம் மற்றும் கையொப்பமிட்டு உறுதிச் சான்றினை தரவேண்டும். மேற்கண்ட விவரங்களை 10.03.2017 காலை 10.00 மணி முதல் 20.03.2017 இரவு 10.00 மணிவரை இணையதளத்தில் சரிபார்த்து, திருத்தம் தேவை எனில் டிடேiநே-ல் மேற்கொள்ளலாம். இணையதளம் மூலமாகவே திருத்தம் மேற்கொள்ளப்படவேண்டும். நேரடியாகவோ, எழுத்து மூலமாகவோ பெறப்படும் விண்ணப்பங்கள் ஏற்றுக்கொள்ளப்படமாட்டாது. எக்காரணம் கொண்டும் மீளவும் இதுபோன்று வாய்ப்புகள் வழங்கப்படமாட்டாது. கால நீட்டிப்பும் செய்யப்படமாட்டாது. மேற்கண்டவாறு சரிபார்க்கப்பட்ட விவரங்களைக்கொண்டு இறுதி தகுதிப்பட்டியல் (Final Merit List) தயார் செய்யப்படும். மேற்கண்ட இறுதி தகுதிப்பட்டியல் கொண்டுதான் தொடர் நடவடிக்கை மேற்கொள்ளப்படும் என்பதை தெரிவிக்கலாகிறது. தகவல் : தலைவர், ஆசிரியர் தேர்வு வாரியம், சென்னை-6

TET எழுதுவோர் கவனத்திற்கு துறை அனுமதி கண்டிப்பாக பெற வேண்டும். மாதிரி விண்ணப்பம்

இடைநிலை ஆசிரியர்கள்TET எழுதுவோர் கவனத்திற்கு...இடைநிலை ஆசிரியர்கள்TET எழுதுவோர் கவனத்திற்கு

துறை அனுமதி கண்டிப்பாக பெற வேண்டும்.
மாதிரி விண்ணப்பம்

அனுப்புநர்:
...............................
ஊ.ஒ.தொ/நடுநிலை பள்ளி,
..............................,

பெறுநர்:

மாவட்ட தொடக்கக் கல்வி அலுவலர் அவர்கள்,
மாவட்ட தொடக்கக் கல்வி அலுவலகம்,

வழி:

1)உ.தொ.க.அலுவலர் அவர்கள்,

2)தலைமை ஆசிரியர்
...,.,.......................
ஐயா,
பொருள் (தகுதி தேர்வு எழுத துறை அனுமதி வேண்டுதல் சார்பு)
நான் மேற்கண்ட பள்ளியில் இடைநிலை ஆசிரியராக பணிபுரிந்து வருகிறேன். நான் ஏப்ரல் 2017ல் நடைபெறும் பட்டதாரிக்கான ஆசிரியர் தகுதித் தேர்வெழுத (தாள்-2) விண்ணப்பித்து உள்ளேன்.அதனால் எனக்கு ஆசிரியர் தகுதித் தேர்வெழுத துறை அனுமதி வழங்குமாறு பணிவுடன் கேட்டுக்கொள்கிறேன்.
                                                                                                                             இப்படிக்கு,
                                                                                                                                  ......................
இடம்:
நாள்:

இணைப்பு.
1)ஆசிரியர் தகுதித் தேர்வு விண்ணப்பம் நகல்-2
2)உயர்கல்வி Convocation சான்றிதழ் நகல்-2.
3)பணிநியமன ஆணை நகல்
(DEEO, AEEO, பள்ளி சேர்க்கை அறிக்கை
மூன்றும் இணைக்க வேண்டும்.
உயர் கல்வி பயில முன்னனுமதி வாங்கியிருந்தால் அதன் நகலையும் இணைக்க வேண்டும்)
*முக்கிய குறிப்பு*
Covering letter இரண்டு எழுத வேண்டும்